ئەڤرۆ نیوز:
چاڤەرێ دھێتەکرن سوباھی ل یاریگەھا ئەلیانز ئارینا یا تایبەت ب یانا بایرن میونیخ ڤە مێڤانداریا یاریا ھەردو یانێن بایرن میونیخ و بروسیا دورتموند بکەت ژ چارچوڤێ یاریێن گەرا ٢٨ ژ خۆلا بوندس لیگا ئەلمانیا کو ئەڤ یاری یە دھێتە ھژمارتن ئێک ژ ب ھێزترین یاریێن ڤێ حەفتیێ ل سەر ئاستێ ھەر پێنچ خولێن مەزن ل ئورۆپا .
بروسیا دورتموند ئەوا نوکە ل سەرێ لیستەیا خولا ئەلمانیا دھێت ب ٦٣ خالان و بایرن میونیخ ب ٦١ خالان ل رێزا دوێ دھێت کو وەسا دھێتە پێشبینکرن یاریا دناڤبەرا ھەردو یانان دا ب دەست نیشانکرنا قارەمانا وەرزێ ئەڤ سالە کو نوکە خول بەر ب حەفتیێن دووماھیێ ڤە دچیت راھێنەرێ یانا بایرن میونیخ یێ کرواتی نیکو کوڤاتچ بەری ڤێ یاریێ د داخویانیەکێ دا دیارکر راستە نوکە بروسیا دورتموند د رەوشەکا باش دایە و ئاستێ ئەوان ل وەرزێ ئەڤ سالە ژ وەرزێ بوری یا چیاوازە لێ ژبیر نەکەن یانا بایرن میونیخ باشترینا ئەلمانیا یە و دبینت دەلیڤەیا ئەوان بوو یاریا سوباھی گەلەک باشترە بوو سەرکەفتنێ و یێ ب ئومێدە سوباھی دێ سەرکەفتنێ تومارکەن و سەرێ لیستەیا خولێ جارەکا دی ڤەگەرینە ڤە و پاراستنا ناسناڤێ خولێ بوو وەرزێ حەفتیێ ل دیڤ ئێک کەن.
ھەردیسان ناڤبری دیارکر ژی ھەڤرکا ئەوان نە تیمەکا ب سانەھی یە ژبەرکو ل وەرزێ ئەڤ سالە ئەوان ھەتا نوکە ئاستەکێ بلند پێشکێشکریە لێ ئەو دبینت شارەزایا یاریزانێن ئەوی دشێن خوە ژ رێیا ھەڤرکا خوە بروسیا دورتموند قورتال کەن ژبەرکو یاریزانێن ئەوی ڤێری ڤان جورە یاریان و کەشو ھەوایێ ڤان یاریان بوویە .
ھەژی گوتنێ یە ل یاریا ئێکێ ژ قوناغا ئێکێ خۆلا بوندس لیگا یانا بایرن میونیخ توشی خوسارەتیێ ببو ل گەل یانا بروسیا دورتموند ب ٢-٣ گولان .

ئەڤرۆ نیوز:
ھەردو جەمسەرێن باژێرێ مانچێستەر مان سیتی و مان یوناید ئارمانجا خوە کریە دو ستێرێن ئەتلەتیکو مەدرید بوو مێرکاتویا ھاڤینا بھێت .
رۆژنامەیێن برێتانی ئاشکراکرینە یانا مانچێستەر یوناید کەڤتیە د ھەڤرکیا ب ھێز دا ل گەل چەند یانێن دی ئورۆپی بوو دەستڤە ئینانا ستێرا ئەتلەتیکو مەدرید ساوول نیگویز ھەردیسان ئەوان رۆژناما ئاشکرا کریە ژی مان یوناید یا بەرھەڤە کوژمێ ١٢٨ ملیون یورۆیا پێشکێشی یانا ئەتلەتیکو مەدرید بکەت بوو دەستڤە ئینانا ساوول .

ژلایەکێ دیڤە راھێنەرێ ئیسپانی یانا مانچێستەر سیتی بەرپرسێن یانا خوە ئاگاداکرینە دەست ب دانوستاندنان بکەن بوو ئیمزاکرنا ھەڤبەستا یاریزانێ ھێلا ناڤینا ئیسپانی و یانا ئەتلەتیکو مەدرید رودرێگو ھێرنادیز ئەوێ ل وەرزێ ئەڤ سالە شیای ئاستەکێ بلند پێشکێش بکەت ل گەل یانا پایتەختێ ئیسپانیا .
یانا مانچێستەر سیتی کوژمێ ٧٠ ملیون یورۆ بوو دەستڤە ئینانا رودرێگوی بەرھەڤکرینە و دبیت ئەو ئەوی کوژمی زێدەتر ژی لێ بکەن ھەکە یانا ئەتلەتیکو رازی نەبوو .

