ئەڤرۆ نیوز:
سەرۆک مەسعود بارزانی ب هەلکەفتا جەژنا قیامە یا حەزرەتێ مەسیح (سلاڤێن خودێ ل سەر بن) پیرۆزباهی ل خووشک و برایێن مەسیحی ل کوردستانێ و جیهانێ کر و پەیامەک بەلاڤکر کو ئەڤە ژی دەقێ پەیامێ یە:
ب ناڤێ خودایێ مەزن و دلۆڤان
ب هەلکەفتا جەژنا قیامە یا حەزرەتێ مەسیح (سلاڤێن خودێ ل سەر بن)، پیرۆزباهیێ ل هەموو خووشک و برایێن مەسیحی ل کوردستانێ، عیراقێ و هەموو جیهانێ دکەم، هێڤیدارم ڤێ جەژنێ د ناڤا خوشیێ دا دەرباز بکەن.
هەلکەفت و جەژنێن پێکهاتێن ل کوردستانێ دەلیڤێن باشن بۆ دوپاتکرنا براتی، ئاشتی و پێکڤەژیانێ، جهێ شانازیێ یە کو کەلتورێ پێکڤەژیانێ ل وەلاتێ مە دیرۆکەکا خوە یا کەڤن هەیە و ژ بەر ڤێ کەلتورێ ژی ئەڤرۆکە کوردستان ل جیهانێ بوویە نموونەکا بەرچاڤ یا پێکڤەژیانا هەموو پێکهاتە، ئایین و نەتەوێن جودا.
ب ڤێ هەلکەفتا پیرۆز هێڤیا بەختەوەری و خوشیێ بۆ هەموو خووشک و برایێن مە یێن مەسیحی دخوازم و هێڤیدارم ئەڤ هەلکەفتە ببیتە دەستپێکەک بۆ نەمانا توندرەویێ و زۆرداریێ و ئاشتی ل هەموو دەڤەرێ و جیهانێ بەلاڤ ببیت.
مەسعود بارزانی
٢٠/٤/٢٠١٩
ئەڤرۆ نیوز:
ل ماوێ چەند رۆژێن بوری پشتی یانا بەرشەلۆنا ھزرا خوە گوھوری ژ ھێرشبەرێ سربی و یانا ئەنتراخت فرانکفورت یا ئەلمانی لوکا یوڤیتچ و یانا ریال مەدرید ب فەرمی دەست ب لڤینا کری بوو دەستڤە ئینانا ئەوی ھێرشبەری ل دیڤ رۆژنامەیێن ئیسپانی و ئەلمانی ئەوێ یانێ بەرھەڤیا خوە دیارکریە بوو دەست بەردانا ئەوی یاریزانی بوو یانا ریال مەدرید ل مێرکاتویا ھاڤینا بھێت لێ مەرجەک بەرامبەر دەست بەردانا وی ھەیە.
رۆژناما موندو دیپورتیڤو یا ئیسپانی دیارکریە یانا ئنتراخت فرانکفورت یا ئەلمانی بەرھەڤیا خوە دیارکریە بوو دەست بەردانا ستێرا خوە لوکا یوڤیتچ ئەوێ نوکە بھایێ فروتنا ئەوی گەھشتی یە دناڤبەرا ٥٠ ھەتا ٦٠ ملیون یورۆیا .
ھەردیسان ئەوێ رۆژنامێ ئاشکراکریە ژی ئەوێ یانا ئەلمانی مەرجەکێ دی ژی ھەیە ئەوژی گوھورینەکێ ل گەل یانا ریال مەدرید بکەت کو بەرامبەر دەست بەردانا ئەوی یاریزانێ خوە یانا مەلەکی دەستا ژ یاریزانێ خوە یێ گەنچ پێدرو رویز بەردەت و ل گەل کوژمەکێ پارەی ژی یانا ریال مەدرید بدەتە ئەوێ یانا ئەلمانی.
