ئه‌ڤرۆ نيوز، نيوار محه‌مه‌د سه‌ليم:
په‌رله‌مانێ كوردستانێ داخوازنامه‌ك بۆ كۆمبوونا ئێكێ ژ خولا بهارێ يا په‌رله‌مانێ كوردستانێ بۆ په‌رله‌مانتاران ره‌وانه كريه و داخواز ژێ كريه كو ل ئەڤرۆ رۆژا ئه‌ينى ئاماده‌ى روونشتنا په‌رله‌مانێ كوردستانێ بن.
بژار کۆچەر، ئەندامێ فراکسیۆنا پارتی ل پەرلەمانێ کوردستانێ بۆ ئەڤرۆ نیوز گۆت: “کۆموونا ئەڤرۆ ب تنێ دێ ب مەرەما روونشتنا ئێکێ یا خولا گرێدانێ یا بهارێ بیت”.
ده‌قێ گازيا سه‌رۆكاتيا په‌رله‌مانێ كوردستانێ بۆ ئه‌ندامێن په‌رله‌مانێ كوردستانێ:
ب گۆره‌ى حوكمێ برگا (سێ) يێ ماددێ (18) ژ په‌يره‌وێ ناڤخۆ يێ په‌رله‌مانێ كوردستانێ – عيراق، مه بڕيار دا گازى هه‌موو ئه‌ندامێن به‌رێزێن په‌رله‌مانى بكه‌ين بۆ روونشتنا ژماره (2) يا ئاسايى، سالا ئێكێ ژ خولا هه‌لبژارتنان يا پێنجێ يا په‌رله‌مانێ كوردستانێ – عيراق ل ده‌مژمێر 10:00ى سپێده‌هيا رۆژا ئه‌ينى رێكه‌فتى 1ى ئادارا 2019ێ، هيڤيه ل ده‌مێ دياركرى ئاماده بن.
ئه‌ڤرۆنیوز:
وه‌زیرێ گه‌شه‌پێدانێ ل وه‌لاتێ مالیزیا راگه‌هاند كو دیزاینا ونه‌خشه‌سازیا مودێلا ترومبێله‌كێ یێ هاتیه ئاماده‌كرن كو شیانێن فرینێ هه‌بن ودئه‌ڤ ساله‌دا دێ ئێكه‌مین نموونا وێ ده‌نه نیاسین.
ره‌زوان یوسف، وه‌زیرێ گه‌شه‌پێدانێ ل وه‌لاتێ مالیزیا دیاركر كو ئارمانجا وان ئه‌وه كو دئه‌ڤ ساله دا وى پرۆژه‌ى تمام بكه‌ن ودیاركر كو ته‌كنه‌لوژیا مه شیانێن ئه‌نجامدانا وى كارى یا هه‌ى.
گۆت ژى”ئه‌و ترومبێل دشێت دبلنداهیه‌كا كێم دا بفریت ومه دڤێت ب رێیا ڤى پرۆژه‌ى سه‌قایه‌كى به‌رهه‌ڤ بكه‌ین بۆ هاندانێ بۆ ته‌كنه‌لۆژیا نوو ل وه‌لاتێ مه”.
دیاركر كر كو مه‌زاختیێن دیزاین ونه‌خشه‌سازیا وێ ترومبێلێ 245 هزار دۆلار بوون.
ئه‌ڤرۆنیوز:
به‌رى ده‌مه‌كێ كێم كه‌سه‌كێ 17 سالی دئاڤاهیه‌كى دا ل سه‌نته‌رێ باژێرێ دهۆكێ دكه‌ڤیت وئێكسه‌ر گیانێ خوه ژده‌ست دده‌ت.
راگه‌هاندنا پۆلیسێن پارێزگه‌ها دهۆكێ به‌لاڤكر” بەری دەمەکێ کێم پشتی سێ سنێله چوینە سەربانێ ئاڤاهیەکێ هەیکەل ل نێزیکی ئوتێلا هەلال ل سەنتەرێ باژێرێ دهوکێ سنێلەك ژ وان کو ژیێ وی 17سالن دبانی دا دکەڤیت و ئێکسەر گیانێ خو ژدەست ددەت”.
