ئەڤرۆ نیوز:
مەحمود محەمەد پەیڤدارێ پارتی دیموکراتی کوردستان راگەهاند کو راستە ئاڤاکرنا کابینا نوو یا حوکمەتێ گیرو بوویە، لێ بۆ مە وەکو پارتی یا گرنگ ئەوە کو ئەم ل گەل ئالیێن دی پێکڤە کوردستانێ برێڤە ببەین و گۆت: (گرنگە ئەم ناڤمالیا خوە رێک بخینین و خوە بۆ هەر مەترسیەکێ ژی بەرهەڤ بکەین، ژ بەر هندێ ژی دەمێ کو تێگەهشتنەکا هەڤپشک د ناڤبەرا هەموو ئالیان دا دروست ببیت دێ کابینا نوو یا حوکمەتێ ژی هێتە پێکئینان).
ئەڤرۆ نیوز:
پشتی ل شەڤا بوری ستێرا فرەنسی و یانا ریال مەدرید کەریم بن زیما شیای ھاتریک توماربکەت ل سەر یانا ئەلەتیکو بلباو ژ چارچوڤێ یاریێن خۆلا لالیگا ئیسپانی شیا نمرەکا نوو ل سەر ئاستێ ھەر پێنچ خولێن مەزن یێن ئورۆپی توماربکەت .
مالپەرێ ئوپتا یێ تایبەت ب ئامارێن یاریزانان ڤە ئاشکراکریە ھێرشبەرێ فرەنسی و یانا ریال مەدرید پشتی ل یاریا شەڤا بوری ل گەل یانا ئەتلەتیکو بلباو بن زیما شیا گولا ئێکێ یا تیما خوە ل دەقیقا٤٧ ژ یاریێ ب لێدانەکا سەری توماربکەت ئەو یاریزانێ ناڤبری شیا ھژمارا گولێن خوە ب سەری ب گەھینتە ١١ گولان د ھەموو ئەو قارەمانیێن تێدا پشکداری ل گەل ریال مەدرید تێدا کری ل وەرزێ ئەڤ سالە کو بوو یاریزانێ ئێکێ نە ل سەر ئاستێ ھەر پێنچ خولێن ئورۆپی یێن مەزن ١١ گول ب لێدانا سەری ھەبن ل وەرزێ ئەڤ سالە.
ئەڤرۆ نیوز:
پشتی بورینا ٣٤ سالان جارەکا دی یانا پاوک سالونیکا یا یونانی بوو جارا سیێ د مێژویا خوە دا شیا ناسناڤێ خۆلا یونان یا تەپا پێ ب دەستخوڤە ببەت ئەڤ جارە بەری ب دووماھیی ھاتنا خولێ ب حەفتیەکێ پشتی شیای د یاریا خوە یا گەرا ٢٩ دا سەرکەفتنەکا مەزن ل سەر یانا لیفادیاکوس توماربکەت ب پێنچ گولان بێ بەرامبەر ژ چارچوڤێ یاریێن گەرا ٢٩ و بەری دووماھیێ ژ خولێ .
پاوک سالونیکا ل ٢٩ یاریێن بوری توشی چ خوسارەتیا نەبوویە کو دبیتە نمرەکا ھەرە باش ل سەر ئاستێ ئورۆپا و مێژویا خولا یونان کو ل ٢٩ یاریێن بوری شیا ٢٥ سەرکەفتنا توماربکەت ل گەل چار وەکھەڤیا ٦٤ گول تومارکرینە و ١٤ گول سەر ھاتینە تومارکرن ل وەرزێ ئەڤ سالە و ٧٩ خال کومکرینە و تیما ئولومپیاکوس ل رێزا دوێ دھێت ب ٧٢ خالان .
ئەڤرۆ نیوز ، زنار تۆڤی:
ل سپێدەھیا ئەڤرۆ دوشەمبی 22 نیسانا 2019 پێلەکا بەفرێ ناحیا کانی ماسێ ڤەگرتیە و د ئەنجامدا رێژەکا باش یا بەفرێ ل سنورێ ڤێ ناحیێ باریە، ڤێ چەندێ ئاستەنگ ئێخستیە رێیا ھاتنوچوونا وەلاتیان ل دەرگەھێ گۆمرکا سەرزێری ل ناحیا کانی ماسێ.
سەربەست سەبری ئاکرەیی رێڤەبەرێ ناحیا کانی ماسێ بۆ ئەڤرۆ نیوز دیار کر: ل سپێدەھیا ئەڤرۆ دوشەمبی پێلەکادی یا بەفرێ ناحیا کانی ماسێ ڤەگرتیە و د ئەنجامدا 18 سەنتیمێن بەفرێ ل سەنتەرێ ناحیا کانی ماسێ بارینە و ل خالا گۆمرکا سەرزێری 26 سەنیمێن بەفرێ بارینە.
