ئهڤرۆنیوز:
لژنا ئابووری ل جڤاتا وهزیرێن عیراقێ ب سهرۆكاتیا فوئاد حسێن وهزیرێ دارایی یێ عیراقێ بریارا ههلوهشاندنا خالێن گۆمركی دناڤبهرا ههرێما كوردستانێ وبهغدا دهركر، ههڤدهم باج ورسومات ل ههموو دهرگههێن سنوری یێن عیراقێ ب ههرێما كوردستانێ دێ هێنه یهكخستن.
ل دووڤ رۆهنكرنهكا نڤیسینگهها جێگرێ سهرۆك وهزیران بۆ كاروبارێن ئابووری ووهزیرێ دارایی یێ عیراقێ، فوئاد حسێنی سهرۆكاتیا كۆمبوونا لژنا كاروبارێن ئابووری ل جڤاتا وهزیرێن عیراقێ ب بهرههڤبوونا وهزیرێن( پلاندانانێ، بازرگانی، پیشهسازی وچاندنێ) وپارێزگهرێ بهنكا ناڤهندی یا عیراقی ونوونهرێ وهزیرێ پهترۆلێ ووهزیرێ پلاندانانێ ل ههرێما كوردستانێ وهژمارهكا شیرهتكار ورێڤهبهرێن گشتی یێن پهیوهندیدار كر.
دوێ رۆهنكرنێ دا هاتیه كو لژنا ناڤبری بریار دا باج ورسوماتێن گۆمركی ل ههموو دهرگههێن سنوری یێن عیراقێ وههرێما كوردستانێ بهێته یهكخستن كو ڤێ بریارێ گرنگیا خوه یا ئابووری یا ههی وچالاكیێن بازرگانی دێ رێك ئێخیت.
ههروهسا لژنا ناڤبری خالێن چاڤدێریێ ووردبینیێ یێن گۆمركی یێن نوكه ل (فهیدیێ، شێراوه ل باكوورێ كهركووكێ، لهیلان ل رۆژئاڤایێ كهركووكێ) ههلوهشاندن كو ئهڤ چهنده ژی دێ بازرگانیا ناڤخوهیی چالاك كهت.
ئهڤرۆنیوز:
رێڤهبهرێ گشتی یێ راگههاندن وچاپ وبهلاڤكرنێ ب وهكالهت ل ههرێما كوردستانێ راگههاند، پێدڤی بوو ل سالا 2018 بهخشێ كهنالێن تهلهڤزیۆنی ئهوێن مۆلهتێن خوه نوو نهكرین ورسۆماتێن خوه نهداین هاتبا راوهستاندن، بهلێ ب رازیبوونا جڤاتا وهزیرێن ههرێما كوردستانێ ووهزارهتا ناڤخوه دهمهك ب وان دابوو بۆ نووكرنا مۆلهتێن خوه ودانا قهر ورسۆماتێن ل سهر، بهلێ هندهك كهنالان پێگیری ب وێ چهندێ نهكریه.
محهمهد گهردی، رێڤهبهرێ گشتی یێ راگههاندن وچاپ وبهلاڤكرنێ ب وهكالهت ل ههرێما كوردستانێ بۆ ئهڤرۆنیوز گۆت” ههر كهنالهكێ تهلهڤزیۆنی ل ههرێما كوردستانێ ههكه ههتا 31/1/2019 مۆلهتا خوه نوو نهكهت وقهرێن ل سهر نهدهت، ل دووڤ قانوون ورێنمایان وئهو سۆزناما ب وان هاتیه ئیمزاكرن، بهخشێ وان دێ هێته راگرتن”.
گۆت ژی” ههتا نوكه 32 كهنالێن تهلهڤزیۆنی یێن ئهسمانی ولوكالی مۆلهتێن خوه نوو نهكرینه وئهو ژڤان ب وان هاتیه دان دووماهی دهرفهته بۆ وان”.