ساوول

رودرێگو ھێرنادیز

ئەڤرۆ نیوز:
یانا یوڤانتوس یا ئیتالی ل سەر مالپەرێ خوە یێ فەرمی راگەھاند ئەوان ھەڤبەستا ھێرشبەرێ خوە یێ کرواتی ماریو ماندزوکیتچ درێژکر ھەتا دووماھیا وەرزێ ٢٠٢١ .
ھێرشبەرێ کرواتی ئەوێ ل وەرزێ ئەڤ سالە نەشیای ب دروستی دەرڤەتا خوە بینت وەکو وەرزێ بوری کو ل سەرجەمێ ١٢ یاریێن بوری دا بتنێ گولەک شیا توماربکەت لێ سەرکێشا خولا ئیتالیا ھەڤبەستا ئەوی درێژکر وەکو ھێرشبەرەکێ پێگوھور کو بریارە ھەڤبەستا ئەوی ل ھاڤینا بھێت ب دووماھیی بھێت و ھەڤبەستا ئەوی ھەتا درێژکرن بوو سالەکێ بتنێ .
ژلایەکێ دیڤە رۆژنامەیێن ئیتالی بەلاڤەکرینە چەندین ھەڤبەستێن باشتر ژ یێن نوکە ل بەر دەستێ ماریو کاندزوکیتچ نە ژ خۆلا چین لێ ئەوی یاریزانی حەزا مانێ بوو وەرزەکێ دی ژی ھەبوو ل یانا یوڤانتوس .

ئامادەکرن،ھەژار مەعروف:

ل سەر ئاستێ خولێن مەزن ل ئورۆپا حەفتی بوو حەفتیێ یاریێن وێ خولێ یێ بەر ب دووماھیێ ڤە دچن و ستێرا ئەرژەنتینی و یانا بەرشەلۆنا لیونێل میسی ھەتا نوکە ل سەرێ لیستا باشترینێن ئورۆپا دھێت بوو پشکداریا وی د تومارکرنا گولان دا .

میسی پشکداری د ٥٩ گولان دا ل وەرزێ ئەڤ سالە کریە د ھەموو ئەو قارەمانیێن تێدا پشکدار کو ٤١ گول تومارکرینە ل گەل ١٨ ئەسیست بوو ھەڤالێن خوە بەرھەڤکرینە.

ل رێزا دوێ ستێرا گەنچ یا فرەنسی و یانا پاریس سانجێرمان کلیان مباپێ دھێت ب ٥١ گولان کو ٣٦ گول تومارکرینە و ل گەل ١٥ ئەسیست.

 ل رێزا سیێ یاریزانێ پولەندی و یانا بایرن میونیخ لیڤاندوڤسکی ب ٤٢ گولان کو ٣٢ گول تومارکرینە ل گەل ١٠ ئەسیست

 ل رێزا چارێ یاریزانێ مانچێستەر سیتی رەحیم سترلینگ ٣٩ گولان کو ٢٥ گول ل گەل ١٤ ئەسیست 

ل رێزا پێنچێ یاریزانێ پاریس سانجێرمان و ھەلبژارتیێ بەرازیل نیمار پشکداری د ٣٨ گولان دا کریە و ٢٣ گول تومارکرینە و ١٥ ئەسیست  ئوگوێرو یاریزانێ مانچێستەر سیتی و ل رێزا شەشێ دھێت ٣٧ گولان کو ٢٩ گول تومارکرینە و ٨ ئەسیست.
یاریزانێ سیڤیلیا بن یادێر ل رێزا حەفتێ دھێت کو پشکداری ٣٦ گولان دا کریە ٢٨ گول ل گەل ٨ ئەسیست و یاریزانێ ئنگلیزی و یانا توتنھام ھاری کین ل رێزا ھەشتێ دھێت پشکداری ٣٥ گولان دا کریە کو ٢٧ گول ل گەل ٨ ئەسیست 

ستێرا پورتوگالی و یانا یوڤانتوس ل رێزا نەھێ دھێت کو پشکداری ٣٤ گولان دا کریە ٢٤ گول تومارکرینە و ل گەل ١٠ ئەسیست 

ل رێزا دەھێ یاریزانێ بەرشەلۆنا سوارێز ب ٣٤ گولان کو ٢٣ گول تومارکرینە ل گەل ١١ ئەسیست.

