NO IORG
نووترين نووچه
Twitter

ئەڤرۆ نیوز،بارزان مزووری

وەلاتی و روژنامەڤان و رەوشنبیرین قەزا  شێخان داخوازا وێ‌ چەندێ دكەن كو رادیویەك یان هەر ده‌زگه‌هه‌كێ دى یێ‌ راگەهاندنێ‌ ل دەڤەرا وان بهێتە ڤەكرن و گازندەیا وێ‌ چەندێ‌ ژی دكەن كا بۆ چێ‌ ل سنورێ‌ پارێزگەها دهوكێ‌، قه‌زا شێخان يا بێ‌ بەهرە ل ڤان بزاڤان كو ب باژێرێ‌ پێكڤەژیانێ‌ دهێـە نیاسين بەلێ‌ بێ‌ بەهرە ل هەرسازیەكا راگەهاندنێ‌ .

دلشاد محەمەد، په‌يامنێرێ راديۆيه‌كا پارێزگەها دهۆكێ يه‌ ل  قەزا شێخان بۆ ئەڤرۆ نیۆز دیار كر كو ل شێخان چو دەزگەهێن راگەهاندنێ‌ لێ‌ نینن وەك تلەفزیونەكا لوكالی یان رادیۆ یان حەفتینامەك و گەلەك گەنج ژ هەردو رەگەزان ل دەڤەرێ‌ هەنە و بەهرەیا راگەهاندنێ‌ ل دەف هەیە به‌لێ چو ده‌زگه‌هێن راگه‌هاندنێ  نینن لێ كاربكەن”.

گۆت ژى” ل ‌ پتريا قه‌زايێن پارێزگه‌ها دهۆكێ رادیو هەنە ب تنێ‌ شێخان نەبیت كو رووبەری جوگرافیێ‌ شێخان كێم ترنینە ژوان دەڤەرێن كو رادیۆ هەی روبەرەكێ‌ بەرفرهـ هەیە دەولەمەندە ب داب و نەرتین خوە هەروەسا پێكهاتەیەكا ئولی كو ژ موسولمان و ئێزدی و مەسیحیان پێك دهێت ل ڤێ‌ دەڤەرێ‌ دژین”.

هێلان عوبێد ،ئێك ژ كچێن حەزا كارێ‌ رۆژنامەڤانی هەی ژبەر نەبونا دەزگەهێن راگەهاندنێ‌ ل شێخان نەگەهشتیە حەزا خوه‌، بۆ ئەڤرۆنيوز دیار كر كو هەر ژ دەستپێكا خواندنا خوه‌ حەزا من ئەوە بچم دناڤ كارێ‌ راگەهاندنێ، به‌لێ‌ ژبەر نەبوونا ج دەزگەهێن راگەهاندنێ ل شێخان‌ نەشێم بگەهم هیڤیێن خو وداخوازێ ژ هەر جهەكێ‌ پەیوەندیدار دكەین كو سازیەكا راگەهاندنێ‌ ل شێخان بهێته‌ ڤەكرن چونكى بچووكترین سازیا راگەهاندنێ‌ ژی لێ‌ نینە”.

ئه‌ڤرۆنيوز:

وه‌زاره‌تا ساخله‌ميێ ل هه‌رێما كوردستانێ ب رێيا به‌رنامه‌كێ مۆبايلێ دێ ئاسانكاريا بۆ وه‌لاتيان كه‌ت.

رێكه‌وت حه‌مه‌ ره‌شيد،وه‌زيرێ ساخله‌ميێ ل هه‌رێما كوردستانێ راگه‌هاند، ئه‌پليكه‌يشنه‌كا ب مفا بۆ وه‌لاتيان به‌رده‌ست كريه‌ كو پێزانينان ل سه‌ر جۆر وبهايێ ده‌رمانان بزانن”.

گۆت ژى” ئه‌م مژوولى ئه‌لكترۆنيكرنا وه‌زاره‌تێ نه‌ ونوكه‌ ژى ژبلى پێزانينێن فه‌رمانبه‌ران، دو ئه‌پليكه‌شن هاتينه‌ دانان تاكو وه‌لاتى ب رێيا مۆبايلێن خوه‌ بشێن پێزانينان ل سه‌ر نێزيكترين نه‌خوه‌شخانه‌ وبنگه‌هێن ساخله‌ميێ وپێزانينان ل سه‌ر جۆر وبهايێ ده‌رمانان بزانن”.

ل دۆر ڤێ چه‌ندێ ئه‌ڤرۆ چارشه‌مبى 20/2/2019 وه‌زيرێ ساخله‌ميێ ل هه‌رێمێ د كونفرانسه‌كێ رۆژنامه‌ڤانى دا راگه‌هاند” ب رێيا ئه‌پليكه‌يشنا  (KRG Health facilities) ل سه‌ر هه‌موو مۆبايلان وه‌لاتى دشێن جهێن هه‌موو بنگه‌هێن ساخله‌ميێ يێن وه‌زاره‌تا ساخله‌ميێ ونێزيكترين بنكه‌ه ونه‌خوه‌شخاناته‌نگاڤيان ل هه‌موو باژێران بزانن، ل داهاتى دا ژى كلينيكێن تايبه‌ت ونه‌خوه‌شخانێن تايبه‌ت ژى دێ كه‌ينه‌ دناڤ وى سيسته‌مى دا”.

سه‌باره‌ت ده‌رمانان، وه‌زيرێ ساخله‌ميێ گۆت” ئه‌پليكه‌يشنه‌كێ دا دانين بۆ ده‌رمان وده‌رمانخانان وبهايێ ده‌رمانان وجۆر وماركه‌ وزيانێن ده‌رمانى وبۆچ دهێته‌ بكارئينان بۆ وه‌لاتيان، ژبلى وێ چه‌ندێ هه‌موو ئاميرێن ساخله‌مى ونه‌خوه‌شخانێن په‌نجه‌شێرێ دێ ئه‌لكترونى كه‌ين.

ئه‌ڤرۆ نیوز ، زنار تۆڤى:

ئارمانج عه‌گید نێروه‌یى، به‌رپرسێ راگه‌هاندن و وه‌رزشى ل كۆمه‌لا دۆستينیا كورد و ئه‌لمان بۆ ئه‌ڤرۆ نیوز گۆت: کۆمه‌لا دۆستينیا كورد و ئه‌لمان ل سالا 2016 هاتیه‌ دامه‌زراندن و دڤى ماوێ بورى دا وان چه‌ندین چالاكى كرینه‌، ژ وان ژى، وان هنده‌ك چالاكى ل به‌رلینێ ئه‌نجامداینه‌، هه‌روه‌سا وان پشته‌ڤانى ل ریفراندۆمێ كریه‌ و دیسا ئه‌و پشكداربووینه‌ د مه‌زنترین خرڤه‌بوونا جه‌ماوه‌رى دا ل ئورۆپا ل باژێرێ كۆلن، دیسا بۆ شكه‌ستنا كه‌ركۆكێ ژى وان مه‌زنترین خوه‌نیشاندان ئه‌نجامدایه‌ و وان په‌یامه‌ك ژى دایه‌ بالیۆزخانا ئه‌مریكا و ده‌زگه‌هێن حكومى یێن ئه‌لمانیا و ب تایبه‌تى وه‌زاره‌تا ژ ده‌رڤه‌، دیسا ل سالا 2017 وان پشكدارى كر د كۆنفرانسێ بازرگانى یێ دناڤبه‌را هه‌رێما كوردستانێ و عیراقێ و ئه‌لمانیا دا كریه‌ ل هانۆڤه‌ر، لێ نوكه‌ د به‌رنامێ وان دایه‌ كو ئه‌و ل گه‌ل كوردستانێ كار بكه‌ن، ئه‌و ژى ب رێیا ئاڤاكرنا پره‌كا ب هێز یا تێكه‌لیێ و ئالوگۆریێ د هه‌موو واران دا، هه‌روه‌سا ل ده‌ستپێكا سالا 2019 وان شانده‌كێ رۆژنامه‌ڤانێن پارێزگه‌ها دهۆكێ داخوازكربوونه‌ به‌رلینێ، وان رۆژنامه‌ڤانان هه‌ڤدیتن كریه‌ ل گه‌ل په‌رله‌مانێ ئه‌لمانیا و په‌رله‌مانێ به‌رلین و پارێزگه‌ها به‌رلین یا ناڤه‌راست، دیسا مه‌ پێشانگه‌هه‌كا وێنێن كه‌ڤن یێن باژێرێ دهۆكێ ل به‌رلینێ ڤه‌كر، په‌رتووكه‌ك ل سه‌ر كۆبانێ یا رۆژنامه‌ڤانه‌كا دهۆكێ ل به‌رلین دایه‌ نیاسین.

نێروه‌یى گۆت ژى: مه‌ به‌رنامه‌كێ هه‌ى كو شانده‌كێ هونه‌رمه‌ند و رۆژنامه‌ڤانێن دهۆكێ بینینه‌ ئه‌لمانیا، داكو پشكداریێ د ئاهه‌نگا نه‌ورۆزێ دا بكه‌ن، ل 23/3/2019 ل ئاڤاهیێ شاره‌وانیا ناڤه‌راست، كو دبیته‌ پایته‌ختێ به‌رلینێ ل ژێر چاڤدێریا پارێزگارێ به‌رلین و دێ 150 كه‌سێن كورد و ئه‌لمان تێدا پشكدار بن، ژبۆ دانه‌نیاسینا نه‌ورۆزێ ژ بۆ ئه‌لمانان، دیسا بۆ كه‌رنه‌ڤالا كه‌لتۆران كو دێ 187 نه‌ته‌وه‌ ل به‌رلینێ پشكداریێ تێدا كه‌ن، كو كورد ژى دێ پشكداریێ د وى كه‌رنه‌ڤالى دا كه‌ن، كۆمه‌لا مه‌ ژى دێ پشكداریێ تێدا كه‌ت ب ناڤێ كوردستان و گرۆپێ تیپا هونه‌رێ مللى یا هه‌ولێرێ ژى دێ ب ناڤێ كوردستانێ پشكداریێ تێدا كه‌ت، ل گه‌ل هژماره‌كا رۆژنامه‌ڤانێن دهۆك و هه‌ولێر و سلێمانیێ و هه‌له‌بجه‌، ئه‌ڤ كه‌رنه‌ڤالا سالانه‌ دێ ل ( 7_10/ 6 / 2019) یا به‌رده‌وام بیت، دیسا ل هه‌یڤا 8 دێ چالاكیه‌كێ بۆ پارێزه‌رێن كوردستانێ چێكه‌ین، كو ئه‌و ژى بهێنه‌ ئه‌لمانیا فێرى سیسته‌م و ره‌وشا قانوونێ ببن ل ڤى وه‌لاتى، دیسا ئه‌م كار دكه‌ین ژبۆ چێكرنا پره‌كێ دناڤبه‌را پارێزگه‌ها دهۆكێ و پارێزگه‌ها به‌رلین ناڤه‌راست، ژ پێخه‌مه‌ت ئه‌م بشێین ئه‌ڤان هه‌ردو پارێزگه‌ها بكه‌ینه‌ هه‌ڤپشك ل گه‌ل ئێك دا، ب تایبه‌تى ژى كو به‌رلین ناڤه‌راست پایته‌ختێ هه‌رێما به‌رلینێ یه‌، جهێ بریاردانا حوكمه‌تا ئه‌لمانیا یه‌، هه‌روه‌سا د وارێ په‌روه‌ردێ و وه‌رزشى دا گه‌له‌كا پێشكه‌فتى یه‌، له‌وما ئه‌م بزاڤێ دكه‌ین كو هه‌ردو پارێزگه‌ها بكه‌ینه‌ هه‌ڤپشك، داكو بشێین شاند و سه‌رپه‌رشتیار و مامۆستایێن په‌روه‌رده‌یى ب شێوێ گرۆپ بینینه‌ ئه‌لمانیا ژبۆ پشكداریكرنێ د وركشۆپ و سمینار و خۆلێن په‌روه‌رده‌یى، كا چاوا مامۆستایێن ئه‌لمانى خوه‌ په‌روه‌رده‌ دكه‌ن؟، وانه‌یان پێشكێشى قوتابیان دكه‌ن، هه‌روه‌سا برێڤه‌چوونا سیسته‌مێ په‌روه‌رده‌یى ل ڤێ هه‌رێمێ یێ چاوایه‌، دیسا ئینانا یانێن وه‌رزشى یێن دهۆكێ و كوردستانێ، كو بهێنه‌ ئه‌لمانیا ژبۆ ئه‌نجامدانا مه‌شق و راهێنانان ل وه‌رزێن هاڤین و زڤستانا، هه‌روه‌سا پشكداریێ بكه‌ن د یاریێن دۆستا نه‌دا، د قاره‌مانیا سالانه‌ یا وان باژێرێن جیهانى یێن هه‌ڤپشك ل گه‌ل پارێزگه‌هێن به‌رلینێ.

ئارمانج عه‌گید نێروه‌یى دیار كر ژى: مه‌ ل به‌ره‌ كۆنفرانسه‌كێ ئابوورى بۆ ئابوورناس و كارساز و بازرگانێن كورد و ئه‌لمان ل به‌رلینێ بۆ 200 كه‌سان ئاماده‌ بكه‌ین، هه‌كه‌ ده‌لیڤه‌ چێبیت ل هه‌یڤا گۆلانێ، هه‌روه‌سا كۆمه‌لا دۆستينیا كورد ئه‌لمان ژ 13 ئه‌ندامان پێك دهێت كو ئه‌ندامێن وێ ئه‌لمانى و كوردێن هه‌ر چار پارچێن كوردستانێ نه‌، ئه‌ڤ ئه‌ندامه‌ ڤێ كۆمه‌له‌ برێڤه‌ دبه‌ن، كو ئه‌ڤه‌ كۆمه‌له‌كا سه‌ربه‌خۆیه‌، هه‌روه‌سا مه‌ ل به‌ره‌ نوونه‌راتیا خوه‌ ل هه‌رێما كوردستانێ ژى ڤه‌كه‌ین، دیسا ل هه‌ر 16 هه‌رێمێن ئه‌لمانیا ژى، كۆمه‌لا دۆستانیا كورد ئه‌لمان د ئاستێ دناڤبه‌را كوردستانێ و ئه‌لمانیا دا كار دكه‌ت، ده‌ستووریا ڤێ كۆمه‌لێ ژى مه‌ ل دادگه‌ها ” شارلۆتنبۆرگ” ل به‌رلین وه‌رگرتیه‌.

52598439_148989239388160_2656615234545909760_n

ئەڤرۆ نیوز، مەحمود نهێلی

ب چاڤدێریا “عمر ئورەیی” بەرپرسێ لقێ١٨ (پ.د.ک)، و ب ئامادەبوونا نوونەرێ لقێ و سکرتێرێ ئێکەتیا لاوێن دیموکراتا کوردستانێ، هژمارەکا لاوێن دێرین یێ خزمەتا ئێکەتیا ناڤهاتی کری  د رێورەسمەکی دا ل هۆلا پەیمانگەها تەکنیکی – ئامێدیێ ل رۆژا چارشەمبی٢٠/٢/٢٠١٩ هاتن خەلاتکرن.

سەربەست کەرەم، بەپرسێ ناوەندا بالا یا لاوێن ئامێدیێ بۆ ئەڤرۆ نیوز دیار کو بهەلکەڤتا ٦٦ سالیا دامەزراندانا ئێکەتیا لاوێن دیموکراتی کوردستانێ وان ب فەر دیت ل ئامێدیێ هژمارەکا لاوێن دێرین یێن خزمەتا ئێکەتیا لاوێن دیموکراتا کوردستانێ کرین د قۆناغێن جودا دا بهێنە خەلاتکرن.و گۆت : د رێ ورەسمێن خەلاتکرنێ دا چەند پەیڤ هاتن خواندن ژوان پەیڤێن لقێ١٨ و سکرتاریەتا لاوان و ناڤەندا ئامێدیێ و پەیڤا لاوێن دێرین. و تێدا پەسنا ڤان لاوان کرن یێن کو ژیێ خوە ب خەبات و تێکوشینێ ڤە ل سەردەمێن شۆرەشین کوردی دا بوراندی.

52684516_268154264096905_880241882184024064_n 52312473_2250374931843021_4754471016476966912_n

ئه‌ڤرۆنيوز:

وه‌زيرا باژێرڤانيان وگه‌شتوگوزارێ ل هه‌رێما كوردستانێ ئاشكراكر كو پشتى چه‌ندين سالێن كاركرنێ ل ئێك ژ پرۆژێن ستراتيژى يێن حوكمه‌تا هه‌رێمێ كو تۆنێلا پيرمام – شه‌قلاوه‌يه‌، ل ناڤه‌راستا هه‌يڤا ئادارێ بهێت دێ ئه‌و تۆنێل هێته‌ ڤه‌كرن كو هۆكاره‌كێ گرنگه‌ وئاسانكاريێن تمام بۆ شۆفێران وگه‌شتياران ووه‌لاتيان دكه‌ت.

نه‌وروز مه‌ولود، وه‌زيرا باژێرڤانيان وگه‌شتوگوزارێ ل هه‌رێمێ بۆ مالپه‌رێ فه‌رميێ پارتى ديموكراتى كوردستان گۆت” ئه‌ڤ تۆنێله‌ بۆ مفايه‌كێ مه‌زن بۆ گه‌شتياران يێ هه‌ى ل ده‌مێ سه‌ردانێن وان بۆ جهێن گه‌شتيارى”.

تۆنێلا پيرمام – شه‌قلاوه كو رێيا سه‌لاحه‌دين وشه‌قلاوه‌ دێ ب ناحيا حه‌رير وقه‌زا سۆران وده‌وروبه‌رێن وێ ڤه‌ گرێده‌ت،‌ دێ ده‌مێ نيڤ ده‌مژمێرا رێ كۆرت كه‌ت ومه‌ترسيێن روودانێن هاتنوچوونێ ژى دێ كێم كه‌ت

ئه‌ڤرۆنيوز:

وه‌زاره‌تا به‌رگريا عيراقێ راگه‌هاند كو هێزێن له‌شكرى يێن زێده‌تر هاتينه‌ ره‌وانه‌كرن بۆ سنورێ عيراقێ ل گه‌ل سووريێ.

وه‌زاره‌تا ناڤبرى دبه‌ياننامه‌كێ دا راگه‌هاند كو هێزا ليوا 37 يا په‌ياده‌ يا سه‌ر ب فرقا زريپۆسا 9 ب مه‌ره‌ما پاراستنا سنورێ دناڤبه‌را عيراقێ وسووريێ ره‌وانه‌ى قه‌زا قائيم ل رۆژئاڤايێ ئه‌نبار كريه‌.

دياركر ژى ب ئارمانجا پاراستنا سنورى ورێگرتنێ ل ده‌ربازبوونا تيرۆرستێن داعشێ ژسووريێبۆ عيراقێ، ئه‌و هێزه‌ هاتيه‌ هنارتن بۆ باژيرێ قائيم.

ئه‌ڤرۆنیوز:

ئه‌ڤرۆ چارشه‌مبى 20/2/2019 مه‌سرور بارزانى، شیره‌تكارێ جڤاتا ئاسایشا هه‌رێما كوردستانێ ل گه‌ل (ئیره‌ج مه‌سجدى) بالیۆزێ ئیرانێ ل عیراقێ كۆمبوو.

ددیداره‌كێ دا، زێده‌بارى به‌حسێ په‌یوه‌ندیێن كه‌ڤن دناڤبه‌را گه‌لێ كوردستانێ وگه‌لێن كۆمارا ئیسلامى یا ئیرانى وئالوگۆركرنا بازرگانى دناڤبه‌را هه‌رێما كوردستانێ وكۆمارا ئیسلامى یا ئیرانى، ئاماژه‌ ب دووماهى گاڤێن هه‌لبژارتن وپێكئینانا ده‌زگه‌هێن فه‌رمى یێن هه‌رێما كوردستانێ هاته‌ دان ودووپاتى ل سه‌ر گرنگیا له‌زكرنێ دگاڤێن دیموكراسیانه‌ دناڤبه‌را لایه‌نان هاته‌ كرن.

ژلایێ خوه‌ڤه‌ بالیۆزێ ئیرانێ ل عیراقێ رۆناهى خسته‌ سه‌ر میكانیزما پێشڤه‌برنا په‌یوه‌ندیان ل گه‌ل عیراقێ وهه‌رێما كوردستانێ ودووپاتى ل پشته‌ڤانیا وه‌لاتێ خوه‌ بۆ هه‌رێما كوردستانێ كر وراگه‌هاند” دداهاتى دا دێ وان په‌یوه‌ندیان ب هێزتر لێكه‌ین وسه‌قامگیریا كوردستانێ بۆمه‌ یا گرنگه‌”.

94

ئەڤرۆ نیوز، عەلی حاجی:

ھوگر تەراح بەرپرسێ تایێ زاخۆ یێ رێکخراوا W.R.O  بۆ ئەڤرۆ نیوز دیار کر ب پشکداریا ئێزدیێن خوەجھێن دەڤەرا دێرەبوونێ و ئیزدیێن ئاوارە و دگەل دا مەسیحیێن خوەجھێن دێرەبوونێ رێکخراوا مە رابوون ب چاندنا دارێن پێکڤەژیانێ ل دێرەبوونێ.

ھزگر تەراحی زێدەتر گوت: (مەرەم ژ ڤێ چەندێ ئەو بوو ئەو پێکڤەژیانا ل دێرەبوونێ ھەی بھێتە موکمتر کرن و ئەو شتلێن دارا ھاتینە چاندن ببیتە ھێمایەکا پێکڤەژیانێ بۆ نڤشێ نوو بھێت دا کو روویێ پێکڤەژیانێ ل دێرەبونێ بھێزتر ببیت).

ناڤھاتی ئەو چەندە ژی گوت : (دقوناغا ئێکێ دا ٩٥ شتلێن داران ھاتنە چاندن و ب ئانەھیا خودێ دێ بەردەوام بین ل چاندنا داران دا، دێ ھەوێن ب ڤی رەنگی د بەردەوام بن دا کو پێکڤەژیانا ل کوردستانێ ھەی بپارێزین).

490

ئەڤرۆ نیوز:

پشتی کو روسیا راگەهاند ل گەل رژێما سووریێ بەرهەڤیان بۆ ئۆپەراسیۆنا ئدلبێ دکەن هێزێن تورکیا کو ١٢ بنگەه و خالێن پشکنینێ ل ئدلبێ و دەوروبەرێن وێ هەنە کەفتنە د ئامادەباشیێ دا.

ل گۆر دەزگەهێن راگەهاندنا تورکیا هێزێن سەربازی یێن تورکیا ل ئدلبێ و دەوروبەرێن وێ خوە بۆ هەر پێشهاتەکا نەخواستی بەرهەڤ دکەن و ژ بەر هندێ ژی نها د ئامادەباشیێ دانە.

ئەو یەک د دەمەکێ دایە کو دوهی سەرۆک کۆمارێ تورکیا راگەهاند بەرهەڤیێن مە بۆ دەستپێکرنا ئۆپەراسیۆنێن سەربازی ل رۆژهەلاتێ فراتێ و منبجێ ب دووماهی هاتینە و تورکیا چاڤەرێی رزامەندیا چو ئالیەکێ ژی نابیت.

 

59

ئەڤرۆ نیوز:

د یاریێن گەرا سیێ ژ قوناغا چارگۆشا زێرینا خولا ھەرێما کوردستانێ یا تەپا پێ یانا گارە شیا سەرکەفتنەکا گرنگ ل سەر مێڤانا خوە یانا سۆران تومار بکەت ب گۆلەکێ بێ بەرامبەر، ب ڤێ سەرکەفتنێ ژی گارە ھیڤیێن خوە ڤەگەراند بۆ دەربازبوونا خولا نایاب ل وەرزێ بھێت.

د نیڤا ئێکێ دا یانا گارە بھێز ھاتە د یاریێ دا و شیا چەندین دەلیڤەیان ل سەر گۆلا سۆران پەیداکرن و دەرئەنجام ل خولەکا ١٩ یاریزانێ وێ یادگار یونس شیا گۆلا پێشکەفتنێ بۆ یانا خوە گارە تومار بکەت و نیڤا ئێکێ ب ڤی ئەنجامی ب دووماھی بینت.

د نیڤا دویێ دا یانا گارە فشارەکا مەزن ل سەر گۆلا سۆران پەیداکر بۆ تومارکرنا گۆلا دویێ و چەند دەلیڤە ژی ژدەست دان، بەرامبەر یاریزانێن سۆران شیان دوبارە پشتی بورینا چارێکا ئێکێ ژ نیڤا دویێ ڤەگەرنە ئاستێ خوە و فشارێ پەیدابکەن لێ ھەموو بزاڤێن وان بێ مفا بوون و یاری ب سەرکەفتنا گارە ب گۆلەکێ بێ بەرامبەر ل سەر یانا سۆران ب دووماھی ھات.

ب ڤی ئەنجامی گارە ھژمارا خالێن خوە گەھاندنە چار خالان و ڤەگەریا ھەڤرکیا دەربازبوونێ بۆ خولا نایاب ل وەرزێ بھێت.

website security
WP Facebook Auto Publish Powered By : XYZScripts.com