دیاركر ژی” ئهو كهنالێن مۆلهتا بهروهخت پێ هاتیه دان، ههكهو ددهمێ دو ههیڤان دا رسوماتان نهدهن ومۆلهتێ وهرنهگرن، دێ بهخشێ وان هێته راگرتن”.
ئەڤرۆ نیوز:
مەسرور بارزانی راوێژکارێ ئەنجوومەنێ ئاسایشا ھەرێما کوردستانێ ئەڤرۆ رۆژا چارشەمبی ١٦-١-٢٠١٩ دگەل جنێرال پاتریک روبەرسۆن فەرماندەیێ گشتی یێ ئوپەراسیونێن تایبەت یێن عیراق و سووریێ کومبوو، مەسرور بارزانی راگەھاند پێدڤیە رێککەفتنەکا نوو دناڤبەرا ھێز و لایەنێن سیاسیێن رۆژئاڤا بھێتە کرن پێخەمەت جێگیرکرنا مافێن گەلێ خوە د ھەر گوھۆرینەکێ دا.
د ڤێ دیدارێ دا دووماھی پێشھات و قوناغێن شەرێ دژی تیرورستان ھاتە بەحس کرن دیسان چەندین بوچوون دەربارەی پێشھاتێن تایبەت ب رەوشا رۆژھەلاتا فرات ھاتنە ئالوگورکرن، مەسرور بارزانی ئاماژە ب وێ چەندێ ژی دا پێدڤیە ھێز و لایەنێن سیاسی یێن رۆژئاڤا رێککەفتنەکا نوو بکەن پێخەمەت پاراستنا مافێن گەلێ خوە د ھەر گوھۆرینەکێ دا جێگیر بکەن.
ھەر د ڤێ دیدارێ دا بەحس ل بزاڤێن تیرورستینَ داعش ل ھندەک دەڤەرێن عیراقێ و رولێ ھەماھەنگیا ناڤبەرا ھێزێن ئەمریکا و عیراقێ و ھەرێما کوردستانێ ھاتە کرن بۆ رێگریکرن ل دوبارە سەرھلدانا وان تایبەت ل دەڤەرێن نوو ھاتینە رزگارکرن.
زاخۆ ، عەلی حاجی :
یاریزانێن تیما یانا زاخۆ ئەوا پشکدار د خولا نایابا کوردستانێ یا تەپاپێ دا ئەڤرۆکە بایکوتا راھێنانا کر پشتی چەندین سوز ب یاریزانان ھایتە دان کو مووچێ وان یێ ھەیڤا ١٢ یێ سالا ٢٠١٨ ھەتا نوکە ب وان نەھاتیە دان.
ل دۆر ڤێ چەندێ یاریزانەکێ یانا زاخۆ نەڤیا ناڤێ خوە ئاشکەرا بکەت بۆ ئەڤرۆ نیوز گۆت: بایکوتا مە ژ بەر وێ چەندێ ھات ئەڤە ماوێ دو حەفتیایە کارگێریا یانا زاخۆ سوز دابوو مە کو دێ مووچێ مەیێ ھەیڤا ١٢ یێ سالا ٢٠١٨ بۆ تیمێ دابین کەت و دەنە لێ ئەڤە ١٦ روژ دەرباز بوون و ھەتا نوکە چو نەھاتیە کرن ژ کارگێریا یانێ ڤە ب بھانەیا نە مەزاختنا پارێن وان.
ڤی یاریزانی گۆت: رەوش گەلەکا خرابە و پێدڤی یە کارگێری ھەر زوو ڤێ چەندێ چارەسەر بکەت چونکی یانا زاخۆ د مەترسیا داکەفتنێ دایە و ئاستێ تیمێ یێ باشتر دبیت و ئەگەر ب ڤی رەنگی بیت دێ تیم بەرەڤ کاودانەکێ خراب و نەباش ڤە چیت .