ھەژی گوتنێ یە پێدرو رویز یێ ١٩ سالی نوکە ل تیما کاستیا یا ریال مەدرید دکەت کو ل سالا ٢٠١٥ ژ یانا ریال بیتس ھاتبوو ڤەگوھاستن بوو ناڤ رێزێن یانا ریال مەدرید کو پێشبینیەکا مەزن بوو ئەڤی یاریزانی ل پاشەرۆژێ دھێتەکرن و ب ئیبراھیموڤیچ نوو دھێتە ھژمارتن.
ئەڤرۆ نیوز ، عەلی حاجی :
ل دووڤ داخازا محەمەد حەلبوسی سەروکێ جڤاتا نوونه‌رێن عيراقێ، بریارە ئەڤرۆ ل روژا شەمبیێ رێکەڤتی 20/4/2019 شاندەکێ پەرلەمانێ کوردستانێ پشکداریێ د لوتکەیا پەرلەمانێن وەلاتێن هه‌ڤسيۆيێن عيراقێ دا بکەن ل باژێرێ بەغدایێ.
وەسفیا شێخو ئەنداما جڤاتا نوونه‌رێن عيراقێ بۆ ئەڤرۆ نیوز دیار کر كو بریارە لوتکەیا پەرلەمانێن وەلاتێن هه‌ڤسۆ ل دور سەقامیری و گەشەپێدانا ئابوری بیت ل وەلاتێ عيراقێ و و بریارە ئەڤ لوتکە ئەڤرۆ دەست پێبکەت و کو دوی لوتکێ ژی دا دێ چەندین سەروکێن پەرلەمانێن وەلاتێن هه‌ڤسۆ پشکدار بن و ئەڤە بۆ ئێکەم جارە ئەڤ لوتکەیە ل عيراقێ بھێتە بەستن و بریارە ژی شاندەکێ پەرلەمانێ کوردستانێ ل سەر داخازیا محەمەد حەلبوسی پشکدار ببیت و فراکسیونێن کوردی ژی ل جڤاتا نوونه‌رێن عيراقێ ھەر ئێک ژلایێ خوە پشکداری وێ لوتکەیێ بن .
ئه‌ڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا ئێكشه‌مبى رێکەفتی 21ى نيسانا 2019ێ ئەسمان دێ ژ ئه‌وره‌كێ ناڤه‌ندى بۆ يێ ته‌مام هێته گوهۆڕين و باران دێ ب زۆرى باريت و بريسى ژى دێ ل گه‌ل بن و ب شه‌ڤ باران بارين زێده بيت و ئه‌گه‌رێ به‌فر بارينه‌كا كێم ژى ل ده‌ڤه‌رێن چيايى يا هه‌يى.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو دهێته پشبينيكرن ئه‌سمان ژ ئه‌وره‌كێ ناڤه‌ندى بۆ يێ ته‌مام هێته گوهۆڕين و باران دێ ب زۆرى باريت و بريسى ژى دێ ل گه‌ل بن و ب شه‌ڤ باران بارين زێده بيت و ئه‌گه‌رێ به‌فر بارينه‌كا كێم ژى ل ده‌ڤه‌رێن چيايى يا هه‌يى.
پشکا پێشبینیان دایە زایە زانین کو دێ لەزاتیا بایی د ناڤبەرا 10 ھەتا 20کم دا و ماوێ دیتنێ ژی د ناڤبه‌را 8 بۆ 10کم دا بیت، پلێن گەرمێ ژی دێ د ناڤبەرا 9 بۆ 18 پلان دا بن.
ئەڤرۆ نیوز:
راپورتێن رۆژنامەڤانی ل ئنگلتەرا دیارکرینە راھێنەرێ یانا توتنھام یا ئنگلیزی ماوریسیو بوکیتینو داخوازیت ل وەرزێ بھێت ب ھێزتر بھێتە دناڤ ھەڤرکیا خۆلا ئنگلتەرا دا و ھەڤرکیێ ل سەر ناسناڤێ خولا ئنگلتەرا بکەت .
