ئه‌ڤرۆ نیوز:
كولپارێز ئیسحاق حایك یێ ئیسرائیلى یێ 73 سالى چو د په‌رتۆكا گینیس دا وه‌كو مه‌زنترین یاریكه‌رێ ته‌پا پێى د دیرۆكێ دا كو پشكداریێ د یاریه‌كا فه‌رمى دا بكه‌ت ئه‌وژى ل گه‌ل یانا (ئور یه‌هودا) یا ئیسرائیلى.
ئیسحاق ژ دایكبوویێ عیراقێ یه و دژیێ چار سالیێ دا ل گه‌ل ب هزاران جوهیان ژ عیراقێ مشه‌ختى ئیسرائیل بوویه.
ئه‌ڤرۆ نیوز:
په‌رله‌مانێ عیراقێ داخواز ژ حوكمه‌تا عیراقێ كر یایریا بۆپجى وهه‌ڤشێوێن وێ بهێنه قه‌ده‌غه‌كرن ودبێژیت یاریا بۆپچى گه‌فه ل سه‌ر ئاسایشا جڤاكى.
د روونشتنا ئه‌ڤرۆ یا په‌رله‌مانێ عیراقێ دا ب پتریا ده‌نگان بریار هاته دان ب قه‌ده‌غه‌كرنا یاریێن ئه‌لكترۆنى یێن خه‌لكى بۆ كریارێن توندوتیژیێ هاندده‌ت وه‌كو یاریێن بۆپچى وفۆرتنایت.
ئه‌ڤرۆ نیوز:
سوبه‌هى پێنجشه‌مبى 18/4/2019 مووچێ هه‌يڤا كانوونا دويێ 2019 يێ ڤان وه‌زاره‌ت و جهان دێ هێته به‌لاڤكرن:
ئه‌ڤرۆ نیوز:
ئه‌ندامه‌كێ په‌رله‌مانێ عیراقێ ژ فراكسیۆنا پارتى دیموكراتى كوردستان ل دۆر چار مووچێن پێشمه‌رگه‌ى كو ژلایێ به‌غدا رازیبوون ل سه‌ر هاتیه كرن پێزانینێن نوو دان.
ناسر هه‌ركى، ئه‌ندامێ په‌رله‌مانێ عیراقێ ژ فراكسیۆنا پارتى وئه‌ندامێ لژنا ئاسایش وبه‌رگریێ یا په‌رله‌مانى د داخۆیانیه‌كا رۆژنامه‌ڤانى دا گۆت” ب بریارا عادل عه‌بدولمه‌هدى سه‌رۆك وه‌زیرێن عیراقێ ووه‌زیرێ به‌رگریا عیراقێ ب وه‌كاله‌ت بریارا مه‌زاختنا مووچێ پێشمه‌رگه‌ى بۆ هه‌ر چار هه‌یڤێن ( 1 و2 و3 و4) یێن سالا 2019 هاتیه دان كو گۆژمێ پارێ هه‌ر هه‌یڤه‌كێ 68 ملیار دینارن”.
گۆت ژى” پارێ پێشمه‌رگه‌ى كو بۆ مووچێ هه‌ر چار هه‌یڤان هاتیه دابینكرن، دێ ل ده‌مه‌كێ زوو ژلایێ وه‌زاره‌تا دارایى ڤه ده‌ست ب به‌لاڤكرنا وى هێته كرن”.
ئه‌ڤرۆنیۆز:
ئەڤرۆ 17/4/2019 ل میهڤانخانا پارێزگه‌ها دهوكێ (فه‌رهاد ئه‌مین ئه‌تروشى) پێشوازیا شانده‌كێ هه‌رێما (بادم ڤوتنبیرگ) یا ئه‌لمانى ب سه‌روكاتیا به‌رێز (تێرێزا شوپێر) وه‌زیرا ده‌وله‌تێ ل هه‌رێما نافبرى و شانده‌كێ دگه‌لدا كر دهه‌ڤدیتنه‌كێ كو هژماره‌كا رێڤه‌به‌رێن گشتى یێن ده‌زگایێن خزمه‌تگوزارى یێن پارێزگه‌ها دهوكێ و ئه‌ندام په‌رله‌مانێن هه‌رێما نافبرى یا ئه‌لمانیا و كونسلوسا وه‌لاتێ ئه‌لمانیا ل هه‌رێما كوردستانێ به‌رهه‌ڤببون به‌حسێ ره‌وشا پارێزگه‌عها دهوكێ ژ لایێ خزمه‌تگوزارى و كه‌مپێن ئاوارا و پێدڤیێن وان هاته كرن
دیڤدا برتوكولێ هه‌فكارى و لێك تێگه‌هه‌شتنێ دنافبه‌را پارێزگه‌ها دهوكێ و هه‌رێما بادم ڤوتنبێرگ دا هاته ئیمزا كرن بو هه‌فكارى كرنا پارێزگه‌هێ بو دو سالیێن بهێت دبیاڤێ خزمه‌تگوزارى و هاریكاریا ئاوارا دا ,
دپرێس كونفرانسه‌كى دا فه‌رهاد ئه‌مین ئه‌تروشى پارێزگه‌رێ دهوكێ بناڤێ كارگێریا پارێزگوه‌هێ و خه‌لكێ پارێزگه‌هێ بخێرهاتنا شاندێ هه‌رێما باده‌م ڤوتنبێرگ ب سه‌روكاتیا خاتون تێرێزا شوپێر وه‌زیرا ده‌وله‌تێ ل هه‌رێما نافبرى كر و دیار كر كو وان یاداشته‌كا لێك تێگه‌هه‌شتنێ دنافبه‌را كارگێریا پارێزگه‌ها دهوكێ و حكومه‌تا هه‌رێما باده‌م ڤوتنبێرگ دا ئیمزا كر بو هندێ كو پشته‌ڤانیا مه بكه‌ن بتایبه‌تى بو ئه‌و ئاواره و په‌نابه‌رائه‌وێن ل سنورێ پارێزگه‌ها دهوكێ هه‌ین هه‌روه‌سال ل بوارێن جودا جودا وه‌كو په‌روه‌رده و ساخله‌مى و كه‌رتێن بو سالێن بهێت پشته‌ڤانیا مه بكه‌ن ,
