ئهڤرۆنیوز:
موفتیێ سونهیێن عیراقێ، شێخ مههدى ئهلسمێدعى ئهڤرۆ ئهینیێ 28/12/2018 ههر ئاههنگهك ب ههلكهفتا كریسمسێ وسهرێ سالا نوو یا زاینی حهرام كر.
ئهلسمێدعى دچارچۆڤێ گۆتارا نڤێژا ئهڤرۆ ئهینیێ ل مزگهفتا (ام الطبول) ل بهغدا بۆ موسلمانێن عيراقێ راگههاند” پشكدارى دئاههنگێن كريستيانان نهكهن ب ههلكهفتا كريسمسێ وسهرێ سالا زاينى، ههكه پشكداريێ تێدا بكهن، رامانا وێ ئهوه كو ههوه باوهرى يا ب وێ چهندێ ههى كو مهسيح كورێ خودێ يه”.
ئهڤرۆنیوز:
وهزارهتا بهرگریا ئهمریكى (پنتاگۆن) دهنگوباسێن ئهڤرۆ ل دۆر لڤینا هێزێن حوكمهتا سوورى بۆ ناڤ باژێرێ مهنبهج ب دروو دهرخستن.
پنتاگۆن دبهیاننامهكێ دا دووپاتكر كو پێدڤیه ل سهر ههموو لایهنێن پشكدار دناكۆكیێن سووریێ دا ئارامیا باژێرێ مهنبهج وژیانا وهلاتیان بپارێزن.
ژێدهرهكى ب ناڤێ ههڤپهیمانیا نێڤدهولهتى یا شهرێ دژى داعشێ راگههاند كو دهنگوباسێن چوونا هێزێن سوورى بۆ ناڤ باژێرێ مهنبهج ددوورن ژ راستیێ.
ئهڤرۆ هێزێن حوكمهتا سوورى راگههاندبوو كو ل سهر داخوازا پهكهكێ، ئهو یێن چووینه دناڤ باژێرێ مهنبهج دا، ژلایهكێ دى ڤه میلیشیێن سوورى یێن ب سهر توركیا ڤه بهر ب باژێرێ مهنبهج لڤین.
ئهڤرۆنیوز:
شارهزایهكێ قانوونى یێ عیراقى سهرهدانا ژنشكهكێ ڤه یا سهرۆكێ ئهمریكى دونالد ترامپ بۆ بنگهههكێ لهشكرى یێ ئهمریكى ل پاریزگهها ئهنبار ب سهرهدانهكا ئاسایى دبينیت ودبێژیت ترامپى چو سهروهریا عیراقێ پێشێل نهكریه.
تارق حهرب بۆ ئهڤرۆنیوز گۆت” سهرهدانا ترامپى یا كهسایهتى بوو ونه سهرهدانهكا فهرمى وپرۆتوكۆلى بوو و سهرهدانا سهربازێن ئهمریكى كربوو نهكو سهرهدانا دهولهتا عیراقێ”.
تارق حهرب زێدهتر گۆت” سهرهدانا ترامپى یا بێ پێشوازی وخاتر خواستنا فهرمى بوو وزێرهڤانێن شهرهفێ وجوقا موزیكى وئالایێن ئهمریكا ژلايێ حوكمهتا عيراقێ ڤه نههاتبوونه بهلاڤكرن”.
دیاركر ژى” حوكمهتا عیراقى كارهكێ باش كر كو چو پێرابوونێن دبلوماسى وفهرمى بۆ سهرهدانا ترامپى نهكرین، ب تایبهتى ئهمریكا بهحسێ بهانهیا لایهنێ ئهمنى دكر”.
تارق حهرب ئاماژهكر كو ههر ژ شهرێ ڤێتنامێ ل سالێن شێستان وحهفتیان یا بوویه عورفهك كو سهرۆكێ ئهمریكا ل دهمێ جهژنێن ژدایكبوونا عیسایێ مهسیح وسهرێ سالێ، سهرهدانا سهربازێن ئهمریكى دكهت ل دهرڤهى ئهمریكا ودهمهكێ دگهلدا دبۆرینیت، ئانكو ل ڤێرێ سهرهدانا ترامپى نه سهرهدانا دهولهتا عیراقێ بوو، بهلكو سهرهدانا سهربازێن ئهمریكى بوو كو سهرهدانهكا تایبهت وكهسایهتى وژدهرڤهى پرۆتۆكولى وفهرمى بوو”.
