ئەڤرۆ نیوز، نەوزاد ھلوری:
ب مەرەما خزمەتکرنا خەلکێ دەڤەرێ و نەخوشان، بۆ ئێکەمجار یەکەیا شوشتنا گولیسکان ل قەزا ئامێدیێ ھاتە ڤەکرن، ھاریکارێ ساخلەمیا ئامێدیێ راگەھاند کو نوکە نەھـ نەخۆش ھەنە و ئەڤرۆ وێڤە نەخۆشێن دەڤەرێ ھەوجەیێ جھێن دی نابن.
نووترين نووچه
- سەرۆك بارزانی و شێخ جەمال ئەلزاری ڕەوشا ئیراقێ و دەڤەرێ گەنگەشە كر
- ل دهۆكێ.. سەرۆكێ حوكمەتا هەرێما كوردستانێ ل گەل وەبەرهێنەر و خوەدانكاران كۆمبوو
- سەرەڕای ئاستەنگان، كاروانێ ئاڤەدانكرنا كوردستانێ بەردەوام پێنگاڤان دهاڤێژیت
- سەرۆكێ حوكمەتا هەرێمێ: ل سەر بەرگریكرنێ ژ مافێن خەلكێ كوردستانێ د بەردەوامین
- بێی جوداهی خزمەتا خەلكێ هەموو دەڤەرێن كوردستانێ دكەین
- دڤێت مافێن گەلێ کورد د دستوورێ سووریێ دا بهێنە گەرەنتیکرن
- مەسرور بارزانی: پێشڤەبرنا كەرتێ پێشەسازیێ بەرنامەیێ مەیە بۆ هەمەجۆركرنا ئابۆرێ كوردستانێ
- پڕۆژەیێ گەلیێ زاخۆ یێ گەشتیاری، مەزنترینە ل سەر ئاستێ ئیراقێ
- بۆ دووڤچوونا داخوازیێن خەلكێ دەڤەرێ، سەرۆكێ حوكمەتا هەرێمێ لیژنەیەكا تایبەت ل دهۆكێ پێكئینا
- سەرۆك بارزانی: پێدڤییە قانوونا هەلبژارتنان ل ئیراقێ بهێتە ڕاستڤەكرن
سهرهكى نوچێن گرنگ
مه‌سرور بارزانى ل گه‌ل عيرفان عه‌زيز كۆمبوو
ئه‌ڤرۆ نيوز:
ئه‌ڤرۆ رۆژا دوشه‌مبى 8ى نيسانا 2019ێ مه‌سرور بارزانى شيره‌تكارێ جڤاتا ئاسايشا هه‌رێما كوردستانێ پێشوازى ل عيرفان عه‌لى عه‌بدولعه‌زيز رێبه‌رێ گشتى يێ بزاڤا ئيسلامى كوردستان و شاندێ ل گه‌ل كر و ئێكرێزيا لايه‌نێن سياسى دووپاتكر.
د وێ ديدارێ دا، پێشهاتێن ده‌ڤه‌رێ و پێدڤيا ئێكرێزى و ته‌بايێ د ناڤبه‌را لايه‌نێن سياسى يێن كوردستانى دا گه‌نگه‌شه‌كر.
مه‌سرور بارزانى ئاماژه ب پێدڤيا ئێكرێزيا گه‌لێ كوردستانێ و گرنگيدان ب به‌رژه‌وه‌نديا گشتى دا و راگه‌هاند كو گه‌لێ كوردستانێ هه‌ژى خزمه‌تكرنا زێده‌تره و نابيت بكه‌ته قوربانى ئه‌جيندا حزبى.
شيره‌تكارێ جڤاتا ئاسايشێ، به‌حس ل گه‌نگه‌شێن پێكئينانا كابينا نوو يا حوكمه‌تا هه‌رێما كوردستا،ێ كر و ته‌كست ل وێ چه‌ندێ كر كو پێدڤيه د پێناڤى دابينكرنا داخوازى و هيڤيێن وه‌لاتيان، له‌ز د پێنگاڤێن وان دا بهێته كرن.
