ئەڤرۆ نیۆز ، رەمەزان هەرنی:

چاڤدێره‌كێ‌ سیاسی ل كوردستانێ‌  ددیدارەكێ‌ دا بۆ ئەڤرۆ نیوز ل دۆر هەلبژارتنێن چاڤەرێ‌ كری و رۆلێ‌ ئوپۆزسیۆنێ‌ ل ناڤا پەرلەمانێ‌ كوردستانێ‌ دیاركر ژ رویێ‌ ئاست و پێگەهێ‌ پارتێن سیاسی دجڤاكەكا نەریتی دا وەك هەرێما كوردستانێ ‌، زەحمەتە گورانكاریەكا دراماتیكی يا مەزن ل هژمارا كورسیان روو بدەت.

مبەشەر حەسەن حەدو، چاڤدێرێ سياسى بۆ ئه‌ڤرۆنيوز گۆت”  پێشبینی دهێتە كرن پارتی دیموكراتی كوردستان وەك ئالا هەلگرێ‌ پرسا سەرخوە بوونێ‌ و بەرگریكارا كیانێ‌ فیدرالی هەرێما كوردستانێ‌ ڕیژەیەكا باش یا كورسییان ب دەستڤەبینیت ، پرسا هەلبژارتنان وەك ئامرازەكێ‌ گرنگێ دیموكراتیەتێ‌ پروسەیەكا ئەرێنی یە پێخەمەت پێشڤەچوونا جڤاكى‌، نووبوونا پەرلەمان و حوكمەتا كوردستانی و مفا وەرگرتن ژ روودان و سەربورێن چەند سالێن  بۆری و هاتناپێشا كەسانێن گەنج و خودان شیان كو دناڤ بەربژێران دا بهێنە دیتن ، دێ‌  فاكتەرێن ئەرێنی و ب هێز بن بۆ باشتركرنا رەوشا سیاسی ئابووری و كێمكرنا ئاستێ‌ گەندەلیێ”‌.

مبه‌شه‌رى گۆت ژى” ئابووریا كوردستانێ‌ ب رێژەیەكا زۆر پشت بەستنێ ب پیشەسازیا په‌ترۆلێ‌ كریە ،سێكتەرێن دی وەكی پێدڤی گرنگی پێ‌ نەهاتیە دان ، ئەو كاودانین دژوار و نەخوه‌ش د ساڵێن بووری دا ب ئەگەرێ‌ قەیرانا ئابووری (برینا بودجەی ل بەغدا) و نزمبۆنا بهایێ‌ په‌ترۆلێ ، ئەو باوەریا چێكری بۆ حوكمەتا كوردستانێ‌ و هێز و لایەنێن سیاسی كو دڤێت سێكتەرێن گەشت و گوزارێ و چاندنێ‌ ژی بهێنە ڤەژاندن” .

خوياكر ژى”ژبلی پارتی دیموكراتی كوردستان، چۆ پارت و لایەنەكێ سیاسی ل هەرێما كوردستانی د ناڤ خوه‌دا سەقامگیرى نینە و هەموو لایەنان ب نهێنی بزاڤ دكر كو هەلبژاردن بهێنە پاشخستن، به‌لێ پارتی بویە ئەگەر هەلبژاردن بهێنە كرن ، پشكداری نەكرنا هندەك لایەنان ڤەدگەرێتەڤە بۆ وێ‌ چەندێ‌ كو ئەنجامێن هەلبژارتنێن (12/5) بۆ پەرلەمانێ‌ عێراقێ‌ دەركەفت كو سەنگا وان گەلەك كێمترە ژ وان پێشبینی و چاڤەرێ‌ بوونا كو هەی.

ل دۆر وێ چه‌ندێ دخۆلا نوو يا په‌رله‌مانێ كوردستانێ دا ئوپۆزسيۆن هه‌بيت باشتره‌ يان نه‌بيت، گۆت” هەبوونا ئوپۆزسیۆنێ‌ تشتەكێ‌ ساخلەم و ئەرێنیە بۆ پروسا دیموكراتیەتێ‌ ،ب مەرجەكێ‌ كو ئوپوزسیونەكا ساخلەم بیت ،ل پرانیا وەلاتێن دیموكرات دا پروسا سیاسی و دیموكراتی زێدەتر وەك یاری ب رێڤەدچیت كو بازنە و توخیبێن نەبەزاندی ل گۆری یاسایێ هەنە و دهێنە رێكخستن ، مخابن سالانێن بۆری ئوپۆزسیۆن ل كوردستانێ‌ نەشیا ببیتە ئامرازەك بۆ بەرەڤ پێشڤه‌برنا پروسا سیاسی و حوكمرانی ل كوردستانێ‌ ، به‌لكو بۆ قوتابخانەك بۆ چێكرنا ئالوزی و نەهێلانا پابەندییا نەتەوایەتی و نیشتمانی و بێ‌ هیڤی كرنا تەخێن جڤاكێ‌ ، هێز و لایەنێن سیاسی چ پشكدار بن د حوكمەتێدا و چ ژی ئوپۆزسیۆن بن، دڤێت رۆلەكێ‌ ئەرێنی بگێرن د جڤاكێ دا و بشێن ل راستا بەرژەوەندیێن گەلێ‌ كوردستانێ‌ كار بكەن”.