ئەڤرۆ نیوز:
چاڤەرێ دھێتەکرن ئەڤ شەڤە ل دەمژمێر ١٠:٠٠ شەڤ ل دیڤ دەمێ کوردستانێ یانا مانچێستەر یوناید بیتە مێڤانا یانا بەرشەلۆنا ل یاریگەھا کامپ نوو ژ چارچوڤێ یاریێن دوێ ژ قارەمانیا چامپیونیڤ لیگ ژ قوناعا ھەشتێ.
راھێنەرێ نەرویجی و یانا مانچێستەر یوناید سولشایر بەری ڤێ یاریێ بەحس ل یاریا ئەڤ شەڤە کر و دیارکر ئەو دخوازن بیرھاتنێن یاریا بەرامبەر پاریس دوربارە بکەن و بشێن سەرکەفتنێ و پلێتا دەربازبوونێ ل سەر کیستێ بەرشەلۆنا ب دەستخوڤە بینن ھەر چەندە ئەو باش د زانن دڤێ یاریێ دا ھەڤرکا ئەوان یا ب زەحمەتە و نابینت سەرکەفتن یا ب سانەھی بیت ل سەر یانەکا وەکو بەرشەلۆنا ل یاریگەھا کامپ نوو دێ ئەوان ژی بیرھاتنێن باش و خوش ل یاریگەھا کامپ نوو ھەنە دێ ھەموو بزاڤا کەن بشێن مێژویەکا دی ل یانێ زێدە بکەن و بەردەوامی ب دەنە کاروانێ خوە بوو قارەمانیا چامپیونیز لیگ.
زێدەتر ناڤبری دیارکر ل سەر ئەوان پێدڤی یە ھەر زیکا ئەو فشارێ بێخنە سەر گولا یانا بەرشەلۆنا ھەکە ئەو شیان دەستپێکێ کونترولا یاری بکەن و گولێ توماربکەن ئەو یێ ب ھیڤی و ئومێدە دێ شێن ئەنجامەکێ باش ژ یاریێ دەرکەڤن ژبەرکو ئەوی باوەریەکا مەزن ب ھێلا بەرەڤانی و گولچیێ خوە ھەیە دێ شێن پاراستنا گولا خوە کەن راستە ئەو دێ یاریێ بەرامبەر کومەکا ستێرێن جیھانێ کەن ئەوژی ڤیدال و کوتینھو سوارێز و میسی لێ کا چەوا ئەوان ل یاریا ئێکێ شیان ئەوان ب راوستینن د ڤێ یاریێ دا ژی پلان ھاتیە دانێ بوو راوستاندنا ئەوان یاریزانان.
ھەژی گوتنێ یە ل یاریا ئێکێ ل یاریگەھا ئولترافورد یا تایبەت ب مان یوناید ڤە یانا بەرشەلۆنا شیابوو سەرکەفتنێ ل سەر مانچێستەر توماربکەت ب گولەکێ بێ بەرامبەر .

ئەڤرۆ نیوز:
چاڤەرێ دھێتەکرن ئەڤ شەڤە ل یاریگەھا کامپ نوو یانا بەرشەلۆنا مێڤانداریا یانا مانچێستەر یوناید بکەت ژ چارچوڤێ یاریێن دوێ ژ قوناغا ھەشتێ ژ قارەمانیا چامپیونیز لیگا ئورۆپا پشتی ل یاریا ئێکێ یانا بەرشەلۆنا شیای سەرکەفتنێ ل سەر مان یوناید ل ناڤ ئەرد و جەماوەرێ وی توماربکەت ب گولەکێ بێ بەرامبەر .
راھێنەرێ یانا بەرشەلۆنا ڤالڤێردی بەری یاریێ بەحس ل رەوشا ڤێ یاریێ کر کو دەستپێکێ دیارکر ئەو نزانیت کا مانچێستەر یوناید بوو ڤێ یاریێ دێ ب چ شێوە یاریێ کەت لێ یا ئەو دزانیت یاری دێ بوو ھەردو لاینان یا ب زەحمەت بیت ژبەرکو ئەو دێ یاریێ بەرامبەر یانەکا ب ھێز و خودان مێژویەکا مەزن کەن ھەردیسان ژبیر نەکەین ئەوا مان یوناید ل قارەمانیا چامپیونیز لیگ یا ئەڤ سالە ژ دەرڤەی یاریگەھا خوە دو سەرکەفتنێن گەلەک مەزن ب دەستخوڤە تومارکرینە ئەوژی ل سەر یوڤانتوس و پاریس سانجێرمان لەورا ئەو دبینت بوو یانا ئەوان ژی دێ ئەڤ شەڤە یاریەکا ب زەحمەت بیت.
زێدەتر راھێنەرێ بەرشەلۆنا دیارکر ئەو تیما خوە ژ مان یوناید بلندتر نابینت و رێزگرتنەکا مەزن ل یانا مانچێستەر یوناید دگریت ژبەرکو ڤێ یانێ شیانێن گەلەک مەزن ھەنە و بیرھاتنێن پری خوشی ل کامپ نوو ئەوان ھەنە لەورا ل سەر ئەوان پێدڤی یە ب ھشیاری ئەڤ شەڤە یاریێ بکەن راستە ئەوان ل یاریا ئێکێ سەرکەفتن تومارکریە لێ ئەو دبینت ھێشتا شەرێ دەربازبوونێ یێ مای و ئەڤ شەڤە دێ پلێت ھێتە ئێکلاکرن.
ل دووماھیێ ناڤبری دیارکر ژی ھەردو یاریزانان میسی و دیمبلی بوو ڤێ یاریێ د بەرھەڤن تایبەت میسی چ مەترسی ل سەر ھنگافتنا ئەوی نینن ئەو نوکە د رەوشەکا گەلەک باش دایە و دیمبلی ژی دشێت پشکداریێ د یاریێ دا بکەت.

ئەڤرۆ نیوز:
راھێنەرێ یانا بەرشەلۆنا ڤالڤێردی بوو یاریا ئەڤ شەڤە بەرامبەر مانچێستەر یوناید ئەوا بریارە ل دەمژمێر ١٠:٠٠ شەڤ ل دیڤ دەمێ کوردستانێ بھێتەکرن ژ چارچوڤێ یاریێن دوێ ژ قوناغا ھەشتێ یا قارەمانیا چامپیونیز لیگ پێنچ یاریزان داخوازی لیستا دووماھیێ یا یاریێ نەکرن ئەوژی ھەر ئێک ژ مورێلو، بواتینگ، تودیبو، راڤینا و ڤێرمالینی ژ بەر ئەگەرێن ھنگافتنێ و ھونەری .
ئەو یاریزانێن بوو یاریا ئەڤ شەڤە ھاتینە داخوازکرن ھەر ئێک ژ ئەڤێن خوارێ نە.
تێر شتیگن، سیلیسن ، ئومتیتی،سیمیدو، پیکی،لیگلێت، مالکوم،دیمبلی،راکیتیچ ، بوسکێس، کوتینھو، ئارسر، ئەلبا،سێرجیو روبێرتو،ڤیدال، ئەلینا، سوارێز و میسی.