ئەڤرۆ نیوز:
راھێنەرێ بەرنیاس یێ ئیتالی ئەنتونیو کونتی نێزیکی وەرگرتنا پوستێ راھێنەرەیا یانەکا نوو بوویە پشتی ڤەقەتاندنا وی بوو ماوێ سالەکێ ژ کارێ راھێنەریێ و ئەڤ جارە ب رێیا یانەکا ئیتالی.
مالپەرێ کاتشیو مێرکاتو یێ ئیتالی دیارکریە کونتی نێزیکی ئیمزاکرنا ھەڤبەستا یانا روما بوویە پشتی کارگێریا وێ یانێ دەست ب دانوستاندنان کری ل گەل راھێنەرێ ناڤبری .
ھەردیسان ئەوی مالپەری دیارکریە ژی ئەوێ یانێ بەرھەڤیا خوە دیارکریە بەرامبەر کوژمێ ٩ ملیون و نیڤا پێشکێشی ئەوی راھێنەری بکەت وەکو موچەیێ سالانە لێ ھەتا نوکە ئەوی راھێنەری بریارە فەرمی نەدایە کارگێریا وێ یانێ ژبەرکو ئەوی راھێنەری مەرجەک ھەیە ئەوژی ھەکە یانە دەربازی قارەمانیا چامپیونیز لیگ نەبیت دبیت ب رێژەیا ھەرە مەزن ئەو ل سەر وەرگرتنا پوستێ راھێنەریا وێ یانێ رازی نەبیت.

ئەڤرۆ نیوز:
ستێرا پورتوگالی و یانا یوڤانتوس یا ئیتالی کریستیانو رونالدو داخوازی ژ یانا یوڤانتوس کریە ھەڤبەستێ ل گەل سێ یاریزانان ئیمزا بکەن بوو وەرزێ بھێت بوو ب ھێز ئێخستنا پێکھاتیێ تیما خوە ل پاشەرۆژێ.
رۆژناما ئابولا یا پورتوگالی ئاشکراکریە رونالدوی داخوازی ژ بەرپرسێن یانا یوڤانتوس کریە ھەڤبەستێ ل گەل وەلاتیێ وی یێ گەنج جواو فیلکیس ئیمزابکەن و ھەکە د شیانێن ئەوێ یانێ دا بیت کوژمێ ١٠٠ ملیون یورۆیا ژی پێشکێشی ئەوی یاریزانی بکەت دێ مفایەکێ مەزن ژ شیانێن ئەوی ستێرا گەنچ یا پورتوگالی بینت ژبەرکو ئەوی یاریزانی پاشەرۆژەکا مەزن ل بەر سینگێ وی یە .
ھەردیسان ئەوێ رۆژنامێ ئاشکراکریە ژی رونالدوی داخوازیا سیێ یاریزانێن دی یێن ریال مەدرید کریە لێ ئێک ژ ئەوان یاریزانان ئەوژی مارسێلو پشتی ھاتنا زێدان ل بریارا خوە لێڤەبوویە و دخوازیت بەردەوامی ب دەتە کاروانێ خوە ل یانا ریال مەدرید و چاڤەرێ بریارا دو یاریزانێن دی یە ھەر چەندە دێ ھەتا رادەیەکێ مەزن بوو یوڤانتوس یا ب زەحمەت بیت ژبەرکو زێدان ناخوازیت ل وەرزێ بھێت دەستا ژ ئەوان ھەردو یاریزانان بەردەت ئەوژی ڤاران و ئیسکو ژبەرکو ھەردو یاریزان د پلانا زێدانی دا نین بوو فروتنا ئەوان.

ئەڤرۆ نیوز:
راپورتێن رۆژنامەڤانی ل ھولەندا ئاشکرا کرینە یانا ریال مەدرید بەرھەڤیا خوە دیارکریە بوو دەست ب دانوستاندنان بکەن ل گەل یانا ئەیاکس ئەمستردام بوو ڤەگوھاستنا یاریزانەکێ خوە ل ڤەگوھاستنێن ھاڤینا بھێت.
رۆژناما تیلگیراڤ دیارکریە یانا ئەیاکس ئەمستردام دخوازیت ل ھاڤینا بھێت ھەڤبەستێ ل گەل یاریزانێ گەنچ یێ ھەلبژارتیێ نەرویجی و یانا ریال مەدرید مارتن ئودیگارد ئیمزا بکەن ئەوێ نوکە ب شێوەیێ خواستن یاریێ ل یانا ڤیتیس یێ ھولەندی دکەت.
ئەوێ رۆژنامێ ئاشکراکریە ژی یانا ریال مەدرید بەرھەڤیا خوە دیارکریە بوو فروتنا ئەوی یاریزانی بوو یانا ئەیاکس ئەمستردام لێ بەرامبەر کوژمێ ٢٠ ملیون یورۆیا و ئەو یانا ھولەندی ژی دبینت ئەو کوژمێ پارەی بوو ئەوان گەلەک و داخازا کوژمەکێ کێمتر کریە .

ئەڤرۆ نیوز:
راھێنەرێ ئەرژەنتینی و یانا ئەتلەتیکو مەدرید دیگو سیموینی د داخویانیەکا رۆژنامەڤانی دا پشتی سەرکەفتنا ئەوان یا دوھی ل سەر یانا ڤالنسیا دیارکر پاشەرۆژا ستێرا وێ یا فرەنسی کرێزمان دێ ل گەل یانێ بیت و ئەو دخوازیت ئەو ئاستێ نوکە پێشکێش بکەت ل وەرزێ بھێت ژی د ھەمان ئاست دا بیت .
زێدەتر سەبارەت ئەوان دەنگوباس چوونا کرێزمان ناڤبری دیارکر بتنێ ئاخفتنێن رۆژنامەڤانی نە و کرێزمان ل گەل پێکھاتیێ ئەتلەتیکو مەدرید گەلەک یێ ئارامە و چ ئاخفتن دەربارەی چوونا خوە ھەتا نوکە یاریزان چ ئاخفتن ل گەل ئەوان نە گوتی یە و بتنێ ئەوە دھێتە گوتن ئاخفتنێن رۆژنامەڤانی نە و بازارێ خوە پێ گەرم دکەن.
سەبارەت پاشێخستنا ناسناڤێ بوو حەفتیا بھێت بوو یانا بەرشەلۆنا ناڤبری دیارکر ل سەر ئەوان پێدڤی یە ھەتا دووماھیی چرکە ئەو یاری بکەن و شەرێ ھەڤرکیا ناسناڤێ خولێ بکەن .