ئەڤرۆ نیوز:
بەری دەمەکێ سەرۆک بارزانی ل گەل شاه عەبدولا شاهێ ئوردنێ کۆمبوون و دهێتە چاڤەرێکرن کو د کۆمبوونێ دا بەحسێ پەیوەندیێن سیاسی و ئابووری یێن هەرێما کوردستانێ و ئوردنێ بهێنە کرن.
سەرۆک بارزانی ل سەر ڤەخواندنا فەرمی یا شاهێ ئوردنێ پشکداری د کۆربەندێ ئابووری یێ جیهانی ل وەلاتێ ئوردنێ کر و شاندەکێ هەرێما کوردستانێ ژی پشکداری د کۆربەندێ ئابووری ل وەلاتێ ئوردنێ کریە.
ئەڤرۆنیوز، سەباح زوھێر:
ئەڤرۆ ل ھۆلا کونفرانسان ل ئاکرێ وێنێن چەندین وێنەگرا ھاتنە نمایشکرن کو وێنە د ڤیستەڤالا نەوروزا ئاکرێ دا گرتبوون.
کاوە زوھێر رێڤەبەرێ ھونەری و رەوشەنبیری ل ئاکرێ بۆ ئەڤرۆنیوز دیار کر کو ئەڤرۆ ل ژێر درووشمێ(ناساندنا باژێرێ ئاکرێ بۆ نەوروزێ) رێڤەبەریا رەوشەنبیری ل ئاکرێ ب ھەڤکاری دگەل رێکخراوا کوردستان فوتو(۲۲) وێنێن وێنەگرا ل ڤێ پێشانگەھێ دا ھاتنە نمایشکرن.
ناڤھاتی گۆت ژی کو ئەڤ چالاکیە دێ سالانە ھێتەکرن و ب ھیڤیا وێ چەندێ سالا بھێت ب شێوەکێ جوانتر پلانەکێ دێ دانین و پێشانگەھەکا بەرفرەھتر ب پشکداریا وێنەگرێن جیهانی برێڤە بچیت.
ھەروەسا ل داویێ ژی سێ جوانترین وێنەگر ھاتنە خەلاتکرن، خەلاتێ ئێکێ ژی پێشکێشی وێنەگر (شڤان حەداد سلێڤانەی)ھاتە کرن کو جوانترین وێنە ھاتە دەست نیشانکرن ژلایێ لیژنا سەرپەرشت یا ڤێ پێشانگەھێ.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 7ى نيسانا 2019ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 100 دولارێ ئه‌مريكى | 120.000 دينار |
| 100 يۆرۆيێ ئه‌ورۆپى | 135.000 دينار |
| 100 ليرێ توركى | 21.500 دينار |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئەڤرۆ نیوز، نەوزاد ھلۆری:
پشتی کو دوو روژێن بوری بەرەکێ مەزن کەفتیە د رێیا سەرەکی یا دناڤبەرا کانی ماسێ و ئامێدیێ ل نێزیک گوندێ بازێ، دەمەکێ کێم بەری نوکە رێک ھاتە پاقژکرن و نوکە شوفێر دشێن ھاتنووچۆنێ بکەن.
ھەلکەفت رێکانی، کو ئیشتراکا ماموستا ل دەڤەرا بەرواری بالا ھەیە بو ئەڤرۆ نیوز گۆت: (ژئەگەرێ بارینا بارانێ بەرەکێ مەزن کەفت بوو د رێیا ھژمارەکا گوندان دا ل سنوورێ ناحیا کانی ماسێ، ئەڤرۆ رێک ھاتیە پاقژکرن و ھاتنووچۆن ئاسایی یە).
سەربەست ئاکرەی، رێڤەبەرێ ناحیا کانی ماسێ بۆ ئەڤرۆ نیوز گۆت: 0رێڤەبەریا ناحیا کانی ماسێ ب ھەڤکاری ل گەل رێڤەبەریا سەخبێریا رێک و پرا ھەمی ئەو رێیێن کو ژ ئەگەرێ باران و لەھیان ل سنوورێ ناحیا کانی ماسێ ھاتینە گرتن، پاقژکرینە و بەردەوامە ژی، ژ وانان رێیا کانی ماسێ بو ئامێدیێ د رێیا گوندێ بازێ دا).
