ئهڤرۆ نیوز:
ل دووڤ راگههاندنهكا مالپهرێ فهرمی یێ پهرلهمانێ عیراقێ، شاندهكێ پارتی دیمۆكراتی كوردستان ب سهرۆكاتیا د. ئومێد سهباح و هژمارهكا پهرلهمانتاران ل گهل د. محهمهد حهلبووسی سهرۆكێ پهرلهمانێ عیراقێ كۆم بوون.
د كۆمبوونێ دا، بهحس ل ههڤكاریا د ناڤبهرا ههولێر و بهغدا دا كر و دوپاتی ل پڕكرنا پۆستێن وهزارهتێن ماین كر كو ب رێیا دانوستاندنان كر، داكو حوكمهتهكا ب هێز یا پێكهاتی ژ ههموو ئالیێن سیاسی دروست ببیت و بهرنامێ خوه بۆ خزمهتكرنا وهلاتی بجه بینیت.
ئهڤرۆ نيوز:
ئهڤرۆ رۆژا چارشهمبى مووچێ ههيڤا چريا ئێكێ 11 يێ سالا بۆرى يێ يهكێن 70 و 80ێ دێ هێته بهلاڤكرن، پشتى دوهى مووچێ ديوانا وهزارهتا پێشمهرگهى و ليوايێن سهر ب وێ ڤه هاتيه بهلاڤكرن.
ژێدهرهكێ ئاگههدار ژ گهنجينا دهۆكێ بۆ ئهڤرۆ نيوز گۆت: “ئهڤرۆ رۆژا چارشهمبى 6ى شوباتا 2019ێ دێ مووچێ يهكێن 70 و 80 يێن پێشمهرگهى هێته بهلاڤكرن”.
ههر ب گۆرهى وان پێزانينان، بڕياره سوبههى رۆژا پێنجشهمبى 7ى شوباتا 2019ێ ژى مووچێ ههيڤا چريا دويێ 11 يێ سالا بۆرى يێ وهزارهتا پهروهردێ بهێته بهلاڤكرن.
ئهڤرۆ نیوز:
سهرۆكێ ئهمریكا گۆتارا خوه یا سالانه ل هۆلا كۆنگرێسی پێشكێشكر و راگههاند، وهلاتێ وی حهفت ترلیۆن دۆلار یێن ل شهڕێن رۆژههلاتا ناڤین مهزاختین و حهفت هزار سهربازێن ئهمریكی یێن هاتینه كوشتن.
دۆنالد ترامپ دوباره گۆته ئیرانێ “سپۆنسهرا تیرۆرێ” و راگههاند، وهلاتێ وی ب رهنگهكێ ئێكلاكهرانه كار بۆ رووبرووبوونا وهلاتهكی كر كو سپۆنسهریا تیرۆرێ دكهت، ئهو ژی رژێما توندرهوا ئیرانێ یه و گۆت:(ئهڤ رژێمه رژێمهكا توندرهوه و گهلهك كارێن خراب دكهت، دڤێت باش پشتراست بین كو دهستێ ڤێ رژێما دكتاتۆر چو جاران ناگههیته چهكێ ئهتۆمی و من ئهمریكا ژ رێككهفتنا كارهساتی یا ئیرانێ ڤهكێشا).
ترامپی گۆت ژی:(مه گرانترین سزا ل سهر ئیرانێ سهپاند كو ههتا نوكه ل سهر چو وهلاتان نههاتیه سهپاندن، ئهم چاڤێن خوه ژ رژێمهكێ ناگرین، درووشمێ مرن بۆ ئهمریكا بیت و گهفێن جینۆسایدكرنا جوهیان بكهت).
دۆنالد ترامپ راگههاند، دهمێ ئهز بوویمه سهرۆك، داعشێ پتر ژ 20 هزار میلێن دوجا ل عیراق و سووریێ كۆنترۆلكر بوون، لێ ئهڤرۆ مه ب كریار ههموو دهڤهر ژ دهستێ وان خوونمێژێن دڕنده رزگار كر، نوكه كو ئهم ل گهل ههڤپهیمانێن خوه كار بۆ ژناڤبرنا بهرمایكێن داعش دكهین، دهمێ وێ چهندێ یێ هاتی ب گهرمی بخێرهاتنا شهڕكهرێن خوه یێن مهزن ل سووریێ بكهین بۆ مالێن وان.
