ئەڤرۆ نیوز، نەوزاد هلۆری:
زێدەباری کو بەری نوکە هژمارەکا پروژە و خزمەتگۆزاریان ل ناحیا دینارتە یا سەر ب قەزا ئاکرێ هاتینە چێکرن، بەلێ پێدڤی ب هژمارەکا پروژە و خزمەتگوزاریێن دی یە، ب تایبەتی د وارێ ئاڤ و رێک و پر و گەشتوگۆزار و پەروەرووەیی دا، رێڤەبەرێ ناحیێ ژی هەموو ئەو پروژێن کو پێدڤی یە بو سنوورێ ناحیێ بهێنە چێکرن بەحس دکەت.
ئه‌ڤرۆنیوز:
جێگرێ سه‌رۆكێ په‌رله‌مانێ عیراقێ به‌شیر حه‌داد راگه‌هاند، ل ده‌ستپێكا هه‌یڤا ئادارێ ول دووڤ قانوونا بودجه‌ی، دێ حوكمه‌تا به‌غدا بودجا هه‌رێما كوردستانێ هنێریت.
به‌شیر حه‌داد، جێگرێ دویێ یێ سه‌رۆكێ په‌رله‌مانێ عیراقێ، ئه‌ڤرۆ سێشه‌مبی 26/2/2019 دكۆنگره‌كێ رۆژنامه‌ڤانی دا گۆت” ل ده‌ستێكا هه‌یڤا داهاتی، پشكا بودجێ هه‌رێما كوردستانێ ژ بوردجا گشتی یا عیراقێ بۆ سالا 2019 دێ گه‌هیته هه‌رێمێ”.
گۆت ژی” پشتی ب دووماهی ئینانا هه‌موو پێرابوونان بودجه بوویه قانوون وتنێ هنده‌ك هوورده‌كاریێن تایبه‌ت یێن ماین كو گرێدای وه‌زاره‌تا دارایی نه وپشتیب دووماهی هاتنا وان پێرابوونان، قانوونا بودجێ دێ چیته دبوارێ بجهئینانێ دا وبودجا هه‌رێما كوردستانێ دێ هێته هنارتن”.
ب، ئەڤرۆ:
کارگێریا یانا چێلسی یا ئنگلیزی یا رژدە ل سەر سزادانا گولپارێزێ خوە یێ ئسپانی کیبا ئاریزابالاحا پشتی نەرازیبونا خوە ل سەر بریارا راھێنەرێ یانێ یێ ئیتالی ماوریتسو ساری دەربری ئەوێ خواستی ل خولەکێن دووماھیێ ژ نیڤا دویێ یا زێدەکری ل یاریا ھەمبەر مانچستەر سێتی ل دووماھیا کاسا ھەڤگرتیا یانێن ئنگلیزی ب گوھوریت و ڤی گولپارێزی رەتکری.
سەرەرای وێ چەندێ کو لێکتێنەگەھشتنەک دناڤبەرا ڤی گولپارێزی و راھێنەرێ وی ھەبوو و گولپارێزی لێبورین ژ راھێنەر و جەماوەری خواستی ل سەر ڤێ ھەلویستی، لێ کارگێریا یانێ بریا ردا کوک وژمێ ٢٥٦ ھزار دولاران حەفتیانە ژ موچێ وی بھێنە برین و ئەڤ کوژمە بو دەزگایێ خێرخوازیا ب سەر یانێ ڤە بھێتە دان.
راھێنەرێ یانێ دڤێ یاریێ دا وەسا ھزر دکر کو کیبا یێ ھنگافتی یە و نەشێت بەردەوامیێ ب دەتە یاریێ و پێدڤیە ب وھوریت بەری لێدانێن پەنەلتیان ددەمەکی دا کو ئەنجام وەکھەڤی بوو و گولپارێز ویلی کاباییرو بەرھەڤکر بو پشکداریێ، لێ دویڤدا کیبای رەتکر کو یاریگەھێ ب جە بھێلیت و خواست بەردەوامبیت و دیارکر ئەو یێ دورستە و چو ھنگافتن نینن.
ئەڤرۆ نیوز ، عەلی حاجی :
ئەنجومەنێ زاخۆ یێ ئێکەتیا ئافرەتێن کوردستانێ جلو بەرگ ل سەر زارویێن بێ سەمیان دا بەلاڤ کرن.
د ڤێ دەربارەی دا فاتیما فکری بەرپرسا ئەنجومەنێ زاخۆ یا ئێکەتیا ئافرەتان بۆ ئەڤرۆ نیوز گۆت: وەکو ئەرکەکێ مروڤایەتی ئەم رابووینە ب بەلاڤ کرنا ٧٠ دەستێن جل وبەرگێن زاروویان ل سەر وان زارویێن بێ باب و ھەژار ، ئەڤ جل و بەرگە ژی ژلایێ خێرخوازەکێ ڤە ل زاخۆ ھاتبوونە دابین کرن و دێ بەردەوام بین ل سەر ھاریکاریێن ب ڤی رەنگی.