زێدەتر گۆت: (ئەو رێیا کو ژ ئەگەرێ بەرەکێ مەزن ھاتیە گرتن ل نێزیک گوندێ بازێ 13 گوندان بخوڤە دگریت و ھاتنووچۆن نوکە ئاسایە).
ئه‌ڤرۆ نيوز:
ئه‌ڤرۆ رۆژا ئێكشه‌مبى 7ى نيسانا 2019ێ مه‌سرور بارزانى، شيره‌تكارێ جڤاتا ئاسايشا هه‌رێما كوردستانێ، پێشوازى ل شانده‌كێ زه‌لامێن ئاينێ ئه‌رمه‌نى كر كو ژ ژماره‌كا مه‌ترانان ل وه‌لاتێن جيهانێ پێكهاتبوون.
د ڤێ ديدارێ دا، پێشهاتێن ده‌ڤه‌ران ب گشتى و ره‌وشا كرستيانێن ئاواره ل هه‌رێما كوردستانێ و ده‌شتا نه‌ينه‌وا گه‌نگه‌شه كر و ته‌كست ل سه‌ر وێ چه‌ندێ هاته كرن كو پێدڤيه ب هاريكاريا لايه‌نێن په‌يوه‌نديدار، رێيا دابينكرنا ژيان و ژيارا شايسته بۆ ڤه‌گه‌ريانا كرستيانێن ئاواره بۆ سه‌ر مال و حالێن خوه ل ده‌شتا نه‌ينه‌وا بهێته ئاماده‌كرن.
مه‌سرور بارزانى خوراگرى و پێڤه‌گرێدانا برايێن كرستيان ب ئه‌ردێ خوه و مانا وان ل وه‌لاتى ب پێدڤى زانى بۆ رێگريكرن ل وان بزاڤێن ل دژى وان بۆ نه‌هێلانا ناسنامه و گوهۆڕينا يموگرافيا ده‌ڤه‌رێ دكه‌ن و راگه‌هاند ژى كو پالپشتيا ماف و داخوازيێن برايێن كرستيان ب گشتى و وه‌لاتيێن ئه‌رمه‌ن به‌رده‌وام بيت.
هه‌ر د وێ ديدارێ دا، شيره‌تكارێ جڤاتا ئاسايشا هه‌رێما كوردستانێ ته‌كست ل سه‌ر وێ چه‌ندێ كريه كو د چو كاودانه‌كى دا گه‌له‌كێ كوردستانێ ده‌ست به‌ردارى فه‌رهه‌نگا لێبۆرينێ و پێكه‌ڤه‌ژيانێ نابيت، كو ب درێژاهيا مێژوويێ دا د هزرا ريشالى دا داقوتايه و گۆت: “كوردستان هه‌رده‌م ناڤه‌ندا برايه‌تى و پێكڤه‌ژيانا ئاشتيانه يا هه‌موو نه‌ته‌وه و ئاين و ئينزانان مينيت”.
د به‌رامبه‌ر دا، شاندێ ميڤان سۆپاسيا سه‌رۆك بارزانى و گه‌ل حوكمه‌تا هه‌رێما كوردستانێ كر كو د ڤێ قووناغا جودا دا، د هاريكاريا كريستيانێن عيراقێ دا هاتينه و ڤه‌كرنا كه‌نيسا ئه‌رمه‌نان ل هه‌ولێر و باژێرێن دى يێن كوردستانێ هاريكار و پشته‌ڤان بين و ل دووماهيێ ژى هيڤيا سه‌ركه‌فتنێ بۆ كابينا نوو يا حوكمه‌تا هه‌رێما كوردستانێ خواست.
ئه‌ڤرۆ نيوز:
وه‌زاره‌تا ناڤخۆ يا حوكمه‌تا هه‌رێما كوردستانێ كار ل سه‌ر بڕيارا قه‌ده‌غه‌كرنا شوفێرێن ته‌كسيان دكه‌ت و دده‌ته زانين كو دڤێت شوفێريا ته‌كسيێ ببيته پيشه كا چاوان ل جيهانێ هه‌موويێ وه‌سايه.
