ئەڤرۆ نیوز:
یاریزانێ بەلجیکی و یانا چێلسی یا ئنگلیزی ھازارد پشتی ل شەڤا بوری شیای دو گولان توماربکەت و سەرکێشیا یانا خوە کری بوو سەرکەفتنەکا گرنگ ل سەر یانا ویستھام یوناید ب دو گولان بێ بەرامبەر ژ چارچوڤێ یاریێن گەرا ٣٣ ژ خۆلا ئنگلتەرا ئەوی یاریزانی شیا نمرەکا باش د مێژویا خوە دا ل خۆلا ئنگلتەرا توماربکەت .
مالپەرێ ئوپتا یێ تایبەت ب ئامارێن یاریزانان ڤە دیارکریە ھازارد ب تومارکرنا ھەردو گولێن شەڤا بوری بوو یاریزانێ ئێکێ ل وەرزێ ئەڤ سالە ل سەر ئاستێ خۆلا پلا نایاب یا ئنگلتەرا کو  پشکداری د ٢٨ گولان دا کریە کو ١٦ گول تومارکرینە ل گەل ١٢  ئەسیست بوو ھەڤالێن خوە بەرھەڤکرینە ئەڤ چەندە ژی دبیتە باشترین نمرا وی یاریزانی ل چەند سالێن بوری دخۆلا ئنگلتەرا دا و دبیت ئەو ھژمارە ھێشتا زێدەتر لێ بھێت ژبەرکو پێنچ یاری ھێشتا ژ خولێ ماینە.

راھێنەرێ لیڤەرپول ئاخفتنا خوە بۆ یاریا ئەڤ شەڤە گوت
ئەڤرۆ نیوز:
بەرەڤانێ بەرنیاس یێ پورتوگالی و یانا ریال مەدرید یێ بەری نوکە پیپی ئەوێ نوکە یاری ل یانا پورتو دکەت د داخویانیەکا خوە دا ھەموو دەزگەھێن راگەھاندنا ئورۆپی مەندەھوش کریە پشتی وی یاریزانی دیارکری ئەو سێ جاران ناسناڤێ قارەمانیا چامپیونیز لیگ ل گەل یانا ریال مەدرید ل سێ سالێن بوری ب دەستخوڤە بری و یێ ب ئومێدە دێ بوو جارا چارێ ل وەرزێ ئەڤ سالە ل گەل یانا خوە یا نوو ب دەستخوڤە ببەت.
زێدەتر پیپی بوو مالپەرێ ئێکەتیا تەپا پێ یا ئورۆپی دیارکر راستە یانێن ب ھێز ماینە د ھەڤرکیا قارەمانیا ئورۆپا دا لێ ئەو وەسا دبینت یانا ئەوان ژ چ ئەوان یانان کێمتر نینە و دبینت ئەوان ژی شیانێن مەزن ھەنە بشێن ناسناڤی ب دەستخوڤە بینن و یێ ب ئومێدە بوو جارا چارێ ل دیڤ ئێک دێ قارەمانیا چامپیونیز لیگ ب دەستخوڤە بەت و ئەڤ جارە ل گەل پورتو.

ھەژی گوتنێ یە بریارە ئەڤ شەڤە یانا پورتو یا پورتوگالی بیتە مێڤانا یانا لیڤەرپول یا ئنگلیزی د چارچوڤێ یاریێن قوناغا ھەشتێ ژ قارەمانیا چامپیونیز لیگ ئورۆپا.

