ئه‌ڤرۆنيوز:
ئێڤاريا ئه‌ڤرۆ ئێكشه‌مبى 16/9/2018 بيڤهلهرزهكا ب هێز باژێرێ سلێمانيێ ودهوروبهرێن وێ ههژاند ووهلاتيان ب تمامى ههست پێ كر.
بيڤهلهرزهكا ب هێز سلێمانيێ ههژاند
نووترين نووچه
- سەرۆك بارزانی دوپاتیێ ل ئێكڕێزییا كوردان ل سووریێ دكەت
- قونسلێ ئیتالیا بۆ نێچیرڤان بارزانی: گرنگییێ ب پەیوەندیێن خوە ل گەل هەرێما كوردستانێ د دەین
- ئارمانجا مە پێشئێخستنا ژێرخانەیا ئابوورییا هەرێما كوردستانێ یە
- دیدار و كۆمبوونێن سەرۆكێ حوكمەتا هەرێما كوردستانێ ل داڤۆس
- چاڤدێرێن سیاسی ژ چاوانیا برێڤەچوونا قۆناغا ئاشتیێ دلگرانن
- سەرۆك بارزانی و مەزلۆم عەبدی دوپاتیێ ل ئێكڕێزی و ئێكگرتنا كوردان دكەن
- نوونەرا حوكمەتا هەرێمێ ل واشنتۆن دێ پشكداریێ د رێوڕەسمێ دەستبكاربوونا ترەمپی دا كەت
- ئاسۆ كەریم: سەرۆك بارزانی فاكتەرێ سەرەكیێ ئێكبوونا گەلێ كوردە
- سەرۆكێ هەرێمێ و شاندەكێ ئەمریكا دوپاتیێ ل چارەسەركرنا كێشەیێن هەولێرێ و بەغدایێ ب گۆرەی دستووری دكەن
- سەرۆكاتییا هەرێما كوردستانێ پێشوازی ل ئاگربەستا غەزە كر
سه‌ره‌كى نوچێن گرنگ
ب وێنه – باژێرڤانیا سۆران وێنێن به‌ربژاران راكرن
ئه‌ڤرۆ نیوز، نه‌وزاد هلۆرى:
ژبه‌ر فشارێن وه‌لاتى و رێكخراوێن ژینگه‌هێ ل سنوورێ قه‌زا سۆران ، باژێرڤانیا سۆران رابوو ب راكرنا هه‌موو وان وێنه و پوسته‌رێن لیست و قه‌وارێن سیاسى و به‌ربژاران ئه‌وێن كو ل جهێن قه‌ده‌غه‌كرى ونه ل دووڤ رێنمايێن كۆمسيۆنا هه‌لبژارتن وراپرسيێ ل هه‌رێما كوردستانێ هاتینه دانان.
باژێرڤانیا سۆران ب هه‌ڤكاریا ژبه‌ر گڤاشتنێن وه‌لاتیان و شوفێر و هنده‌ك رێكخراوێن ژینگه‌هێ ب تایبه‌تى رێكخراوا وار بوۆ پاراستنا ژینگه‌هێ، رابوویه ب راكرنا هه‌موو وێنه و پوسته‌رێن لایه‌نێن سیاسى و به‌ربژاران ب تایبه‌تى ئه‌و وێنه و پوسته‌رێن هاتینه هه‌لاویستن ل سه‌ر دارێن كه‌ڤنه نیڤا جادا سه‌ره‌كى یا سۆران.
ب وێنه.. ژبه‌ر ئينانا دهرمانێن قه‌ده‌غه‌كرى 5 كه‌س دهێنه ده‌سته‌سه‌ركرن
ئه‌ڤرۆنيوز:
لژنا دووڤچوون وچاڤدێريا ده‌رمانان ل هه‌ولێرێ شيا ده‌ست ب سه‌ر دو ته‌نێن ده‌رمانێ قه‌ده‌غه‌كرى دا بگريت وپێنج كه‌سان ده‌سته‌سه‌ر بكه‌ت.