د به‌رامبه‌ر دا رابه‌رێ بزاڤا ئيسلامى كوردستان رۆلێ سه‌رۆك بارزانى ل نێزيكرنا لايه‌نان ب كاريگه‌ر و پێدڤى زانى و ته‌كتس ل ته‌باى و ئێكرێزيێ د پێناڤى ب هێزبوونا زێده‌تر يا هه‌رێما كوردستانێ. هيڤيا سه‌ركه‌فتنێ ژى بۆ مه‌سرور بارزانى ل ئه‌ركێ وى يێ نوو دا خواست و پشته‌ڤانيا حزبا خوه د بجهئينانا ئه‌ركێن نشتيمانى و گشتى دا راگه‌هاند.
ژڤانێ ئيمزاكرنا رێكه‌فتنا پارتى و ئێكه‌تى هاته پاشخستن
ئه‌ڤرۆ نيوز:
عيماد ئه‌حمه‌د، ئه‌ندامێ مه‌كته‌با سياسى يا ئێكه‌تى نشتيمانى كوردستان بۆ رووداو راگه‌هاند: هه‌ر چه‌نده بڕيار بوو ئه‌ڤرۆ رۆژا دوشه‌مبى رێكه‌فتنا پارتى و ئێكه‌تى ل سه‌ر پێكئينانا كابينا نوو و چاوانيا پشكداريكرنا ئێكه‌تيێ د وێ كابينێ دا ب فه‌رمى ئيمزا بكه‌ن، به‌لێ ئيمزاكرن بۆ ده‌مه‌كێ دى يێ نێزيك هاته پاشخستن.
ڤێ حه‌فتيێ راستڤه‌كرنا قانوونا سه‌رۆكاتيا هه‌رێمێ دێ هێته په‌سه‌ندكرن
ئه‌ڤرۆ نيوز:
هه‌رسێ فراكسيۆنێن پارتى و ئێكه‌تى و گۆڕان بۆ ده‌ربازكرنا پێشنيازا راستڤه‌كرنا قانوونا سه‌رۆكاتيا هه‌رێما كوردستانێ كۆم بن.
سه‌رۆكێ فراكسيۆنا پارتى ديموكراتى كوردستان، ئۆمێد خۆشناو راگه‌هاند ل گه‌ل ئێكه‌تى نێزيكى رێكه‌فتنێ بووينه و ڤێ حه‌فتيێ دێ راستڤه‌كرنا قانوونێ هێته په‌سه‌ندكرن.
ب گۆره‌ى په‌يره‌وێ ناڤخۆيێ په‌رله‌مانێ كوردستانێ رۆژا چارشه‌مبى يا ڤێ حه‌فتيێ دووماهى ژڤانه بۆ ده‌نگدان ب راستڤه‌كرنا پێشنيازێ و د ڤێ حه‌فتيێ دا ده‌رگه‌هێ خوه كانديدكرنێ بۆ سه‌رۆكێ هه‌رێما كوردستانێ هێته ڤه‌كرن، كو ماوێ سێ رۆژا يێ به‌رده‌وام بيت.
مه‌سرور بارزانى ل گه‌ل شانده‌كێ ره‌وشه‌نبير ونڤيسه‌رێن عه‌ره‌ب كۆمبوو
ئه‌ڤرۆ نيوز:
شيره‌تكارێ جڤاتا ئاسايشا هه‌رێما كوردستانێ، مه‌سرور بارزانى، ئه‌ڤرۆ ئێكشه‌مبى 7/4/2019 پێشوازى ل شانده‌كێ ئه‌كاديمى وره‌وشه‌نبيرى ونڤيسه‌رێن وه‌لاتێن عه‌ره‌بى يێن پشكدار د پيشانگه‌ها هه‌ولێر يا نێڤده‌وله‌تى يا 14 يا په‌رتۆكێ ب سه‌رۆكاتيا فه‌خرى كه‌ريم، سه‌رۆكێ ده‌زگه‌ها مه‌دا يێ راگه‌هاندن وره‌وشه‌نبيرى وهونه‌رى كر.