رۆژناما ئەکسپرێس یا برێتانی دیارکریە راھێنەرێ توتنھام داخوازی ژ کارگێریا یانێ کریە ل ھاڤینا بھێت ھەڤبەستێ ل گەل ٥ یاریزانێن نوو ئیمزا بکەن بوو ب ھێز ئێخستنا پێکھاتیێ تیما خوە ل وەرزێ بھێت و ھەڤرکیێ ل سەر ناسناڤێن نافخوی و تایبەت خۆلا ئنگلتەرا بکەت، بەرامبەر سەرۆکێ وێ یانێ بەرھەڤیا خوە دیارکریە بتنێ بوو دابینکرنا ٦٠ ملیون یورۆیا بوو ڤەگوھاستنێن ھاڤینا بھێت.
ھەردیسان ئەوێ رۆژنامێ دیارکریە ژی ئەو یاریزانێن راھێنەرێ توتنھام کرینە ئارمانجا خوە بوو ھاڤینا بھێت ھەر ئێک ژ یاریزانێ گەنچ یێ بەلجیکی یوری تیلیمانس ئەوێ ب شێوەیێ خواستن ژ یانا لیستەر سیتی یاری نوکە ل موناکو دکەت و پێگوھورەکی بوو یاریزانێ خوە یێ لایێ چەپێ دانی روز ئەوێ چاڤەرێ دھێتەکرن ل دووماھیا ڤی وەرزی بەر ب یانەکا دی ڤە بچیت ل گەل ئینانا ھێرشبەرەکێ گەنچ ژبەرکو ژیێ فێرناندو یورونتی ژیێ وی گەھشتی یە ٣٤ سالی و ئینانا بەرەڤانەکێ نوو ھەکە بەرەڤانێ وی یێ بەلجیکی یێ نوکە توپی ئەلدیرفیریلد بەر ب مانچێستەر یوناید چو ل دووماھیا ڤی وەرزی .
ئەڤرۆ نیوز:
چاڤەرێ دھێتەکرن ئەڤ شەڤە ل دەمژمێر ١٠:٠٠ شەڤ ل دیڤ دەمێ کوردستانێ یانا بەرشەلۆنا ل ناڤ ئەرد و جەماوەرێ خوە یاریەکا گرنگ ھەمبەری یانا ریال سوسیداد بکەت ژ چارچوڤێ یاریێن گەرا ٣٣ ژ خۆلا لالیگا .
رۆژنامەیێن نێزیکی یانا بەرشەلۆنا پێکھاتیێ ھەردو یانان بوو یاریا ئەڤ شەڤە راگەھاندی یە کو پێکھاتیێ بەرشەلۆنا پێکھاتیێ یە ژ ئەڤان یاریزانانێن خوارێ
گولچی شتێگن
ھێلا بەرەڤانی پیکی، سیمێدو، لینگلێت و ئەلبا
ھێلا ناڤین بوسکێتس ،ڤیدال و سێرجیو روبێرتو
ھێلا ھێرشبەریێ میسی، سوارێز و دیمبلی
ئەڤرۆ نیوز:
چاڤەرێ دھێتەکرن ئەڤرۆ و ئەڤ شەڤە چەندین یاریێن گرنگ ژ خولێن ئورۆپی یێن تەپا پێ بھێنەکرن
خۆلا ئنگلتەرا حەفتیا ٣٥
مانچێستەر سیتی و توتنھام ل دەمژمێر ٢:٣٠ نیڤرۆ
یاریێن دەمژمێر ٥:٠٠ ئێڤاری
وێستھام یوناید و لیستەر سیتی
ولڤرھامبتون و برایتون
ھیدیرسفیلد تاون و واتڤورد
بورنموس و فولھام
یاریا دەمژمێر ٧:٣٠ مەغرەب
نیوکاس یوناید و ساموتھامتون
یاریێن حەفتیا ٣٣ ژ خۆلا لالیگا ئیسپانیا
سالتاڤیگو – جیرونا دەمژمێر ٢:٠٠ نیڤرۆ
ئیبار – ئەتلەتیکو مەدرید دەمژمێر ٧:١٥
رایو ڤالیکانو – ھویسکا دەمژمێر ٧:٤٥ شەڤ