قايمقاميا قه‌زا ناڤه‌ندا هه‌ولێرێ د به‌ياننامه‌كێ دا راگه‌هاند” لژنا دووڤچوون وچاڤدێريا ده‌رمانان پشيا پشكنينێ بۆ زێده‌تر ژ 30 ده‌رمانخانان ل هه‌موو جادا 40 مه‌ترى ل باژێرێ هه‌ولێرێ بكه‌ت”.
دياركر ژى كو دوان دووڤچوونان دا 17 ده‌رمانخانه هاتن داخستن وپێنج كه‌س ژى هاتن ده‌سته‌سه‌ركرن، ده‌ست ب سه‌ر چار ترومبێلان ژى هاته گرتن وپه‌رێن ڤه‌كۆلينێ ژى ل دادگه‌هێ بۆ ده‌سته‌سه‌ركريان هاتن ڤه‌كرن، هه‌روه‌سا سزايه‌كێ دراڤى ژى دێ ل سه‌ر هێته سه‌پاندن.
بۆ نوشدارا سالێ ل دهۆكێ
ئه‌ڤرۆ نيوز، له‌زگين جۆقى:
سەرۆکێ لژنا ھەلبژارتنا نوشدارێ سالێ ل دھۆکێ دیارکر کو رێکخراوا ژیان یا ساخلەمیێ ل رۆژا ١-٩-٢٠١٨ نوشدارێ سالێ د ڤيستڤالەکێ دا ل پارێزگەھا دھۆکێ ھەلبژارت.
د. وەلید رەشید، سەرۆکێ لژنا ھەلبژارتنا نوشدارێ سالێ ل دھۆکێ و بەرپرسێ ھۆبا نەخۆشخانه و بنگەھێن ساخلەمیێ ل دھۆکێ بۆ (ئه‌ڤرۆ نیوز) دیارکر کو ل سەر ھژمارەکا پيڤه‌ران نوشدارێ سالێ و نوشدارێن پێشەنگ يێن سالێ ھاتنە ھەلبژارتن ژ وان پيڤەران ژی رێکوپێکيا د کارى دا و پێگیرى ب دەواما فەرمی و ئەو نوشدارێ نشتەرگەریەکا جودا ئەنجام دایى یان کارەکێ جودا کربیت ل دەزگەھێن ساخلەمیێ یان ھەکە کارێن خوەبەخش ھەبن ب تایبەتێ ل بەروکێن شەری ل گەل پێشمەرگێ قەهرەمان خزمەت کربيت د وارێ چارەسەری و دەرمان و پێدڤیێن نوشدارى دا.
ئاشكه‌را ژى كر كو ل سەر ڤان پيڤه‌ران د. مارلین زه‌یا عودیشۆ ھاتە ھەلبژارتن وەکو نوشدارا سالێ ل پارێزگەھا دھۆکێ و د. قەره‌نی سەعید عه‌بدولا رێڤەبەرێ ساخلەمیا زاخۆ وەکو نوشدارێ پیشەنگێ سالێ ھاتە ھەلبژارتن و د. دیار تاھر رەجەب نوشدارێ دەرمانساز ل نەخۆشخانا ئازادی ژی ھاتە دەست نێشانکرن وەکو دکتوری پێشەنگ ئەڤە ھەر سێ نوشدار ل دھۆکێ بوونە نوشدارێن سالێ ھەروەسا ژی د وارێ ھوشیاری و راگەھاندنێ ژی دا ھەر ئێک ژ د. بەختیار و د. ئاری و حەمزە رەزیکی بەرپرسی راگەھاندنی ل ساخلەمیا دھۆکێ ھاتنە ھەلبژارتن.
د. مارلین زه‌یا عودیشۆ، نوشدارا دەڤ و ئەرزنکێ ل دھۆکێ دیارکر کو ھەلبژارتنا وێ وەکو نوشدارا سالی دێ وێ پال ده‌ت پتر خوه ماندۆ بکەت خزمەتا نەخۆشان ل دەزگەھێن ساخلەمیی بکەت، “رۆژانه ژی دەمێ ئەز دھێمە دەوامێ دایکا من دبێژت کچا من ھۆشیار بی چاڤێ خۆ بده‌یە ھەموو نەخۆشان و دەمێ ئەز نەساخەکى چارەسەردکەم ھەست ب ئارامیەکا مەزن دکەم چونکو نەساخ یێ ل سەر بەرپرسیاراتیا مە یا رۆژانه ژی دەمێ دچمە دەوامێ ب چو ره‌نگه‌كى خەمساریێ ناکەم ھندی د شیانێن من دا بیت خزمەتا نەخۆشی دکەم”.
