ئەڤرۆ نیوز:
ئاژانسا ئەعماق یا سەر ب رێکخراوا تیرۆرستی دا داعشێ ئەڤرۆکە راگەهاند کو پەقینێن ل سریلانکایێ ژ ئالیێ ئەندامێن وان ڤە هاتینە کرن.
ل ئالیێ دی وەزیرێ ناڤخوە یێ سریلانکایێ ژی راگەهاند کو هەتا نها ژی ڤەکۆلینێن مە ل دۆر پەقینان بەردەوامن و هژمارا کوشتیان ژی هەتا نها گەهشتیە ٣٢٧ کەسان و ب دەهان کەسێن دی ژی بریندارن.
ئەڤرۆ نیوز:
ئاژانسا سپۆتینگ نیوز یا روسیا دیار دکەت کو نها پەیوەندیێن تورکیا و ئەمریکا گەلەکێ ئالۆز بووینە و ئەمریکا گەلەک چەکێن خوە ژ ئینجیرلیکێ بەر ب جهەکێ دی برینە، ئەمریکی ب جهێ ئینجیرلیکا تورکیا دخوازن ل یونان یان ژی وەلاتەکێ دی بنگەهەکێ نوو ئاڤا بکەن لێ هەتا نها بریارا دووماهیێ نەهاتیە دان.
ئاژانسا روسی دیار دکەت کو ئەمریکا بریار دایە بنگەهێ خوە ل ئینجیرلیکێ چۆل بکەت و وەلاتێ رومانیا ژی ئێکە ژ بەدیلێن دی بۆ ئەمریکا.
ئەڤرۆ نیوز، عەلی حاجی :
دوھی ل روژا دوشەمبی رێککەفتی ٢٢/٤/٢٠١٩ ژ ئەگەرێ بارینا بارانەکا زور ل باژێرێ زاخۆ بۆ ئەگەرێ ھەرفینا دو خانیان و ھەر دیسان ئاڤ چوو دچەندین مالان ڤە و زیانێن زور ژی بەر ب ھاولاتیان کەفتن.
ل دور ڤێ چەندێ رائید بێوار عەبدولعەزیز بەرپرسێ راگەھاندنا بەرەڤانیا باژێری ل دھۆکێ بۆ ئەڤرۆ نیوز گوت : دوھی روژا دوشەمبێ ژبەر ھاتنا بارینەکا زور بۆ ئەگەرێ وێ چەندێ ئاڤ ل ھندەک تاخان بلند ببیت و زیان بەر ب ھاولاتیان بکەڤیت ، ل دەمژمێری ٧ی سپێدێ ترومبێلەک ل تاخێ فرقێ مابو دناڤ دئاڤێ دا و خوەش بەختانە تیمێن مە ل بەرەڤانیا باژێری ل زاخۆ شیان وێ ترومبێلێ دەربخن و ھەر ل ھەمان روژ ژبەر رابونا ئاڤێ دناڤبەرا تاخێن پێشەسازی و عەباسیکێ ئاڤێ ب سەر دو مالێن ھاولاتیێن وی تاخی دا گرت و بۆ ئەگەر ٣ ھەتا ٤ ملیونان دیناران زیان بەر ب وان ھاولاتیان بکەڤیت.
ناڤھاتی ئەو چەندە ژی گۆت: ھەر ل ھەمان روژا ل تاخێ شقا بەرامبەر پەیمانگەھا تەکنیکی یا زاخۆ ژئەگەرێ بارینا بارانێ ئاڤەکێ زور ل وێرێ راوەستیا بۆ ئەگەرێ ھندێ ئێدی ھاتن و چوون ل وێ جاددەیێ بھێتە راوەستاندن و پشتی تیمێن مە گەھشتینە جھێ روودانێ پشتی بورینا نیڤ دەمژمێرێ جارەکادی شیان ھاتن و چوونێ ل وێ جاددەیێ ئاسایی بکەن.
ئەڤرۆ نیوز:
ئەڤرۆ سەرۆک مەسعود بارزانی پێشوازی ل نڤیسەر و ڤەکۆلەرێ ناڤدارێ رۆژهەلاتێ کوردستانێ کەلیموللا تەوەحودی کر و ژ بەر کەدا وی یا بۆ پاراستنا کەلتور و پشکەک ژ دیرۆکا کوردستانێ سوپاسیا وی کر.
سەرۆک بارزانی سوپاسیا نڤیسەر و دیرۆکناسێ ناڤدارێ کورد کر کو شیایە ب کەد و ماندیبوونا خوە پشکەکا مەزن ژ دیرۆک و کەلتورێ کوردان ل خوراسانێ و رۆژهەلاتێ کوردستانێ بپارێزیت و چەندین پەرتووکێن ب بها پێشکێشی گەلێ کوردستانێ بکەت.