ناڤھاتی زێدەتر گۆت: ھەر دیسان سمینارەک بۆ دایکێن وان زارویێن بێ باب ڤە ل دور رەوشەنبیریا خێزانی ھاتە پێشکێش کرن دا کو ئافرەتا مە بزانیت وەکو ئێکەتیا ئافرەتێن کوردستانێ داکوکیکەرین ل سەر ب دەست ڤە ئینان مافێن وان.
ئەڤرۆ نیوز:
بەرپرسەکێ جڤاتا سووریا دیموکرات کو وەکو لقێ سیاسی یێ هێزێن سووریا دیموکرات دهێتە نیاسین دیار کر کو پشتی ئەمریکا بریار دایی ٤٠٠ سەربازێن خوە ل سووریێ بهێلیت ئەو یەک پێنگاڤەکا دیرۆکیە و د بەرژوەندیا مە دایە و ئێدی تورکیا نەشێت گەفان ل رۆژئاڤایێ کوردستانێ بکەت.
گەدۆ عیسا ئەو یەک ژی دیار کر کو ژ بلی ئەمریکا دێ هندەک وەلاتێن دی ژی هێزێن خوە ل باکورێ سووریێ بجه کەن، ژ بەر هندێ ژی دێ رێگری ل هێرشا تورکیا هێتە کرن و ئەم ژ ڤێ یەکێ دلخوەشین.
ئەڤرۆ نیوز:
ئەڤرۆ رۆژا سێشەمبی ٢٦-٢-٢٠١٩ سەرۆکێ حوکمەتا ھەرێما کوردستانێ نێچیرڤان بارزانی پێشوازی ل فرانسوا ئۆلاند سەرۆکێ بەرێ یێ فرەنسا کر.
د ڤێ سەرەدانێ دا سەروکێ بەرێ یێ فرەنسا خوشحالیا خوە ب ڤێ سەرەدانێ دەربری و ئەگەرێن سەرەدانا خوە ژی بۆ ھەرێما کوردستانێ دیارکر کو دێ سەرەدانا چەند دەڤەرێن مووسل کەت دیسان پشکداریا وی د رێورەسمێن پێشکێشکرنا خەلاتێ شەھیدا رۆژنامەڤان شیفا گەردی.
فرانسوا ئۆلاند دیسان بەحسا سەرەدانێن خوە یێن بەری نوکە ژی بۆ ھەرێمێ ل دەمێ شەرێ دژی داعش دیسان چوونا وی بۆ سەنگەرێن پێشمەرگەی دگەل سەرۆک مەسعود بارزانی.
ل دووماھیێ سەروکێ بەرێ یێ فرەنسا دەستخوشیا حوکمەتا ھەرێما کوردستانێ بۆ حەواندنا ڤێ رێژا زور یا ئاوارە و پەنابەران کر.
ژلایێ خوە ڤە نێچیرڤان بارزانی سوپاسیا ڤێ سەرەدانا ئۆلاندی و ھاریکاریێن بەردەوام یێن وەلاتێ فرەنسا بۆ ھەرێما کوردستانێ کر تایبەت د دەمێن سەخت دا دیسان رولێ فرەنسا د لادانا دورپێچا سیاسی و دبلوماسی ل سەر ھەرێمێ ب بلند نرخاند.
تەوەرەکێ دی یێ ڤێ کومبونێ دا بەحس ل پەیوەندیێن ناڤبەرا ھەولێر و بەغدا ھاتە کرن و پشتەڤانیا ھەرێما کوردستانێ بۆ عادل عەبدولمەھدی پێخەمەت چارەسەرکرنا کێشەیان دیارکر
ئەڤرۆ نیوز:
بەری دەمەکێ سەرۆکێ ئەمریکا دۆنالد ترامپ گەهشتە وەلاتێ ڤێتنامێ و بریارە ئەڤرۆکە ل گەل سەرۆکێ کۆریا باکور کیم جۆنگ کۆمبیت و سەبارەت ب چارەکرنا بەرنامێ ئەتۆمی یێ کۆریا باکور و پرسێن دی هەڤدیتنان بکەن.
چاڤدێرێن سیاسی ژی دیار دکەن کو هەکە ڤێجارێ د کۆمبوونێ دا هەر دو وەلات پرسا ئەتۆمی یا کۆریا و راکرنا سزایێن ئابووری یێن ل سەر وی وەلاتی چارە نەکەن رەنگە ئاریشا ئەمریکا و کۆریا بەرفرەهتر لێ بهێت.