د. دیار تاھر دەرمانساز ل نەخۆشخانا ئازادی یا فێرکرنێ ل دھۆکێ دیارکر کو ئەڤرۆ ھەستەکێ گەلەک خۆش بوو، بۆ من وەکو نوشدار ھاتیمە دەست نیشانکرن وەکو نوشدارێ سالێ زۆر پێ کەیف خۆش بووم دێ بيتە پالدەرک بۆ پتر پێشڤەچوونا کەرتێ ساخلەمیێ ل پارێزگەھا دھۆکێ ئەم پتر بھێينە ھاندان خوه ماندۆ بکەين بۆ خزمەتکرنا نەخۆشان. “ل دەوامێ من مۆلەت وەرنەگرتن پتریا دەمێ خۆە من ل نەخۆشخانێ بۆراند بۆ خزمەتکرنا نەخۆشان”.
د. قەره‌نی سەعید رێڤەبەرێ ساخلەمیا زاخۆ دیارکر کو خەلاتکرنا وى وەکو نوشدارێ سالێ دێ بیتە ئەگەر باشتر خزمەتا کەرتێ ساخلەمیێ ل زاخۆ بھێتە کرن، ئەڤە پێنگاڤەک بوو ل سەر پتر خۆ زەحمەتدانا مە ل دەڤەرا زاخۆ و باشتر مفاداربوونا وەلاتیان ژ دەزگەھێن ساخلەمیێ ل قەزا زاخۆ.
ئه‌و په‌رله‌مانتارێ پارتى يێ بوويه جێگرێ دويێ يێ سه‌رۆكێ په‌رله‌مانى كى يه؟
ئه‌ڤرۆ نيوز، نيوار محه‌مه‌د سه‌ليم:
به‌شير حه‌داد په‌رله‌مانتارێ پارتى وبه‌ربژارێ پارتى وئێكه‌تيێ بۆ پۆستێ جێگرێ دويێ يێ سه‌رۆكێ په‌رله‌مانێ عيراقێ ب كۆمكرنا 152 ده‌نگان پۆستێ جێگرێ دويێ يێ سه‌رۆكێ په‌رله‌مانى ب ده‌ستڤه‌ئينا.
به‌شير خه‌ليل ته‌وفيق حه‌داد كى يه؟
- ژ دايكبوويێ هه‌ولێر 1956ێ يه ل سه‌ر فراكسيۆنا پارتى ديموكراتى كوردستان ل هه‌ولێر بوويه ئه‌ندامێ جڤاتا نوونه‌ران.
- به‌كالريوس د زمانێ و ئه‌ده‌بێ عه‌ره‌بى دا هه‌يه.
- ماسته‌ر و دكتورا ژى ب فه‌لسه‌فا شه‌ريعه‌ت و هزرا ئيسلامى هه‌يه.
- ده‌ستووريا زانستى د زانستێ شه‌رعيه‌تێ ڤه‌گوهاستى و مێشكى دا هه‌يه.
- 30 سالێن خزمه‌تێ وه‌كو مامۆستا ل زانكۆ و په‌يمانگه‌هان هه‌نه.
- 25 سال خزمه‌ت د خواندنا گۆتارێ و ده‌عوا ئيسلامى دا هه‌نه.
- سه‌رۆكێ قشكا زمانێ عه‌ره‌بى بوو ل په‌يمانگه‌ها ناڤه‌ندى يا مامۆستايان.
- راگرێ په‌يمانگه‌ها كوردستان يا په‌يمانگه‌ها گۆتاربێژان بوو.
