ئهڤرۆ نیوز:
ههوا نیشتمانی یا 16 رۆژی یا جیهانی یا بهرهنگاربوونا توندوتیژیا دژی ژنان دهێته راگههاندن. ئهڤ ههلكهفته ب چهندین چالاكیان ل باژێرێن جودا یێن كوردستانێ دهێته ساخكرن.
نووترين نووچه
- سەرۆك بارزانی: دڤێت چارەسەرییەكا جدی و ئێكلاكەر بۆ ڤان جۆرە هێرشان بهێتە دانان
- نێچیرڤان بارزانی: هێرشێ پێگەهێ دەستووری یێ سەرۆكێ هەرێما كوردستانێ كریە ئارمانج
- هێرشا درۆنی ل سەر مالا سەرۆكێ هەرێما كوردستانێ كارڤەدانێن بەرفرەهـ ل دووڤ خوە ئینان
- سهرۆكوهزیرێن ئیراقێ لژنەیەك بۆ دووڤچوونا هێرشكرنا سهر مالا سەرۆکێ هەرێمێ ل دهۆكێ پێكئینا
- دۆنالد ترەمپ ب كوردی پیرۆزباهییا جەژنا نەورۆزێ ل نێچیرڤان بارزانی دكەت
- فەرەنسا دێ ل سەر بزاڤێن پاراستنا ئاشتیێ و دابینكرنا ئاسایشێ بۆ گەلێ كورد یا بەردەوام بیت
- هەڤسۆزین ل گەل هەرێما كوردستانێ
- تۆم باراك: ئیراقێ دۆرپێچا ئابووری ئێخستییە سەر هەرێما كوردستانێ
- هەرێما كوردستانێ ڕێگری ل هنارتنا پەترۆلا ئیراقێ نەكریە
- هنارتنا پەترۆلا ئیراقێ ل كەنداڤی تووشی ئاستەنگێن مەزن بوویە
سهرهكى نوچێن گرنگ
دادوەرەکێ کورد دێ بیتە ئەندامێ دادگەھا تەمیزا عیراقێ
ئەڤرۆ نیوز، قائید میرۆ:
د کۆمبوونا دوھی یا پەرلەمانێ عراقێ دا ناڤێ ھژمارەکا دادوەران رادەستی پەرلەمانی ھاتەکرن داکو شەش دادوەر وەکی ئەندامێن دادگەھا بلندا پێداچوونا عیراقێ بھێنە دیارکرن، بەلێ فراکسیۆنێن کوردستانێ ئەڤ چەندە رەتکر بێی ھەبوونا دادوەرەکێ کورد بھێنە پەسەندکرن.
دادگەھا بلندا پێداچوونا عیراقێ ژ شەش دادوەران پێک دھێت و ژلایێ پەرلەمانی ڤە دھێنە پەسەندکرن، بڕیار بوو دوھی رۆژا شەمبی بھێنە دیارکرن، بەلێ ئەڤ بابەت ھاتە گیرۆکرن و بڕیارە د کۆمبوونا داھاتی دا بھێنە ھەلبژارتن.
ھەدار بارزانی، پەرلەمانتارا پارتی ل جڤاتا نوونەرێن عیراقێ بۆ ئەڤرۆ نیوز دیار کر کو دەمێ لیستا ناڤێن دادوەران بۆ ئەندابوونێ ل دادگەھا پێداچوونێ گەھشتیە بەردەستێ وان پەرلەمانتارێن کورد رەتکر، ژ بەر کو چو دادوەرێن کورد تێدانەبوو و گۆت: “بڕیارە د کۆمبوونا داھاتی دا دادوەرێن دادگەھا پێداچوونا عیراقێ بھێنە دیارکر ژلایێ پەرلەمانی ڤە، بەلێ دڤێت دادوەرەکێ کورد ژی ببیتە ئەندام، بێی ھەبوونا نوونەرێ کورد ل دادگەھا پێداچوونێ ئەم رازینابین و دەنگی ل سەر چو دادوەرەکی نادەین، چونکی مافێ کوردایە وەک پێکھاتەکا سەرەکیا عیراقێ ئەندامەک ھەبیت ل دادگەھا بلندا پێداچوونا عیراقێ و نابیت ب تنێ ھەموو دادوەر عەرەب و پێکھاتێن دی بن”.
هژمارا بكارئێنهرين تۆرێن جڤاكى ل ههرێما كوردستانێ هاته راگههاندن
ئهڤرۆنيوز:
رێكخراوهكا بوارێ تهكنهلۆژيايێ ئاشكرادكهت ژ سهرجهمێ چار پارێزگههێن ههرێما كوردستانێ وپارێزگهها كهركووكێ هژمارا بكارئينهرێن تۆرێن جڤاكى زێدهتره ژ 3 مليۆن و400 هزار كهسان، ل عيراقێ ژى 17 مليۆن كهس تۆرێن جڤاكى ب كاردئينن.
رێكخراوا (تيك ئاى) بۆ تهكنهلوژيايێ وپێزانينان راپۆرتهك ل دۆر بكارئينهرێن ئهنترنێتێ وتۆرێن جڤاكى بهلاڤكر”ل دووڤ راپۆرتهكا مه ل دووماهيا سالا 2006 ودهستپێكا سالا 2007 هژمارا بكارئينهرين كۆمپيوتهرى بهر ب زێدهبوونێ چوو، سهنتهر وفهرمانگه وكۆمپانى وگهلهك ژ خهلكى ژى ب ئاميرهكێ نوو يێ تهگنهلۆژيايێ ئاشنا بوون ئهوژى كۆمپيۆتهره وپاشى مۆبايل ب شێوهكێ مهزن بهربهلاڤ بوو”.
دياركر ژى”هژمارا بكارئينهرێن ئهنترنێتێ وتۆرێن جڤاكى گهلهك نهبوون، تاكو دهستپێكا شورهشا بهارا عهرهبى ل سالا 2011 كو ژئهگهرێ وێ ب شێوهكێ نهچاڤهرێكرى مۆبايل وتۆرێن جڤاكى ل وهلاتێن رۆژههلاتا ناڤهراست (ب ههرێما كوردستانێ ژى) زێدهبوو ورۆژ ل دووڤ رۆژێ بكارئينهر زێدهبوون”.
ئاماژه كر” ل دووڤ دووماهى داتا وپێزانين دهزگههێ (ئهنترێت وورلد ستهيت) هژمارا ئاكنجيێن عيراقێ ب گۆرهى دووماهى سهرژمێرى، دسهر 39 مليۆن كهسان دانه وژ وێ رێژێ 19 مليۆن كهس ئهنترنێتێ بكاردئينن كو دبيته رێژا 48.3% ژئاكنجيێن عيراقێ”.
چار كهس ژ ئهنجامێ بارانا ئهڤ شهڤه ل پارێزگهههكا عيراقێ گيانێ خوه ژ دهست ددهن
ئهڤرۆنيوز:
ژێدهرهكى ژ پاريزگهها واست ل باشوورێ عيراقێ بۆ ئهڤرۆ نيوز دياركر كو ژ ئهنجامێ بارانين ئهڤ شهڤه ل پارێزگهها واست چار كهسان گيانێ خوه ژ دهست دا.
جومعه سهعيد، رۆژنامهڤان ل باژێرێ كۆت سهنتهرێ پارێزگهها واست بۆ ئهڤرۆنيوز گۆت” ژئهنجامێ بارانين دژوار يێن ئهڤ شهڤه چار وهلاتيان كو چار ژوان زارۆنه ل ههردو ناحيێن (موهفهقيه) و (ئهحرار) گيانێ خوه ژدهست دا”.
جومعهى گۆت ژى” ژ ئهنجامێ كهفتنا بانێن خانيان كو بان ئاخ بوون ژبهر بارانێن دژوار، وان وهلاتيان گيانێ خوه ژدهستدايه”
سهرۆك وهزيرێن ئيسرائيلێ دێ سهرهدانا وهلاتهكێ دى يێ كهنداڤى كهت
ئهڤرۆنيوز:
پهيڤدارێ نڤيسينگهها سهرۆك وهزيرێن ئيسرائيلێ بۆ راگههاندنا عهرهبى، هانى مهرزۆق ئاشكراكر كو بنيامين ناتانياهۆ سهرۆك وهزيرێن ئيسرائيلێ دێ سهرهدانا وهلاتێ بهحرێن كهت.
هانى مهرزۆق بۆ كهنالێ (مكان) يێ ئيسرائيلى گۆت” سهرهدانا بهێت يا ناتانياهۆى بۆ وهلاتێن عهرهبى دێ بۆ وهلاتێ بهحرێن بيت وئهڤ سهرهدانه دهستپێكهكه بۆ كارهكێ مهزنتر ل رۆژههلاتهكا ناڤهراست يا دى”.
ئاماژه كر ژى كو چهندين وهزيرێن ئيسرائيلى ل قۆناغێن بۆرى سهرهدانا وهلاتێن عهرهبى وكهنداڤى كريه.
سهرۆك وهزيرێن ئيسرائيلى ل ههيڤا بۆرى سهرهدانا وهلاتێ عومان كربوو.
ئەمریکا دێ هێزهكا لهشكرى هنێريته رۆژئاڤايێ كوردستانێ
ئهڤرۆنيوز:
رۆژنامهكا ئهمريكى بهلاڤكر كو ئهمريكا هێزهكا لهشكرى كو ژ 400 سهربازان پێك دهێت دێ هنێريته رۆژئاڤايێ كوردستانێ بۆ پشتهڤانيا هێزێن سووريا ديموكراتى (ههسهده).
