ئەڤرۆ نیوز:
چاڤەرێ دھێـتەکرن ئەڤ شەڤە ل دەمژمێر ٩:٤٥ ل دیڤ دەمێ کوردستانێ یانا بەرشەلۆنا ل یاریگەھا خوە کامپ نوو مێڤانداریا یانا ئەتلەتیکو مەدرید بکەت د گوپیتکا یاریێن ڤێ حەفتیێ دا ژ خۆلا لالیگا ئیسپانیا ژ چارچوڤێ یاریێن گەرا ٣١ ژ خولێ.
بۆ ڤێ یاریێ راھێنەرێ بەرشەلۆنا ڤالڤێردی دیارکر سێ خالێن ڤێ یاریێ بوو ھەردو یانان گەلەک د گرنگن تایبەت بوو یانا ئەوان ژبەرکو ب سەرکەفتنا ئەڤ شەڤە دێ پێنگاڤەکا باشتر بەر ب برنا ناسناڤێ خولێ بەن ھەر چەندە سێ خالێن یاریێ ژی ئەوان مسوگەر ناکەن بوو برنا خولێ ژبەرکو ھێشتا دێ ھەڤرکی یا بەردەوام بیت لێ دێ چیاوازی باشتر و زێدەتر لێ ھێت.
زێدەتر ڤالڤێردی دیارکر ئەو دێ پشت بەستنێ ل سەر ھەموو یاریزانێن خوە یێن سەرەکی ل ڤێ یاریێ کەت و پشتی ڤێ یاریێ ئەوان یاریا قارەمانیا یانێن ئورۆپا ھەیە و پاش دووماھیا شاھێ ئیسپانیا و بوو ھەموو یاریان ئەو دێ پشت بەستنێ ل سەر یاریزانێن خوە یێن سەرەکی کەت ھەتا نوکە ئەوی ھزر ل گوھورینا د ناڤا پێکھاتیێ یانێ دا نەکریە بوو چ یاریێن بھێت د خولا لالیگا دا ھەکە ناسناڤی ژی مسوگەر بکەن .
سەبارەت دیمبلی ناڤبری دیارکر بوو ڤێ یاریێ ئەو یێ بەرھەڤ نابیت ژبەرکو ھێشتا ژ ھنگافتنا خوە ب تمامی ب دووماھیی نەھاتیە و ئەو نزانیت ژی کا بوو یاریا بەرامبەر مانچێستەر یوناید ژ قارەمانیا چامپیونیز لیگ دێ شێت پشکداری کەت یان نە ئەو چاڤەرێ راپورتا نوژداری یا یانێ یە .

ئەڤرۆ نیوز:
ماوێ زێدەتر ژ سالەکێ یە یانا ریال مەدرید بەردەوام یا بزاڤێن ئینانا ستێرا بەرنیاس یا بەلجیکی و یانا چێلسی ئایدین ھازارد کەت بوو ئیمزاکرنا ھەڤبەستا ئەوی یاریزانی ، رۆژنامەکا نێزیکی یانا ریال مەدرید دیارکریە ئەو یانە ل گەل چێلسی ل سەر ھەموو بەندێن ھەڤبەستێ رێککەفتی یە و چاڤەرێ دھێـتەکرن ل چەند رۆژێن بھێت ھەڤبەستا ئەوی یاریزانی ب فەرمی بھێتە راگەھاندن.
زێدەتر رۆژناما مارکا ئیسپانی دیارکریە یانا ریال مەدرید ل گەل ستێرا بەلجیکی و یانا چێلسی ل سەر ھەموو خالێن ھەڤبەستێ و موچەیێ سالانە رێککەفتی یە و ھەردیسان ل سەر ھەلوەشاندنا ھەڤبەستا ئەوی ژی ل گەل یانا چێلسی رێککەفتی یە و ئەو یاریزان دێ ل وەرزێ بھێت ب درێسێ یانا ریال مەدرید کەت .
زێدەتر ئەوێ رۆژنامێ ئاشکراکریە ژی چاڤەرێ دھێتەکرن ل حەفتیا بھێت ئەو یاریزان ل گەل خێزانا خوە سەرەدانا باژێرێ مەدرید بکەن بوو ھەلبژارتنا خانیێ خوە یێ نوو ل مەدرید .
ل دیڤ گوتنا رۆژناما مارکا ھازارد دێ موچەیەکێ ١٢ ملیون یورۆ یێ سالانە ژ یانا ریال مەدرید وەرگریت .

ئەڤرۆ نیوز:
راھێنەرێ فرەنسی و یانا ریال مەدرید زێدان حەفت یاریزان بوو یاریا ئەڤرۆ بەرامبەر ئیبار داخوازی پێکھاتیێ یانێ نەکرینە ژبەر چەند ئەگەرێن جودا جودا .
د بریارەکا نە چاڤەرێکری دا راھێنەرێ یانا ریال ھەر ئێک ژ کابتنێ یانێ سێرجیو راموس و ھێرشبەرێ وێ ینێ ماریانو دیاز داخوازی ڤێ یاریێ نەکرن ھەتا نوکە ئەگەرێن نە داخوازکرنا ئەوان ھەردوکان زێدان دیارنەکریە ھەردیسان مارسێلوی ژی ژبەر ئەگەرێ کارتێن زەر و ھەر ئێک ژ تیتو کورتوا و دانی کارڤاخال و مارکوس یورینتی و ڤینسیوس ژبەر ئەگەرێن ھنگافتنێ داخوازی ڤێ یاریێ نەکرینە .
ئەو یاریزانێن ھاتینە داخوازکرن بوو ڤێ یاریێ ھەر ئێک ژ یاریزانان
ناڤاس، لوکا زێدان، موحا واودریوزولا، ڤاران، ناچو، بابیخون، ریگیلون، کاسیمێرو، فیدی ڤالڤێردی ،کروس مودرێتچ ، سیبایوس، ئیسکو، ئەسینسیو، ئیبراھیم دیاز، ڤاسکێز بێل و کەریم بن زیما