ژ ئالیێ خوە ڤە ماموستا کەلیموللا تەوەحودی ژی راگەهاند کو مەزنترین هێڤیا من د ژیانێ دا پێکهات و سوپاسیا هەلویستێ سەرۆک بارزانی و پشتەڤانیا وی کر.
ئه‌ڤرۆ نیوز:
فه‌رهاد ئه‌مین ئه‌ترووشی پارێزگه‌رێ دهوكێ ئه‌ڤرۆ پێشوازیا شانده‌كێ لقێ دهوك یێ سه‌ندیكا روژنامه‌نڤیسێن كوردستانێ ب سه‌روكاتیا ڤیان عه‌باس كر.
دهه‌ڤدیتنه‌كێدا ب ئاماده‌بونا خوشناڤ جمیل ئه‌ندامێ ئه‌نجومه‌نێ سه‌ندیكا روژنامه‌نڤیسێن كوردستانێ ل پارێزگه‌ها دهوكێ به‌حسێ 121سالیا روژنه‌ماگه‌ریا كوردی و21سالیا دامه‌زراندنا سه‌ندیكا روژنامه‌نڤیسێن كوردستانێ وئه‌و كارو چالاكیێن بڤێ هه‌لكه‌فتێ هاتینه ئه‌نجامدان وره‌وشا سه‌ندیكا روژنامه‌نڤیسێن كوردستانێ لقێ دهوك وبه‌رنامێن وان بو ئه‌نجامدانا چه‌ند چالاكیێن روژنامه‌ڤانی وره‌وشه‌نبیری ل روژێن بهێت هاته كرن.
پارێزگه‌رێ دهوكێ ب ناڤێ خو وكارگێریا پارێزگه‌هێ 121سالیا روژنامه‌ڤانیا كوردی و21سالیا دامه‌زراندنا سه‌ندیكا روژنامه‌نڤیسێن كوردستانێ ل هه‌موو روژنامه‌ڤان ومیدیاكاران پیروزكر وته‌كه‌زی ل سه‌ر رولێ گرنگ یێ راگه‌هاندنێ ومیدیاكارا كر كو بره‌نگه‌كێ پیشه‌یی سه‌ره‌ده‌ریێ دگه‌ل هه‌موو پێشهات وبویه‌ران بكه‌ن وپه‌یاما خو یا راسته‌قینه یا روژنامه‌ڤانی بگه‌هینه جهێن به‌رپرس هه‌روه‌سا به‌رده‌وام خو پێشبێخن وسه‌ركه‌فتن بو هه‌موو روژنامه‌ڤان وسازیێن راگه‌هاندنێ خواست وپشته‌ڤانیا پارێزگه‌هێ نیشان دا بو هه‌ر هاریكاریه‌كێ بو وێ یه‌كێ كار وپیشه‌یێ روژنامه‌ڤانان بهێته پێشئێخستن.
هه‌ژی گوتنێ یه ل 22نیسانا سالا 1898ئێكه‌م روژناما كوردی ب ناڤێ كوردستان ل پایته‌ختێ مسرێ قاهیره ژلایێ مقداد مدحت بدرخان هاتبو ده‌رئێخستن.
ئه‌ڤرۆ نیوز:
نێچیرڤان بارزانی سه‌رۆك وه‌زیرێن هه‌رێما كوردستانێ و محه‌مه‌د حه‌لبووسی سه‌رۆكێ په‌رله‌مانێ عیراقێ، ره‌وشا سیاسی یا عیراقێ ب گشتی و دووماهی پێشهاتێن پارێزگه‌ها نه‌ینه‌وا ب تایبه‌تی گه‌نگه‌شه كرن.
د كۆمبوونه‌كێ دا كو ئه‌ڤرۆ ل هه‌ولێرێ ب ئاماده‌بوونا د. ڤالا فه‌ریدا سه‌رۆكا په‌رله‌مانێ كوردستانێ برێڤه‌چوو، به‌حسێ ره‌وشا ئاوارێن عیراقێ ل كه‌مپێن هه‌رێما كوردستانێ كر و دوپاتی ل سه‌ر گرنگیا هاریكاریكرنا وان ژ لایێ حوكمه‌تا عیراقێ و جڤاكێ نێڤده‌وله‌تی كر و بۆ وێ چه‌ندێ بشێن ڤه‌گه‌ڕنه جهێن خوه و ده‌ڤه‌رێن زیان گه‌هشتینه بهێنه ئاڤاكرن.
