ئەڤرۆ نیۆز، قائید میرۆ:
شرۆڤەکارەکێ سیاسی وەسا دبینیت گەفێن ھندەک بەرپرسێن ئێکەتیێ ل پەیدابوونا مەترسیێن دو ئیدارەیێ ل ھەرێما کوردستانێ تنێ گەفن بۆ ھندێ پۆستێن زۆر وەربگرن و دبێژیت، مە ھەمیان دیت دەمێ ئێکەتیێ ئیدارە ھەی نەشیان برێڤە ببەن.
عەبدولسەلام بەرواری، شرۆڤەکارێ سیاسی بۆ ئەڤرۆ نیۆز دیارکر” ھەموو گڤاشتنێن ئێکەتیێ یێن نوکە دکەت بۆ ھندێ یە زۆرترین پۆستێن حوکمەتێ ببەت، تەنھا یا ئێکەتی دکەت مەرم ژێ رێککەفتن نینە، بەلکۆ ھەموو گڤاشتنن بۆ سەر پارتی دیموکراتی کوردستان، بەحسکرنا دو ئیدارەیێ ژلایێ ھژمارەکا بەرپرسێن ئێکەتیێ جھێ باوەریێ نینە، چونکە ئێکەتی یا ناخوازیت دانپێدانێ ب ڤی واقعی بکەت یێ پشتی سالا ٢٠٠٩ێ پەیدابووی ھژمارا کۆرسی و دەنگدەرێن ئێکەتیێ کێمبووینە و ئێکەتیا بەرێ نەمایە، لەوڕاژی یا پەنایێ بۆ لۆژیکا ئەم خوەدان عەسکەر و ھێزین دبەت.
بەرواری ئاماژەکر” ئەز ب باوەرم تنێ ئێکەتی بخوە ل چێبوونا دو ئیدارەیێ دترسیت، مە دیت سەردەمێ ھەرێما کوردستانێ دو ئیدارە سەرنەکەفتنا ئێکەتیێ د ئیدارەیا سلێمانیێ دا رەنگڤەدان ھەبوون لسەر ئێکەتی نیشتیمانی و شکەستن ئینا، بەراوردکرنا سالێن دو ئیدارەیێ دناڤبەرا ئیدارەیا پارتی و ئێکەتیێ ئەڤە خویا بوو رەوشا خرابا سلێمانیێ وەساکر بزاڤا گۆڕان دناڤا ھناڤێن ئێکەتیێ دا دەرکەڤیت، ئەو بخوە ژی ڤێ راستیێ باش دزانن رەوشا وانا یا وەسا نینە کو بشێن نموونەکا باشتر خەلکەکی بکەن.
عەبدولسەلام بەرواری گۆت” دەمێ خوە مام جەلال ھەبوو ئێکەتی ژی یا بھێز بوو، بەلێ رەوشا خزمەتگوزاریان ل سلێمانیێ دیار بوو چاوا بوو، باشترین شیرەت بۆ برادەرێن ئێکەتیێ ئەڤە د کۆمبوونێن داھاتی ب ئاشکرا بێژن مە فلان پۆست دڤێن و بەسە، نەچن پەنایێ بۆ گەفێن رێککەفتنا گشتی و ئیدارەیی ببەن.
نيشاندان
