ئه‌ڤرۆ نيوز ،ره‌مه‌زان هه‌رنى:
ب بزاڤێن جێگرێ سه‌روكێ جڤاتا نونه‌رێن عیراقێ ژورا راگه‌هاندن و وه‌رگێرانێ ب زمانێ كوردى ل ناڤ هولا په‌رله‌مانێ عیراقێ هێته‌ دانان.
د. به‌شیر حه‌داد جێگرێ سه‌رۆكێ جڤاتا نونه‌رێن عیراقێ بۆ ئه‌ڤرۆ گۆت : مه‌ فه‌رمان ب فه‌رمانگه‌ها راگه‌هاندنێ كریه‌ ل ناڤ جڤاتا نوونه‌ران كو ل ناڤ هولا په‌رله‌مانى وه‌رگێران بۆ زمانێ كوردى بهێته‌ دانان و رێ هاتیه‌ دان ئه‌ندامێن په‌رله‌مانى ب زمانێ كوردى باخڤن مه‌ژى ئه‌و بزاڤكرن.
حه‌داد گوتژى : بریار هاتیه‌ دان ب تنێ كارێن هونه‌رى ماینه‌ ل كه‌ل دابینكرنا ئامێرێن ئه‌لیكترونى، هه‌روه‌سا ژورا راگه‌هاندنێ ل ناڤ هولا په‌رله‌مانى دێ هێته‌ دانان و چه‌ند كه‌س ژى وه‌ك وه‌رگێر هاتینه‌ تاقیكرن.

ئه‌ڤرۆ نيوز:

په‌يڤدارێ پۆليسێن راپه‌رين راگه‌هاند، ئێڤاريا ئه‌ڤرۆ ل حاجياوا سه‌ر ب ئيدارا راپه‌رين ل پارێزگه‌ها سلێمانيێ، باب و كوره‌ك هاتنه‌ كوشتن.

ئەڤرۆ نیوز، لەزگین جوقی:

بەرپرسێ  پەیوەندی و راگەھاندنێ ل سەرۆکاتیا باژێرڤانیا دھۆکێ بۆ ئەڤرۆ نیۆز دیارکرکو پشتی ئاریشا نەدانا کریا گلیشی دگەل ھندەک دوکانداران پەیدابووی وان دوکانداران سەرەدانا سەرۆکاتیا باژێرڤانیێ کر و ئەڤ بابەتە ھاتە چارەسەرکرن.

ئیسماعیل مستەفا، بەرپرسێ  پەیوەندی و راگەھاندنێ ل سەرۆکاتیا باژێرڤانیا دھۆکێ بۆ ئەڤرۆ دیار کر کو ھەکە ئاریشەک ھەبیت ژی دێ دوکاندار دگەل خۆدانی مولکی چارەسەرکەن و گۆت: “ئەو دوکاندارێن پارە ژی نەداین دشێن ھەڤکاریا وان بکەین بشیوەیێ قست  کرێ یا خوە یا گلێشی بدەن، نوکە ھەموو دوکان دڤەکرینە ھەر دوکاندارەک ل دووڤ پیشەیا خوە یا کارکرنێ کرێ یا گلێشی ددەت بۆ نموونە سەرتراشخانە کوژمەکی ددەت و گۆشت فرۆش ژی کوژمەکێ دی ددەت و دوکانێن دی ژی وەکو فرۆشگەه و مارکێت و ئۆتێل وموتێل ژی ھەر ئێک پارێ وێ یێ جودایە ژی یێ دیتر”.

ناڤھاتی ئەو ژی ئاشکرا کر کو ل گۆر رێنمایێن وەزارەتا باژێرڤانی و گەشت و گۆزارێ و ل دووڤ بریارا جڤاتا وەزیران یا ژمارە ٨٠ ل رۆژا ٣/٢/٢٠١٦ دەرچوویە کریا راکرن و ڤەگوھاستنا گلێشی ژ جھێن بازرگانی و ئاکنجیبوونێ دھێتە وەرگرتن و گۆت: “نھا بتنێ ژجھێن بازرگانی دھێتە وەرگرتن و ھێشتا ژ جھێن ئاکنجیبوونی نەھاتیە وەرگرتن، ئەم ژی ل گۆرەی وان بڕیار و رێنمایێن وەزارەتا باژێرڤانیێ بڕیارێ بجە دئینن”.