په‌یوه‌ندیێن هه‌ولێر و به‌غدا و به‌رده‌وامیا دانوستاندنان بۆ چاره‌كرنا كێشان ب رێیا دیالۆگێ، گه‌نگه‌شه‌كرنا ره‌وشا ده‌ڤه‌رێ و چه‌ند پرسێن دی پشكه‌كا دی یا كۆمبوونێ بوون.
ئەڤرۆ نیوز:
بریكارێ وه‌زاره‌تا شه‌هید و ئه‌نفالكریان ل حكومه‌تا هه‌رێما كوردستانێ دیاركر ئه‌ڤرۆ ژلایێ هنده‌ك كه‌سێن نه ناسیار ڤه ته‌قه ل تیمێن راكرنا گۆرێن ب كۆم ل گۆندى كوچۆ قه‌زا شنگال هاتیه كرن و تیمێن ڤه‌كرنا گۆرێن ب كۆم ژ كوچۆ به‌ر ب شنگال چوون.
به‌ره‌ڤان حه‌مدى، بریكارێ وه‌زاره‌تا شه‌هید و ئه‌نفالكریان ل حكومه‌تا هه‌رێما كوردستانێ بۆ (باسنیوز) دیاركر: ” رۆژا دووشەمبی دوو تیمێن ڤه‌كرنا گۆرێن ب كۆم ل گۆندى كوچۆ دو گۆرێن ب كۆم ڤه‌دكرن ئێك ژ وان گۆرین ب كۆم یێن كار تێدا دهاته كرن ده‌نگى ته‌قه هاتیه وان ئه‌و ته‌قه بۆ گرۆپى كاركرنێ هاتینه ئاراسته‌كرن له‌ورا تیمێن گۆرێن بكۆم كار بجه هێلاینه بۆ پاراستنا سلامه‌تیا خوه ل سه‌ر ڤێ بابه‌تى و ده‌زگه‌هێن ئه‌منى یێن ده‌ڤه‌را شنگال هاتینه سه‌ر خه‌تى بۆ دوڤچوونى ل سه‌ر وى ته‌قه هاتیه كرن “.
خۆیا ژى كر: ” داكو ئاسایشا تێمین گۆرێن ب كۆم بهێته پاراستن ئه‌و تیم ژ گۆندى كوچۆ به‌ره‌ڤ شنگال چووینه چوو زه‌ر وزیان نه‌بووینه بتنى ده‌نگى ته‌قێ هاتیه بهیستن پیشبینى هاتیه كرن ته‌قه ئاراسته‌ى تیمێن گۆرێن بكۆم هاتیه كرن”.
ئه‌ڤرۆ نیوز:
سه‌رۆك مه‌سعود بارزانى ئه‌ڤرۆ دوشه‌مبى 22/4/2019 پێشوازى ل محه‌مه‌د حه‌لبووسى سه‌رۆكێ په‌رله‌مانێ عیراقێ وشاندێ دگه‌لدا كر.
د كۆمبوونه‌كێ دا ره‌وشا سیاسى یا عیراقێ ودووماهى پێشهاتێن سیاسى وگاڤێن تمامكرنا پێكئینانا حوكمه‌تا نوو یا عیراقێ هاته به‌حسكرن.
د پشكه‌كا دى یا كۆمبوونا سه‌رۆك بارزانى وحه‌لبووسى، به‌حسێ په‌یوه‌ندیێن د ناڤبه‌را هه‌رێما كوردستانێ وبه‌غدا هاته كرن ل گه‌ل نرخاندنا وى سه‌قایێ ئه‌رێنى یێ هاتیه پێش بۆ چاره‌كرنا كێشێن د ناڤبه‌را هه‌رێمێ وبه‌غدا پشتى هه‌لبژارتنێن عیراقێ، دووپاتى ژى ل وێ چه‌ندێ هاته كرن كو پێدڤیه رێگرى ل وان ده‌نگان بهێته كرن كو ب نیازا تێكدانا وى سه‌قایێ ئه‌رێنى، چونكى باشبوونا په‌یوه‌ندیێن هه‌رێمێ وبه‌غدا دێ بیته ئه‌گه‌رێ سه‌قامگیریێ وڤه‌ژاندنێ ل هه‌موو عیراقێ.
ره‌وشا پارێزگه‌ها نه‌ینه‌وا وبارێ ژیانا خه‌لكێ وێ پارێزگه‌هێ وب رێڤه‌برنا مووسلێ ته‌وه‌ره‌كێ دى یێ وێ ددیارێ بوو وهه‌ردولا دووپاتى ل سه‌ر بله‌زكرنا بزاڤان بۆ ڤه‌گه‌راندنا خزمه‌تگوزاریان وسه‌قامگیریێ بۆ وه‌لاتیێن پارێزگه‌ها نه‌ینه‌وا كر ودیاركرن كو پێدڤیه خه‌لك وپێكهاتێن پاریزگه‌ها نه‌ینه‌وا پشكداریێ د رێڤه‌برنا وێ پارێزگه‌هێ دا بكه‌ن.