دیاركر ژى” پەرێن ڤەکولینێ بۆ ڤێ رودانێ ژلایێ پۆلیسێن دهوکێ هاتیە ڤەکرن و هەڤالێن وی ل ژێر ڤەکولینێ نە”.
ئه‌ڤرۆنیوز:
وه‌زاره‌تا دارایى وئابوورى ل هه‌رێما كوردستانی بریارا كێمكرنا بهایێ باجێ ل سه‌ر پارێزه‌ران كێمكر.
وه‌زاره‌تا دارایى وئابوورى ب نڤیسارا خوه یا هژمار 1264 ل 26/2/2019 ئاماژه ب وێ چه‌ندێ دكه‌ت كو ژبۆ به‌رژه‌وه‌ندیا گشتى وئاسانكاریێ بۆ پارێزه‌رێن هه‌رێما كوردستانێ، بریاردا ب وه‌رگرتنا باجێ ژ پارێزه‌ران دێ ب ڤى شێوێ ل خوارێ بیت ژ سالا 2013 خه‌ملاندن هه‌تا سالا 2019:
وه‌زاره‌تا دارایى دیاركر كو دێ كارپێكرن ب وێ داشكانێ هه‌تا ریككه‌فتى 30/6/2019 هێته كرن.
ئەڤرۆ نیوز، مەحمود نهێلی
پێلەکا به‌فر بارینێ ئەڤرۆ پێنجشه‌مبى 28\2\2019 دەڤەرا ئامێدیێ ڤه‌گرت ول هنده‌ك جهان نێزیکی 9 سم بەفرێ بارینە.
هاشم یەحیا، بەرپرسێ پشکا کەشناسیا ئامێدیێ بۆ ئەڤرۆ نیوز گۆت” ئێڤاریا ئەڤرۆ بارینا بەفرێ ل دەڤەرا ئامێدیێ دەست پێکر و ل پتریا وان جهێن بەفر لێ باری زوو حەلبوویە و جادە نەهاتینە گرتن ب تنێ ل کانی ماسێ 9 سم بەفرێ بارینە”.
ناڤهاتی دیار ژی کر، کو ل سەنتەرێ قەزا ئامێدیێ تا ئەڤرۆ رێژەکا باش یا بارانێ باریە و گەهشتیە 931 ملیمێن بارانێ.
ئه‌ڤرۆنیوز:
رێڤه‌به‌ریا گشتى یا ره‌گه‌زنامێ ل هه‌رێما كوردستانێ رۆهنكرنه‌كێ سه‌باره‌ت كێمبوونا پاسه‌پۆرتان دده‌ت.
نه‌قیب (كه‌یفی عومه‌ر) په‌یڤدارێ رێڤه‌به‌ریا گشتى یا ره‌گه‌زنامێ ل هه‌رێما كوردستانێ دبه‌یاننامه‌كێ دا راگه‌هاند، ل ده‌ستپێكا سالا 2019 رێڤه‌به‌ریا پاسه‌پۆرتان ل رێڤه‌به‌ریا گشتى یا ره‌گه‌زنامێ ل به‌غدا رێژه‌كا كێم یا ده‌فته‌رێن پاسه‌پۆرتان ب به‌تالى ره‌وانه‌ى رێڤه‌به‌ریێن پاسه‌پۆرتان ل پارێزگه‌هێن هه‌رێمێ دكه‌ت.
گۆت ژى”وه‌كو رێڤه‌به‌ریا گشتى یا ره‌گه‌زنامێ ل هه‌رێمێ ب هه‌ماهه‌نگى ل گه‌ل رێڤه‌به‌ریا پاسه‌پۆرتان مه سه‌ره‌دانا به‌غدا كر ب مه‌ره‌ما زێده‌تر ره‌وانه‌كرنا ده‌فته‌رێن پاسه‌پۆرتان بۆ هه‌رێما كوردستانێ تاكو زوورترێن وه‌لاتیێن كوردستانێ مفادار بن”.
دیاركرژى كو ئه‌گه‌رێ كێمبوونا پاسه‌پۆرتان ونه ره‌وانه‌كرنا وان بۆ هه‌رێما كوردستانی دزڤریت بۆ ره‌گه‌زناما به‌غدا وئه‌و كۆمپانیا پاسه‌پۆرتان چاپ دكه‌ت كو رێژه‌كا كێم چاپ دكه‌ت.
