ئەڤرۆ نیوز:
ژێدەرەک ژ پارتی دیموکراتی کوردستان راگەهاند کو ل گەل ئێکەتیێ بۆ پێکئینانا کابینا نوو یا حوکمەتێ رێککەفتینە و دێ ئێکەتی ئەڤرۆکە پشکداریێ د کۆمبوونا پەرلەمانی دا کەت کو تایبەتە ل دۆر قانوونا کاراکرنا سەرۆکاتیا هەرێما کوردستانێ.
ل ئالیێ دی لەتیف شێخ عومەر پەیڤدارێ ئێکەتیێ ژی راگەهاند کو ل دۆر پێشنیازا دووماهیێ یا پارتیێ ئەم نها د کۆمبوونێ داینە و ئەنجامێ کۆمبوونێ ژی دلخوەشکەرن.
ئەڤرۆ نیوز:
ئەڤرۆ نیوز:
دادڤانێ بەرنیاس یێ ئنگلیزی مایک دین پشتی ل یاریا دوھی یا یانا مانچێستەر یوناید ل گەل ولڤرھامبتون کارەتەکا سور پێشکێشی یاریزانێ یانا مان یوناید ئاشی یونگ کری ئەو دادڤانان چو د مێژویا وێ خولێ دا بوو خودانێ پتر کارتێن سور د خۆلا ئنگلتەرا دا
مالپەرێ ئوپتا یێ تایبەت ب ئامارەیێن تەپا پێ یێن وەرزشی ڤە ئاشکراکریە پشتی کارتا سور یا دوھی دادڤانێ ئنگلیزی مایک دین پێشکێشی یاریزانێ مانچێستەر یوناید ئاشلی یونگ کری بوو دادڤانێ ئێکێ د مێژویا خۆلا ئنگلتەرا دا ١٠٠ کارتێن سور ل یاریێن وێ خولێ بدەتە یاریزانان .
ئەڤرۆ نیوز ، عەلی حاجی:
د داخویانیەکێ دا رێڤەبەرێ گەشەپێدانا جڤاکی ل زاخۆ بۆ ئەڤرۆ نیوز دیارکر سەرەرای ھەبونا دو سەنتەرێن ئەھلی تایبەت ب نەخوەشیا ئوتیزمێ ڤە ، لێَ پێدڤی ب ڤەکرنا سەنتەرەکێ حوکومی یێ تایبەتە.
زێدەتر ئەحمەد محەمەدی گوت: ئامارەکا ل بەر دەست د نوکە دا ٧٤ کەس توشبویێن ب نەخوشیا توتیزمێ ل رێڤەبەریا مە ھاتینە تومار کرن لێ رێژەیەکا زێدەتر یا توشبویان ب ڤی نەخوەشیێ ھەیە و لەورا دنوکە دا باژێرێ زاخۆ پێدڤی یەکا زور ب ڤەکرنا سەنتەرەکێ حکومی بو توشبوێن ڤێ نەخوەشیێ ھەیە ، قەیرانا دارایی کارتێکرنا خوە ھەبویە ل سەر نەڤەکرنا سەنتەرەکێ و ھەر دیسان ئەم چاڤەرێ نە باژێرڤانیا زاخۆ ئەردەکێ دابین بکەت بو ئاڤاکرنا سەنتەرەکێ ب ڤی رەنگی.
ئەڤرۆ نیوز:
ستێرا فرەنسی و یانا ئەرسینال یا بەری نوکە روبرت پیرس دیارکر وەلاتی یێ وی و ستێرا گەنچ یا پاریس سانجێرمان کیلیان مپابێ دێ ل نێزیک بیتە یاریزانێ یانا ریال مەدرید .
زێدەتر پیرس بۆ رۆژناما موندو دیپورتیڤ یا ئیسپانی ئاشکراکریە ئەو دبینت مباپێ یێ بەرھەڤە بوو چوونا یانا ریال مەدرید و ھەموو خالێن سەرکەفتنێ ل دەڤ ئەوی یاریزانی ھەنە وەکو ھەر ستێرەکا بەرنیاس بیت بوو چەندین سالان ل گەل وێ یانا مەلەکی و سەرکێشیا ئەوان بکەت بوو برنا ناسناڤێن نافخوی و ئورۆپی ژبەرکو نوکە د باشترین رەوشا خوە دایە ھەردیسان ل ماوێ چەند بھێت دێ پێشکەفتنەکا باشتر ب خوڤە بینت.
زێدەتر ئەوی یاریزانێ ئەرسینال دیارکر ژی ھەکە مباپێ ل ھاڤینا بھێت پەیوەندی ب یانا ریال مەدرید نەکر ئەو یێ باوەرە ل وەرزێ دیڤدا ئەو یاریزان ١٠٠% دێ بیتە یاریزانێ یانا ریال مەدرید ژبەرکو وێ یانێ و یاریزانی ژی حەز ل سەر ئێک ھەیە .
سەبارەت چوونا ریال مەدرید یان مانا وی ل پاریس باشترە ناڤبری دیارکر بێ گومان کرنا یاریێ ل یانەکا وەکو ریال مەدرید بوو وی یاریزانی دێ پتر دەلیڤە ھەبیت بشێت ھەڤرکیێ ل سەر باشترینێ جیھانێ بکەت و کرنا یاری ل یانەکا وەکو ریال مەدرید گەلەک یاریزان خەونا پێڤە دبینن.
ئەڤرۆ نیوز:
یانا بەرشەلۆنا بوو یاریا بھێت ژ گەرا ٣١ ژ شیانێن ستێرەکا خوە بێ باربوو پشتی وی یاریزانی ل یاریا شەڤا بوری کارەتەکا زەر وەرگرتی.
ئاردا ڤیدال پشتی ل دەقیقا ٧٧ ل یاریا شەڤا بوری بەرامبەر ڤیاریال کارەتەکا زەر وەرگرتی ب ڤێ چەندێ ئەو یاریزان ل یاریا بھێت یا یانا خوە بەرامبەر ئەتلەتیکو مەدرید نەشێت پشکداریێ بکەت ئەوا بریارە ل رۆژا شەمبیا بھێت ل یاریگەھا کامپ نوو بھێتەکرن.
ھەژی گوتنێ یە ل یاریا شەڤا بوری یانا بەرشەلۆنا ب کوتەکی خوە قورتالکر پشتی وەکھەڤبووی ب چار گولان کو بەرشەلۆنا پاشکەفتی بوو ھەتا خولەکا ٩٠ ب چار گولان بەرامبەر دو گولان و ل ٣ خولەکێن دەمێ زێدەکری شیا ب رێیا میسی و سوارێز دو گولان توماربکەت و یاری ب چار گولان وەکھەڤبکەن و سەرێ لیستا خولێ پاراست ب ٧٠ خالان و ئەتلەتیکو مەدرید ل رێزا دوێ دھێت ب ٦٢ خالان.
ئه‌ڤرۆ نیوز:
فه‌رهاد ئه‌مین ئه‌ترووشی پارێزگه‌رێ دهۆكێ ئه‌ڤرۆ پێشوازیا شانده‌كێ ده‌زگایێ KSA یێ ئه‌لمانی ب سه‌روكاتیا گریگور جیك سه‌روكێ ده‌زگایێ نافبری ل سوریێ و ئێراقێ كر.
د هه‌ڤدیتنه‌كێ دا به‌حسێ ره‌وشا ده‌ڤه‌رێ ژ هه‌می لایه‌كی ڤه هاته كرن و تایبه‌ت ره‌وش و سه‌روبه‌رێ ئاواره و په‌نابه‌را ل كه‌مپێن سنورێ پارێزگه‌ها دهوكێ هه‌روه‌سا داكوكی ل سه‌ر پتر موكم كرنا هه‌فاكریێ دنافبه‌را ده‌زگایێ نافبری و حكومه‌تا هه‌رێمێ دا هاته كرن ,پارێزگه‌رێ دهوكێ به‌رهه‌ڤیا كارگێریا پارێزگه‌هێ بو هه‌ر هاریكاری و هه‌فكاریه‌كا پێدڤی دوپاتكر و ده‌ست خوشی ل ده‌زگایێ KSA كر هه‌مبه‌ر ئه‌و كار وخزمه‌تێن ئه‌نجامده‌ن .
ژلایێ خوڤه شاندێ ده‌زگایێ نافبری ده‌ست خوشی ل كارگێریا پارێزگه‌هێ و جه‌نابێ پارێزگه‌ری كر بو وی كارێ ژ هه‌ژی یێ بو خزمه‌تكرنا ئاواره و په‌نابه‌را ل سالێن بوری ئه‌نجام دای .
هه‌ژی گوتنێ یه ده‌زگایێ نافبری سه‌ره‌دانا چه‌ندین ئاوارا و كه‌مپێن ئاوارا كر بو زانیبا ره‌وش و سه‌روبه‌ر و پێڤدیێن وان .
ئه‌ڤرۆ نیوز:
پشتی سستبونا قه‌یرانا دارایی یا هه‌رێما كه‌ردستانێ حكومه‌تا هه‌رێمێ ده‌ست ب به‌لافكرنا قه‌رێن به‌لێنده‌رێن هه‌رێمێ كر ئه‌وێن دوه‌ختی دا پروژه بجهئیناین و پارێ وان پروژا مای قه‌ر ل ده‌ف حكومه‌تێ.
د داخویانیه‌كێ دا ئوسمان یونس جێگرێ پارێزگه‌رێ دهوكێ بو كاروبارێن ته‌كنیكی دیار كو پشتی كێمبونا قه‌یرانا دارایی حكومه‌تا هه‌رێمێ پلان و به‌رنامه هه‌نه قه‌رێن پروژێن به‌لێنده‌را بده‌تێ . و گوت : ئه‌ڤه جارا پێنجێ یه حكومه‌ت قه‌رێن ده‌ڤه‌را شنگارێ خه‌رج دكه‌ت و بریاره ژ سبه‌هی 4-4-2019وێڤه ده‌ست ب به‌لافكرنا كوژمێ ئێك ملیار دینار ل سه‌ر به‌لێنده‌رێن پروژێن ده‌ڤه‌رێن ده‌رڤه‌ی ئیدارا هه‌رێمێ به‌لاف كه‌ت و هه‌ر كومپانیه‌كێ رێژا 16 % دهێته ته‌رخانكرن و 69 كومپانیا دێ مفاداربن .
هه‌روه‌سا جێگرێ پارێزگه‌رێ دهوكێ دیار كو به‌ری نوكه كوژمێ 2 ملیار دیناران بو قوتابخانێن ماینه نیڤه‌رو هاتنه ته‌رخانكرن ل ده‌ڤه‌را زاخو بو 5 قوتابخانا و ئه‌ف پروژه دێ هێنه ته‌مام كرن ,هه‌روه‌سا 8 قوتابخانێن دیژی ل سنورێ پارێزگه‌هێ ده‌ست پێهاتیه كرن و هه‌یڤانه 345 ملیون دینار بو ڤان قوتابخانا دهێنه خه‌رجكرن و كار پێ دهێته برێڤه برن و گوت : لبه‌ره 100 ملیار دینار بهێنه خه‌رج كرن بو هه‌رسێ پارێزگه‌هێن هه‌رێمێ و بیگومان دێ باهرا پتریا ڤی كوژمه‌ی بو پارێزگه‌ها دهوكێ بیت و ئه‌م وه‌كو پارێزگه‌ه دێ بزاڤێ كه‌ین كو به‌هرا پارێزگه‌ها دهوكێ ژ هه‌می پارێزگه‌ها پتر بیت و بریاره د هه‌فتیا بهێت دا ده‌ست ب به‌لافكرنا وان پارا ژی بیهێته كرن.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 3ى نيسانا 2019ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 100 دولارێ ئه‌مريكى | 120.100 دينار |
| 100 يۆرۆيێ ئه‌ورۆپى | 135.500 دينار |
| 100 ليرێ توركى | 21.500 دينار |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئەڤرۆ نیوز:
چاڤەرێ دھێتەکرن ئەڤ شەڤە یاریەکا گرنگ دناڤبەرا ھەردو یانێن سپورتینگ لەشبونا و بەنفیکا بھێتەکرن ژ چارچوڤێ یاریێن قوناغا پێش دووماھیا کاسا پورتوگال رۆژناما توتو سپورت یا ئیتالی ئاشکراکریە یانا یوڤانتوس بوو ڤێ یاریێ لژنەیەکا تایبەت ھنارتی یە وەلاتێ پورتوگال بوو دیتنا وێ یاریێ و چاڤدێریا سێ یاریزانێن ئەوان ھەردو یانان بۆ ھەلبژارتنا ئەوان بۆ مێرکاتویا ھاڤینا بھێت کو بۆ ماوەکی یە چاڤدێریا ئەوان یاریزانان بکەن .
ئەو ھەر سێ یاریزان ئەڤێن خوارێ نە
ھێرشبەرێ گەنچ یێ بەنفیکا جواو فیلیکس یێ ١٩ سالی ئەوێ ب کریستیانو رونالدو یێ نوو دھێتە ھژمارتن کو ئەڤ یاریزانە نوکە بوویە ئارمانجا زوربەیا یانێن مەزن ل ئورۆپا لێ ب رێیا رێڤەبەرێ رونالدوی کو خورخی مێندێز رێڤەبەرێ ئەوان ھەر سێ یاریزانانە ئەوێن ئەڤرۆ یوڤانتوس دێ چاڤدێریا ئەوان کەت یێ بزاڤێ دکەت ئەوان یاریزانان رازی بکەت و یانێن ئەوان بوو ئیمزاکرنا ھەڤبەستا یوڤانتوس، لێ ھاتنا جواو بوو یانا یوڤانتوس بەلکو یا ب سانەھی نەبیت ژبەرکو بھایێ ھەلوەشاندنا ھەڤبەستا ئەوی یاریزانێ ١٩ سالی ل گەل یانا بەنفیکا ١٢٠ ملیون یورۆنە ژبەر ئەو گرنگیا مەزن یا یانێن مانچێستەر یوناید و بایرن میونیخ و ریال مەدرید و بەرشەلۆنا ، ل وەرزێ ئەڤ سالە جواو فیلیکس یێ ١٩ پشکداری ٣٣ یاریان دا ل گەل بەنفیکا کریە و شیا ١٢ گولان توماربکەت کو ٢٢ یاری ژ ئەوان دخۆلا پورتوگال دابوون و رێژەیا مەزن یا گولێن وی ل خولا پورتوگال بوون ئەوژی شیا ١٠ گولان دخولا پورتوگال دا توماربکەت.
ھەردیسان یاریزانێ دوێ ئەوژی بەرەڤانێ یانا بەنفیکا روبن دیاز ھەکە یانا یوڤانتوس نەشیا د ھەڤبەستا بەرەڤانێ یانا ئەیاکس ماتیاس دی لگیت ب سەرنەکەڤت وی دەمی روبن دیاز دێ وەکو پێگوھور وی بیت بوو ئیمزاکرنا ھەڤبەستێ ھەر چەندە بھایێ ھەلوەشاندنا ڤی یاریزانێ ژی یێ ب سانەھی نابیت ژبەرکو چەند یانێن ئنگلیزی و ئیتالی حەزا ئیمزاکرنا ھەڤبەستا ئەوی یاریزانی ھەیە لێ دبیت بوو یانەکا وەکو یوڤانتوس یا ب زەحمەت نەبیت ژبەرکو بھایێ ھەلوەشاندنا روبن دیاز ٦٠ ملیون یورۆنە.
یاریزانێ ھێلا ناڤینا یانا سپورتینگ لەشبونا برونو فێرناندیز ئێک ژ بەربژارێن ب ھێزە یوڤانتوس ھەڤبەستێ ل گەل ئیمزا بکەت ل وەرزێ بھێت ژبەر ئەو ئاستێ بلند یێ ل وەرزێ ئەڤ سالە ل گەل یانا خوە دخۆلێن نافخوی و ئورۆپی دا پێشکێشکری کو ل سەرجەمێ ٤٤ یاریێن ئەڤ سالە ل گەل سپورتینگ لەشبونا شیا ٢٥ گولان توماربکەت و ١٤ گولان بوو ھەڤالێن خوە بەرھەڤبکەت ھەر چەندە نە ھێرشبەرە ژی وەکو یاریزانەکێ ھێلا ناڤین کو ٢٦ یاری ژ ئەوان ل خۆلا پورتوگال و ل سەرجەمێ تومارکرنا ئەوان ٢٥ گولێن ل وەرزێ ئەڤ سالە تومارکرین ١٤ گول دخۆلا پورتوگال دا بوون و ٣ د قارەمانیا یورۆپا لیگ دابوون لێ دبینت ھەڤرکیا ڤی یاریزانی ژ ھەر یاریزانەکێ دی بوو یوڤانتوس یا ب زەحمەتر بیت ژبەرکو دو یانێن مەزن ل ئنگلتەرا ھەڤرکیا یوڤانتوس دکەن بوو دەستڤە ئینانا ئەڤی یاریزانی کو بھایێ ھەلوەشاندنا ئەوی گەھشتی یە ١٠٠ ملیون یورۆیا .
نيشاندان