ئەڤرۆ نیوز:
ئەڤرۆ ل قەزا چوبوک یا سەر ب باژێرێ ئەنقەرە گرۆپەکێ هێرشی سەرۆکێ پارتیا کۆماریا گەل کەمال کلچدار ئوگلۆ کرن و هێزێن ئێمناهیێ بلەز ناڤهاتی ژ جهێ روودانێ دوور کرن.
پشتی روودانێ محەمەد بێکار ئوگلۆ پەرلەمانتارێ جەهەپێ یێ ئستەنبولێ راگەهاند کو وەزیرێ ناڤخوە و حوکمەتا تورکیا بەرپرسێ ڤێ روودانێ نە.
ل ئالیێ دی چەندین ئەندامێن پەرلەمانێ تورکیا یێن سەر ب ئاکپارتیێ ژی هێرشا ل سەر سەرۆکێ پارتیا کۆماریا گەل شەرمزار کرن.
ئەڤرۆ نیوز، عەلی حاجی:
د داخۆیانیەکێ دا رێڤەبەرێ گەشتوگوزارێ ل زاخۆ بۆ ئەڤرۆ نیوز دیار کر ژ بەر ھاتنا وەرزێ ھاڤینێ و دھێتە چاڤەرێ کرن رێژەکا زۆر یا گەشتیارێن باشور و ناڤەراستا عێراقێ قەستا جھێن گەشتوگوزاری ل زاخۆ بکەن مە پلانەکا باش دانایە بۆ سەخبێریکرنا رێکێن گرنگ.
چیا ئەمینی زێدەتر گوت: (پشکەکا پارەیێ گەشەپێدانا پارێزگەھان بۆ کەرتێ گەشتیاری ھاتیە تەرخان کرن، ب ریێا رێڤەبەریا سەخبێریکرنا رێک و پران ل دھۆکێ کو ھەر ژ رێیا گوندێ ێوریا ھەتا دگەھیتە شیلانێ و ریێا شەرانشی ھەتا دگەھیتە دەشتەتەخێ و ریێا شکەڤتا بھێرێ ل ھەیڤا شەش دا دەست ب سەخبێریکرنا وان رێیان بھێتە کرن دا کو زێدەتر گەشتیار قەستا وان دەڤەران بکەن و رێژەیا گەشتیاری ل وان دەڤەران بەر ب زێدەبوونێ ڤە بچن).
ناڤھاتی ئەو چەندە ژی ئاشکەرا کر ئەم چاڤەریی پێکئینانا حوکمەتا نوو یا کوردستانێ نە دا کو پلانەکا باشتر بھێتە دانان و چەندین گوھۆرین ژی دروست ببن دا کو بشێین ڤی کەرتی بھێزتر بکەین.
ئه‌ڤرۆ نيوز، نيوار محه‌مه‌د سه‌ليم:
بڕياره سوبه‌هى رۆژا رۆژنامه‌ڤانيا كوردى ژ لايێ پشكا رۆژنامه‌ڤانى و رۆژنامه‌ڤانيا ئه‌لكترۆنى ل زانكۆيا پۆليته‌كنينك دهۆك بهێته ساخكرن.
ره‌وان سوبحى، به‌رپرسێ پشكا رۆژنامه‌ڤانى ل په‌يمانگه‌ها ته‌كنيكى كارگێرى دهۆك بۆ ئه‌ڤرۆ نيوز گۆت: “ب هه‌لكه‌فتا 121 ساليا رۆژنامه‌ڤانيا كوردى پشكا رۆژنامه‌ڤانيا ئه‌لكترۆنى و رۆژنامه‌ڤانى ل زانكۆيا پۆليته‌كنيك دهۆك دێ رابن ب ساخكرنا ئه‌ڤێ رۆژێ كو سالانه فيستڤاله‌ك دهێته ئه‌نجام دان”.
ئاشكه‌را ژى كر كو ئه‌ڤه سالا نه‌هێ يه ڤێ سالێ ئه‌نجام دده‌ين و ئه‌ڤ فيستڤاله هه‌موو ژ به‌رهه‌مێن قوتابيانه و گۆت: “دێ رێوره‌سمێن ئيمزاكرنا پرتووكه‌كێ ل دۆر مێژوويا رۆژنامه‌ڤانيێ يا موسه‌دق تۆڤى هێنه ئه‌نجام دان”.
ئه‌ڤرۆ نيوز، نيوار محه‌مه‌د سه‌ليم:
كۆمسيۆنا هه‌لبژارتن و راپرسيێ ل هه‌رێما كوردستانێ راگه‌هاند كو وه‌زاره‌تا دارايى و ئابوورى ره‌زامه‌ندى ل سه‌ر مه‌زاختنا پاداشتێ كارمه‌ندێن سه‌ر سندوقێن ده‌نگدانێ ده‌ربڕيه و بزاڤێ دكه‌ن به‌رى ره‌مه‌زانێ ئه‌و پاداشت بهێنه به‌لاڤكرن.
