ئەڤرۆ نیوز:
ئەڤرۆ ل رۆژا دوشەمبی ٧-١-٢٠١٩ ل سەلاحەدین سەروک مەسعود بارزانی پێشوازی ل سەروکێ بزاڤا عەتا و راوێژکارێ ئاسایشا نشتیمانیا عیراقێ فالح فەیاز کر و د دیدارەکێ دا بەحس ل دۆر بارودوخێ سیاسی یێ عیراقێ ھاتە کرن.
د ڤێ دیدارێ دا ھەردو لایان بەحس ل بارودوخێ سیاسی یێ عیراقێ ھاتە کرن و دووماھی پێنگاڤێن تمامکرنا حوکمەتا نوو یا عیراقێ ھاتە گوتوبێژ کرن، دیسان ھەردو لا تەکست ل ھەماھەنگیا ھەردو لایان بۆ سەرخستنا پروسەیا سیاسی یا عیراقێ و چارەسەرکرنا کێشەیان کر
ئەڤرۆ نیوز، لەزگین جوقی:
سەرۆکێ ئێکەتیا سەندیکا کریکارێن کوردستانێ لقی دھۆکێ دیار کر کو د سالا بوری دا رەوشا کرێکاران یا باش نەبوو و گۆت: “د سالا ٢٠١٨ێ دا ٢٣٢ ئاریشێن کرێکاران یێن ھاتینە تۆمارکرن، ژوان ژی ١٨٦ ئاریشە ھاتینە چارەسەرکرن”.
عیسا نسری، سەرۆکێ ئێکەتیا سەندیکا کریکارێن کوردستانێ لقی دھۆکێ د کونگرەکێ رۆژنامەڤانی دا دیار کر کو ل پارێزگەھا دھۆکێ ٢٦ ھزار و ٢٠٣ کرێکار بووینە ئەندام ل سەندیکایێ، ژوان ژی ٣٧٠ ئافرەتن و ٧٠ کرێکارێن بیانی نە و گۆت: “د سالا بۆری دا ل سەرانسەری پارێزگەھا دھۆکێ دو کرێکاران گیانێ خوە ژدەستداینە و ١٢ کرێکار ژی برینداربووینە”.
ناڤھاتی ئاماژە دا وێ چەندێ کو ژ سەرجەمێ ٢٣٢ ئاریشێن کرێکاران یێن ل سەندیکایێ ھاتینە تۆمارکرن، ٤٤ ژوان ماینە ھەلاویستی و چارەسەر نەبووینە و یێن دی ژی ھەموو چارەسەر بووینە و گۆت: “شەش ھزار و ٤٢٣ پرۆژێن دابینکری ل دھۆکێ ھەنە و ژ سەرجەمێ ٢٦ ھزار کرێکاران ١٤ ھزار و ٧٥٧ کرێکار د دابینکرینە”.
سەرۆکێ ئێکەتیا سەندیکا کریکارێن کوردستانێ لقی دھۆکێ خویا کر کو ھەتا نوکە ١٥٤ کرێکار ل پارێزگەھا دھۆکێ ھاتینە خانەنشینکرن و گۆت: “د سالا ٢٠١٨ێ دا ب تنێ دو کرێکار ل پارێزگەھا دھۆکێ ھاتینە خانەنشینکرن، ھەروەسا چەندین لژنە بۆ پشکنینا جھێن کاری ل سەندیکایێ ھەنە و بەردەوام بۆ دابینکرنا مافێن کریکاران کاردکەن”.
ئهڤرۆ نیوز:
ئهڤرو سپێدێ 7/1/2019 ب ئامادهبونا دكتور باسل جوقی نوێنهرێ پارێزگهها دهوكێ رێ و رهسمێن گوهرینا رێڤهرێ رێڤهبهریا ئهندازیارری یا هونهری هاتنه گێران تێدا ئهندازیار دیندار محمدسلیم صدیق وهكو رێڤهبیهرێ نوی ب وهكالهت ل شوینا ئهندازیار ابراهیم مستهفا تاها هاته دانان.
بهراهیێ باسل جوقی نوێنهرێ پغارێزگهها دهوكێ ئاماژه كره وێ چهندێ كو گوهرین ل ههر جههكی پێنگاڤهكا باشه بو پێشڤهبرنا كاری و سوباشی و دهست خوشیا ئهندازیار ابراهیم مستهفا تاها كر بو وی كارێ دڤان سالێن بوریدا بو دامهزراندنا رێڤهبهریا نافبری و كارێ ژ ههژی یێ بجهئینای و هیڤیا سهركهفتنی بو خاست ل ههر جههكێ كاری لێ بكهت، ههروهسا داخازا سهركهفتنێ بو رێڤهبهرێ نوی خواست و بهرههڤیا كارگێریا پارێزگههێ بوههفكاری وهاریكاری كرنا وی بو پێشڤهبرنا كارێ و خزمهتكرنێ دوپاتكر.
