ئه‌ڤرۆ نيوز:
د ناڤبه‌را هه‌ردو باژێرێن شاهرود وئازاد شه‌هر ل باكوورێ رۆژهه‌لاتێ ئيرانێ چيايه‌ك دهه‌رفيت، به‌لێ چو زيانێن گيانى نه‌بوون.
نووترين نووچه
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
- سەرۆكێ هەرێما كوردستانێ و قونسلێ ئەلمانیا پێكئینانا حوكمەتا هەرێمێ گەنگەشەكر
- نێچیرڤان بارزانی پێشوازی ل قونسلێ مسرێ كر
- مەسرور بارزانی بۆ سۆدانی: پێدڤییە مووچە ژ ناكۆكییا سیاسی بهێتە دوورئێخستن
- گۆتن و کریارێن دەستهەلاتێ ل دۆر پرسا کوردی گەلەک ژێک دوورن
- سەرۆك بارزانی: دانیێل میتێران رۆلەكێ گەلەك مەزن د بەرگریكرنێ ژ دۆزا گەلێ كورد دا هەبوو
- نێچیرڤان بارزانی: پێکڤە دێ شێین روو ب روویێ گوهۆڕینا سەقای بین
- پێدڤییە سەرژمێری بۆ مەبەستێن سیاسی نەهێتە بكارئینان
سهرهكى Twitter
ره‌وشا سوباهى يا سه‌قاى ل پارێزگه‌ها دهۆكێ
ب ڤیدیو: میسی سەرکێشیا بەرشەلۆنا کر ل دێربیا کەتەلونیا
ئەڤرۆ نیوز:
بەری دەمەکێ کێم یانا بەرشەلۆنا ل ناڤ ئەرد و جەماوەری خوە شیا سەرکەفتنەکا گرنگ ل یاریا دێربیا کەتەلونیا ل سەر یانا ئیسپانیول توماربکەت ب دو گولان بێ بەرامبەر ژ چارچوڤێ یاریێن گەرا ٢٩ ژ خۆلا لالیگا ئیسپانیا .
ھەردو گولێن یانا بەرشەلۆنا ژلایێ ستێرا وێ یا ئەرژەنتینی لیونێل میسی ھاتنە تومارکرن ل دەقیقەیێن ٧١ و ٨٩ ژ یاریێ و ب ڤی ئەنجامی بەرشەلۆنا خالێن خوە گەھاندنە ٦٩ خالان و ب جوداھیا ١٣ خالان ژ ئەتلەتیکو مەدرید ئەوا بریارە پشتی چەند دەمژمێرێن دی یاریا خوە ئەنجام بدەت.
په‌روه‌رده‌كا هه‌رێمێ سوبه كره بهێنڤه‌دان
خواندنا ئێكێ بۆ راستڤه‌كرنا قانوونا سه‌رۆكاتیا هه‌رێمێ هاته كرن
ئه‌ڤرۆ نیوز:
په‌رله‌مانێ كوردستانێ د روونشتنا خوه یا ئه‌ڤرۆ دا خواندنا ئێكێ بۆ راستڤه‌كرنا قانوونا سه‌رۆكاتیا هه‌رێمێ كر و ل دووڤ دا پرۆژه قانوون ئاراسته‌ی لیژنا قانوونی یا په‌رله‌مانی هاته كرن.