- ئه‌ندامێ بۆردێ شيره‌تكارى يێ وه‌زاره‌تا ئه‌وقافێ بوو ل هه‌رێما كوردستانێ.
- سه‌رۆكێ ده‌سته‌يا هووربينيا شه‌رعى ل به‌نكا جيهان يا ئيسلامى.
- سه‌رۆكێ ده‌سته‌يا ئه‌مينداران ل كوليژا قه‌له‌م يا زانكۆ.
- ئه‌ندامێ خولا سيێ يێ په‌رله‌مانێ كوردستانێ و تێدا سه‌رۆكێ لژنا ئه‌وقافێ بوو.
- ئه‌ندامێ ئێكه‌تيا زانايێن ئيسلامێ يه ل كوردستانێ.
- ئه‌ندامێ سه‌نديكا مامۆستايێن كوردستانێ يه.
- ئه‌ندامێ ئێكه‌تيا په‌رله‌مانتارێن كوردستانێ يه.
- چالاكى و ئاماده‌كارى د چالاكيێن گرێدايى مافێ مرۆڤى و نه‌هێلانا توندوتيژيا خێزانى و پێكڤه‌ژيانێ و ئاشتيا جڤاكى و چاوانيا گۆتنا گۆتارا دينى دا هه‌بووينه.
- پشكدارى د گه‌له‌ك گۆتار و سمينار و كۆر و وركشۆپان دا كريه ل عيراقێ و ژ ده‌رڤه‌يى عيراقێ.
- گه‌له‌ك گۆتار د رۆژانامه و كۆڤار و مالپه‌رێن ئه‌لكترۆنى دا نڤيسينه.
- گه‌له‌ك ڤه‌كۆلين د تايبه‌تمه‌نديا خوه دا به‌لاڤكرينه.
- سێ پرتووك چاپكرينه و هنده‌ك ژى ل بن چاپێ نه.
ئيسرائيل فرۆكه‌يه‌كا ئيرانى دپهقينيت
ئه‌ڤرۆنيوز:
كه‌ناله‌كێ ئيسرائيلى به‌لاڤكر، ژ ئه‌گه‌رێ توپبارانكرنا ئيسرائيلى بۆ سه‌ر فرۆكخانا ديمه‌شق يا نيڤده‌وله‌تى، فرۆكه‌يه‌كا ئيرانى هاته په‌قين وژناڤبرن.
كه‌نالێ عيبرى يێ دويێ يێ ئيسرائيلى، ئه‌ڤرۆ ئێكشه‌مبى 16/9/2018 به‌لاڤكر ” ئه‌و توپبارانا ئه‌سمانى ل سه‌ر عومبارا چه‌كى ل فرۆكخانا ديمشقێ هاتيه ئه‌نجامدان، پێكهاتى بوو ژ عومباره‌كا تايبه‌ت ب نووژه‌نكرنێ ڤه كو ب درووشمێ نه‌ته‌وێن ئێكگرتى وكۆمپانيا ڤه‌گۆهاستنا جيهانى DHL هاتبوو داپۆشين”.
وى كه‌نالێ ئيسرائيلى ئاماژه دا” توپبارانكرنا ئيرسائيلى بوو ئه‌گه‌رێ په‌قينا فرۆكيه‌كا ئيرانى كو برياربوو ئه‌و چه‌كێ ل گه‌ل خوه ئيناى بۆ ديمه‌شقێ راده‌ستى رژێما سووريێ يان ميليشيێن چه‌كدار يێن نێزيكى ئيرانێ بكه‌ت”.
ئاژانسێ ده‌نگوباسێن سوورى (سانا) دوهى شه‌مبيێ به‌لاڤكربوو” فرۆكخانا ديمه‌شقێ ژلايێ ئيسرائيلێ ڤه هاته توپبارانكرن”.
هژماره‌كا بهرپرس وكادرێن قهوارێ به‌رهه‌م سالحى دگههنه رێزێن پارتى
ئه‌ڤرۆنيوز:
ئه‌ندامه‌كێ سه‌ركردايه‌تيا پارتى ديموكراتى كوردستان راگه‌هاند، به‌رپرسێ بازنێ سۆران يێ هه‌ڤپه‌يمانيا به‌رهه‌م سالحى وهژماره‌كا كادرێن وێ حزبێ يێن هاتينه دناڤ رێزێن پارتى دا.