ئەڤرۆ نیوز:
بەری دەمەکێ هێزێن رژێما سووریێ چوونە ناڤ باژێرێ منبجێ و ئالا خوە ل ناڤ وی باژێری بلند کرن، ئەو یەک ژی پشتی هندێ هات کو یەپەگێ ب فەرمی راگەهاند مە هێزێن خوە ژ منبجێ ڤەکێشاینە و داخواز ژ رژێما سووریێ کر کو هێزێن خوە ببەتە منبجێ.
هەژی ئاماژەپێدانێ یە کو بەری چەند رۆژان رژێما سووریێ هێزێن خوە ل نێزیکی باژێرێ منبجێ بجه کربوو و بەری دەمەکێ ژی چوونە ناڤ باژێری و ئالا خوە بلند کرن.
ئهڤرۆ نيوز:
سهرۆكێ لژنا ساخلهميێ ل جڤاتا نوونهرێن عيراقێ تهكست ل سهر وێ چهندێ دكهت كو نها كار ل سهر زێدهكرنا دهرمالێن فهنبهرێن ئيدارى يێن وهزارهتا ساخلهميێ ژ 30% بۆ 75%ێ دهێته كرن و ههموو فهرمانبهرێن وهزارهتێ بێ جوداهى دێ ڤهگريت.
قوتهيبه جبۆرى، سهرۆكێ لژنا ساخلهميێ ل جڤاتا نوونهرێن عيراقێ، ل پێگههێ تايبهتێ خوه يێ فهيسبۆكى بهلاڤكريه كو بابهتێ قانوونا خزمهتا ساخلهميێ و جوداكاريا فهرمانبهران و كاركرن ب گۆرهى پۆلينا كارى، پشتهڤانيا ههموو فهرمانبهرێن ساخلهميێ دكهين”.
تهكست ژى ل سهر وێ چهندێ هاتيه كرن كو كار ل سهر بنهمايێ وان ههموو داخوازيێن ژ لايێ فهرمانبهرێن ئيدارى يێن وهزارهتا ساخلهميێ د دهربارهيى زێدهكرنا دهرمالێن وان دا دكهن وهكو سهرۆكێ لژنێ كار دكهت بۆ زێدهكرنا دهرمالێن وان.
قوتهيبه جبۆرى، كو پێشتر ل سالا 2014ێ بۆ 2015ێ وهزيرێ ژينگهها عيراقێ بوو، ئاشكهرا كر كو دهرمالێن فهرمانبهرێن ئيدارى يێن وهزارهتا ساخلهميێ ژ 30% بۆ 75%ێ دێ هێنه زێده كرن، “ل دهسپێكا وهرزێ دانانا قانوونان دێ كار ل سهر كهين”.
د ڤێ دهربارێ دا، د. داليا فهرهاد، ئهنداما جڤاتا نوونهران ل سهر فراكسيۆنا پارتى ديموكراتى كوردستان بۆ ئهڤرۆ نيوز گۆت: “ئهڤ بزاڤه پێشتر ژى ههبوون و نها ژى كار ل سهر وێ چهندێ دهێته كرن كو ئهڤه ببيته قانوون و بكهڤيته وارێ بجهئينانێ”.
ئهڤرۆ نيوز:
جۆن بۆلتن، شيرهتكارێ ئاسايشا نهتهوى يا ئهمريكا راگههاند، دۆنالد ترهمپ، سهرۆكێ ئهمريكا دێ عادل عهبدولمههدى سهرۆك وهزيرێن عيراقێ گازى كۆچكا سپى كهت و ل هيڤيا وێ چهندێ ينه پێشوازيێ لێ بكهين.
بۆلتن، ئێكه ژ وان كهسێن ل گهل سهرۆكێ ئهمريكا سهرهدانا بنگههێ لهشكرى يێ ئهمريكى ل ئهسهد ل ئهنبار كرى.
بۆلتن گۆت: “سهرۆك ترهمپ دێ ژ نێزيك ل گهل سهركردێن لهشكرى ل عيراقێ بهر ب پێشڤهچوون و پێنگاڤێن سهركهفتنا تهمامى ب سهر داعش دا بهحس كهت.
ئهڤرۆ نيوز:
ئاخفتنكهرێ ب ناڤێ وهزارهتا ژ دهرڤه يا ئيرانێ سهرهدانا دۆنالد ترهمپ بۆ عيراقێ ب سهرهدانهكا دزيانه ناڤ دبهت و وهسان ددهته زانين كو سفكاتى بوو ب سهروهريا عيراقێ.