ئامادەکرن،ھەژار مەعروف:
یانا ئەنتر میلان یا ئیتالی پشتی نێزیکی دەستڤە ئینانا پلێتەکا دەربازبوونێ بوی بۆ قارەمانیا چامپیونیز لیگ بوو وەرزێ بھێت بەرپرسێن وێ یانێ ل گەل راھێنەرێ وێ یانێ دەست ب نەخشەیێ خوە کریە بوو ئینانا یاریزانان بوو وەرزێ بھێت.
راھێنەرێ وێ یانێ چەند ناڤ پێشکێشی بەرپرسێن ئەوی یانێ کرینە بوو دەستڤە ئینانا ئەوان و کارگێریا یانێ ژی بریار دایە ل ماوێ بھێت ب فەرمی دەست ب دانوستاندنان بکەن ل گەل ئەوان یاریزانان و یانێن ئەوان.
رۆژناما موندو دیپورتیڤو یا ئیسپانی دیارکریە راھێنەرێ ئیتالی یێ یانا ئەنتر میلان پیرو ئوسیلیو داخوازیا شەش یاریزانێن نوو ژ یانێ کریە کو چار ژ ئەوان یاریزانێن ریال مەدرید و بەرشەلۆنا نە ل گەل یاریزانەکێ خۆلا ئەرژەنتین و ستێرەکا خۆلا فرەنسا.
زێدەتر ئەوێ رۆژنامێ ئاشکراکریە بەرپرسێن یانا ئەنتر میلان ژی ل سەر داخوازیا وی راھێنەری رازیبوونە و کوژمەکێ مەزن یێ پارەی بوو ڤەگوھاستنێن بھێت بەرھەڤکرینە بوو ب ھێز ئێخستنا پێکھاتیێ خوە بۆ قارەمانیا چامپیونیز لیگ و خۆلا کاتشیو.
ئەو یاریزان ئەڤێن خواری نە
ستێرا ھێلا ناڤینا بەرشەلۆنا و ھەلبژارتیێ کرواتیا ئیڤان راکیتچ، پشتی یانا بەرشەلۆنا ھەڤبەستا یاریزانێ ھولەندی دی یونگ ئیمزاکری بۆ وەرزێ بھێت ئەوی یاریزانی ھزرا چوونا بەرشەلۆنا کریە
یاریزانێ بەرازیلی و یانا بەرشەلۆنا مالکوم ئەوێ ل ھاڤینا بوری ھاتیە دناڤ رێزێن یانا بەرشەلۆنا لێ نەشیای جھێ خوە وەکو یاریزانەکێ سەرەکی ل ناڤا پێکھاتیێ وێ یانێ دا بینت و دخوازیت بەر ب یانەکا دیڤە بچیت بوو پتر دەلیڤەیا کرنا یاریێ ھەبیت.
تونی کروس یاریزانێ ھێلا ناڤینا یانا ریال مەدرید ھەکە یانا ریال مەدرید ل ھاڤینا بھێت ھەڤبەستا ستێرا دانمارکی و یانا توتنھام ئاریکسن ئیمزاکر دبیت ب رێژەیا ھەرە مەزن ل سەر فروتنا تونی کروس رازی بەن
ماتیو کوڤاتیچ یاریزانێ کرواتی و یانا ریال مەدرید ئەوێ نوکە ب شێوەیێ خواستن یاری ل یانا چێلسی دکەت کو ئەڤ یاریزانە ل وەرزێ بوری ئارمانجا ئەنتر میلان بوو لێ ژبەر کوژمێ پارەی پێک نەھاتبوون ل گەل یانا ریال مەدرید لێ دبیت ژبەر ھەبوونا یاریزانان ل جھێ ئەوی یاریزانی ریال ب رێژە ھەرە مەزن ل سەر فروتنا ئەوی رازی بیت ب ھەر شێوەکێ ھەبیت.
یاریزانێ گەنچ یێ ئەرژەنتینی و یانا رێڤەرپلێت ئاسیکییل پالاسیوس یێ ٢٠ سالی
ھەردیسان موسی دیمبیلی ھێرشبەرێ لیون ئەوژی ھەڤبەست دێ ل گەل ئەوی یاریزانی ئیمزا کەن ھەکە ھێرشبەرێ وی ئیکاردی پێکھاتیێ یانێ ب جە ھێلا
نيشاندان