عه‌لى عه‌ونى، ئه‌ندامه‌كێ سه‌ركردايه‌تيا پارتى ديموكراتى كوردستان وبه‌رپرسێ لقێ سۆران يێ پارتى گۆت” به‌رپرسێ بازنێ سۆران يێن هه‌ڤپه‌يمانى بۆ ديموكراسيێ ودادپه‌روه‌ريێ ل گه‌ل هژماره‌كا كادرێن وێ حزبێ يێن هاتينه دناڤ رێزێن پارتى دا ومه ژى پێشوازى لێ كريه”.
عه‌لى عه‌ونى دداخۆيانيه‌كا رۆژنامه‌ڤانى دا زێده‌تر گۆت” هه‌ر ئێك ژوان هژماره‌كا خه‌لكى دگه‌لدايه، ئه‌و به‌حسێ وێ چه‌ندێ دكه‌ن كو بێزار بوون ژبێ به‌رنامه‌يى وپێ پلانى وتاكره‌ويا وێ حزبێ”.
پهرلهمانتارهكێ پارتى بۆ جێگرێ دويێ يێ سه‌رۆكێ په‌رله‌مانێ عيراقێ
ئه‌ڤرۆنيوز:
ب 185 ده‌نگان په‌رله‌مانتارێ پارتى ديموكراتى كوردستان به‌شير خه‌ليل حه‌داد وه‌كو جێگرێ دويێ يێ سه‌رۆكێ په‌رله‌مانێ عيراقێ هاته هه‌لبژارتن.
ئه‌نجامێن هه‌لبژارتنا جێگرێ دويێ يێ سه‌رۆكێ په‌رله‌مانى ب ڤى شێوه‌ى بوون
- به‌شير خه‌ليل حه‌داد (پارتى) 185 ده‌نگ
- ئه‌حمه‌د حاجى ره‌شيد (كۆمه‌لا ئيسلامى) 53 ده‌نگ
- ده‌نگێن هه‌لوه‌شياى 28
- ده‌نگێن به‌تال 16
ئدریس ئه‌حمه‌د ھەرکی: بزاڤێ بۆ بجھئینانا بڕیارا پارێزگەھبوونا ئاکرێ دێ کەین
ئەڤرۆ نيوز:
ئدریس ئه‌حمه‌د ھەرکی ,بەربژارێ ژمارە 58 لسەر لیستا 183ێ یا پارتی دیموکراتی کوردستان بەرنامێ کارێ خوە بۆ رۆژناما ئەڤرۆ ڕاگەھاند، پشتی ب دەستڤەئینانا باروەریا وەلاتیێن کوردستانێ ھەگە بومە پەرلەمانتار ئێکەم کارێ من دێ کار لسەر وان 10 خالێن کارنامەیێن پارتی دا دکەم چونکو ئێک ژوان گرێدایی تەخا گەنجان ڤە یە کودیتنا دەلیڤا کاری یە بۆ وان ئەز وەک گەنجەک دێ ھەموو بزاڤێن خوە کەم ژبۆ دەرئینانا یاسایەکی تایەبەت ب کومپانیێن بیانی ئەوێن کو ل کوردستانی کاردکەن کود بیت ھەمی کارمەندێن کومپانیێ گەنجێین مە تێدا کاربکەن و زەمانەک ژی بۆوان تێداھەبیت کووەکوخزمەت بۆ وان بێتە ھەژمارتن، دێ کارکەم کو ئافرەت ل کومەلگەھێ مە وەکو زەلامان بێتە تەماشا کرن و ئێک ماف ھەبیت بی جوداھی چ ژ ئالیێ سیاسی بیت یان ئیداری چونکو زۆر نۆرمالە ئافرەتەک ببیتە پارێزگار، دێ کارکەم کو ل کوردستانێ ئێھمالا چوو کەرتان نەھێتەکرن وچوو کەرت ژی نەبیتە قوربانی کەرتیێن دیتر وەکی کەرتێ چاندنێ وچونکو ھەتا نوکە گرنگی ب کەرتێ چاندنێ نەھاتیە دان، دبیت بەرھەمێ نافخۆیی بھێتە پاراستن و بھێتە ھاوردەکرن بۆ دەرڤەی ھەرێمی، دێ کارکەم کو زەریبە ل سەر وەلاتیان کێم بیت وەکی کارەب و ئاف وئێن دی، دێ کارکەم کەرتێ پەروەردەو خاندنێ باشتر بچیتە پێش و ھەر نوکە مە ب رێیا پەیوەندیێن کەسایەتی مە ھەول دایە کو ھەر قوتابیەک ل کۆلێژا جیھان ل دھۆکێ بخوینیت رێژا 25%ێ ھارێکاری ژلایێ حکومەتێ ڤە بۆ بھێتە کرن و ئەم شێن ئەو بکەن ئەگەر ئەم نەبینە پەرلەمانتارژی ھەر دێ کەین.