هه‌روه‌سا گوت : بو زانین به‌رى نوكه مه بو ماوێ پێتر ژ دوو سالا پشته‌ڤانیا پارێزگه‌ها دهوكێ دكه‌رتێ ساخله‌میێ هه‌وروه‌سا په‌روه‌ردێ و تایبه‌ت ل زانكویا دهوكێ و هنده‌ك بوارێن دیژى پروژێن دى پشته‌ڤانێن مه بوینه ,,دیسان گون من دڤیت ئاماژێ بده‌م بێژم بێى پشته‌ڤانیا رێزدار نێچیرڤان بارزانى سه‌روكێ حكومه‌تا هه‌رێما كوردستانێ ئه‌ف رێككه‌فتنه و ئه‌ف ئیمزایه نه دهاته كرن و پشته‌ڤانیا جه‌نابێ وى گه‌له‌ك بو بومه كو ئه‌ف رێكه‌فتنه بهێته ئیمزا كرن ,, هیڤیدارین ئه‌ف رێككه‌فتنه ببیته رێك خوشكه‌ره‌ك پێتر كارێ هه‌فپشك بهێته كرن دنافبه‌را مه و واندا ,
دیڤدا سه‌روكا شاندێ هه‌رێما باده‌م ڤیتنبێرگ یا ئه‌لمانى بو روژنامه‌ڤانا گوت : به‌رێ هه‌ر تشته‌كێ سوپاسیا پارێزگه‌رێ دهوكێ كر بو ده‌رفه‌تا په‌یدا كرى و هه‌فكاریا هه‌تا نوكه ب سه‌ركه‌فتیانه برێڤه چوى بو دوو سالێن بورى ل دهوكێ مه پروژه یێن بجهئینایین و ئه‌ڤرو دێ ڤێ رێككه‌فتنێ درێژ تر و بهێز تر لێكه‌ین دیسان سوپاسیێن سه‌روك وه‌زیرێ هه‌رێما خو گه‌هاندنه پارێزگه‌رێ دهوكێ بو وێ هه‌فكاریا ل سالێن بورى هاتیه كرن و كار ب سه‌ركه‌فتیانه برێڤه چوى تایبه‌ت وه‌رگرتنا 1100 ژن و زاروكا و ئه‌م شیاین ماله‌كا نوى بو وان ئاڤا بكه‌ین و بو هه‌رێما مه ئه‌ڤه تشته‌ك گه‌له‌ك گرنگ بو و مه دیت ل ڤێرێ كارێن گه‌له‌ك گرنگ هاتنه كرن و ئه‌ف رێژا مه‌زن یا ئاواره و په‌نابه‌ىرێن هاتینه دهوكێ ل چه‌ند سالێن بورى پارێزگه‌ها دهوكێ و حكومه‌تا هه‌رێمێ جهه‌كێ ئێمن بو دابینكر و هه‌تا نوكه وان دپارێزن ,
دیسان گوت : بابه‌ته‌كێ دیێ گه‌له ك گرنگ ئه‌وه یا په‌یمانگه‌ها چاره‌سه‌ركرنا نه‌خوشیێن ده‌رونى مه ئه‌ف په‌یمانگه‌هه چێكرى كاره‌كێ گه‌له‌ك گرنگه بو خه‌لكێ ڤێرێ دا فێر ببنه چاره‌سه‌كرنا ده‌رونى و ل ڤێرێ وى تشتى بخوینن و بشێن هاریكاریا خو بكه‌ن ,
دیسان گوت : به‌رى دوو سالا دگه‌ل پارێزگه‌ها دهوكێ پروژه مه ده‌ست پێكرن و ئه‌م حه‌ز دكه‌ین ئه‌ف پروژه به‌رده‌وام بن بو نمونه مه ل كه‌مپه‌كا ئاوارا وه‌كى كومپانیه‌كا بچیك بو چێكرنا مه‌حفیرا دورست كریه هه‌روه‌سا مه دڤیت كاره‌بێ ژ هێزا روژێ بو كومپێن ئاوارا په‌یدا بكه‌ین و به‌رهه‌م بینین ,,
دیسان دوپاتكر كو ئه‌و دێ به‌رده‌وام هاریكار و پشته‌ڤان بن بو هه‌رێما كوردستانێ و تایبه‌ت پارێزگه‌ها دهوكێ چونكێ هژماره‌كا مه‌زن یا ئاوارا وه‌رگرتیه ,
هه‌روه‌سا گوت : مه رێككه‌فتنه‌ك بو دووسالا هه‌بو ئه‌ڤرو مه ئه‌و رێككه‌فتن درێژ تر و بهێتر لێ كر بو دو سالێن دى
ئەڤرۆ نیوز:
یانا ئەتلەتیکو مەدرید یا ئسپانی راگەھاند وان ھەڤبەستا گۆلپارێزێ خوە یێ سلوڤینی یان ئوبلاک ھەتا سالا ٢٠٢٣ نوو کر.