د نیڤ دهمژمێرا سیێ یا گۆتارا خوه دا ترامپی گۆت:(19 ساله ل عیراق و ئهفغانستانێ شهری دكهین، حهفت هزار سهربازێن مه یێن هاتینه كوشتن و 52 هزار سهربازێن دی ژی یێن ب گرانی یێن بریندار بووین، ههروهسا حهفت ترلیۆن دۆلار مه یێ ل شهڕێن رۆژههلاتا ناڤین مهزاختین، لێ ئێدی خهلكێ ئهمریكا تێكههلی وان شهران نابیت یێن دووماهی بۆ نهبیت).
ئهڤرۆ نیوز:
یورام ڤان کلاڤێرێن، ئهندامێ خولا بهرێ یا پهرلهمانێ هولهندا و سیاسهتڤانێ دژى ئیسلامێ، ل دهمێ ئهنجامدانا ڤهكولینهكێ، موسولمانبوونا خوه راگههاند.
کلاڤێرێن ب میدیایێن هولهندا راگههاندى یه، د چارچوڤێ ئهنجامدانا ڤهكولینهكێ بۆ نڤیسینا پهرتووكهكێ دژى ئیسلامێ، باوهرى ب ئاینێ ئیسلامێ ئینایه و نوكه ئاراستا كتێبا خوه گوهۆریه و بوویه پهرتووكهك بۆ بهرسڤدانا وان رهخنێن ئاراستهى ئیسلام و موسولمانان دهێته كرن.
ئهڤرۆنيوز:
شيرهتكارێ جڤاتا ئاسايشا ههرێما كوردستانێ، مهسرور بارزانى، ئهڤرۆ سێشهمبى 5/2/2019 پێشوزى ل سيريل نۆن باليۆزێ ئهلمانيا ل عيراقێ كر ودديدارهكێ دا ب بهرههڤبوونا باربارا وولف كونسۆلێ ئهلمانيا ل ههولێرێ پهيوهنديێن ههرێما كوردستانێ وئهلمانيا ودووماهى پێشهاتێن رهوشا دهڤهرێ هاتن بهحسكرن.
مهسرور بارزانى رۆلێ ئهلمانيا دپشتهڤانى وهاريكاريا ههرێما كوردستانێ، ب تايبهتى ڤهكرنا نهخوهشخانهكا پێشكهڤتى ل ههولێرێ وپێشكێشكرنا وێ بۆ وهزارهتا پێشمهرگه ب بلند نرخاند ودووپاتى ل پێشڤهبرن وب هێزكرنا پهيوهنديان كر وراگههاند، ههرێما كوردستانێ دههموو بواران دا د ريفۆرمێن خوه دا يا بهردهوامه، راوێژ وئهزموونا وهلاتێن دۆست دوێ پرسێ دا ب پێدڤى دزانيت.
باليۆزێ ئهلمانيا دياركر كو وهلاتێ وى ب گرنگى ڤه سهحدكهته رۆل وپێگههێ ههرێما كوردستانێ وپشتهڤانيێ ل بهرفرههكرنا پهيوهنديان دبوارێن جودا جودا دكهت ودێ بهردهوام بيت دهاريكاريێن خوه بۆ ههرێما كوردستانێ وراگههاند، دروستكرنا نهخوهشخانا پێشمهرگه پشكهكه ژ ئهركێ وهلاتێ مه بهرامبهر رۆل وقوربانيێن هێزا پێشمهرگهى.
دپشكهكا دى يا وێ ديدارێ دا، مهترسيا سهرهلدانا تيرۆرێ ل هندهك دهڤهران وههماههنگيا هێزێن پێشمهرگهى ولهشكرێ عيراقێ ورهوشا كهركووكێ ب تايبهتى هاته بهحسكرن، گرێداى وێ چهندێ شيرهتكارێ جڤاتا ئاسايشا ههرێما كوردستانێ زێدهبارى دووپاتكرنێ ل رێيا ديالۆكێ ولێكتێگههشتنێ، دئاماژهكێ دا بۆ ميكانيزما چارهسهريا رهوشا وان دهڤهران ب پێدڤى زانى ل بهرچاڤ وهرگرتنا دستوورى رهوشا وان دهڤهران بهێته ئاساييكرن.