ئەڤرۆ نیوز:
چاڤەرێ دھێتەکرن ئەڤ شەڤە ل دەمژمێر ١٠:٠٠ شەڤ یانا لیڤەرپول یاریگەھا خوە مێڤانداریا یانا پورتو یا پورتوگالی بکەت ژ چارچوڤێ یاریێن ئێکێ ژ قوناغا ھەشتێ یا قارەمانیا چامپیونیز لیگا ئورۆپا .
راھێنەرێ ئەلمانی و یانا لیڤەرپول یورگن کلوپ بەری ڤێ یاریا بەرامبەر پورتو بۆ دەزگەھێن راگەھاندنێ دیارکربوو ئەو ھەست ب وێ چەندێ دکەت یانا وی ل ماوێ ڤێ حەفتیێ د رەوشەکا گەلەک باش دا بوریت و دبینت خالا ژ وێ باشتر دەمێ یاریێن قارەمانیا چامپیونیز لیگ دکەن تیما وی ب شێوەکێ چیاوازتر ژ یاریێن خولێ یاری دکەن و شارەزایەکا باش بوو یاریزانێن ئەوی پەیدابوویە و ئاستێ ئەوان د قارەمانیا ئورۆپی دا باشتر دبینت .
زێدەتر ناڤبری سەبارەت ئاستێ پورتو دیارکر ئەو تیما د گەھیتە ڤێ قوناغێ بێ گومان ئەوێ شیانێن مەزن ھەنە لەورا گەھشتی یە ڤێ قوناغێ و دبینت ئەو دێ یاری بەرامبەر تیمەکا پری شارەزا د ڤان جورە قارەمانیان دا بکەن لەورا ل سەر ئەوان پێدڤی یە ب ھشیاری یاری بەرامبەر پورتو بکەن و ئەوی بوو یاریزانێن خوە ژی ئەو چەندە دیارکریە.

ئەڤرۆ نیوز:
چاڤەرێ دھێتەکرن ئەڤ شەڤە ل دەمژمێر ١٠:٠٠ شەڤ ل دیڤ دەمێ کوردستانێ دو یاری ژ قوناغا ھەشتێ یێن قارەمانیا چامپیونیز لیگا ئورۆپا بھێنەکرن ئەوژی دناڤبەرا لیڤەرپول یا ئنگلیزی ل گەل پورتو یا پورتوگالی ھەردیسان ھەردو یانێن مانچێستەر سیتی و توتنھام یێن ئنگلیزی دێ ھەمبەری ئێک بەن .
راھێنەرێ یانا مانچێستەر سیتی پیپ گواردیولا بەحس ل یاریا ئەوان بەرامبەر توتنھام کر دەستپێکێ وی راھێنەرێ ئیسپانی دیارکر ئەو نزانن کا رەوش دێ ل ٩٠ دەقیقەیێن یاری چەوا دەربازبیت ژبەرکو بەری یاری پێشبینی یا ب زەحمەتە و ئەو ھەموو یانێن ل ڤێ قوناغێ ماین ئێک ئارمانج ھەیە ئەوژی سەرکەفتن و دەربازبوون بۆ قوناغا دویڤدا و ئەڤ شەڤە ژی ئەو دێ ھەمبەری ئێک ب زەحمەترین یانێن ئنگلیزی بیت ل سەر ڤی دەمی .
زێدەتر ناڤبری دیارکر ھەردەم ئەو بەری یاریا بەرامبەر توتنھام بوو یاریزانێن خوە دیارکریە دەمێ ئەو یاری بەرامبەر یانا توتنھام یاری دکەن وەکو دوژمنەکێ ئەوان د چەنگێ ھەڤرکیێ دا لەورا ل سەر ئەوان پێدڤی یە ھەر زیکا ئەو یاری کونترول بکەن ژبەرکو تیما ئەو یاری بەرامبەر تیمەکا گەلەک ب ھێز یاری کەن و ئەو وەسا دبینت توتنھام ئێک ژ زەحمەترین تیمایە دەمێ یاری بەرامبەر دکەن ژبەرکو یاریزانێن ئەوان ڤشارەکا مەزن د ئێخنە سەر تیما بەرامبەر خوە .
ل دووماھیێ راھێنەرێ مان سیتی دیارکر توتنھام خودانا یاریزانەکێ گەلەک ب ھێزە ئەوژی ھاری کین لێ وی دڤێـت دیار بکەت ئەو یانە بتنێ پشت بەستنێ ل سەر ئەوی یاریزانی ناکەت بەلکو خودانا چەندین یاریزانێن دی یە لەورا پێدڤی یە ھشیاری یاریزانێن دی ژی بن ل ناڤا پێکھاتیێ وێ یانێ دا .