ئەڤرۆ نیوز، لەزگین جوقی
رێڤەبەرێ نەخۆشخانا تەنگاڤیان ل قەزا زاخۆ دیارکرکو نوشدارێن ئەمریکی ل زاخۆ دەست ب ئەنجامدانا نشتەرگەریان بۆ ئاواران کریە ھەکە دەلیڤە ھەبیت دێ بۆ خەلکێ زاخۆ ژی نشتەگەری ژلایێ شاندی نوشدارین ئەمریکی ڤە ھێنە ئەنجامدان.
د. ئەرکان ئەحمەد والی، رێڤەبەرێ نەخۆشخانا تەنگاڤیان ل قەزا زاخۆ دپریس کونفرانسەکی دا دیارکرکو نشتەرگەریێن ب زەحمەت دھێنە کرن ژلایێ شاندی ڤە بتایبەتی ژی نشتەگەریێن ھەستی و شکەستنی بۆ دەست و شاندەکێ نوشدارێن ئەمریکێ یێ پێکھاتێ ژ ٢٠ نوشدار و ھاریکاریێن نوشداری و نۆشدارێن بێ ھوشکرنێ قەستا قەزا زاخۆ کرینە بۆ ئەنجامدانا چەندین نشتەرگەریان نوکە دەست پێ ھاتیە کرن”.
ئەڤرۆ نیوز:
رێڤەبەریا گشتی یا سەقاناسی و بیڤەلەرزێ ل هەرێما کوردستانێ راگەهاند کو پێلەکا بەفر و بارانێ ل هەرێما کوردستانێ دێ باریت. ل ناڤ باژێران ژی بەفر دێ باریت.
د نڤیسارەکێ دا کو دانەک ب دەست ئەڤرۆ نیوز کەفتیە، پشکا پێشبینیان ل رێڤەبەریا گشتی یا سەقاناسی و بیڤەلەرزێ ل هەرێما کوردستانێ ئاشکەرا کر کو ئەڤ شەڤە، درەنگ پارستە هەوایەکێ سار دێ ژ ناڤەراستا ئورۆپا روو ل دەڤەرێ کەت.
ئاشکەرا ژی کریە کو سوبەهی رۆژا پێنجشەمبی رێکەفتی 17ی کانوونا دویێ 2019 ل هەموو سەنتەرێن قەزا و ناحیێن دەڤەرێن چیای یێن هەرێما کوردستانێ بەفر دێ باریت، هەروەسا پێشبینی دهێتەکرن ل سەنتەرێ پارێزگەهێن سلێمانی، دهۆک و هەلەبچە بەفر بباریت و ئەگەر ژی هەیە ل سەنتەرێ پارێزگەهێن هەولێر و کەرکووک ژی بەفر تێکەلی بارانێ ببیت و بباریت.
ئاماژە ب وێ چەندێ ژی کریە کو پلێن گەرمێ دێ روو ل نزمبوونەکا بەرچاڤ کەن و ل دەڤەرێن چیایی ژی دێ پلێن گەرمێ چنە دبن سفرێ دا.
پشکا پێشبینیان ل رێڤەبەریا گشتی یا سەقاناسی و بیڤەلەرزێ ل هەرێما کوردستانێ دا دیارکرن کو کارتێکرنا ڤێ پێلێ هەتا سپێدەهیا رۆژا ئەینی ل سەر هەرێما کوردستانێ هەبیت.
ئەڤرۆ نیوز، نەوزاد هلوری:
کچەکا قوتابی کو دبنیات دا خەلکا وەلاتێ کوریا باشوورە، ل ئێک ژ قوتابخانێن سەنتەرێ قەزا سێمێلێ دخوونت و فێری زمانێ کوردی بویە ب خواندن و نڤیسان و تێگەهشت وئاخفتن.