ژلایێ خوڤه رێڤهبهرێ بهرێ پیروزباهی ل رێڤهبهرێ نوی كر و هیڤیا سهركهفتنێ بو خواست و بهرههڤیا خو دیار بو ههر پشتهڤانی و ههفكاریهكا پێدڤی بیت بو سهركهفتنا كارێ رێڤهبهرێ نوی.
ههروهسا رێڤهبیهرێ نوی ژی سوز دا بهردهواتم بیت ل سهر تمامكرنا كارێ رێڤهبهرێ كهڤن و مفا وهرگرتن ژشیان و شارهزایا رێڤهبهرێ كهڤن و تهمامكهرێ كارێ بوری بیت بو خزمهتكرنا باژێرێ دهوكێ .
ههژی كوتنێ یه رێڤهبهریا ئهندازیاری و هونهری ل 29/10/2012 هاتیه دامهزراندن بو خزمهتكرنا كارێ ئهندازیاری و هونهری بو رێڤهبهریێن پارێزگههێ .
ئهڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا سێکشهمبى رێکەفتی 8ی کانوونا دويێ 2019ێ ئەسمان دێ ئهورهكێ باراناوى بيت و بهفر و باران دێ بارن و ئاستێ باران بارينێ دێ ژ پارێزگههێن دى زێدهتر بيت.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو دهێته پشبينيكرن ئهسمان ئهورهكێ باراناوى بيت و بهفر و باران دێ بارن و ئاستێ باران بارينێ دێ ژ پارێزگههێن دى زێدهتر بيت.
پشکا پێشبینیان دایە زایە زانین کو دێ لەزاتیا بایی د ناڤبەرا 5 ھەتا 20کم دا و ماوێ دیتنێ ژی دێ د ناڤبەرا 8 بۆ 10کم دا بیت، پلێن گەرمێ ژی دێ د ناڤبەرا 4 بۆ 9 پلان دا بن.
ئەڤرۆ نیوز، لەزگین جوقی:
رێڤەبەرێ نەفت و گازێ ل پارێزگەھا دھۆکێ دیار کر کو رۆژانە ئەو گازا سپی یا حوکمەتا عیراقێ بۆ ھەرێما کوردستانێ دابینکری ژ وێ رێژێ رۆژانە سێ تانکەرێن گازا سپی کو دبیتە ١٠٨ ھزار لتر دگەھنە دھۆکێ و گۆت: “ئەم رۆژانە گازا سپی پتر ژ ڤێ رێژێ ل سەر وەلاتیان بەلاڤ دکەین بۆ نموونە دوھی رۆژا ٦/١/٢٠١٩ی بتنێ ١٢٠ ھزار لێترێن گازا سپی بۆ زاخۆ ھاتینە ھنارتن، ژ بلی دھۆکێ ئەو رێژێن ل بەردەست ئەم ل گەل وێ گازا سپی یا رۆژانە بۆ مە دھێت پێ زێدە دکەین و ل سەر وەلاتیان بەلاڤ دکەین”.
محسن تەھا، رێڤەبەرێ نەفت و گازێ ل پارێزگەھا دھۆکێ بۆ ئەڤرۆ نیوز دیار کر کو پشتی پرۆسا بەلاڤکرنا گازا سپی ل دەڤەرێن چیایی ب دووماھیی ھاتی ل سەنتەرێ دھۆکێ و ئاکرێ و زاخۆ دەست ب بەلاڤکرنێ ھاتیەکرن، د قووناغا ئێکی دا نێزیکی ٢٠ ھزار کوبوونان ل سەر وەلاتیان بۆ وەرگرتنا گازا سپی ھاتینە بەلاڤکرن و نوکە ئەڤ ٢٠ ھزارە بەر ب دووماھیێ ڤە دچن و گۆت: “نوکە مە دەست ب قووناغەکا دی کریە و د ڤێ قووناغێ ژی دا ٢٠ ھزار کوبوون بۆ وەرگرتنا گازا سپی ب رێیا قایمقامیان ل سەر وەلاتیان ھاتینە بەلاڤکرن”.
ناڤھاتی ئاماژە دا وێ چەندێ کو ھەتا نوکە نێزیکی ٤٢ ھزار کوبوونان بۆ وەرگرتنا گازا سپی ل سەر وەلاتیێن قەزایێن دھۆک و ئاکری و زاخۆ ھاتینە بەلاڤکرن و گۆت: “سستی د پرۆسا بەلاڤکرنا گازا سپی دا نینە ئەم ھیڤی دکەین دەمێ وەلاتیێن دھۆکێ و زاخۆ کوبوونێن خوە وەردگرن ل ھەر جھەکێ بیت ب زوترین دەم بچن بەھرا خوە ژ گازا سپی وەرگرن، چونکو ھەکە زوو چوون کووبوون وەرگرتن و گازا خوە ببەن بێ گومان دێ پرۆسا بەلاڤکرنا گازا سپی بلەزتر لێ ھێت و ئەم ژی دێ شێن قووناغەکا دی یا کووبوونان برێیا قایمقامیان بەلاڤ کەین”.