ل رێزا یازدێ یاریزانێ مسری و یانا لیڤەرپول محەمەد سەلاح دھێت ب ٣٤ گولان کو ٢٤ گول تومارکرینە و ل گەل ١٠ ئەسیست 

گرێزمان ل رێزا ١٢ دھێت ب پشکداریا ٣٤ گولان کو ٢٢ گول تومارکرینە ل گەل ١٢ ئەسیست 

ل رێزا ١٣ یاریزانێ ئەلمانی و یانا مانچێستەر سیتی سانی ب ٣٣ گولان کو ١٧ گول تومارکرینە و ١٦ ئەسیست

یاریزانێ بەلجیکی و یانا چێلسی ھازارد ل رێزا ١٤ دھێت ب پشکداریا ٣٣ گولان کو ٢١ گول تومارکرینە ل گەل ١٢ ئەسیست.

ئەڤرۆ نیوز:

رۆژنامەیێن نێزیکی یانا ریال مەدرید ئاشکراکر کرینە راھێنەرێ یانا ریال مەدرید زێدان بوو بەرپرسێن یانا ریال مەدرید دیارکریە ھەکە رافائێل ڤاران یێ رژد بیت ل سەر چوونا خوە ل پێکھاتیێ یانێ دبیت ئەو نەبیتە رێگر ل دووماھیێ ژبەرکو ھەکە یاریزان حەزا نەمانێ نەمبینت زێدان نابیتە رێگر ھەر چەندە زێدان ناخوازیت دەستا ژ ئەوی یاریزانی بەردەت .

ژلایەکێ دیڤە مالپەرێ بەرنیاس یێ فرەنسی لو ١٠ یێ فرەنسی بەلاڤەکریە زێدان بەرپرسێن یانا ریال مەدرید ئاگاداکرینە ھەکە ڤاران یێ رژد بیت ل سەر چوونا خوە پێدڤی یە یانە ل جھێ وی ب دەست ب لڤینا بکەن بوو رازیکرنا بەرەڤانێ ھولەندی و ستێرا ھێلا بەرەڤانیا ئەیاکس ئەمستردام ماتیاس دی لیگت .

زێدەتر ئەوی مالپەری دیارکریە ژی دەستڤە ئینانا ماتیاس دی لیگت بوو ریال مەدرید یا ب سانەھی نابیت ژبەرکو ھەر ئێک ژ یانێن بەرشەلۆنا و یوڤانتوس و بایرن میونیخ ھەڤرکیا دەستڤە ئینانا ئەوی یاریزانی دکەن تایبەت نوکە بوویە ئارمانجا سەرەکی یا بەرشەلۆنا لێ دبیت ریال مەدرید بشێت کوژمەکێ مەزنتر یێ پارەی ژ ھەر سێ یانێن دی پێشکێش بکەت ھەکە بەرەڤانێ خوە ڤاران فروت ژبەرکو دھێتە پێشبینی کرن کوژمەکێ مەزن یێ پارەی ریال یا مفاداربیت ژ فروتنا ڤاران.

ئەڤرۆ نیوز:
چاڤەرێ دھێتەکرن ل دووماھیا ھەیڤا بھێت یاریا دووماھیا قارەمانیا شاھێ ئیسپانیا دناڤبەرا ھەردو یانێن بەرشەلۆنا و ڤالنسیا ل یاریگەھا ڤیامارین بھێتەکرن کو ئەو یاری بریارە ل ٢٥-٥-٢٠١٩ بھێتەکرن .
رۆژنامەیێن ئیسپانی بەلاڤەکرینە بھایێ چونا پلێتا دناڤا یاریگەھێ دا بەر ب بلندبوونێ ڤە چوویە کو ژ ٥٥ یورۆیا بەر ب ١٥٥ یورۆیا چوویە و چاڤەرێ دھێتەکرن بەری ئەنجامدانا یاری ئەو ب چەند رۆژان بھایێ ئەوێ پلێتێ بلندتر ژی لێ بھێت