ناڤھاتی گۆت ژی: ژ ئەگەرێ ھاتنا ڤێ رێژا بەفرێ ئەو خەلکێ ھاتنوچوونێ د دەرگەھێ سەرزێری را دکەن ئاسێ ماینە نەشێن ھاتنوچوونێ بکەن، لێ نوکە ب رەنگەکێ بەردەوام تیمێن رامالینا بەفرێ یێ رێیا سەرەکی یا دەرگەھێ سەرزێری ژ بەفرێ پاقژ دکەن، ژ پێخەمەت ئەو وەلاتیێن ماینە ئاسێ قورتال بکەین، دیسا نوکە ئەو رێیا ژ ناحیا بامەرنێ دھێتە ناحیا کانی ماسێ و ل سەرێ چیایێ مەتینا ھندەک وەلاتی ژ ئەگەرێ بەفرێ ماینە ئاسێ و دیسا بزاڤێن مە د بەردەوامن ژبۆ ڤەکرنا وێ رێکێ ژی، ب ھەڤکاریا تیمێن رامالینا بەفرێ.
ئەڤرۆ نیوز، رێوار مزیری:
ب ھەلکەفتا ١٢١ سالیا رۆژنامەگەریا کوردی، ئێکەتیا ئافرەتێن کوردستانێ دێ کۆنفرانسێ (پرسا ئافرەتان د میدیا یا کوردی دا) ل رۆژا ٢٣/٤/٢٠١٩ێ ل دەمژمێر ٩:٣٠ سپێدێ ل سەنتەرێ رەوشەنبیری و جڤاکی یێ زانکۆیا سەلاحەدین گێڕیت.
شەیما مستەفا، ئەنداما مەکتەبا سکرتاریەتا ئێکەتیا ئافرەتێن کوردستانێ بۆ ئەڤرۆ نیوز دیار کر کو چەندین پانێل د ڤی کۆنفرانسی دا دێ ھێنە ئەنجامدان کو تێدا دێ بەحسێ میدیا یا کوردی و ھێز و شیانێن ئافرەتێ د بوارێ میدیایێ دا ھێنەکرن ب تایبەتی ئافرەتا کورد، چونکو ئافرەتا کورد ھەر ژ دەمێن بۆری و ھەتا نوکە شیایە خوە پێبگەھینیت و کێمتر نەبوویە ژ ئافرەتێن جیھانێ ب تایبەتی د بوارێ میدیایێ دا رۆلەکێ بەرچاڤ ھەبوویە.
ناڤھاتیێ ئاماژە دا وێ چەندێ کو ب ھەلکەفتا ١٢١ سالیا رۆژنامەگەریا کوردی ھەمی ئەنجومەنێن ئێکەتیا ئافرەتان دێ چالاکیێن جودا ئەنجامدەن.
ئەڤرۆ نیوز، رێوار مزیری:
د رێورەسمەکی دا ناڤەندا خانکێ یا ئێکەتیا ئافرەتێن کوردستانێ ب ئامادەبوونا (بەھجەت ئاڤدەل) بەرپرسێ رێکخراوێن جەماوەری یێن سەر ب لقێ ئێکێ پارتی دیموکراتی کوردستان ڤە و (زەری نەوزاد رەسول) بەرپرسا ئەنجومەنێ پارێزگەھا دھۆکێ یێ ئێکەتیا ئافرەتێن کوردستانێ ھاتە ڤەکر.
رێژین نھێلی، بەرپرسا پشکا رەوشەنبیری و راگەھاندنێ ل ئێکەتیا ئافرەتێن کوردستانێ ئەنجومەنێ پارێزگەھا دھۆکێ بۆ ئەڤرۆ نیوز دیار کر کو د ڤی رێورەسمی دا باوەرنامە ل سەر ٥٠ ئافرەتێن خانکێ یێن کو پشکداری د خولا نەخویندەواریێ دا کری ھاتنە بەلاڤکرن و گۆت: “د ھەمان دەم دا پێشانگەھەکا جلکان ھاتە ڤەکرن”.
ئه‌ڤرۆ نیوز، نه‌وزاد هلۆرى:
كوردان دكه‌ڤن دا ب تایبه‌تى ده‌ما كو ل ده‌ڤه‌رێن چیایى دژیان هه‌لكرنا ئاگرى ب هنده‌ك ئامیرێن ساده دكر، ده‌ڤه‌را بارزان ئێكبوو ژ وان ده‌ڤه‌رێن كوردستانێ كو بو هه‌لكرنا ئاگرى په‌نا بو ئامیره‌كێ دبن بناڤێ ستاوبه‌ر كو پێكهاته‌یا وێ به‌ر و ئاسن و دار بوو.
بۆ دیتنا ڤیدیۆیێ ڤى لینكى كلیك بكه.
نيشاندان