شێروان زرار، ئاخفتنكه‌رێ ب ناڤێ كۆمسيۆنا بلندا سه‌ربه‌خۆيا هه‌لبژارتن و راپرسيێ ل هه‌رێما كوردستانێ بۆ ئه‌ڤرۆ نيوز گۆت: “ئه‌و كێشێن پێشتر هه‌بوون هاتنه چاره كرن و وه‌زيرێ دارايى و ئابوورى ل حوكمه‌تا هه‌رێما كوردستانێ ره‌زامه‌نديا مه‌زاختنا پاداشتێ كارمه‌ندان ده‌ربڕى”.
زێده‌تر گۆت: “مه داخواز ژ كۆمسيۆنێن هه‌رسێ پارێزگه‌هێن هه‌ولێر، دهۆك و سلێمانى كربوو كو ژمارێن به‌نكى بۆ خوه ڤه‌كه‌ن و وان ژى ڤه‌كرينه و پێزانين ل ده‌ف مه‌نه و گه‌هشتينه به‌نكان”.
ئاخفتنكه‌رێ ب ناڤێ كۆمسيۆنا بلندا سه‌ربه‌خۆيا هه‌لبژارتن و راپرسيێ ل هه‌رێما كوردستانێ دا زانين ژى كو ل سه‌رانسه‌رى پارێزگه‌ها دهۆكێ 11 به‌نك هاتينه راسپاردن بۆ به‌لاڤكرنا ڤان پاداشات و گۆت: “بزاڤێ دكه‌ين ل به‌رى هاتنا هه‌يڤا ره‌مه‌زانێ ڤان پاداشتان به‌لاڤ بكه‌ن، به‌لێ دێ چاڤه‌رێ به‌نكان كه‌ين هه‌تا ڤى پاره‌ى به‌رهه‌ڤ دكه‌ن”.
د هه‌رلبژارتنێن 30ى ئيلۆنا 2018ێ دا ل پارێزگه‌ها دهۆكێ هه‌شت هزار و 887 كه‌سان ل سه‌ر سندوقێن ده‌نگدانێ و ل بنگه‌هان كار كربوو و كۆژمێ ملياره‌ك و 432 مليۆن و 400 هزار دينار بۆ هاتيه دابينكرن و دێ ب رێيا به‌نكان هێته به‌لاڤكرن.
ئه‌ڤرۆ نيوز:
سپێده‌هيا ئه‌ڤرۆ ئێكشه‌مبى 21ى نيسانا 2019 زنجيره‌كا په‌قينان ل كۆلۆمپۆ يا پايته‌خت و چه‌ند باژێرێن دى ل سريلانكا روودا، ب گۆره‌ى پێزانينێن ده‌سپێكى ب كێمى 150 كه‌سان گيانێ خوه ژ ده‌ست دايه و زێده‌تر ژ 400 كه‌سان بريندار بووينه.
ته‌قين ل ده‌مێ ب رێڤه‌چوونا رێوره‌سمێن جه‌ژنا قيامه رووداينه كو سێ كه‌نيسه كرينه ئارمانج ل گه‌ل سێ ئۆتێلان. پۆليسێن سريلانكا راگه‌هاند “ته‌قين د ئێك ده‌م دا رووداينه”.
سريلانكا دورگه‌يه‌كه دكه‌ڤيته باشوورێ ئاسيا و وه‌لاتيێن وێ 70% ئاينێ بودى نه و 12%ژى هندوس و 10% موسلمان و 08% ژى مه‌سيحى نه.
ئه‌ڤرۆ نيوز، نيوار محه‌مه‌د سه‌ليم:
رێڤه‌به‌ريا راگه‌هاندن و چاپ و به‌لاڤكرنا راگه‌هاند كو ب هه‌لكه‌فتا رۆژا جيهانى يا پرتووكێ، رێڤه‌به‌ريا وان ب پشكداريا هه‌موو پرتووكخانێن پارێزگه‌ها دهۆكێ دێ پێشانگه‌هه‌كا پرتووكان يا سێ رۆژى ڤه‌كه‌ن.
بورهان يه‌حيا، په‌يڤدارێ رێڤه‌به‌ريا راگه‌هاندن و چاپ و به‌لاڤكرنێ ل دهۆكێ بۆ ئه‌ڤرۆ نيوز گۆت: “ب هه‌لكه‌فتنا رۆژا جيهانى يا پرتووكێ كو دبيته 23ى نيسانێ ل هه‌رسال ل سه‌ر ئاستێ جيهانێ، دێ پێشانگه‌هه‌كا پرتووكان ل پارێزگه‌هان دهۆكێ ڤه‌كه‌ين”.