ئەڤرۆ نیوز ، عەلی حاجی :
ب ئامادەبوونا ھژمارەکا بازرگان و وەبەرھێنەرێن کوردستانێ و ماموستایێن زانکویێ پەنەلێ ئابوری ل ژێر دروشمێ جێبەجێکرنا یاسا بودجەیا عێراقا فیدرال و کارتێکرنا وێ ل سەر ل رەوشا ئابوری ل ھەرێما کوردستانێ ، بۆ پەرمانتارێن پەرلەمانێ عێراقێ و کوردستانێ و رێڤەبەریا وەبەرھێنانێ و سەروکێ ژورا بازرگانی ل پارێزگەھا دھوکێ ھاتە ساز کرن.
پ.ە.د. رەنج محەمەد سەروکێ لژنا پەنەلێ بۆ ئەڤرۆ نیوز گوت : د ڤێ پەنەلی دا چەند بابەتێن گرنگ ھاتنە گەنگەشە کرن و چاوانیا مفا وەرگرتن ژ بودجەیا عێراقێ و پشکا ھەرێما کوردستانێ و ھەر دیسان چاوانیا مەزاختنا وێ بودجەیێ د بیاڤێن بازرگانی و وەبەرھێنانێ دا، ژ بەرکو سالێن بوری دا بودجەیەکا باش بۆ کوردستانێ د ھاتە مەزاختن لێ وەکو پێدڤی مفا ژێ نە دھاتە وەرگرتن.
ناڤھاتی زێدەتر دیارکر ھەر ب رێکا ڤێ پەنەلێ چەند پێشنیارەک ژ لایێ بازرگان و وەبەرھێنەرێن ئامادەبوی ڤە بۆ لایەنێن پەیوەندیدار ھاتنە دان پێخەمەت باشترکرنا کەرتێن بازرگانی و وەبەرھێنانێ ، ھەتا رادەیەکێ باش ئەڤ پێنگاڤە دێ بیتە دەست پێکەک ژ روویێ زانستی ڤە مفا ژ پشکا کوردستانێ ژ بودجەیا عێراقێ بھێتە وەرگرتن.
ئەڤرۆ نیوز ، عەلی حاجی :
دداخویانیەکێ دا ئەیاد حەسەن سەروکێ ژورا بازرگانی و پیشەسازی ل دھوکێ بۆ ئەڤرۆ نیوز دیارکر ژ بەرکو پارێزگەھا دھۆکێ دەڤەرەکا زەنگینە ب چاندنێ لەورا مە پێشنیار کری یە بۆ پەرلەمانێ کوردستانێ کو کەرتێ چاندنێ ژی بھێتە زێدەکرن ل سەر ناڤێ ژورا بازرگانی و پێشەسازی.
ناڤھاتی زێدەتر گۆت: ئەگەر پشتەڤانی زێدەتر بۆ کەرتێ چاندنێ ل پارێزگەھا دھۆکێ ژ لایێ حوکمەتا ھەرێمێ ڤە بھێتە کرن دێ ئەڤ کەرتە کارتێکرنا خوە ھەبیت ل سەر ئابورێ کوردستانێَ لەورا مە داخاز کری یە ژورا بازرگانی و پیشەسازی بیتە ژورا بازرگانی و پیشەسازی و چاندنێ.
ناڤھتی ئەو چەندە ژی گوت : ژبەر وێ چەندێ مە ئەڤ پێشنیارە رەوانەی پەرلەمانێ کوردستانێ کری یە کو یاسایا ژورێن بارزگانی و پێشەسازی ل ھەرێما کوردستانێ یا ژمارە ١٤ سالا ١٩٩٣ ئەڤ یاسایە ھاتیە دەر کرن و پێدڤی یە ھەر ب رێکا پەرلەمانی ئەو ماددەیە بھێتە زێدەکرن و بیتە یاسایەک.
ئەڤرۆ نیوز، عەلی حاجی:
چیا شەریف ئەندامێ پەرلەمانێ کودستانێ بۆ ئەڤرۆ نیوز دیارکر پارتی ھەڤپەیمانی دگەل حزبا سوسیالیستا کوردستانێ گرێدا و ئێدێ وەکو فراکسیون بن دێ کار کەن.
ناڤھاتی زێدەتر گۆت: پشتی رێککەفتن د ناڤبەرا ھەردو مەکتەبێن سیاسیێن پارتی و حزبا سوسیالیستێ ھاتیە مورکرن ئێدی ھەردو حزب وەکو فراکسیون دێ د پەرلەمانێ کوردستانێ پشکداربن و حزبا سوسیالیست خودانا کورسیەکێ یە د پەرلەمانی دا.
ناڤھاتی ئەو چەندە ژی گۆت: ل گورەی وێ رێککەفتنا ھاتیە ئەنجام دان د ناڤبەرا پارتی و سوسالیستێ دا تنێ دێ بۆ ماوەیێ چار سالان بیت و ئێدی پارتی دیموکراتی کوردستان وەکو ھەڤپەیمانی دێ خودانا ٤٦ کورسیان بیت د پەرلەمانێ کوردستانێ دا.
نيشاندان