ئەڤرۆ نیوز، مەحمود نھێلی:
قایمقامێ قەزا ئامێدیێ بۆ ئەڤرۆ نیوز دیارکر کو ژ بەر بارینا بەفرێ د دەمێ چەند دەمژمێرێن بوری دا ئاریشا ھاتنوچوونێ ل ھندەک جھان دروستبوویە ب تایەبتی ژی ل ناحیا چەمانکێ و ناحیا کانی ماسێ.
ئیسماعیل مستەفا، قایمقامێ قەزا ئامێدیێ بۆ ئەڤرۆ نیوز دیار کر کو ئەڤە ژ دوھی ب شەڤ وەرە پێلەکا بارینا بەفرێ ب سەر دەڤەرێ دا گرتیە و بوویە ئەگەرێ گرتنا رێ یێن سەرەکی یێن سنوورێ قەزا ئامێدیێ و گۆت: “تیمێن رامالینا بەفرێ یێن رێڤەبەریا پاراستنا رێک و پران ل سەر پاقژکرنا جادێن دەرڤە یێن سنوورێ قەزا ئامێدیێ د بەردەوامن”.
ناڤھاتی دیار کر کو ژ بەر بەردەوامیا بارینا بەفرێ ئەڤرۆ سپێدێ ریێن چەند جھان ھاتبوونە گرتن و ل پەیمانگەھێ قوتابی یێن دەرڤە نەشیانە دەوامێ بکەن و ھەروەسا ل ھندەک جھان بۆ دەمێ چەند دەمژمێرەکان جادە ھاتبوونە گرتن و گۆت: “ئەگەرێ وێ ژی ڤەدگەریت بۆ بارینا بەفرێ ب شێوەکێ بەردەوام و تیمێن رامالینێ ھەتا جھەکی پاقژ دکەن جھەکێ دی دھێتە گرتن”.
قایمقامێ قەزا ئامێدیێ خویا کر کو تیمێن رامالینا بەفرێ نوکە دکاری دانە و پرانیا جادان ھاتینە ڤەکرن و یێن مایی ژی دێ ل دەمەکی نێزیک ھێنە ڤەکرن.
ژ ئالیێ خوە ڤە دا ھاشم یەحیا، بەرپرسێ پشکا کەشناسیا ئامێدیێ دیارکر کو د ٢٤ دەمژێرێن بوری دا ل سەنتەرێ قەزا ئامێدیێ ٦ سەنتیمێن بەفرێ و د ئەڤ سالە دا ٦٩٥ ملیمێن بارانێ بارینە و ل کانی ماسێ ژی ٢١ سەنتیمێن بەفرێ بارینە و ل سەرسنکێ زێدەباری بارینا بەفرێ و سەرجەمێ بارینا بارانان ژی یێن ئەڤ سالە دبنە ٩٧٥ ملیم.
ئهڤرۆ نيوز، نيوار محهمهد سهليم
كهسهكى ئهڤرۆ رۆژا دوشهمبى د روودانهكێ دا، ل سهر جاددا سهرهكيا مانگێشك بۆ كۆمهلگهها باگێرا گيانێ خوه ژ دهست دا.
سالح جهميل، ژ راگههاندنا پشكا هاتنوچوونا قهزا مهركهزى دهۆك بۆ ئهڤرۆ نيوز گۆت: “ل سهر جاددا ناحيا مانگێشك بۆ كۆمهلگهها باگێرا ل گۆندێ گۆندك نهبى روودانهكا هاتنوچوونێ ژ جۆرێ لێدان روودا كو ترۆمبێلهكا پيكئاپ خوه ب پهرژانێ جاددێ دادايه”.
زێدهتر گۆت: “ژ ئهنجامێ ڤێ روودانێ كهسهكى گيانێ خوه ژ دهست دايه و كهسهكێ دژى بريندار بوويه و بۆ نهخۆشخانا تهنگاڤيان ل دهۆكێ هاتيه ڤهگوهاستن، زيانێن مهزن ژى ب ترۆمبێلێ كهفتينه”.
ل دۆر ئهگهرێ روودانێ ژى سالح جهميل دا زانين كو ئهڤ روودانه ژ ئهگهرێ بكارئينانا لهزێ بوويه و بهفر ژى باريه و بوويه ئهگهر كو كونترۆلێ ل سهر ترۆمبێلێ نهكهت.
