ئه‌ڤرۆ نیوز:
محه‌مه‌د ئه‌مین هه‌ورامانی په‌یڤدارێ وه‌زاره‌تا كاره‌با حوكمه‌تا هه‌رێما كوردستانێ راگه‌هاند, كار ل سه‌ر وێ چه‌ندێ هاتیه كرن كو رێژا كاره‌با نیشتمانی یا پێدڤی بۆ وه‌لاتیان بهێته دابینكرن.
هه‌ورامانی ئاشكرا ژی كر كو پشتی ده‌ربازبوونا وێ پێلا سه‌رمایێ، ره‌وشا كاره‌بێ به‌ر ب باشتر ڤه دچیت و بزاڤ دهێته كرن هه‌تا هه‌یڤا نیسانێ رۆژانه 20 ده‌مژمێران كاره‌با نیشتمانی بۆ وه‌لاتیان بهێته دان.
ئەڤرۆ نیوز:
چاڤەرێ دھێتەکرن ئەڤرۆ و ئەڤ شەڤە چەندین یاریێن نیڤدەولی ل سەر ئاستێ ھەلبژارتیا بھێنەکرن .
ژ چارچوڤێ ڤاڤارتنێن قارەمانیا نەتەوێن ئورۆپا یا ٢٠٢٠
یاریێن دەمژمێر ١٠:٤٥ ئەڤ شەڤە
سویسرا – دانیمارک
ئیرلەندا – جورجیا
ئیتالیا – لیشتنشتاین
بوسنا و ھەرسینک – یونان
مالتا – ئیسپانیا
نەرویج – سوید
رومانیا- گزیرتا فاروە
بتنێ یاریا فلەندا ل گەل ئەرمینیا دێ ل دەمژمێر ٨:٠٠ شەڤ ھێتە کرن
یاریێن ھەڤالینی
عیراق – ئوردون دەمژمێر ٦:٠٠ پشتی مەغرەب ژ قارەمانیا ئاشتی یا ھەڤالینی
ژاپون – بولیفیا دەمژمێر ١:٣٠ نیڤرۆ
کوریا باشور -کولومبیا دەمژمێر ٢:٠٠ پشتی نیڤرۆ
ئیمارات- سوریا ٤:٠٠ ئێڤاری
نێچیریا – میسر دەمژمێر ٦:٠٠ پشتی مەغرەب
مەغرەب – ئەرژەنتین دەمژمێر ١٠:٠٠ شەڤ
یاریێن ١٠:٤٥
تشیک- بەرازیل
جەزائێر- تونس
ئەمریکا – چیلی
بارگوای – مەکسیک
یاریێن ڤاڤارتنێن دەربازبوونێ بوو ئولومپیاتێن ئاسیا ٢٠٢٠
کوریا باشور – ئوسترالیا دەمژمێر ١:٠٠ نیڤرۆ
تورکمانستان و یەمەن دەمژمێر ٢:١٥ نیڤرۆ
ژاپورن- مانیمار دەمژمێر دەمژمێر ٢:٣٠ پشتی نیڤرۆ
مالیزیا – چین دەمژمێر ٣:٤٥ ئێڤاری
ئیران – عیراق دەمژمێر ٥:٤٥ پشتی ئێڤاری
ئوردون – سوریا دەمژمێر ٥:٤٥ پشتی ئێڤاری
قەتەر – عمان دەمژمێر ٧:٠٠ پشتی مەغرەب
فەلەستین- بەحرێن دەمژمێر ٧:٠٠ پشتی مەغرەب
سعودی – ئیمارات دەمژمێر ٨:٢٥ شەڤ
ئەڤرۆ نیوز:
پشتی ل شەڤا بوری ستێرا پورتوگالی و یانا یوڤانتوس یا ئیتالی کریستیانو رونالدو توشی ھنگافتنەکێ بووی ل ھەلبژارتیێ وەلاتێ خوە ل گەل ھەلبژارتیێ سربیا ژ چارچوڤێ ڤاڤارتنێن دەربازبوونێ بوو قارەمانیا ئورۆپا ٢٠٢٠ راپورتا نوژداری یا ھەلبژارتیێ پورتوگال ماوێ دورکەفتنا ھنگافتنا وی یاریزانێ ناڤبری ئاشکراکریە.
رۆژناما مارکا ئاشکراکریە ل دیڤ راپورتا نوژداری یا ھەلبژارتیێ پورتوگال رونالدو بۆ ماوێ دو حەفتیان دێ ژ یاریگەھێن تەپا پێ دورکەڤیت ژبەر ئەو ھنگافتنا ل شەڤا بوری توش بوویێ کو زیان گەھشتی یە وی یاریزانی ل چوکێ وی ژ لایێ ماسولکەیێن چوکێ وی و ب ڤێ چەندێ رۆنالدو بۆ یاریا ئێکێ ژ قارەمانیا چامپیونیز لیگ یا یوڤانتوس بەرامبەر ئەیاکس نەشێت پشکداری بکەت د وێ یاریێ دا.
ھەردیسان ئەوێ رۆژنامێ ئاشکراکریە ژی بوو جارا ئێکێ یە رونالدو توشی ڤێ ھنگافتنێ دبیت و ل دیڤ گوتنا راپورتا نوژداری ل ھەلبژارتیێ پورتوگال ئەردێ یاریگەھێ ئەگەرێ ھنگافتنا رونالدوی بوو.
ھەژی گوتنێ یە رونالدو ل دەقیقا ٢٨ ل یاریا پورتوگال لگەل سربیا توشی وێ ھنگافتنێ ببوو.
ئه‌ڤرۆ نيوز:
پشتی کو بڕیارا ھایتە دان، فیستەڤالا ھەلبەست خواندنا ئەڤ سالە یا باژێرێ (ھیت) یا سەر ب پارێزگەھا ئەنبارێ ڤە بھێتە ئەنجامدان، پێشنیاز ھاتیە کرن ھەلبەستڤانێ کورد عەدنان رێکانی د بەرنامێ وێ ڤیستەڤالێ دا بھێتە خەلاتکرن.
ھەلبەستڤانێ ناڤبری تایبەت بۆ ئەڤرۆ نیۆز راگەھاند، دلخۆشم بۆ ڤێ پێشنیازا ھاتیە کرن، زێدەباری پشکداریا د ڤیستەڤالا سالانەیا باژێرێ (ھیت) دا ل ژێریا عیراقێ، ھەلبەت ