ئەڤرۆ نیوز، لەزگین جوقی

بەرپرسێ پشکا رەوشەنبیریا ساخلەمیێ ل رێڤەبەریا کاروبارێن خوە پاراستنا ساخلەمیێ بۆ ئەڤرۆ نیوز دیارکرکو ھەوا ڤاکسێندانی ل سەرانسەرێ پارێزگەھا دھۆکێ دی دەست پێ کەت دڤێ ھەوا ڤاکسێندانی دا دێ 775ھزار و 242 زارۆک ھێنە ڤاکسێندان.

د. رەعەد عەبدولرەحمان بەرپرسێ پشکا رەوشەنبیریا ساخلەمیێ ل رێڤەبەریا کاروبارێن خوە پاراستنا ساخلەمیێ دیار کر کو ھەوا ڤاکسیندانێ دژی نەخۆشیا ڤالنجا زارۆکان ل دھۆکێ دێ دەست پێ کەت بۆ ڤێ مەرەمی ژی 517 تیم یێن ھاتینە بەرھەڤکرن دێ ل رۆژا 22/12/2018 دەست بکارێ خوە کەن ئەڤ تێمین ساخلەمیێ دێ مال ب مال ل ھەموو جە و دەڤەران گەریێن بۆ ڤاکسیندانا زارۆکان و دێ ھندەک تیمێن خوەجە ژی ل بنگەھیێن ساخلەمیێ ھەبن بۆ ڤاکسیندانا زارۆکان.

ناڤھاتی ئەو ژی ئاشکەرا کر کو ھەموو زارۆکێن ئێک رۆژی ھاتینە سەر دونیایێ ھەتا پێنج سالیێ دێ ھێنە ڤاکسیندان گۆت: “ھەوا ڤاکسیندانێ بۆ دەمێ شەش رۆژان دێ یا بەردەوام بیت داخوازێ ژ دایک و بابان دکەین دگەل تیمین ڤاکسیندانێ ھەڤکاربن بۆ ڤاکسیندانا زارۆیێن وان”.

ئەڤرۆ نیوز، بارزان مزووری:

بەرپرسێ تاقیگەھێن نەخۆشخانا شێخان یا گشتی بۆ ئەڤرۆ نیوز ئاشکرا کو گەفێن راوەستیانێ ل سەر ھەموو ئامیرێن تاقیگەھێن وان ھەنە و گۆت: “بۆ دەمێ ١٥ رۆژانە پشکا (نەخۆشیێن خوینێ) ژ ئەگەرێ ژ کارکەفتنا ئامیرێن وێ یێن تاقیگەھێ ھاتیە داخستن”.

پیر ئەودی سلێمان، بەرپرسێ تاقیگەھێن نەخۆشخانا شێخان یا گشتی خویا کر کو بۆ دووبارە ڤەکرنا پشکا نەخۆشیێن خوینێ ل تاقیگەھآَ ئەو پێدڤی ب ئامیرێن نوو نە و بۆ ڤێ چەندێ ژی وان داخواز ژ رێڤەبەریا ساخلەمیا مووسل کربوو، لێ د بەرسڤێ دا بۆ وان دیارکربوو کو شیاین نینن ئامیرێن نوو بۆ تاقیگەھێن نەخۆشخانا شێخان یا گشتی بکرن و گۆت: ” ھەیڤانە پێنج ھزار پشکنین بۆ نەخۆشان دھێنە ئەنجام دان، نوکە بتنێ 20 جورێن پشکنینا ھەنە، بەلێ بەری ئەڤ پشکە بھێتە داخستن 50 جورێن پشکنینا دھاتنە ئەنجام دان”.

ناڤھاتی ئاماژە دا وێ چەندێ کو ئەو پێدڤیێن بەری نوکە ژی بۆ نەخۆشخانا شێخان یا گشتی دھاتنە دابینکرن ھەموو ژ لایێ رێڤەبەریا گشتی یا ساخلەمیا دھۆکێ ڤە بوون و گۆت: “ھەکە رێڤەبەریا گشتی یا ساخلەمیا دھۆکێ ھاریکاریا مە نەکربا دا بەری چار سالان دەرگەھێ نەخۆشخانێ ھێتە داخستن”.