بەرشەلۆنا – سوسیداس دەمژمێر ٩:٤٥ شەڤ
خۆلا ئیتالیا حەفتیا ٣٣
یاریێن دەمژمێر
پارما – میلان دەمژمێر ١:٠٠ نیڤرۆ
یاریێن دەمژمێر ٤:٠٠ ئێڤاری
بولونیا – سەمبەدوریا
لازیۆ – کیڤو ڤیرونا
ئودونیزی – ساسولو
جەنەوا – تورینھو
ئەمپولی – سپال
کالیاری – ڤروسینونی
یوڤانتوس – ڤیرونتینا دەمژمێر ٧:٠٠ مەغرەب
ئەنتر میلان – روما دەمژمێر ٩:٣٠ شەڤ
خۆلا بوندس لیگا ئەلمانیا حەفتیا ٣٠
یاریێن دەمژمێر ٤:٣٠ ئێڤاری
بایرن لیڤەرکوزن – نورنبێرگ
بایرن میونیخ- فێردەبرێمەن
ماینز – فورتونا دوسلدورف
بروسیا مشنگلادباگ – لایبزیگ دەمژمێر ٧:٣٠
شالکە – ھوڤنھایم دەمژمێر ٩:٣٠ شەڤ
یاریێن گەرا ٣٣ ژ خۆلا ئێک یا فرەنسا
گانگون – مارسیلیا دەمژمێر ٦:٠٠ مەغرەب
نیس – کان دەمژمێر ٩:٠٠ شەڤ
نیم ئولومپیگ – بوردو ٩:٠٠ شەڤ
خۆلا ھولەندا حەفتیا ٣١
دەمژمێر ٧:٣٠
ئەمین – ئوتراخت
گرونیگین – ئەیاکس ئەمستردام
یاریێن دەمژمێر ٩:٤٥
ڤی ڤی ڤی ڤیلو – دی گرافشاب
ڤینورد روتردام – ئەلکمار
خۆلا سوپەر لیگا تورکیا حەفتیا ٢٩
ترابزون سپور – مالتەپە سپور دەمژمێر ٤:٠٠
گەلاتەسەرای – قەیسری سپور دەمژمێر ٧:٠٠ مەغرەب
ئه‌ڤرۆ نيوز:
ژێده‌ره‌كى ژ وه‌زاره‌تا دارايى و ئابوورى راگه‌هاند كو ڤان سێ رۆژان هه‌موو ئه‌و جهێن مايين دێ مووچه‌ى وه‌رگرن، ب ڤێ چه‌ندێ ژى به‌لاڤكرنا مووچێ هه‌يڤا كانوونا دويێ “ئێك” 2019 دێ ب دووماهى هێت.
ب گۆره‌ى ژێده‌ره‌كى ژ وه‌زاره‌تا دارايى ئابوورى يا حوكمه‌تا هه‌رێما كوردستانێ سوبه‌هى رۆژا ئێكشه‌مبى 21ى نيسانا 2019ێ وه‌زاره‌تێن باژێرڤانى و گه‌شتوگۆزار، پلاندانان، كاره‌با، ڤه‌گوهاستن و گه‌هاندن، چاندن، ديوانا چاڤدێريا دارايى، ده‌سته‌يا مافێ مرۆڤى، ده‌سته‌يا وه‌به‌رهێنان، ژينگه‌هـ، ده‌ڤه‌رێن كوردستانى يێن ده‌رڤه‌ى ئيدارا هه‌رێما كوردستانێ، ده‌زگايێ مين، كۆمسيۆنا هه‌لبژارتن و راپرسيێ.
هه‌ر ب گۆره‌ى وى ژێده‌رى ل رۆژا دوشه‌مبى 22ى نيسانا 2019ێ وه‌زارتێن بازرگانى و پێشه‌سازى، ئاڤه‌دانكرن، رۆشه‌نبيرى و لاوان و هه‌رسێ سه‌رۆكايه‌تى دێ مووچه‌ى وه‌رگرن ل گه‌ل خانه‌نشينێن پێشمه‌رگه‌ى.
رۆژا سێشه‌مبى رێكه‌فتى 23ى نيسانا 2019ێ بڕياره وه‌كو دووماهى جهـ مووچێ هه‌يڤا كانوونا دويێ “ئێك” 2019 مووچێ خانه‌نشينێن شارستانى بهێته به‌لاڤكرن.
نيشاندان