ئەڤرۆ نیوز، قائید میرۆ:
ھەر چەندە زێدەتری سێ ھەیڤايه ھەلبژارتنێن پەرلەمانێ کوردستانێ ھاتینە ئەنجامدان و ھێشتا لایەنێن سیاسی ل دۆر چاوانیا پێکئینانا کابینا نوو یا حوکمەتا ھەرێما کوردستانێ نەگەھشتینە چو رێکەفتنان پەرلەمانتارەک ژی دبێژیت، “ھەتا رێکەفتن نەھێتەکرن پەرلەمان نەشێت کۆم ببیت”.
زانا مەلا خالد، پەرلەمانتارێ فڕاکسیۆنا پارتی ل پەرلەمانێ کوردستانێ بۆ ئەڤرۆ نیۆز دیارکر کۆمبوونا پەرلەمانی ب ڤەکری مایە و چو ژڤانەکێ دیاری کری نینە بۆ ھندێ پەرلەمانێ کوردستانێ کۆم ببیت، چونکو کۆمبوونا پەرلەمانی یا گرێدایی رێکەفتنا ناڤبەرا لایەنێن سیاسیە، ھەگەر لایەنێن سیاسی گەھشتنه رێکەفتنێ ئەڤە بێگومان پەرلەمان یێ بەرھەڤە بۆ ئەنجامدانا کۆمبوونێ.
زانا مەلا خالد ئاماژە کره وێ چهندێ ژى كو بڕیارە رۆژێن بھێت دانوستانێن لایەنێن سیاسی دەست پێ بكهن و ههكه ڤێ رێکەفتن ئێكسهر پەرلەمانێ کوردستانێ کۆم بیت، بەروڤاژی ھەتا رەوش یا ھوسایە کۆمبوون ناھێتەکرن.
ئەڤرۆ نیوز، رێوار مزیری:
رێڤەبەرێ راگەهاندنێ ل رێڤەبەریا گشتی یا پەروەردا پارێزگەها دهۆکێ بۆ ئەڤرۆ نیوز دیار کر کو ئەڤرۆ رۆژا 7/1/2019 دێ ئەزموونێن دووماهیا وەرزێ ئێکێ- خۆلا ئێکێ یێن قووناغێن بنەرەت و ئامادەیی ل سەرانسەری هەرێما کوردستانێ بۆ سالا خواندنێ 2018- 2019 ێ دەستپێکەن.
ئەحمەد عەبدوللا زۆبێر، رێڤەبەرێ راگەهاندنێ ل رێڤەبەریا گشتی یا پەروەردا پارێزگەها دهۆکێ ئاشکرا کر کو نێزیکی 250 هزار قوتابیان ل پارێزگەها دهۆکێ ژ قووناغا چارێ بنەرەت هەتا قووناغا 12ێ ئامادەیی دێ پشکداریێ د ئەزموونێن دووماهیا وەرزێ ئێکێ- خۆلا ئێکێ بۆ سالا خواندنێ 2018- 2019 ێ دا کەن و گۆت : “زێدەتری ملیۆنەک و 100هزار قوتابیان ل سەرانسەری هەرێما کوردستانێ دێ د ڤان ئەزموونان دا پشکدار بن”.
ناڤهاتی خویا کر کو رێڤەبەریا گشتی یا پەروەردێ ل پارێزگەها دهۆکێ ب رێیا هەر 10 رێڤەبەریێن پەروەردێن قەزا یێن سەر ب وێ ڤە هەموو پێدڤی بۆ پرۆسا ئەزموونان دابینکرینە.
ئهڤرۆ نیوز:
ب مهرهما پیروزكرنا جهژنا بونا حهزرهتا عیسایێ مهسیح ل برایێن ئهرمهن ئهڤرو فهرهاد ئهمین ئهتروشی پارێزگهرێ دهوكێ سهرا دێرا ئهرمهنێن ئهرتوسودوكس ل تاخێ ماسیكێ ل باژێرێ دهوكێ دا ژلایێ بهرێزان زانایێن ئاینێ مهسیحیی وكهسایهتیێن برایێن ئهرمهن پێشوازی لێ هاته كرن.
پارێزگهرێ دهوكێ بناڤێ كارگێریا پارێزگههێ جهژنا ههموو برایێن ئهرمهن ل سنورێ پارێزگهها دهوكێ ول ههرێما كوردستانێ پیروزكر وخواست كو برایێن ئهرمهن ههر سال ڤان جهژنا بخێر وخوشی وئاشتی وئازادی بگێرن.
ههژی گوتنێ یه پتر ژسێ هزار ئهرمهنا ل كوردستانێ ههنه ونێزیكی 2400 ل سنورێ پارێزگهها دهوكێ دژین .
نيشاندان