ئومێد خۆشناو سه‌رۆكێ فراكسیۆنا پارتی دیمۆكراتی كوردستان ل په‌رله‌مانی د كۆنگره‌كێ رۆژنامه‌ڤانی دا راگه‌هاند، سه‌رۆكا په‌رله‌مانی داخوازا ژ لژنا قانوونی كری ب زووترین ده‌م ئاماده‌كاریان بكه‌ت و راپۆرتا خوه ل دۆر ڤێ پرۆژه قانوونێ به‌رهه‌ڤ بكه‌ت بۆ وێ چه‌ندێ خواندنا دویێ و سیێ بۆ بهێته كرن و گۆت:(فراكسیۆنا پارتی دوپاتیێ ل وێ چه‌ندێ دكه‌ت كو پرۆسا كاراكرنا ده‌زگه‌هێ سه‌رۆكاتیا هه‌رێمێ و شێوازێ هه‌لبژارتنا سه‌رۆكێ هه‌رێمێ پرۆسه‌كا نیتشیمانی یه و پێدڤیه ته‌ڤده‌نگیا نیشتیمانی ل سه‌ر بهێته دروستكرن و هه‌تا نوكه ژی 68 په‌رله‌مانتاران ئیمزا یا ل سه‌ر پرۆژه‌ی كری).
سه‌رۆكێ فراكسیۆنا پارتی ئاماژه ب وێ چه‌ندێ ژی دا كو هه‌تا نوكه چو فراكسیۆنان نه‌رازیبوونا خوه بۆ پرۆژه‌ی نیشا نه‌دایه، لێ هێشتا ده‌م یێ مای هه‌ر فراكسیۆنه‌كا سه‌رنج و تێبینی هه‌بن، دشێت د كۆمبوونا سوبه‌هی یا لژنا قانوونی دا به‌رچاڤ بكه‌ت.
ل دۆر پرسا جێگران، ئومێد خۆشناو ئاشكرا كر كو به‌حسێ جێگرێ ئێكێ و دویێ، یان ژی یێ سیێ د ناڤ قانوونا سه‌رۆكاتیا هه‌رێمێ دا نه‌هاتیه كرن.
٧٢ سال ل سەر سێدارەدانا پێشەوا قازی محەمەد دەرباز بوون
ئەڤرۆ نیوز:
پێشەوا قازی محەمەد سەرۆکێ ئێکەم کۆمارا کوردستانێ کو ل مهابادێ کۆمارا کوردستانێ ب فەرمی راگەهاند شیا کاریگەریەکا مەزن ل دیرۆکا کوردستانێ بکەت، لێ مخابن ژیێ کۆمارێ زێدە درێژ نەکر و ل ٣١ ئادارێ ل مەیدانا چار چرا ل جهێ کو کۆمارا کوردستانێ هاتبوو راگەهاند ژ ئالیێ رژێما شاهی یا ئیرانێ ل گەل چەندین هەڤالێن خوە هاتنە سێدارەدان.
رێبازا قازی محەمەدی هەر یا بەردەوامە، سلاڤ و رێز ل گیانێ پاک یێ شەهید پێشەوا قازی محەمەد و هەموو شەهیدێن کورد و کوردستانێ بن.
ستونێن کارەبێ ژ لوفێن زرێزەی دھێنە ڤەگوھاستن
ئەڤرۆ نیوز، عەلی حاجی :
ژبەر تێکچوونا لوفێن جاددەیا زرێزە یا سەر ب ناحیا باتیفا ڤە و مەترسیا کەفتنا ستونێن کارەبا وێ جاددەیێ دروست بویی، بنگەھێ سەخبێریا کارەبا باتیفا مژوولی گوھۆرینا پشکەکا ستونێن کارەبێ یە.
سەلیم سەعید بەرپرسێ بنگەھێ سەخبێریا کارەبا باتیفا بۆ ئەڤرۆ نیۆز گۆت: ژبەر تێکچوونا جاددەیا سەرەکی یا لوفێن زرێزە ب درێژاھیا ھزار مەتران ئەم مژوولی راکرنا ستونێن کارەبێ نە کو دکەڤنە سەر وێ جاددەیێ و دووبارە ئەو ستون یێ دھێنە ڤەگوھساتن بۆ لایێ دی یێ جاددێ ژبەر کو ئەو جاددەیە روژانە ئاخا وێ دچیتە خار ژ ئەگەری باران بارینا زێدە ل وێ دەڤەرێ.
