ئهڤرۆنيوز:
برياره سهرۆكێ پهرلهمانێ عيراقێ محهمهد حهلبووسى سهرهدانا ههرێما كوردستانێ بكهت ول گهل سهرۆك بارزانى وچهند بهرپرسێن دى يێن ههرێمێ كۆم ببيت.
ژێدهرهكێ ئاگههدار ژ بهغدا بۆ ئهڤرۆنيوز دياركر كو سهرۆكێ پهرلهمانێ عيراقێ دێ سهرهدانا دهۆكێ ژى كهت ودبيت سهرهدانا وى بۆ ههرێمێ بۆ دهمێ 3 رۆژان يا بهردهوام بيت.
ئهڤرۆنيوز:
نوونهرێ حوكمهتا ههرێما كوردستانێ ل ئێكهتيا ئهورۆپى، دلاوهر ئاژگهيى ديدار ل گهل ههشت پهرلهمانتارێن ئيكهتيا ئورۆپى ژ فراكسيۆنێن جودا جودا كرن.
دلاوهر ئاژگهيى، نوونهرێ حوكمهتا ههرێمێ ل ئێكهتيا ئهورۆپى دبهرپهرێ خوه دا ل سهر تۆرا جڤاكى يا فهيسبووكى بهلاڤكر” مه دووماهى پێشهاتێن سياسى ل ههرێما كوردستانێ وعيراقێ وپرسا پێكئينانا كابينا نوو يا حوكمهتا ههرێمێ گههانده وان پهرلهمانتاران”.
ئاماژه كر” پهرلهمانتارێن ئهورۆپى پێشوازى ل وان بزاڤێن حزبێن سياسى يێن كوردستانى كر كو ددهمێ دو حهفتيێن بۆرى دا ئهنجامداين بۆ پێكئينانا حوكمهتهكا ب هێز ل ههرێما كوردستانێ”.
دياركر ژى” ب خوهشحالى ڤه مه ديت پهرلهمانتارێن ئهورۆپى بۆچوونهكا ئهرێنى بهرامبهر دووماهى گورانكارى وپێشهات ل مهيدانا سياسى ل ههرێما كوردستانێ يا ههى وهيڤى خواستن پهيوهنديێن وان ل گهل حوكمهت وپهرلهمانێ كوردستانێ پتر بهر ب پێشڤه بچن”.
ئهڤرۆ نيوز:
سهرۆك بارزانی جهژنا رۆژیێن ئێزی ل ئێزدییان پیرۆز كر ، د پهیامهكێ سهرۆك بارزانی ب ههلكهفتا جهژنا رۆژیێن ئێزی پیرۆزباهی ل ئێزدیێن كوردستانێ و سهرتاسهرێ جیهانێ كرن و هیڤیخواستن ئهڤ جهژنه دهستپێكا خوهشی و ئارامی و بهختهوهرییا ههمی ئێزدییان بیت یێن كو ل دهمێ بۆری ژ بهر دوورپێچا تیرۆرستان توشی كارهسات و ئاوارهیی و ئازاران بووین.
د پهیاما سهرۆك بارزانی دا هاتییه ژی: شانازییه بۆ ههمییان كو كوردستان وهلاتێ برایهتی و پێكڤهژیانێ بیت و پێدڤییه ب هیمهتا ههموو ئالییان ئهو برایهتی و پێكڤه ژیان كوورتر و بهرفرههتر ببیت.
ئەڤرۆ نیوز،بارزان مزووری:
سەیدو جەتو،سەروکێ ئەنجومەنێ پارێزگەھا نەینەوا بۆ ئەڤرۆ نیوز ئاشکرا کر ئەڤرۆ ئیڤاری رێکەفتی ١٣ کانونا ئێکێ ٢٠١٨ پەیوەندیەکا تەلەفونی دگەل لیوا نەجم جبوری ئەنجام دا ژ مەرەما ڤەکرنا رێکا سحێلا بۆ شەنگال.