گۆلپارێزێ ئەتلەتیکو مەدرید یێ ٢٦ سالی بەندێ شکاندنا ھەڤبەستا خوە ژ ١٠٠ ملیۆن یورویا بۆ ١٢٠ ملیۆنا زێدەکر دگەل مووچێ وی یێ سالانە ١٠ ملیۆن یورویا.
برێکا رۆژنامەیێن ئیسپانی ئوبلاک دلخوشیا خوە ھەمبەر نووکرنا ھەڤبەستا خوە دگەل یانا ئەتلەتیکو دیارکر کو ژ سالا ٢٠١٤ وەرە دەمێ ژ یانا بەنفیکا پەیوەندی ب یانا روخی بلانکوس کری.
ئەڤرۆ نیوز:
وەزیرێ دارایی یێ عیراقێ دیارکر وان ئەڤرۆ ل رۆژا چارشەمبی ل فەرمی مووچێ ھەیڤا نیسانێ بو فەرمانبەرێن ھەرێما کوردستانێ ھنارت، و چو کێشە د مووچەیان دا نینە.
زێدەتر د راگەھاندنەکێ دا فوئاد حسێن گۆت: ل ماوێ بھێت مووچێ وەزارەتا پێشمەرگەی ژی دێ ھێتە ھنارتن و ھەتا نوکە چو کێشە د ھنارتنا مووچەیان دا نینە و لدووڤ قانوونا بودجەیا عیراقێ پێدڤیە بەغدا ھەیڤانە ٥٢٢ ملیار دیناران بۆ مووچێن فەرمانبەرێن ھەرێمێ و ھێزێن پێشمەرگەی ب ھنێریت.
ئەڤرۆ نیوز:
ئەڤرۆ رۆژا چارشەمبی نێچیرڤان بارزانی سەرۆک وەزیرێن ھەرێما کوردستانێ ل ھەولێرێ پێشوازی ل حسێن ئەلفەزالە بەرپرسێ کاروبارێن بالیوزخانا قەتەر ل عیراقێ کر و خواست پەیوەندیێن ھەرێمێ دگەل وەلاتێ قەتەر بەر ب باشتر بچن.
د دیدارەکێ دا سەرۆک وەزیرێن ھەرێمێ بەحس ل وان قەیرانێن سەخت یێن سالا بوری کرن و دەربازکرنا وان قەیرانان ب سەرکەفتیانە ، تایبەت پشتی ئاسایبوونا پەیوەندیێن ھەولێرێ دگەل بەغدا.
دیسان تەوەرەکێ دی یێ ڤێ دیدارێ دا بەحس ل رەوشا ھەرێما کوردستانێ ھاتە کرن و ھەولێن پیکئینانا کابینەیا نوو بۆ حوکمەتا ھەرێما کوردستانێ ھاتنە گوتوبێژکرن.
ژلایێ خوە ڤە حسێن ئەلفەزالە سلاڤ و رێزێن سەرکردایەتیا وەلاتێ خوە گەھاندنە نێچیرڤان بارزانی و پیروزباھیا سەرکەفتنا ھەلبژارتنێن ھەرێمێ کر و ھیڤی خواست کابینەیا نوو زووترین دەم بھێتە پێکئینان و ژلایێ خوە ڤە خواست پەیوەندیێن وان دگەل ھەرێمێ باشتر بن و رولێ ھەرێما کوردستانێ د شەرێ دژی تیرورێ دا بباشی بلندکر وه سفكر تایبەت د حەواندنا وێ ھژمارا زورا پەنابەر و ئاوارەیێن قەستا ھە رێمێ کرین.
نيشاندان