ئەڤرۆ نیوز، عەلی حاجی:

بەرپرسێ ئوفیسا شنگالێ یا دەزگایێ خێرخوازیێ بارزانیێ نەمر بۆ ئەڤرۆ نیوز دیارکر پشتی ل حەفتیا بوری دا سوپایێ عێراقێ رێگری ل گەھاندنا ھاریکاریێن دەزگایێ خێرخوازیێ بارزانیێ نەمر دا کری ، جارەکادی مە شیا وان ھاریکارین بگەھینە چیایێ شنگالێ.

پیر دەیانی زێدەتر گوت : ل حەفتیا بوری مە بزاڤ کرن ھاریکاریا بگەھینە وان وەلاتیێن ژ سالا ٢٠١٤ ھەتا نوکە ل چیایێ شنگالێ ماینە، لێ ژلایێ سوپایێ عێراقێ رێگری ل مە ھاتە کرن و مە نەشیا بۆ وان ھاریکاریان بگەھینن، پشتی چەندین ھەولان ژ لایێ دەزگایێ مەڤە ل دوماھیێ مە شیا رازیبونا لایەنێن پەیوەندیدار وەگرین و وان ھاریکاریان بگەھینە چیایێ شنگالێ.

ناڤھاتی زێدەتر گۆت: ھاریکاری پێک ھاتی بوون ژ ٦٠ تەنێن ئاری بۆ ٢٩٠٠ خێزانا و ھەروەسا زێدەتری ٩٠٠٠ پارچێن جل و بەرگێن زاروکان، ئەڤ ھاریکاری یە ل روژا ئەینی ژ لایێ تیمێن مەڤە ھاتنە بەلاڤ کرن و وەکو دەزگایێ خێرخوازیێ بارزانێ نەمر دێ بەردەوام بین ل سەر گەھاندنا ھاریکاریان بۆ خەلکێ شنگالێ.

زاخۆ، عەلی حاجی:

سایتێ کومپانیا ئالێکسا (Alexa ) یا جیھاتنی کو سالانە رادبیت پولینکرنا سایتێن جیھانی ، ل دووڤ نووترین رێزبەندیا سایتێن زانکویێن کوردستانێ، سایتێ فەرمیێ زانکویا زاخۆ بۆ سالا دوێ رێزا دوێ ھات.

ل دۆر ڤێ چەندێ دکتور دیار رێڤەبەرێ سەنتەرێ ئامار و تەکنەلوژیا زانیاری ل زانکویا زاخۆ بۆ ئەڤرۆ نیوز گۆت : سالانە کۆمپانیا ئالێکسا رادبیتب پولینکرنا ھەمی سایتێن جیھانێ، ل ئەڤ سالە دا و بۆ جارا دوێ ل دووڤ ئێک سایتێ زانکویا زاخۆ رێزا دوێ ھات ل سەر ئاستێ زانکویێن کوردستانێ ، ٣٧٥ رێزان درێزبەندیا سایتێن جیھانی ژی دا بەرەڤ پێش چوویە.

دکتور دیاری زێدەتر گۆت: روژانە گەلەک کەس سەرەدانا سایتێ زانکویا زاخۆ دکەن و سایتەکێ ئەکتیڤە ژبەر ڤێ چەندێ سایتێ زانکویا زاخۆ ل پلا دوێ ھات ، ل گورەی سالا دەرباز بووی ژی جیاوازیەک زور یا سەرەدانا سایتێ زانکویێ ھەیە و د ئەڤ سالە دا رێژەیا سەرەدانان زێدەتر لێھاتیە، لێ ل ئەڤ سالە دا ھزار و ٩١٧ کەسان سەرەدان کری یە ، سایتێ زانکویێ ب زمانا کار دکەت و ب شێوەیەکێ باش کار دکەت و ھەتا نمرەیێن قوتابیان ژی کری یە ئونلاین ، ژبەر ڤێ چەندێ رێژەیا سەرەدانا سایتێ زانکویا زاخۆ بەر ب زێدە بوونێ ڤە دچیت.