ناڤھاتی خویاکر کو مە داخاز ژێ کر کو بریارێ ل سەر ڤەکرنا ڤێ رێکێ بکەت داخازیا مە جێ بە جێ کر کو رۆژا ئەینی رێکەفتی ١٤ کانونا ئێکێ ٢٠١٨ رێیا دناڤبەرا شەنگال و سحێلا بھێتە ڤەکرن ب شێوەیەکێ فەرمی ھاتن و چوون لێ بھێتە کرن بۆ ھاولاتیان.
ئهڤرۆ نيوز:
سپێدههيا ئهڤرۆ رۆژا پێنجشهمبى رێكهفتى 13ى كانوونا ئێكێ 2018 نێچيرڤان بارزانى سهرۆك وهزيرێن ههرێما كوردستانێ پێشوازى ل ناديا موراد خودانا خهلاتێ نوبل يێ ئاشتيێ كر.
د ديدارهكێ دا سهرۆك وهزيران پيرۆزباهى لێ كر ب ههلكهفتنا وهرگرتنا خهلاتى و هيڤيا سهركهفتنێ بۆ خواست، ههموو پشتهڤانيا خوه ژى بۆ كار و چالاكيێن وێ يێن د وارێ مرۆڤاتيێ د پێناڤى ئاشتى و خزمهتكرنا قوربانيێن ئێزدى و گههاندنا دهنگێ وان ب جيهانێ دياركر، بزاڤێن خوه ژى بۆ روو ب رووبوونا تيرۆرست و سزادانا وان و ناساندنا كهيسێ ئێزديان وهكو جينوسايد ل جيهانێ و پاراستنا وان دووپاتكر.
ژ لايێ خوه ڤه ناديا موراد سوپاسيا سهرۆك وهزيران كر و چهندهك ژ سهرهاتيا خوه يا تراژيدى و ئێزديان خسته بهرچاڤ و تهكست ل سهر وێ چهندێ كر كو بزاڤێن وێ بۆ ڤهگهراندنا ئارامى و ئاشتيێ بۆ كۆمهلگهها ئێزدى و ههموو قوربانيێن دهستێ تيرۆرێ ب گشتى، ههروهسا بهحس ل كاودانێن نها يێن ئێزديان و دهڤهرێ و ب تايبهت شنگال كر.
داخواز ژى كر كو حوكمهتا ههرێما كوردستانێ رۆلێ خوه د ئاڤهدانكرنا شنگال و دهڤهرێن دى يێن ئێزديان و ڤهگهراندنا ئاواران و ژيان و پاراستن وان و ئاراميێ ل دهڤهرێ بگێرن.
ههر د وێ ديدارێ دا ناديا موراد، دانهك ژ كتێبا خوه يا ب ناڤێ “دووماهى كچ” يا ب زمانێ ئنگليزى بهلاڤ بووى، ب ديارى پێش كێشى نێچيرڤان بارزانى كر.
ئەڤرۆزنیوز، رەزوان ڕۆژبەیانی:
ژ ئەگەرێ روودانەکا ھاتنوچوونێ ل سەر رێیا گشتی یا ناڤبەرا ناحیە روڤیا و قەزا ئاکرێ چار کەس ب دژواری بریندار بوون.
موقهدمێ مافپهروهر ئازاد تەھا بهرپرسێ راگههاندنێ ل رێڤهبهريا ھاتنوچوونا پارێزگەھا دھۆکێ بۆ ئەڤرۆنیوز گۆت: “ژ ئەگەرێ روودانەکا ھاتنوچوونێ ل سەر رێیا گشتی یا د ناڤبەرا ناحیا روڤیا و قەزا بەردەڕەش ل نزیک گوندێ ئێک مالە دا چار کەس ب دژواری بریندار بوون”.
گۆتژی ئەو روودان پێکھاتبوو ژ لێکدانا دو ترۆمپێلان و بریندار ژی ھاتنە رەوانە کرن بۆ نەخۆشخانا تەنگاڤیا قەزا ئاکرێ.