ئاماژە داوێ چەندێ کو ل سەر قەزا ئاکرێ ھاتیەمە ھەلبژارتن بۆ پەرلەمانێ ودێ کار کەم کوبریارا پارێزگەە بوونا قەزا ئاکرێ بچیتە واری َ بجھئینانێ چونکو ل سالا 1999دەرچووەیە و نەھاتیە بجھئینان سالا 2016 ێ ئەم گەل سەرۆکێ حوکمەتێ کومبوینە ومەئەف داخازە ژێ کریە بەلێ ئەگەر ببم پەرلەمانتار دێ دشێم پتر کار ل سەر ب پارێزگەە بوونا ئاکرێ بکەم ,دێ کارکەم ل سەر وان گوندێن قەزا ئاکرێ ئەوێن ئاریشە ئاڤێ و رێکی ھەیە کارێ مە دێ لسەر ب بجھئینانا داخوازیێن وان بیت ھەول دەم کو ئاریشە ئاڤێ رێکێ نەمینیت و دێ کارکەم پرۆژەیێ ئاڤا گرەسێن ، قەندیل کو ب زوترین دەم بھێتە تەمام کرن ب کەڤیتە خزمەتا ناحیە کرەسێن و گوندێن سنورێ وی ب ڤێ پرۆژەی ئەم شێن بێژین ئاریشا ئاڤێ دێ ب دوماھیک ھێت.
گوت ژی ئارمانجا من ل بوراێ رۆشنبیری ھونەری ئەوە کەنالێن راگەھاندنێ یێن نافخۆی ژلایێ کەرتی تایبەت بێتە ڤەکرن داکو پتر ل خزمەتا قەزا ئاکرێ ل بوارێ راگەھاندنێ ھونەری دا بکەت.
ل گرتيگه‌هه‌كا ئوستراليا پێنج په‌نابه‌ران ئاگر به‌ردا خوه
ئه‌ڤرۆ نيوز:
ل گرتيگه‌هه‌كا ئوستراليا پێنج په‌نابه‌رێن دو وه‌لاتێن جودا ئاگر به‌ردا خوه.
ئه‌و پێنج په‌نابه‌ر خه‌لكێ وه‌لاتێن ئيران و ئه‌ڤغانستان بوون ب ره‌نگه‌كى چار ئه‌ڤغانى بوون و ئێك ژى ئيرانى بوو، وه‌كو كارڤه‌دان بوون به‌رامبه‌ر ره‌تكرنا مافێ په‌نابه‌ريێ ل وى وه‌لاتى.
ب گۆره‌يى ژێده‌رێن ناڤخۆيى يێن ده‌نگوباسان ساخله‌ميا وان په‌نابه‌ران يا خرابه، 20 كه‌سێن دژى ل وێ گرتيگه‌هێ ژ ئه‌گه‌رێ خرابيا ره‌وشا ساخله‌ميا وى ره‌وانه‌يى نه‌خۆشخانێ هاتينه كرن.
نيشاندان
WP Facebook Auto Publish Powered By : XYZScripts.com