ئاماژه‌كر كو رێڤه‌به‌ریێن پاسه‌پۆرتان ل هه‌ریمێ رابووینه ب دانانا سرایێ بۆ وه‌لاتیان وپێدانا پاسه‌پۆرتان تنێ بۆ وان وه‌لاتیێن كو گه‌له‌ك پێدڤى پێ هه‌ى وه‌كو (نه‌خوه‌شى وخواندن) ل گه‌ل رێژه‌كا كێم یا وه‌لاتیێن دى.
گۆت ژى”وه‌لاتى دشێن مامه‌لێن دى ب رێڤه‌ببه‌ن وه‌كو (چێكرنا چه‌كى وهووردبینى كرنێ وپه‌نجه مۆرێ) به‌لێ پێدانا پاسه‌پۆرتێ دێ گیروبیت ژئه‌گه‌رێ كێمیا پاسه‌پۆرتان .
ئه‌ڤرۆنیوز:
ب مه‌ره‌ما كێمكرنا روودانێن هاتنوچونێ دناڤ سه‌نته‌رێ باژیرى دا وب تایبه‌تى ژى روودانێن هاتنوچونێ ل ترافكلایتان، رێڤه‌به‌ریا هاتنوچونا هه‌ولێرێ سیسته‌مه‌كێ نوو یێ كامیرێ ب ناڤێ لێدانا سزا دئێخیته دبوارێ بجهئینانێ دا.
موقه‌ده‌م (فازل حاجى) به‌رپرسێ راگه‌هاندنا رێڤه‌به‌ریا هاتنوچونا هه‌ولێرێ سه‌باره‌ت شێوازێ كاركرنا ڤى سیسته‌مى راگه‌هاند” ئه‌ڤ سیسته‌مه راسته‌وخوه وێنێ وان ترومبێلان دگریت كو ل ل ترافكلایتا سوور دده‌ن وئه‌ڤه دێ بیته ئه‌گه‌رێ كیمبوونا سه‌رپێچی وروودانێن هاتنوچونێ.
ئه‌ڤرۆنیوز:
ب مه‌ره‌ما دووباره نه‌بوونا نڤیسینا بودجا 2019 كو ژئه‌گه‌رێ ناكۆكیێ دناڤبه‌را لایه‌نێن سیاسى بۆ ده‌مه‌كێ پاشكه‌فت، فوئاد حسێن وه‌زیرێ دارایی ل عیراقێ نڤیسینا بودجا گشتى یا عیراقێ بۆ سالا 2020 راگه‌هاند ودبێژیت، ئارمانجا مه ئه‌وه مه هه‌ماهه‌نگیا پێشوه‌خت هه‌بیت ل گه‌ل هه‌موو ده‌زگه‌هان وپارێزگه‌هان بۆ دیاركرنا پێدڤیان.
فوئاد حسێن، وه‌زیرێ دارایى ل عیراقێ ئه‌ڤرۆ پێنجشه‌مبى 28/2/2019 گۆت”حوكمه‌تێ بریاردایه به‌رهه‌ڤیان بكه‌ت بۆ نڤیسینا بودجا 2020″.
ل دووڤ به‌یاننامه‌كا وه‌زاره‌تا دارایى یا عیراقێ، فوئاد حسێن وه‌زیرێ دارایى دكۆمبوونه‌كێ دا ل گه‌ل جۆ هوود كاربه‌رێكه‌رێ بالیۆزخانا ئه‌مریكى ل عیراقێ، ئاشكراكریه كو حوكمه‌ت یا به‌رده‌وام ددارشتنا پلانا بجهئینانا به‌رنامێ خوه وهه‌روه‌سا به‌رهه‌ڤیان دكه‌ت بۆ نڤیسینا بودجا سالا 2020 بۆ وێ چه‌ندێ هه‌ماهه‌نگیا پێشوه‌خت دناڤبه‌را ده‌زگه‌هان وپارێزگه‌هان ل گه‌ل حوكمه‌تێ هه‌بیت ب مه‌ره‌ما دیاركرنا پێدڤیێن وان بۆ جهگیركرنێ دناڤ بودجا 2020 دا وپێشكێشكرنا خزمه‌تێن زێده‌تر.
نيشاندان