ئەڤرۆ نیوز، نەوزاد ھلۆری:
د پرۆژەیەکێ ھەڤپشک دا رێکخراوا وار بۆ پاراستنا ژینگەھێ ب ھەڤکاری ل گەل باژێرڤانیا سۆران، رابووینە ب چاندنا هزار شتلێن دارێن مەزن د ناڤ سەنتەرێ باژێری دا، ھەڤدەم راکرنا ھەموو شوستەیێن ئاسنی ل سەر رەخێن جاددێ.
ھەژار ئێدلبی، سەرۆکێ رێکخراوا وار بۆ پاراستنا ژینگەھێ بۆ ئەڤرۆ نیوز گۆت: (ب مەرەما پاراستنا ژینگەھێ و زێدەکرنا کەسکاتی و جوانکرنا سەر و سیمایێ باژێری، مە وەکو رێکخراوا وار ب ھەڤکاری ل گەل باژێرڤانیا سۆران دەست ب پرۆژەیەکێ چاندنا شتلێن دارێن مەزن کریە د ناڤ سەنتەر و جھێن گشتی ل سۆران).
زێدەتر گۆت: (ل سەر رەخێن جاددێن سۆران رەسیفێن ئاسن ھەنە، ئەو شووسته ھەموو ھاتنە راکرن و ل جھێ وان دار ھاتنه چاندن، زێدەباری ل سەر جاددا گشتی د ھەمان دەم دا ل بەردەرگەھێ دوکان و مال و فەرمانگەھان ژی ئەڤ جورێ شتلان دێ ھێتە چاندن، ئەڤ ھەوا چاندنا دارا ئەڤرۆ دەست پێ کریە و چەند رۆژەکان دێ یا بەردەوام بیت).
ناڤبری دیارکر ژی کو نوکە ل سەنتەرێ باژێرێ سۆران 7% کەسکاتی ھەیە و گۆت ژی: (مە دڤێت رێژا کەسکاتی بلند بکەین بۆ ئاستەکێ پێدڤی، ھەکە ھەموو لایەک ھاریکار نەبیت مەترسی ل سەر ژینگەھا سۆران ھەیە).
ئەڤرۆ نیۆز، ئەمیر ئەترووشی:
قائیمقامێ قەزا زاخۆ راگەھاند، ل سەنتەرێ قەزا زاخۆ دەست ب بەلاڤکرنا گازا سپی ھاتیە کرن و دێ یا بەردەوام بیت ھەتا کو ھەموو ئاکنجیێن قەزا زاخۆ گاززا سپی وەردگرن و نھا ل ھەرسێ ناحیا ب دووماھی ھاتیە ب تنێ سەنتەرێ زاخۆ مایە.
بۆتان محسن ئامێدی، قائیمقامێ قەزا زاخۆ بۆ ئەڤرۆ نیۆز دیار کر، بەری نھا گازا سپی ل قەزا زاخۆ ل ھەموو دەڤەر و ناحیە و گۆندان ھاتینە بەلاڤکرن و ھەر خێزانەکێ ئێک بەرمیلا گازا سپى وەرگرتیە، نھا ژی دەست ب بەلاڤکرنا گازا سپی ل سەر خێزانێن سەنتەرێ قەزایێ ھاتیە کرن و دێ یا بەردەوام بیت ھەتا کو ھەموو ئاکنجیێن قەزا زاخۆ ههموو وەردگرن و گۆت: زاخۆ پێدڤی ب حەفت ملیۆن و 600 ھزار لیترێن گازا سپی ھەیە.
ئەو یەک ژی دیار کر کو ل قەزا زاخۆ ھەموویێ 38 ھزار خێزان تێدا دژین و ھەکە ھەر خێزانەک ئێک بەرمیلا گازا سپی کو 200 لیترێن گازا سپى تێدانە وەربگریت، ئەڤە دێ دیاربیت کو سالانە زاخۆ پێدڤی ب حەفت ملیۆن و 600 ھزار لیترێن گازا سپی ھەیە بۆ ئێک بەرمیل، بەلێ ئەگەر ھەر خێزانەک دو بەرمیلێن گازا سپی د سالێ دا وەربگریت، ئەڤە دێ سالانە پێدڤی ب 15 ملیۆن و 200 ھزار لیترێن گازا سپی بیت.
نيشاندان