ئەڤرۆ نیوز ، عەلی حاجی :

رێڤەبەرێ گەشت و گوزارێ ل زاخۆ بۆ ئەڤرۆ نیوز دیارکر پێشبینی دکەن د ئەڤ سالە دا ھاتنا رێژەیا گەشتیاران بۆ باژێرێ زاخۆ زێدەتر بیت ژبەر کو خودانا زورترین جھێن گەشتیاری یە ل سەر ئاستێ پارێزگەھێ و کەرتێ گەشتیاری ل باژێرێ زاخۆ باشتر بیت د ئەڤ سالە دا.

زێدەتر چیا ئەمین زێدەتر گوت : ل سالا ٢٠١٣ ھەتا ١٢٠ ھزار گەشتیاران قەستا باژێرێ زاخۆ کر بو ، لێ د چار سالێن قەیرانێ دا و ژ ئەگەرێ ھەبوونا رێکخراوا تیروریستیا داعش رێژەیا ھاتنا گەشتیاران بۆ قەزا زاخۆ گەلەک کێم ببو و لەورا ئەم پێشبینی دکەین د ئەڤ سالە دا ھاتنا گەشتیاران بۆ زاخۆ بگەھیتە ١٨٠ ھزاران و ئەڤ چەندە ژی دێ بیتە ئەگەر کەرتێ گەشتیاری بیتە سەرچاوەیێ داھاتەکێ باش بۆ وەلاتی و حکومەتا ھەرێما کوردستانێ.

ناڤھاتی ئەو چەندە ژی دیار کر د ئەڤ سالە دا نەبتنێ بەراوردی دگەل ٥ سالان بەلکو بەراوردی ھەر ژ سالا ٢٠١٠ ھەتا نوکە رێژەیا گەتشیاران زێدەتر بیت و ب رێژەیا ٢٠ ھەتا ٢٥% رێژەیا زێدەتر بیت و ئەڤ چەندە ژی رێژەیەکا باشە بو باشتر کرنا کەرتێ گەشتیاری و ئەم چاڤەرێ پێکئینانا حکومەتا نوو یا کوردستانێ نە پێخەمەتی وێ چەندێ کەرتێ گەشتیاری بھێتە خورت کرن و جھێن خزمەت گوزاری زێدەتر لێبکەین.

ئەڤرۆ نیوز ، عەلی حاجی :
د داخویانیەکێ دا برێکارێ سەرۆکێ باژێرڤانیا زاخۆ بۆ ئەڤرۆ نیوز دیار کر ژبەر نەبوونا باغچەکی د ناڤبەرا تاخێ شوقا و دەڤەرا پێشەسازی دا باژێرڤانیا زاخۆ دێ کار ل سەر دورست کرنا باغچەیەکێ کەت دا کو ئەو پیساتیا ل دەڤەرا پێشەسازی دا ھەی کارتێکرنێ ل ئاکنجیێن وی تاخی نەکەت.
ئەندازیار دیندار سالم زێدەتر گۆت : دناڤبەرا تاخێ شوقا و دەڤەرا پێشەسازی دا ل زاخۆ عەرەدەکێ باش ھەبو لەورا مە ھزر ل دروست کرنا باغچەیەکێ دناڤبەرا وی تاخی و دەڤەرا پێشەسازی دا کری یە ، لێ ١٠ خانیێن زێدەگاڤی ل سەر وی عەردی ھات بونە ئاڤا کرن ، خوەش بەختانە مە شیا خودانێن وان خانیان ب پارچە زەڤیەکا ٢٠٠ مەتری قەرەبو بکەین.
بتنێ ھندەک مالیدەێن کارەبێ ماینە و جھەک ژی بۆ وان ھاتیە دەست نیشان کرن و پشتی راکرنا وان ئێکسەر دێ دەست ب دروست کرنا وی باغچەی ھێتە کرن .
ناڤھاتی زێدەتر گوت : ئاڤاکرنا وی باغچەیی دێ ل سەر روبەرێ ٧ھزار مەترێن دووجارکی بیت ، ژبەر کو ئەو پارچە زەڤە ژبەری نوکە ببو جھێ پیساتیێ و بو خەلکێ دەوروبەر ژی ببو جھێ نەرەحەتیێ پشتی ئاڤاکرنا وێ باغچەیی دێ جوانیەکا دیتر دەتە وی تاخی و ھەر دیسان ھەتا رادەیەکێ باش ژی دێ رێگریێ ل دیکێلا تاخێ پێشەسازی کەت بو وەلاتیێن ئاکنجی ل وی تاخی و ئەڤ کارە ژی دێ ژلایێ باژێرڤانیا زاخۆ ڤە ھێتە جێبەجێ کرن.