رۆژناما (لوس ئهنجلۆس تايمز) يا ئهمريكى بهلاڤكر كو ئەو هێزە، كو سهربازێن هێزا پهياده يا دهريايى يه (مارينز) ئێكهم هێزا ئهمريكى يه كو دێ پشكداريێ دشهرێ ناڤخوهيێ سووريێ دا كهت.
دياركر ژى كو ئهو 400 سهربازێن ئهمريكى دێ هاريكاريا هێزێن سووريا ديموكراتى (ههسهه) كهت بۆ كارپێكرنا توپ ومووشهكان دژى رێكخراوا داعش يا تيرۆرستى.
ژلايێ خوهڤه، ئێريك باهۆن، پهيڤدارێ وهزارهتا بهرگرى يا ئهمريكى(بهنتاگۆن) رهتكر چو داخۆيانيهكێ ل دۆر هژمارا وێ هيزێ يان جهێ جێگيربوونا وێ بدهت وراگههاند” ههڤپهيمانيا نێڤدهولهتى يا دژى داعشێ چو پێزانينهكا بهلاڤكرى پشت راست ناكهت”.
پاسدارێن ئيرانێ دهست ب سهر فرۆكهكا ئهمريكى دا گرت
ئهڤرۆنيوز:
هێزێن پاسدارێن ئيرانێ راگههاند كو دهست ب سهر فرۆكهكا ئهمريكى دا يا تايبهت ب چاڤدێريێ وهێرشان دا گرت.
ئاژانسا دهنگوباسێن ئيرانى بهلاڤكر كو فرۆكا ئهمريكى ژ جۆرێ MQ-9 Reaper كو فرۆكهكا بێ فرۆكهڤانه ويا تايبهته ب چاڤدێريێ وهێرشان ڤه، نوكه يا ددهستێ لهشكرێ ئيرانى دا.
ل سالا 2011 ژى، هێزێن ئيرانێ فرۆكا نهێنى يا ئهمريكى UAV RQ-170 Sentinel كونترۆل كربوو وشيابوون بيننه خوار.
عهزيز وهيسى:داعش ههتا نوكه ژى گهفهكا مهزنه
ئهڤرۆنيوز:
فهرماندێ هێزا زێرهڤانيێ ل ههرێما كوردستانێ هوشداريێ ژ گهشهكرنا داعشێ ددهت ودبێژيت ههتا نوكه ژى داعش وهكو گهفهكا مهزن يا ماى وجيهان ب شاشى هزر دكهت كو رێكخستيا داعشێ يا هاتيه ژناڤبرن ل عيراقێ ول دهمهكێ نێزيك ژى ل سووريێ ژى دێ هێته ژناڤبرن، دياركر ژى، كهس ژمه باشتر گهفا داعشێ نزانيت.
ليوا عهزيز وهيسى دديدارهكێ دا ل گهل مالپهرێ DW يێ ئهلمانى دبێژيت” رێكخستيا داعش يا تيرۆرستى دبن سيبهرا ههڤركيێن سياسى ل عيراقێ گهشهكر ونوكه ژى يا وێ چهندێ دكهت، سونهيێن عيراقێ ژ حوكمهتا عيراقێ درازى نينن ژبهركو هاريكاريێن كێم بۆ دوباره ئاڤهدانكرنا باژێرێن وان پێشكێش دكهت وپشتى قۆناغا كهيفێ ژ ئازادبوونێ ژ بن دهستێ داعشێ، نوكه سونهيێن عيراقى درازى نينن ژ ميليشيێن حهشدا شهعبى يێن شيعى ئهوێن زێرهڤانيێ ل دهڤهرێن وان دكهن، ژبهركو جارهكادى رهڤاندن ونهبوونا تهناهيێ يا بوويه پشكهك ژژيانا سونهيان”.
مالپهرێ ئهلمانى بهلاڤكر”ل ئوكتوبهرا 2017 دهمێ لهشكرێ عيراقێ دهڤهرێن ناكۆكى ل سهر كونترۆلكرين كو دهمهكێ درێژ دبن دهستههلاتا كوردان دا بوون، ميليشيێن حهشدا شيعى هاتن بهلاڤكرن ل وان دهڤهران. عهزيز وهيسى ل دۆر وان ميليشيان دبێژيت” مه باوهرى ب وان نينه ووان ژى باوهرى ب مه نينه، ههتا كو پتر مژوولى داعشێ ببن، داعش ڤالاهيان ب دهليڤه دبينيت ووان چهندين تۆنێلێن ههين بۆ ڤهشارتنێ وچهندين دهڤهر يێن ههين كو دبن كونترۆلا لهشكرێ عيراقێ دا نينن وههتا نوكه ژى لهشكري عيراقێ نهگههشتيێ”.
