ئەڤرۆ نیوز:
ب خەم وکوڤانەکا مەزن مخابن دەنگوباسێ وەغەرکرنا (میر تەحسین) میرێ کوردێن ئێزديێن جيهانێ گەهەشتەمە، ژخودایێ مەزن و دلوڤان دخوازین جهێ وی بەهەشتا بەرین بيت ، ئەڤ خەمە یا مە هەمووانە بەری یا مالا میری و کوردێن ئێزدی بیت. ئیرو هەموو کوردستان خەمگینە ژبوی وەغەرکرنا میر تەحسین، میر ئێک ژوان کەسان بوو یێن رولەکێ مەزن گێڕای ژبو كوردايەتيێ و رەسەنايەتييا ئێزديێا و پاراستنا گیانێ پێکڤەژیانێ ل کوردستانێ وپاراستنا مالا کوردی ژهەر کەربووکینا ئولی و ئاینی، روحا تە ل بەهەشتێ بیت میر. هەردەم پاراستی بیت برایەتی و پێکڤەژیان ئاشتييانه.

فازل ميرانى
سكرتێرى مه كته بى سياسى

ئەڤرۆ نیوز، نەوزاد هلۆری:

ده‌مه‌كێ كێم به‌رى نوكه‌ وه‌لاتیه‌كێ كومه‌لگه‌ها هێتوت یا سه‌ر ب ناحیا دێره‌لووك بناڤێ په‌روه‌ر سه‌ید ردوان ب گولەیەکێ خوه‌ برینداركر.

سه‌ید ردوان بابێ ئه‌وى وه‌لاتى بۆ ئه‌ڤرۆ نیوز گۆت: (ده‌مه‌كێ كێم به‌رى نوكه‌ كورێ من ب گوله‌یەکێ هاته‌ برینداركرن، ره‌وشا وى تا راده‌یه‌كێ باشه‌).

ل دۆر چه‌وانیا دروستبوونا روودانێ ناڤبرى گۆت: (ئه‌ز ل مال نه‌بووم، كورێ من گوله‌یه‌ك ڤێ كه‌فتیه‌، یا ئه‌م دزانین ئه‌وى وه‌ل خوه‌كریه‌، به‌لێ هێشتا ناهێته‌ زانین كا ئه‌وى ب شاشى گولە ل خوه‌ دایه‌ یان ژى ژ راستى ل خوه‌ دایه‌، نوكه‌ ئه‌م مژولێ چاره‌سه‌ركرنا كورێ خوینه‌).

ب گوره‌ى ئاخفتنێن بابێ په‌روه‌رى، په‌روه‌ر قوتابیه‌ و ژیێ وى 18 سالن و هه‌ر ل مال گوله‌ ل خوه‌ دایه‌.

ئه‌ڤرۆ نیوز، نه‌وزاد هلۆرى:

شه‌ڤا بورى هه‌تا ئه‌ڤرۆ شه‌پوله‌كا بهێز یا باران بارینێ ده‌ڤه‌را سوران بخوڤه‌ گرتیه‌ و بویه‌ ئه‌گه‌رێ دروستبوونا له‌هیان دنوكه‌ دا رێیا هاتنووچۆنا گه‌لیێ عه‌لى به‌گ كه‌فتیه‌ دمه‌ترسیێ دا.

عیمران عه‌بدوللا، وه‌لاتیه‌كێ سورانه‌ بۆ ئه‌ڤرۆ نیوز گۆت: (ئه‌ڤرۆ سپێدێ من خواست ب رێیا گه‌لیێ عه‌لى به‌گ بچم هه‌ولێر، به‌لێ ژبه‌ر رابوونا له‌هیان من نه‌شیا بچم، ژبه‌رڤێ دخوازم كو لایه‌نێن شوله‌ژێ ب زوترین ده‌م كار بكه‌ن بو نه‌هێلانا له‌هیان لسه‌ر جاددێ).

زێده‌تر گۆت: (نوكه‌ رێیا گه‌لیێ عه‌لى به‌گ گه‌له‌ك مه‌ترسیه‌ و پێدڤى ی شوفێر و وه‌لاتى هوشیارى خوه‌ به‌ن، دیسان ژ ئه‌گه‌رێ له‌هیان زیان ب جاددێ و چه‌ند كه‌لوپه‌لێن ناڤا گه‌لیێ عه‌لى به‌گ ژى كه‌فتیه‌).

دهێته‌ زانین رێیا گه‌لیێ عه‌لى به‌گ قه‌زا سوران و ناحیا خه‌لیفان پێكڤه‌ گرێدده‌ت و هژماره‌كا زور یا گوندان بخوڤه‌ دگریت.

ئەڤرۆ نیوز:
رێڤەبەرێ گشتی یێ کاروبارێن ئێزدیان ل وەزارەتا ئەوقاف و کاروبارێن ئاینی ھەرێما کوردستانێ دیارکر:” میر تەحسین بەگ میرێ ئێزدیان وەغەرا دووماھیی کر چوو بەر دلوڤانیا خودایێ مەزن”.
خەیری بۆزانی رێڤەبەرێ گشتی یێ کاروبارێن ئێزدیان ل وەزارەتا ئەوقاف و کاروبارێن ئاینی ھەرێما دیارکر:” میر تەحسین بەگ ل نەخۆشخانا( ک ار ایج سلیوخ) باژێری ھانوڤەر وەلاتی ئەلمانیا وەغەرا دوایی کر ب ڤی ھەلکەفتا خەمبار زۆر دلگران بووین و داخوازێ ژ خودێ دکەین جھێ رەحمەتی بەھشت بیت”.
خۆیا ژی کر:” میر تەحسین بەگ ل سالا ١٩٣٣ ژ دایک بوویە ل سالا ١٩٤٤ بوویە میری ئێزدیان ئەڤرۆ ٢٨/١/٢٠١٩ میری ئێزدیان خاترا خوە ژ ڤی دونیایی خواست و چوو بەردلوڤانیا خودایێ مەزن”.