د وێ ديدارێ دا، په‌يوه‌نديێن هه‌ڤپشك ورۆلێ ديرۆكى د ناڤبه‌را هه‌ردو گه‌لێ كورد وعه‌ره‌ب ژ لايه‌كى وره‌وشا ره‌وشه‌نبيرى ورۆلێ نڤيسه‌ران د ب هێزكرنا گيانێ لێبۆرينێ وهه‌ڤدو قه‌بوولكرنێ وره‌تكرنا توندوتيژيێ وتيرۆرێ هاته به‌حسكرن.
مه‌سرور بارزانى، زێده‌بارى ب خێرهاتنا گه‌رم يا شاندێ مێهڤان بۆ هه‌رێما كوردستانێ، ئاماژه كر كو گه‌لێ كوردستانێ ب ناڤ وپێگه‌هێ وان يێ ئاشنايه وگۆت” هوون ب رێيا ده‌ربرينێ وقه‌له‌مێن خوه دشێن رۆلێ كارا وئه‌رێنى يێ خوه ل ب هێزكرنا پێكڤه‌ژيانا ئاشتيانه وهه‌ڤدو قه‌بوولكرنێ د ناڤبه‌را هه‌ردو گه‌لێن كورد وعه‌ره‌ب بگێرن وهاريكار بن بۆ چاره‌كرنا كێشان”.
مه‌سرور بارزانى ئاماژه ب پێشڤه‌چوونا ئه‌رێنى يا په‌يوه‌نديێن د ناڤبه‌ورا هه‌ولێرێ وبه‌غدا كر وراگه‌هاند” ئه‌م كورد وعه‌ره‌ب بووينه قوربانيێن سيسته‌مێن دكتاتورى وگه‌له‌گ جاران خه‌لك بوويه قوربانيێ ئه‌جندێن سياسى”.
ل دۆر ژيان وگوزه‌رانا عيراقيان، دووپاتى ل وێ چه‌ندێ كر كو عيراق ژ روويێ سامانێ ئابوورى ومرۆڤى يا زه‌نگينه، به‌لێ كێشا خراب ب رێڤه‌برنێ يا هه‌ى وهه‌ر ژ وێ روانگێ ڤه چاره‌كرنا بنه‌ره‌تى يا كێشێن سياسى ب مه‌ره‌ما سه‌قامگيريێ وپێشڤه‌برنا عيراقێ ب پێدڤى زانى.
شاندێ ره‌وشه‌نبيرر وئه‌كاديمى ونڤيسه‌رێن عه‌ره‌ب پێشنيازا ئه‌نجامدانا فيسته‌ڤال وچالاكيێن دى يێن هه‌ڤشێوێ پيشانگه‌ها په‌رتۆكێ كر ب مه‌ره‌ما ب هێزكرنا په‌يوه‌نديان وتێكه‌ليا زێده‌تر يا ره‌وشه‌نبير ونڤيسه‌رێن كورد وعه‌ره‌ب.
هشيار زێبارى:ئه‌ڤ لايه‌نه دێ كابينا نوو يا حوكمه‌تا هه‌رێمێ پێكئينن
ئه‌ڤرۆ نيوز:
هشيار زێبارى ئه‌ندامێ مه‌كته‌با سياسى يا پارتى ديموكراتى كوردستان راگه‌هاند، پشكداريا ئێكه‌تى نيشتمانى كوردستان د كۆمبوونا په‌رله‌مانى دا بۆ راستڤه‌كرنا قانوونا سه‌رۆكالتيا هه‌رێما كوردستانێ يا گرنگه.
هشيار زێبارى د داخۆيانيه‌ما رۆژنامه‌ڤانى دا گۆت ژى” كابينا نوو يا حوكمه‌تا هه‌رێما كوردستانێ يا بنكه فراوان نابيت وتنێ دێ ژ پارتى ديموكراتى كوردستان وبزاڤا گۆران وئێكه‌تى نيشتمانى كوردستان پێكهێت”.
ل دۆر پشكا ئێكه‌تيێ د حوكمه‌تا نوو دا، گۆت” جێگرێ سه‌رۆكێ حوكمه‌تێ وشه‌ش وه‌زاره‌ت وچه‌ند ده‌سته‌يێن سه‌ربخوه، ل گه‌ل سه‌رۆكێ په‌رله‌مانێ كوردستانێ”.