ئەڤرۆ نیوز:
ئەڤرۆ ل رۆژا سێشەمبی ٥-٢-٢٠١٩ پارتی دیموکراتی کوردستان پشتی ئەڤرۆ کومبوونەکا تایبەت دگەل ئێکەتیێ ئەنجامدای دەربارەی پێکئینانا حوکمەتا نوو یا ھەرێما کوردستانێ و چارەسەرکرنا کێشەیێن ھەلاویستی ل سەر چەند خالەکان رێککەفتن.
د ڤێ کومبوونێ دا ھاتیە ئاشکرا کرن پشتی چەندین گوتوبێژان ناڤبەرا ھەردو حزبان دا رێککەفتن ل رۆژا ١٨ شوباتا ڤێ ھەیڤێ کومبوونا پەرلەمانێ کوردستانێ بھێتە ئەنجامدان، دیسان ل ھەمان رۆژا پێخەمەت چارەسەرکرنا کێشەیێن کەرکووکێ جڤاتا پارێزگەھا کەرکووکێ دێ ل باژێرێ ھەولێرێ کومبوونا خوە ئەنجامدەت ب ھەڤکاریا ھەردو حزبان پارێزگارەک ژی بۆ ڤی باژێری بھێتە دەستنیشان کرن.
ھەر د ڤێ کومبوونێ دا بریار ھاتەدان لژنەیەک بۆ نڤیسینا ڤێ رێککەفتنێ د ناڤبەرا ھەردو لایان بھێـە پێکئینان.
ئهڤرۆ نیوز، مهحمود نهێلى:
رێڤهبهرێ ناحیا دێرهلۆك بۆ ئهڤرۆ نیوز دیاركر، ئهوان بریار دایه ب سزادانا خودانێن سێ موهلیدان ل سنورێ ناحیا دێرهلۆك ژ بهر كو ههر ئێك ژ وانا بۆ ههیاما چهند رۆژان كار نهركریه.
سامى ئوشانه رێڤهبهرێ ناحیا خویاكر، كو د ههیڤا ئێك یا ئهڤ ساله دا سێ موهلیدێن ل سهنتهرێ ناحیا دێرهلۆك ژ كار كهفت بوون و بۆ ماوێ چهندین رۆژان كار نهكریه، ژ بهر وێ یهكێ ژى ههر ئێك ژوانا كوژمهكى پارهى ژ بهر هاتنه برین و گۆت: ( ئهڤ بهر برینه دناڤبهرا 1500 دیناران بۆ 3 هزار دینارا دایه و ههر ئێكێ ژ وانا ل دووڤ رێژا كار نهكرنێ پاره ژ بهر هاتینه برین).
ناڤهاتى دیار ژى كر ، ژ بلى لژنا موهلیدهیان ل ئامێدیێ و ل دهوكێ ، ژلایێ رێڤهبهریا ناحیێ ژى بهردهوام دووڤچوونا موهلیدهیێن دهڤهرێ دهێته كرن و تهكهز كر، ههر خودانێ موهلیدهیهكى ل دووڤ رێنمایان نهچیت و پێگر نهبیت ب وان رێنمایێن ژلایێ لژنا موهلیدان ڤه دهێنه دهركرن دێ ل دووڤ یاسایێ سهرهدهرى دگهل دا هێته كرن.
ئهڤرۆ نيوز:
تهرمێ مير تهحسين بهگ، ميرێ ئێزديێن جيهانێ و كوردستانێ ل باخچێ كوچكا وى ل باژێركێ شێخان ب ئامادهبوونا نوونهرێ سهرۆك بارزانى، ب ئاخێ هاته سپاردن.
رێورهسم ل دووڤ دابونهريتێن تايبهت ب ئاينێ ئێزديان ڤه ب رێڤه دچن و تێدا بهيت و قهولێن ئێزديان دهێنه خواندن.
شارهزايهكێ ئاينى بۆ كوردستان 24 ئاشكهرا كر كو درێژاهيا تابووتا ميرى دومهتر و 80 سهنتيمهتره و پاناتيا وى مهترهكه، تابووت دێ ب رێيا چهند رستان بۆ ناڤ گۆڕى هێته داكێشان ئهو رسته ژى د تايبهتن و ژ لايێ پهيرهوێن ئاينێ ئێزديان ڤه پيرۆزيا خوه ههيه.
نيشاندان