بههرام قاسمى، ئاخفتنكهرێ ب ناڤێ وهزارهتا ژ دهرڤه يا ئيرانێ راگههاند: “سهرهدانا ب دزيڤه يا دۆنالد ترهمپ ههڤدژى قانوونێن دبلۆماسيه و سڤكاتيه ب سهروهريا عيراقێ، هێزێن دهرهكى يێن وان دوور يان نێزيك دێ نهچار بن خوه ژ ههموو دهڤهرێ ڤهكێشن”.
ئهڤرۆنيوز:
فهرماندێن حهشدا شهعبى وپهكهكێ ونوونهرێن عهرهبێن سونه وشيعێن شنگالێ، پێكئيانانا جڤاتهكێ بۆ ب رێڤهبرنا شنگالێ راگههاند.
دراگههاندنهكێ دا كو ئاراستهى حوكمهتا عيراقى ولايهنێن پهيوهنديدار يێن عيراقى كريه، پشكهك ژ كهسايهتى ووهلاتيێن شنگالێ جڤاتهكا بهروهخت بۆ وى باژێرى دياركر.
حهيدهر شهشۆ، سهرۆكێ حزبا ديموكراتيا ئێزدى بۆ كوردستان 24 گۆت” ئهم ل سهر دامهزراندنێ وێ جڤاتێ درازى نينين”.
گۆت ژى” ئهم بۆ وێ كۆمبوونێ هاتبووينه داخوازكرن، بهلێ بهرههڤ نهبووين چونكى جڤاتهكا نهقانوونى ونه شهرعى يه وپهكهكه وحهشدا شهعبى باش دزانن كو ئهو پێنگاڤه دژى بهرژهوهنديا شنگالێ يه وجادا شنگالى ژى ب ڤێ رهفتارێ يا رازى نينه”.
دياركر”ههر دهمهكێ پارێزگهرێ نهينهو فهرمانا دامهزراندنا ڤى جۆره جڤاتێ دهربكهت، دێ پێ رازى بين”.
مهحما خهليل، قايمقامێ شنگالێ دبێژيت” ژبهر وان گرۆپێن چهكدار رهوشا ئهمنى يا شنگالێ خرابتر بوويه، ههكه رهوشا نوكه ههى يا بهردهوام بيت، ئهگهر يێ ههى شهر وكارهساتێن مهزن ددووڤ دا بهێن”.
خوياكر” ب زڤرينا پێشمهرگهى بۆ شنگالێ ودهركهفتنا گرۆپێن چهكدار، دێ ئارامى بۆ قهزا شنگالێ زڤريت وئاواره ژى دێ زڤرن”.
ئەڤرۆ نیوز ،بارزان مزووری :
رێڤەبەرێ بەلاڤكرنا ئاڤا شێخان، مەجید عبدالكریم، بۆ ئەڤرۆ نیوز دیار كر كو ژبۆ دروستكرنا ئێكەم پرۆژێ ستراتیژی یێ ئاڤێ ل قەزا شێخان ب هەماهەنگی دگەل رێڤەبەریا ئاڤا دەوروبەرێن پارێزگەها دهۆكێ پێداچوون هاتیە كرن ئاڤا هەرسێ رووبارێن “خازر ،نێردوش،گومل” ل نێزیك پرا مەندان دبیتە ئێك رووبار كو مەزنترین پرۆژێ ئاڤا ڤەخارنێ بو قەزا شێخان بهێته دروست كرن ،
گۆت ژى : ئەڤ پرۆژە 80% دێ ئاڤێ دەتە دەڤەرا شێخان رۆژانە دشێت 5 هزار مترێن چارگوشە يێن ئاڤێ بدەتە مالان بتنێ ئاڤا ڤی پرۆژەی ناگەهیتە دەڤەرا ئەتروش وب ئهنجامدانا وى دێ 90% دەرگەهێن بیرێن ئاڤێ ل دهڤهرێ هێنه داخستن ،
ناڤهاتی خوياكر: ل سنورێ ناحیا كەلەكچی دو هزار كانیێن ئاڤێ یێن هەین، بهلێ ئاڤا وان ب هەروە دچیتە درووبارێ خازردا ورێژەكا كێم ژوان كانیان بۆ چاندنێ دهێنه بكارئینان وژئاڤا وان كانيان دێ مهزنترين پرۆژێ ئاڤێ ژێ دروست بيت.
نيشاندان