وهيسى بۆ مالپهرێ DW يێ ئهلمانى بهحسێ وان بنهمايان دكهت كو داعش پشت بهستنێ ل سهر دكهت بۆ مانا خوه ئهوژى پاره وئايديولۆژيا وسهركردايهتى وئهڤ رێكخستيا تيرۆرستى پارهى ب رێيا فرۆتنا پهترۆلێ ب دهستڤهدئينيت وئايديولۆژيا ژى ههتا نوكه دناڤ سونهيێن پارێزگار يا ماى وههتا نوكه چهندين بيانى وئهفسهرێن لهشكهر وههوالگيريا عيراقى يێن بهرێ شهرێ دناڤ رێزێن داعشێ دا دكهن ل دووماهى پێگههى داعشێ ل سووريێ وههتا نوكه ژى جهێ سهرۆكێ رێكخستيا داعشێ ئهبوبهكر بهغدادى نههاتيه زانين وههتا نوكه سێ هزار چهكدارێن داعشێ يێن ماين كو گهلهك ژوان دێ ژ سووريێ هێنه دناڤ عيراقێ دا دهمێ ئاخێ ژدهست ددهن ل وێرێ، ل سالا 2014 داعش پێدڤى ب 500 كهسان ب تنێ ههبوو بۆ كونترۆلكرنا مووسلێ.
ب ڤیدیو : هوستایهك نووترین داهێنان دكهت
ئهڤرۆ نیوز، نهوزاد هلۆرى:
هوستایهكێ ناحیا شێلادزێ رابویه ب درۆستكرنا نووترین داهێنان لسهر سوپا دارا كو چهندین گورانكارى لسهر كرینه.
فهرهاد سعهدوللا، ئهو هوسایه ل بارا سالوخهتێن نووترین سوپا وى چێكرى بۆ ئهڤرۆ نیوز گۆت: (شوونا كو مرۆڤ تهختهكێ بدانیت سوپه لسهر دانىت ، تهخت ب سوپێ ڤه هاتیه چێكریه، دیسان شوونا ب مهركێ و پهلگاسكێ خولى ل سوپێ بهێته دهرئینان و هاڤێتن، چهكماچهك ب سوپێ ڤه هاتیه چێكرن و خولى ههموو دچیته تێدا، شوونا ههموو روژان خولى بهێته هاڤێتن بڤى رهنگى ههر چوار روژا جارهكێ خولى دهێته هاڤێتن، دیسان شونا خولى و پهل تێكهل بن بڤێ داهێنانا نوو خولى و پهل دهێنه ژێكجوداكرن و ب ساناهى ترین شێوه مرۆڤ دشێت رهژیا كوم بكهت).
زێدهتر گۆت: (زێدهبارى سالوخهتێن ل سهرى دههمان دهم دا مرۆڤ دشێت گوشتى د سوپێ دا درۆست بكهت ژبهركو كونێن هویر هویر ل سوپێ هاتینهكرن و ههواى دكێشیت، ههردیسان ب چوو شێوهیان ژى پهل و خولى و دوكێل ل سوپێ ناهێته دهرێ).
ناڤبرى دیاركر ژى كو دهستپێكێ ئهڤ جورێ سوپێ ب 60 هزار دیناران دهاته چێكرن، بهلێ نوكه ئهرزانتر دفروشن و خهلكى زۆر داخوازى لسهر ههنه.
نوونهراتيا ههرێما كوردستانێ ل ئهنقهره دێ هێته ڤهكرن
ئهڤرۆنيوز:
پهيوهنديێن حوكمهتا ههرێما كوردستانێ وتوركيا بهر ب باشتر دچيت ول دهمهكێ نێزيك نڤيسينگهها حوكمهتا ههرێما كوردستانێ ل ئهنقهره دێ هێته ڤهكرن.
چهند ژێدهرێن دهنگوباسان ل توركيا ژزاردهڤێ دهستههلاتێن توركى وهرگرتيه كو ل رۆژێن داهاته نێچيرڤان بارزانى سهرۆك وهزيرێن ههرێما كوردستانێ ب فهرمى دێ هێته داخوازكرن بۆ سهرهدانا توركيا ب مهرهما ڤهكرنا نڤيسينگهها نوونهراتيا ههرێما كوردستانێ ل ئهنقهره پايتهختێ توركيا.
ههروهسا نێچيرڤان بارزانى دچارچۆڤێ سهرهدانا خوه يێ فهرمى دا دێ ديدار وكۆمبوونان ل گهل سهركرده وبهرپرسێن توركيا ئهنجامدهت ب مهرهما باشتركرنا پهيوهنديان.
نيشاندان
WP Facebook Auto Publish Powered By : XYZScripts.com