ناڤھاتی زێدەتر گوت : ئەڤ کارە ژبەر کو گرێدای سلامەتیا گیانێ ھاولاتیانە لەورا ئەڤرۆ رۆژا شەمبی کو بھێنڤەدانە لێ مە بریار دا کار بکەین.
شامێ هەتا نها بەرسڤا رێڤەبەریا خوەسەر نەدایە
ئەڤرۆ نیوز:
چاڤدێرەکێ سیاسی یێ رۆژئاڤایێ کوردستانێ بۆ ئەڤرۆ نیوز دیار کر کو رێڤەبەریا خوەسەر یا رۆژئاڤایێ کوردستانێ بەری نها ب ناڤبژیڤانیا روسیا پرۆژەیەک بۆ چارەسەریا قەیرانا سووریێ و پەیوەندیێن شامێ و کوردان پێشکێشی حوکمەتا سووریێ کریە لێ هەتا نها شامێ بەرسڤا کوردان نەدایە.
ل ئالیێ دی مەنسور سەلوم هەڤسەرۆکێ رێڤەبەریا خوەسەر یا رۆژئاڤایێ کوردستانێ ژی ئەڤ زانیاریە پشتراستکر و راگەهاند کو هەتا نها شامێ بەرسڤا پرۆژێ مە بۆ چارەسەریێ نەدایە.
ھەڤرکیا میلان و ئەنترمیلانە بۆ ئیمزاکرنا ھەڤبەستا کونتی
ئەڤرۆ نیوز:
رۆژنامەیێن ئیتالی ئەڤرۆ رۆژا شەمبی دەرکەفتین بەحس ل ھەڤرکیا ھەردو یانێن میلان و ئەنترمیلان دکەن بۆ ئینانا راھێنەرێ ئیتالی ئەنتونیو کونتی.
نوکە کونتی یێ ئازادە ھەر یانەکا وی دڤێت بچیت تنێ چەند کێشەیێن گرێدای مافێن وی دگەل یانا چێلسی یا ئنگلیزی ماینە پشتی ژ ئەرکێ وێ ھاتیە دورخستن.
رۆژناما لیبیرو یا ئیتالی دیارکریە ئەنترمیلان حەزدکەت ھەڤبەستێ دگەل راھێنەرێ ئیتالی ئەنتونیو کونتی ئیمزا بکەت بۆ سەرپەرشتیا تیما ئێکێ ل وەرزێ بھێت، بەرامبەر یانا میلان ژی کەفتیە د ھەڤرکیا جیرانا خوە ئەنتر دا بۆ ئینانا ڤی راھێنەری پشتی خوسارەتیا یاریا بوری دگەل یانا ئەنترمیلان بوویە ئەگەر کارگێریا یانا میلان ل شوینگرەکی بگەریت ل جھێ گاتوزی کو ڤی راھێنەری ژی بەری نوکە رەخنە ل رێڤەبەرێ وەرزشی یێ یانا خوە میلان لیوناردوی کربوون کو دروست پشتەڤانیا وی ناکەت تایبەت بۆ ئینانا یاریزانێن باش.
ئەردۆگان: پشتی هەلبژارتنان دێ پرسا سووریێ چارە کەین
ئەڤرۆ نیوز:
سەرۆک کۆمارێ تورکیا راگەهاند کو پشتی هەلبژارتنێن باژێرڤانیان ل تورکیا دێ پرسا سووریێ ل مەیدانێ دا چارە کەن و گۆت: (ئەم پرسا سووریێ ل سەر مێزا دانوستاندنان چارە ناکەین بەلکو دێ ل سەر ئەردی چارە کەین).
سەرۆک کۆمارێ تورکیا ئەو یەک ژی دیار کر کو هەتا نها مە گەلەک هاریکاریا خەلکێ سووریێ کریە و دێ هاریکاریا مە بۆ خەلکێ وی وەلاتی د بەردەوام بن.
نيشاندان
WP Facebook Auto Publish Powered By : XYZScripts.com