ئه‌ڤرۆ نیوز، نه‌وزاد هلۆرى:
پترى 40 سالایه وه‌لاتیێن گوندێ هلورا و گوندێ بالندا، و پشكه‌كا مه‌زن ژ خه‌لكێ كومه‌گه‌ها سیریێ، بۆ ده‌ربازبوون ژ ئاڤا رووبارێ زێ مه‌زن، داڤه‌رستێ بكاردئینن، به‌لێ بلندبوونا ئاستێ ئاڤێ دنوكه دا مه‌ترسى بۆ سه‌ر گیانێ وه‌لاتیان دروستكریه.
بۆ ديتنا ڤيديۆيێ ڤى لينكى كليك بكه.
ئه‌ڤرۆ نيوز:
وه‌زاره‌تا دارايى وئابوورى ل هه‌رێما كوردستانێ برياره‌كا نوو بۆ فه‌رمانبه‌رێن هه‌رێما كوردستانێ ده‌ركر.
ل دووڤ نڤيسارا وه‌زاره‌تا دارايى يا هژمار 3909 ل 16/4/2019 ده‌مێ ته‌نسيكرنا فه‌رمانبه‌ران ئێك ساله ودشيان دايه بۆ ساله‌كا دى بهێته نووكرن.
د وێ نڤيسارا وه‌زاره‌تا دارايى دا هاتيه” ل ده‌مێ ته‌نسيبكرنا فه‌رمانبه‌رى بۆ فه‌رمانگه‌هه‌كا دى، هه‌تاكو دووماهيا سالا دارايى كو دبيته هه‌يڤا (12) هه‌موو مووچه وده‌رمالێن خوه ل فه‌رمانگه‌ها وى يا سه‌ره‌كى دێ هێنه مه‌زاختن”.
دياركريه ژى” بۆ سالا دارايى يا نوو، ئه‌و فه‌رمانگه‌ها فه‌رمانبه‌ر بۆ هاتيه ته‌نسيبكرن ل سه‌ر بنه‌مايێ دووماهى مووچه، دێ مووچه‌ى بۆ مه‌زێخيت ئانكو تنێ شايستێ وى مووچه‌ى وده‌رمالان دبيت كو د باوه‌رناما دووماهى مووچه‌ى دا هاتى، نه‌كو وان مووچه وده‌رمالێن ل فه‌رمانگه‌ها بۆ هاتيه ته‌نسيبكرن بهێته مه‌زاختن.
ئەڤرۆ نیوز ، عەلی حاجی :
بۆ جارا ئێکێ ماموستایەکێ زانکویا پارێزگەھا دھوکێ دبیتە ئەندامەکێ لژنا بەرپرسێن وەرگرتنا قوتابیێن زانکویێ د رێکخراوەکا عەرەبی دا کو ئەوا سالانە کونگرەێن وێ رێکخراوێ ل وەلاتێن عەرەبی دھێتە ئەنجام دان.
دکتور کاروان فەھمی ماموستایێ زانکویا زاخۆ بۆ ئەڤرۆ نیوز دیارکر سالانە کونگرێ رێکخراوا عەرەبی ل سەر ئاستێ زانکویان دھێتە ئەنجام دان و ئەڤ سالە ل باژێرێ سلێمانیێ ھاتە ئەنجام دان پشکداری وی کونگرەیی بوین ، پشتی مە چەندین پێشنیار ل دور راستەڤەکرنا رێنماێن وەرگرتنا قوتابیان ئاراستەی لژنا کونگرەیی کرین و ل دووڤ را ئەز وەکو ئەندامەکێ لژنا وەرگرتنا قوتابیان و ئەڤە دبیتە بو ئێکەم جار ل سەر ئاستێ پارێزگەھا دھوکێ ماموستایەکێ زانکویێن دھوکێ بیتە ئەندامەکێ د وێ لژنێ دا.