سه‌رۆك بارزانی و شاهێ ئۆردنێ دوپاتی ل هه‌ماهه‌نگیا به‌رده‌وام كر
ئه‌ڤرۆ نیوز:
شاه عه‌بدوللا شاهێ ئوردنێ ئه‌ڤرۆ ل كۆچكا حسێنیه پێشوازی ل سه‌رۆك مه‌سعود بارزانی و شاندێ ل گه‌ل دا كر.
د دیداره‌كێ دا، شاه عه‌بدوللای خوه‌شحالیا خوه ده‌ربڕی ل هه‌مبه‌ر پێشڤه‌چوون و باشتربوونا په‌یوه‌ندیێن هه‌ولێر و به‌غدا و راگه‌هاند، كو باشبوونا په‌یوه‌ندیێن هه‌ولێر و به‌غدا د به‌رژه‌وه‌ندیا هه‌موو ئالیه‌كی دایه.
هه‌ر د ڤێ دیدارێ دا، دوپاتی ل په‌یوه‌ندیێن دیرۆكی یێن هه‌ردو ئالیان و به‌رده‌وامیا وان په‌یوه‌ندیان كر و رۆناهی ژی خسته سه‌ر په‌یوه‌ندیێن ئابووری و بازرگانی یێن هه‌رێما كوردستانێ و شاهنشینا ئۆردنێ و ژ پێخه‌مه‌ت شه‌رێ تیرۆرێ و توندڕه‌ویێ و بنبڕكرنا تیرۆرستان دوپاتی ل هه‌ماهه‌نگی و هاریكاریێن به‌رده‌وام كر.
سەرۆک بارزانی و شاهێ ئوردنێ د کۆمبوونێ دانە
ئەڤرۆ نیوز:
بەری دەمەکێ سەرۆک بارزانی ل گەل شاه عەبدولا شاهێ ئوردنێ کۆمبوون و دهێتە چاڤەرێکرن کو د کۆمبوونێ دا بەحسێ پەیوەندیێن سیاسی و ئابووری یێن هەرێما کوردستانێ و ئوردنێ بهێنە کرن.
سەرۆک بارزانی ل سەر ڤەخواندنا فەرمی یا شاهێ ئوردنێ پشکداری د کۆربەندێ ئابووری یێ جیهانی ل وەلاتێ ئوردنێ کر و شاندەکێ هەرێما کوردستانێ ژی پشکداری د کۆربەندێ ئابووری ل وەلاتێ ئوردنێ کریە.
مه‌سرور بارزانى: كوردستان دێ هه‌رده‌م وه‌كو ناڤه‌ندا برايه‌تى و پێكڤه‌ژيانا ئاشتيانه مينيت
ئه‌ڤرۆ نيوز:
ئه‌ڤرۆ رۆژا ئێكشه‌مبى 7ى نيسانا 2019ێ مه‌سرور بارزانى، شيره‌تكارێ جڤاتا ئاسايشا هه‌رێما كوردستانێ، پێشوازى ل شانده‌كێ زه‌لامێن ئاينێ ئه‌رمه‌نى كر كو ژ ژماره‌كا مه‌ترانان ل وه‌لاتێن جيهانێ پێكهاتبوون.
د ڤێ ديدارێ دا، پێشهاتێن ده‌ڤه‌ران ب گشتى و ره‌وشا كرستيانێن ئاواره ل هه‌رێما كوردستانێ و ده‌شتا نه‌ينه‌وا گه‌نگه‌شه كر و ته‌كست ل سه‌ر وێ چه‌ندێ هاته كرن كو پێدڤيه ب هاريكاريا لايه‌نێن په‌يوه‌نديدار، رێيا دابينكرنا ژيان و ژيارا شايسته بۆ ڤه‌گه‌ريانا كرستيانێن ئاواره بۆ سه‌ر مال و حالێن خوه ل ده‌شتا نه‌ينه‌وا بهێته ئاماده‌كرن.
مه‌سرور بارزانى خوراگرى و پێڤه‌گرێدانا برايێن كرستيان ب ئه‌ردێ خوه و مانا وان ل وه‌لاتى ب پێدڤى زانى بۆ رێگريكرن ل وان بزاڤێن ل دژى وان بۆ نه‌هێلانا ناسنامه و گوهۆڕينا يموگرافيا ده‌ڤه‌رێ دكه‌ن و راگه‌هاند ژى كو پالپشتيا ماف و داخوازيێن برايێن كرستيان ب گشتى و وه‌لاتيێن ئه‌رمه‌ن به‌رده‌وام بيت.