سامى جه‌لال، رێڤه‌به‌رێ گشتى يێ ديوانا وه‌زاره‌تا ناڤخۆ يا حوكمه‌تا هه‌رێما كوردستانێ راگه‌هاند كو بڕيارا قه‌ده‌غه‌كرنا شوفێريا ته‌كسيێ ل سه‌ر فه‌رمانبه‌ران كار ل سه‌ر دهێته كرن و ئامارا بايۆمه‌ترى يا مووچه‌خورێن حوكمه‌تا هه‌رێما كوردستانێ ب رێڤه‌به‌ريێن هاتنوچوونێ ڤه هاتيه گرێدان، فه‌رمانبه‌رێن حوكمه‌تێ ژ پله ئێك هه‌تا پله شه‌ش ژ هێزێن ناڤخۆ و فه‌رمانبه‌رێن فه‌رمانگه‌ها په‌يوه‌نديێن ژ ده‌رڤه قه‌ده‌غه‌يه كارێ ته‌كسيێ بكه‌ن، ئه‌و فه‌رمانبه‌رێن پلێن 7، 8، 9 و 10 كو مووچێ وان يێ كێمه، ئه‌و دشێن ب ره‌زامه‌نديا خوه كارێ شوفێريا ته‌كسيێ بكه‌ن.
گۆتژى: “نها پێدانا مووچه‌ى ئاسايى بوويه و فه‌رمانبه‌ر مووچێ خوه ب ته‌مامى و بێ پاشكه‌فت پێ دهێته دان، ژ به‌ر هندێ بڕياره به‌رده‌وام بيت و كارى پێ بكه‌ت. دڤێت شوفێريا ته‌كسيێ ببيته پيشه وه‌كو ل هه‌موو جيهانێ پيشه‌يه”.
ئه‌ڤرۆ نيوز:
بڕيار ئه‌مريكا پشكه‌كا دى يا فرۆكێن شه‌رى يێن ژ جۆرێ F16 راده‌ستى حوكمه‌تا عيراقێ بكه‌ت.
وه‌زاره‌تا به‌ره‌ڤانيا عيراقێ راگه‌هاند شه‌ش فرۆكێن ژ جۆرێ F16 يێن ئه‌مريكى گه‌هشتينه بنگه‌هێ ئه‌سمانى يێن به‌له‌د ل باكوورێ به‌غدا.
ب گۆره‌ى به‌يانناما وه‌زاره‌تا به‌ره‌ڤانيا عيراقێ ئه‌و فرۆكه پشكه‌كن ژ گرێبه‌ستا ئيمزاكرى يا تايبه‌ت ب پرچه‌ككرنا ناڤبه‌را عيراق و ئه‌مريكا دا.
ل سالا 2011ێ به‌غدا و واشنتۆن گرێبه‌سته‌ك بۆ فرۆتنا 36 فرۆكێن شه‌رى يێن ژ جۆرێ F16 ب عيراقێ ئيمزا كربوو و هه‌تا نها ژى ژماره‌ك ژ وان فرۆكان وه‌رگرتينه و ژماره‌ك ژى ماينه.
ئه‌ڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا دوشه‌مبى رێکەفتی 8ى نيسانا 2019ێ ئەسمان دێ ئه‌وره‌كێ ناڤه‌ندى بيت ل پتريا ده‌مێن رۆژێ و ل ده‌ڤه‌رێن چيايى دێ ئه‌ورێن ته‌مام بن. بارانه‌كا كێم ژى ل هنده‌ك جهان دێ باريت ب تايبه‌ت ل دانێ پشتى نيڤرۆ.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو دهێته پشبينيكرن ئه‌سمان ئه‌وره‌كێ ناڤه‌ندى بيت ل پتريا ده‌مێن رۆژێ و ل ده‌ڤه‌رێن چيايى دێ ئه‌ورێن ته‌مام بن. بارانه‌كا كێم ژى ل هنده‌ك جهان دێ باريت ب تايبه‌ت ل دانێ پشتى نيڤرۆ.
پشکا پێشبینیان دایە زایە زانین کو دێ لەزاتیا بایی د ناڤبەرا 5 ھەتا 15کم دا و ماوێ دیتنێ ژی د ناڤبه‌را 9 بۆ10کم دا بیت، پلێن گەرمێ ژی دێ د ناڤبەرا 9 بۆ 20 پلان دا بن.
نيشاندان