وەکو ئەو ددەت دیارکرن کو ئەو گەلەک حەژ زمانێ کوردی دکەت، ئەو ل گەل بابێ خوە هاتیە کوردستانێ و چەند سالەکە دژیت و گەلەک کەیف ب زمان و کەلتورێ کوردی دکەت، ئەو چوار زمانان ژی دزانیت
ئەڤرۆ نیوز، بارزان مزووری:
سەرۆکێ باژێرڤایا ناحیا کەلەکچی بۆ ئەڤرۆ نیوز دیار کر کو ئەڤە بۆ دەمێ پێنج سالانە کۆمپانیا کار ل سەر دانانا ماستەر پلانا باژێرێ ناحیا کەلەکچی کری کارێ خوە راوەستاندیە و گۆت: “هەتا نوکە ڤێ کۆمپانیێ بتنێ 70% کارێ ماستەر پلانێ ئەنجامدایە”.
ئەندازیار شاکر تەیب، سەرۆکێ باژێرڤانیا ناحیا کەلەکچی بۆ ئەڤرۆ نیوز دیار کر کو ئەو کۆمپانیا کارێ دانانا ماستەر پلانا ناحیا کەلەکچی دکەت گرێبەست دگەل وەزارەتا باژێرڤانی و گەشت گۆزارێ ئیمزاکریە چەندین جاران وان داخواز ژێ کریە ڤێ ماستەر پلانێ ب دووماهی بینن، بەلێ ژ بەر نەمەزاختنا پارێ وان ژ لایێ حوکمەتێ ڤە نەشێن کار بو تمامکرنا وێ بکەن.
ناڤهاتی ئاماژە دا وێ چەندێ کو ئەڤە ژ سالا ٢٠١٤ ێ وەرە ڤێ کۆمپانیێ کارێ ماستەر پلانێ ٧٠% ب دووماھی ئینایە، لێ نوکە کارێ خوە راوەستاندیە.
سەرۆکێ باژێرڤایا ناحیا کەلەکچی خویا کر کو ھەموو جورێن خزمەتگوزاری و جھێن ئاڤاھیێن میری و باخچە و پارکێن راوەستاندنا ترۆمبێلان و چەندین جھێن دی دڤێ ماستەر پلانێ دا ھاتینە دیار کر و گۆت: “ژبەر راوەستاندنا ماستەر پلانێ نوکە ئەم ژی وەکو پێدڤی نەشێن کارێن خوە ل سنوورێ باژێرڤانیا ناحیا کەلەکچی ئەنجام بدەین”.
ئەڤرۆ نیوز، رێوار مزیری:
پەیڤدارێ وەزارەتا ساخلەمیا حوکمەتا هەرێما کوردستانێ بۆ ئەڤرۆ نیوز خویا کر کو وان نڤیسار بۆ رێڤەبەریێن ساخلەمیێ ل پارێزگەهێن هەرێما کوردستانێ هنارتینە بۆ وێ چەندێ میلاکێ خوە ب دەرچوویێن کۆلیژێن تەکنیکی پر بکەن.
دکتور خالس قادر، پەیڤدارێ وەزارەتا ساخلەمیا حوکمەتا هەرێما کوردستانێ ديار كر كو نێزیکی 100 دەرچوویێن کۆلیژێن تەکنیکی دێ هێنە دامەزراندن بۆ ڤێ مەرەمێ ژی وان نڤیسار بۆ رێڤەبەریێن ساخلەمیێ ل پارێزگەهێن هەرێما کوردستانێ هنارتینە کو میلاکێ خوە ب دەرچوویێن کۆلیژێن تەکنیکی، پشکا تەندروستی کومەل ب هنێرن بۆ وێ چەندێ هژمارەکا دەرچوویێن وێ پشکێ بهێنە دامەزراندن.
ناڤهاتی ئاماژە دا وێ چەندێ کو ل دووڤ بڕیارا حوکمەتا هەرێما کوردستانێ100 دەرچوویێن وێ پشکێ دێ هێنە دامەزراندن و گۆت: “پشتی گەهشتنا نڤیسارێن رێڤەبەریان رێکارێن پێدڤی بۆ دامەزراندنێ و بەلاڤکرنا وان دەرچوویان دێ ئەنجام دەین”.
نيشاندان