ناڤھاتی ئەو چەندە ژی گوت: د بەرنامەیێ من دایە ئەز چەندین پەیوەندییان و رێکەفتنان دگەل زانکویێن عەرەبی دروست بکەم دا کو پشکەکا قوتابیێن زانکوێن پارێزگەھا دھوکێ ل زانکویێن عەرەبی بخوینن و یێن وەلاتێن عەرەبی ژی ل زانکویێن مە بخوینن دیسان مە پێشنیار کر قوتابی ل سەر ناڤێ پشکان تنێ نەھێنە وەرگرتن ل سەر سیتسەمی بیت دێ باشتر بیت ژبەر ھندێ ژی دێ ھەماھەنگیەک دناڤبەرا وەزارەتێن وەلاتێن عەرەبی دا دروست بیت، ھەر دیسان ژی دێ ھەولدەین کو ژبەری قوتابیێن مە دەربچن ژزانکویێ پشکداریێ دخولێن وان زانکویان دا بکەن لێ بێ بەرامبەر تنێ ھاتن وچوونا قوتابیان ب پارە بیت ئەو ژی زانکویا زاخۆ وی پارەیی دابین بکەت بو قوتابیان .
ئەڤرۆ نیوز:
رۆژی بوو رۆژێ بازارێ ڤەگوھاستنا ستێرا گەنچ یا پورتوگالی و یانا بەنفیکا جواو فیلکیس گەرم دبیت و زێدەتر لێ دھێت کو نوکە ئەو یاریزانێ ١٩ سالی بوویە ئارمانجا زوربەیا یانێن مەزن ل سەر ئاستێ ئورۆپا لێ دووماھیی راپورتا رۆژنامەڤانی ل ئورۆپا یانا مانچێستەر سیتی ب ھێز ھاتە دناڤ ھەڤرکیا دەستڤە ئینانا ئەڤی یاریزانی دا و کوژمەکێ مەزن یێ پارەی بوو ڤەگوھاستنا ئەوی تەرخانکریە.
مالپەرێ کاتشو مێرکاتو یێ ئیتالی دیارکریە یانا مانچێستەر سیتی ل سەر داخوازیا راھێنەرێ خوە ب جدی ھاتیە سەر ھەڤرکیا دەست ڤە ئینانا فیلیکس ژ یانا بەنفیکا و بەرھەڤیا خوە دیارکریە ب تمامی بھایێ ھەلوەشاندنا ئەوی یاریزانی پێشکێشی یانا ئەوی بکەت کو د گەھیتە ١٢٠ ملیون یورۆیا بەرامبەر ڤەگوھاستنا ئەوی یاریزانی بدەت ل مێرکاتویا ھاڤینا بھێت کو ھەتا نوکە چ یانێن دی ئەوێن ھەڤرکیا ب دەستڤە ئینانا ئەوی دکەن ئەو کوژمێ پارەی تەرخان نەکریە .
ئەڤرۆنیوز، سەباح زوھێر:
ئازاد مستەفا جێگرێ رێڤەبەرێ رادیۆیا دەنگێ کوردستان ئاکرێ بۆ ئەڤرۆنیوز دیارکر ئەڤرۆ پشتی نیڤرۆ دەمێ ھاتنا باران بارینێ بریسیەکا بھێز ل رادیۆیا دەنگێ کوردستان ئاکرێ دا د ئەنجامدا زیانێن ماددی لدوف خوە ئینان و چەندین ئامیر ژ کارکەفتن و پەخشێ رادیۆیێ بۆ دەمەکێ نەدیار ھاتە راوەستاندن.
جێگرێ رێڤەبەرێ رادیۆیێ زێدەتر گۆت کو خوشبەختانە گیانێ ھەمی کارمەندان یێ سلامەتە تنێ زیان ب ئامیران کەفتی یە ژ وان ئامیران(ئامیرێ پەخشێ، دو سپلێت، شەش ئامیرێن سەتەلایتێ، سێ کومپیوتەرودو تلەفزیون و ھندەک کەل و پەلێن دی ژی)، ئەڤ زیانێن مادی ژی نێزیکی بھایێ ٥ ھزار دولاران دھێنە خەملاندن.
ئەڤرۆ نیوز:
ئەڤرۆ ئێڤاری رۆژا شەمبی ٢٠/٤/٢٠١٩ ل سەر رێیا سەرەکی یا ناحیا زاویتە بۆ دھۆک نزیک ھۆلا روز یا شەھیانا روودانەکا ھاتن و چوونێ روودایە کو ترومبێلەکا تایبەت ژ جورێ تویوتا پرادو لژێر کونترولا شوفێری دەرکەفتیە و وەرگەریایە.