هه‌ر د وێ ديدارێ دا، شيره‌تكارێ جڤاتا ئاسايشا هه‌رێما كوردستانێ ته‌كست ل سه‌ر وێ چه‌ندێ كريه كو د چو كاودانه‌كى دا گه‌له‌كێ كوردستانێ ده‌ست به‌ردارى فه‌رهه‌نگا لێبۆرينێ و پێكه‌ڤه‌ژيانێ نابيت، كو ب درێژاهيا مێژوويێ دا د هزرا ريشالى دا داقوتايه و گۆت: “كوردستان هه‌رده‌م ناڤه‌ندا برايه‌تى و پێكڤه‌ژيانا ئاشتيانه يا هه‌موو نه‌ته‌وه و ئاين و ئينزانان مينيت”.
د به‌رامبه‌ر دا، شاندێ ميڤان سۆپاسيا سه‌رۆك بارزانى و گه‌ل حوكمه‌تا هه‌رێما كوردستانێ كر كو د ڤێ قووناغا جودا دا، د هاريكاريا كريستيانێن عيراقێ دا هاتينه و ڤه‌كرنا كه‌نيسا ئه‌رمه‌نان ل هه‌ولێر و باژێرێن دى يێن كوردستانێ هاريكار و پشته‌ڤان بين و ل دووماهيێ ژى هيڤيا سه‌ركه‌فتنێ بۆ كابينا نوو يا حوكمه‌تا هه‌رێما كوردستانێ خواست.
هاژۆتنا ته‌كسيێ بۆ ڤان جورێن فه‌رمانبه‌ران دروسته
ئه‌ڤرۆ نيوز:
وه‌زاره‌تا ناڤخۆ يا حوكمه‌تا هه‌رێما كوردستانێ كار ل سه‌ر بڕيارا قه‌ده‌غه‌كرنا شوفێرێن ته‌كسيان دكه‌ت و دده‌ته زانين كو دڤێت شوفێريا ته‌كسيێ ببيته پيشه كا چاوان ل جيهانێ هه‌موويێ وه‌سايه.
سامى جه‌لال، رێڤه‌به‌رێ گشتى يێ ديوانا وه‌زاره‌تا ناڤخۆ يا حوكمه‌تا هه‌رێما كوردستانێ راگه‌هاند كو بڕيارا قه‌ده‌غه‌كرنا شوفێريا ته‌كسيێ ل سه‌ر فه‌رمانبه‌ران كار ل سه‌ر دهێته كرن و ئامارا بايۆمه‌ترى يا مووچه‌خورێن حوكمه‌تا هه‌رێما كوردستانێ ب رێڤه‌به‌ريێن هاتنوچوونێ ڤه هاتيه گرێدان، فه‌رمانبه‌رێن حوكمه‌تێ ژ پله ئێك هه‌تا پله شه‌ش ژ هێزێن ناڤخۆ و فه‌رمانبه‌رێن فه‌رمانگه‌ها په‌يوه‌نديێن ژ ده‌رڤه قه‌ده‌غه‌يه كارێ ته‌كسيێ بكه‌ن، ئه‌و فه‌رمانبه‌رێن پلێن 7، 8، 9 و 10 كو مووچێ وان يێ كێمه، ئه‌و دشێن ب ره‌زامه‌نديا خوه كارێ شوفێريا ته‌كسيێ بكه‌ن.
گۆتژى: “نها پێدانا مووچه‌ى ئاسايى بوويه و فه‌رمانبه‌ر مووچێ خوه ب ته‌مامى و بێ پاشكه‌فت پێ دهێته دان، ژ به‌ر هندێ بڕياره به‌رده‌وام بيت و كارى پێ بكه‌ت. دڤێت شوفێريا ته‌كسيێ ببيته پيشه وه‌كو ل هه‌موو جيهانێ پيشه‌يه”.
نيشاندان
WP Facebook Auto Publish Powered By : XYZScripts.com