ئەڤرۆ نیوز، نەوزاد ھلۆری:

بەری دەمەکێ ئەڤرۆ تیمێن نقومڤان و بەرگریا شارستانی ل سوران تەرمێ وەلاتەکی ل رووبارێ زێ مەزن ل نێزیک رێزان ھاتە دیتن، بەرگریا شارستانی ل سوران ژی دیارکر کو گومان دھێتەکرن ئێک ژ شەھیدێن بوردومانا فروکێن تورکیا بیت ل دێرەلوک.

عیماد رێکانی، بەرپرسێ بەرەڤانیا باژێری ل سوران بو ئەڤرۆ نیوز گۆت: ئێڤاریا ئەڤرۆ تەرمێ وەلاتیەکێ نە ناسیار ل رووبارێ زێ مەزن ل نێزیک رێزان د ئاڤێ دا ھاتە دیتن و تيمێن بەرەڤانیا باژێری ل بلێ ھاتیە دەرئینان و رەوانەیێ نەخوشخانا گشتی یا بلێ ھاتیەکرن.

زێدەتر گۆت: ھەتا نوکە ناھێتە زانین کا ئەو تەرمە کی یە، لێ مە داخوازی ل کەس و کارێن شەھیدێن بوردومانا دێرەلوکێ کریە کو بھێن بەلکی ئێک ژ وان بیت ئەوێن کو ھاتینە شەھیدکرن، ئەگەر ئەو نەبوون دێ رەوانەیێ ھەولێرێ ھێنەکرن داکو ناسناما وی بھێتە زانین.

شێخان، بارزان مزووری:
ئەڤرۆ نیڤرۆ رۆژا دوشەمبی ٤-٢-٢٠١٩ د چەند رێورەسمێن تایبەت ب ئیزدیان ڤە ل شێخان پێشوازی ل تەرمێ میر تەحسین بەگ میرێ ئێزدیان ل عیراقێ و جیھانێ ھاتە کرن و بریارە سوبەھی ل باخچێ مالا وی دا بھێتە ڤەشارتن و تازیا وی ژی دێ ل ھولا بابا شێخ ھێتە دانان.

میر تەحسین بەگ ل ٢٨/١/٢٠١٩ ل باژێرێ ھانوڤەر یێ ئەلمانی ژ ئەگەرێ نەخوشیێ گیانێ خوە ژ دەستدابوو.

ئه‌ڤرۆ نیوز، نه‌وزاد هلۆرى:

رێكخراوه‌كا كوردستانێ د نووترین پرۆژه‌ دا، كار ل سه‌ر پاراستنا شینوارێن هه‌رێما كوردستانێ دكه‌ت و بو ئێكه‌مین جار ژى ژ هشیاریا جڤاكى و زارۆیان ده‌ست پێ كر.

سارا سه‌ردار سه‌رۆكا رێكخراوا كه‌ونار بۆ پاراستنا شینواران بۆ ئه‌ڤرۆ نیوز گۆت: (پاراستنا شینوارێن هه‌رێمى كوردستانێ ئه‌ركه‌كێ نه‌ته‌وه‌ى و نیشتمانى یه‌ و پێدڤى یه‌ هه‌ر ئێك ژلایێ خوڤه‌ گرنگیێ پێ بده‌ت، ژبه‌رڤێ رێكخراوا مه‌ ژى هه‌ست ب ئه‌وێ به‌رپرسیاره‌تیێ كر و پرۆژه‌كێ نوو راگه‌هاند بو پاراستنا شینواران، ئێكه‌مین جار ژ زاروكان مه‌ ده‌ست پێ كر داكو ل ئاینده‌ ئه‌و زاروك بشێن به‌رپرسیاره‌تیا پاراستنا شینواران ب ستویێ خوڤه‌ بگرن).

زێده‌تر گۆت: (پرۆژێ مه‌ بناڤێ چێرۆكێن شینوارایه‌ و ئه‌ڤ رێكخراوه‌ ب رێیا چێروككرنا شینوارێن كوردستانێ بو زاروكان رون دكه‌ت، ئێكه‌مین رۆژ ژ كه‌لها هه‌ولێرێ ده‌ست پێ كر و تێدا 30 زاروك پشكداربوون، ئه‌ڤه‌ زێده‌بارى چه‌ندین ئاموژگارى و رێنمایى و پێزانین بو وان زاروكان لسه‌ر گرنگى و ستراتیجیه‌تا شینواران رو نكرن).

ناڤبرى دیاركر ژى كو پرۆژێ وان دێ سه‌رانسه‌رێ هه‌رێما كوردستانێ بخوڤه‌ گریت و زێده‌تر گۆت: (ب گوره‌ى شیانێن خوه‌ دێ ل هه‌موو ده‌ڤه‌ر و باژێرێن هه‌رێما كوردستانێ گه‌ریێن و شینوارێن وان مینا چێروك بو زاروكان رون كه‌ین، شینوارێن پارێزگه‌ها دهۆك ژى دێ ئێك ژ وان به‌رنامێن مه‌دا بیت، ژبلى پرۆژه‌ و به‌رنامه‌ بو زاروكان دهه‌مان ده‌م دا پرۆژه‌ بو مه‌زنان و هه‌موو پێكهاته‌یێن جڤاكى ژى هه‌یه‌ و كارێ مه‌ دێ زێده‌تر ناساندن و هوشیارى بیت بو پاراستنا شینواران).

دهێته‌ زانین كو كه‌ونار رێكخراوه‌كا نه‌ حكوومى یه‌ و 23 ئیلونا 2018 هاتیه‌ دامه‌زراندن و باره‌گایێ سه‌ره‌كى دكه‌ڤیته‌ هه‌ولێرێ.

ئەڤرۆ نیوز، نەوزاد هلوری:

عومەر برادوستی وەلاتیەکێ نێزیک سنوورێ روژهەلاتێ کوردستانێ یە دیارکر کو شەڤا بوری وەلاتیەکێ روژهەلاتێ کوردستانێ ل سنوورێ باشوورێ کوردستان و قەز چومان دناڤبەرا حاجی ئومەران و باژێرێ پیران شار دکەڤیتە سەر مینەکا چاندی و د ئەنجام دا پێیەکێ خوە ژ دەست دا.

زێدەتر گوت: (ئەو وەلاتی خەلکێ روژهەلاتێ کوردستان و پیران شارە و کرێکارە و ناڤێ وی غەفور هەمزەیە و ژیێ وی 47 سالە، دخواست ب رێیا قاچاغ زڤریتە مال، زێدەباری کو هندەک کەسان ئەو گەهانیە نەخوشخانا چومان و چارەسەریا وی هاتیەکرن، بەلێ پیێ وی ژبەر مینێ لێڤەبویە، دیسان دەستێ وی ژی برینداربوویە).