ئازاد تاھا بەرپرسێ راگەھاندنا ھاتن وچوونا پارێزگەھا دھۆکێ دیارکر ژ ئەگەرێ لەزێ ترومبێلەکا تایبەت لژێر کونترولا شوفێری دەرکەفتیە و د ڤێ روودانا ھاتن وچوونێ دا سێ کەس برینداربووینە و ھاتینە رەوانە کرن بۆ نەخوشخانا تەنگاڤیێن دھۆکێ
ئەڤرۆ نیوز:
پەیڤدارێ رێڤەبەریا خوەسەر یا رۆژئاڤایێ کوردستانێ راگەهاند کو سەرەدانا شاندێ مە بۆ فرەنسا ل سەر داخوازا سەرۆک کۆمارێ فرەنسا بوویە و فرەنسا پشتەڤانیێ ل رۆژئاڤایێ کوردستانێ دکەت و ئارمانجا سەرەکی یا ڤێ سەرەدانێ ژی پشتەڤانیا سیاسی یا فرەنسایە بۆ چارەکرنا ئاریشێن مە ل گەل سووریێ.
بەدران چیا ئەو یەک ژی دیار کر کو مە د ڤێ هەڤدیتنێ دا بەحسێ رەوشا عەفرینێ ژی کر چونکو رۆژانە ل عەفرینێ مافێن مرۆڤی دهێتە بنپێکرن و مە داخواز ژ فرەنسا کریە کو د کۆمبوونێن جیهانی دا بەحسێ ڤان بنپێکرنا بهێتە کرن.
ئەڤرۆ نیوز:
دەزگەهێن راگەهاندنا تورکیا دیار دکەن وەزیرێ دەرڤە یێ ئیرانێ پشتی کو ل گەل سەرۆک کۆمارێ تورکیا ل دۆر چاوانیا چارەکرنا قەیرانا سووریێ دانوستاندن کریە ئێکسەر سەرەدانا شامێ کریە و پاشی ژی نامەیەک رادەستی ئەردۆگانی کریە.
ئاژانسا سپۆتینگ یا روسیا ژی دیار کریە کو تورکیا ژ بەر ئارامیا سنورێ خوە یێ ل گەل سووریا دێ نەچار بیت ل گەل شامێ هەڤدیتنان بکەت و روسیا ژی بۆ هندێ فشارێن خوە ل سەر تورکیا زێدە کرینە.
ئەڤرۆ نیوز:
یانا ئەنتر میلان یا ئیتالی بوو ڤەگوھاستنێن ھاڤینا بھێت دخوازیت ب ھێز بھێتە دناڤ بازارێ ڤەگوھاستنا یاریزانان دا پشتی نێزیکی مسوگەرکرنا پلێتەکا دەربازبوونێ بووی بۆ قارەمانیا چامپیونیز لیگ ل وەرزێ بھێت.
مالپەرێ سکای سپورتس ئاشکراکریە یانا ئەنتر میلان گەلەک نێزیکی ئیمزاکرنا ھەڤبەستا یاریزانێ بەرازیلی و یانا مانچێستەر سیتی یا ئنگلیزی دانیلوی بوویە پشتی یاریزانێ ناڤبری ژی بەرھەڤیا خوە دیارکری بوو کرنا یاریێ ل وەرزێ بھێت ل خۆلا کاتشیو تایبەت ل یانا ئەنتر میلان.
ئەوی مالپەری ئەو چەندە ژی دیارکریە ئەنتر میلان نوکە کەڤتیە د دانوستاندنان دا ل گەل یانا مانچێستەر سیتی کو یانا ئیتالی کوژمێ ٢٠ ھەتا ٢٢ ملیون یورۆیا پێشکێشی یانا مان سیتی کرینە لێ ئەو یانا ئنگلیزی ناخوازیت کێمتر ژ ٣٠ ملیون یورۆیا دەستا ژ دانێلوی بەردەت لێ ل دیڤ ژێدەرێن دەنگوباسی ل برێتانیا وەسا دیاردکەن ھەردو یانە گەلەک نێزیکی ئێک بووینە دبیت ب رێژەیا ھەرە مەزن مان سیتی رازی بیت ب کوژمێ کێمتر ژ ٣٠ ملیون یورۆیا .
نيشاندان