زێده‌تر گۆت: “ژماره‌كا زۆر يا پترووكان ژ لايێ هه‌موو پرتووكخانێن پارێزگه‌ها دهۆكێ ل گه‌ل يێن رێڤه‌به‌ريێ دێ د پشكدار بن و بۆ ماوێ سێ رۆژان ل ناڤه‌ندا قوتابيان ل گوندێ زانكۆ دێ يا به‌رده‌وام بيت”.
ئه‌ڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا دوشه‌مبى رێکەفتی 22ى نيسانا 2019ێ باران بارين دێ يا به‌رده‌وام بيت و هنده‌ك جاران دێ گه‌له‌ك ب هێز باريت و بريسى ل گه‌ل بن و ل هنده‌ك ده‌ليڤان دێ گژلۆك ژى ل گه‌ل بيت و ل ده‌ڤه‌رێن چيايى ژى دبيت به‌فر بباريت.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو دهێته پشبينيكرن باران بارين دێ يا به‌رده‌وام بيت و هنده‌ك جاران دێ گه‌له‌ك ب هێز باريت و بريسى ل گه‌ل بن و ل هنده‌ك ده‌ليڤان دێ گژلۆك ژى ل گه‌ل بيت و ل ده‌ڤه‌رێن چيايى ژى دبيت به‌فر بباريت.
پشکا پێشبینیان دایە زایە زانین کو دێ لەزاتیا بایی د ناڤبەرا 5 ھەتا 10کم دا و ماوێ دیتنێ ژی د ناڤبه‌را 6 بۆ 8کم دا بیت، پلێن گەرمێ ژی دێ د ناڤبەرا 6 بۆ 14 پلان دا بن.
ئەڤرۆ نیوز:
بۆ هه‌بوونا له‌شه‌كێ ساخله‌م و دوور ژ نه‌خوشیان پێدڤیه ئه‌و خوارن و ڤه‌خوارنێن ئه‌م دخوین مه‌رجێن ساخله‌مێی تێدا هه‌بن و بتایبه‌تی بۆ زارۆیان و نابیت هیچ گومانه‌ك لسه‌ر بیت.
ئه‌و خوان و ڤه‌خوارنه ژی ئه‌ڤه‌نه:
خوارنا قه‌هوێ ل ده‌ف زارۆیان رێژا توشبوون ب جه‌لتا دلی زێده‌دكه‌ت و ئاریشا كێم خه‌ویێ دروست دكه‌ت هه‌روه‌سا ئه‌گه‌ره‌كێ سه‌ره‌كی یه بۆ زه‌ربوونا ددانان.
خوارنا نه‌سته‌لان : رێژا كولیسترولا زیانبه‌خش دناف خوینێ دا زێده‌دكه‌ت.
خوارنێن جه‌مه‌د گرتی، ئه‌ڤ جوره خوارنه پشتی كو بۆ ماوه‌یه‌كێ زور دمیننه ل ژێر پله‌یا جێگیرا ژێر سفرێ دهێنه دانان و پاشی دحه‌لیێن تووشی ژده‌ستدانا مادێن خوراكی دبن و هنده‌ك جاران بۆ مادێن زیانبه‌خش دهێنه گوهۆرین و ئه‌ڤ جوره خوارنه بۆ زاروكێن ژیێ وان كێمتر ژ 5 سالان گه‌له‌كا ب زیانبه‌خشه.
گه‌نموك: رێژه‌یه‌كا به‌رچاڤا ژ چه‌وریاتێن تێر (SATURATED FAT) تێدا هه‌یه رێژا توشبوونێ ب قه‌له‌ویێ زێده‌دكه‌ت و دگه‌ل ڤێ چه‌ندێ دا زیانێ دگه‌هینیته خانه‌یێن له‌شی و پشتی ماوه‌یه‌كی تووشی ئه‌گه‌رێ نه‌چالاكیێ دكه‌ت.
كڤارك: چه‌ند جورێن دیاكری یێن كڤاركان هه‌نه دهێنه بكارئینان بۆ خوارنێ لێ هنده‌كێن دی ژی دژه‌هراوی نه و مه‌ترسیێ لسه‌ر ژیانا كه‌سێن ئاسایی دروست دكه‌ت، به‌لێ ده‌رباره‌ی زارۆیان ئه‌گه‌ر ب شێوه‌یه‌كێ گشتی نه‌خون باشتره.
ژێدەر/ نۆش نیوز
نيشاندان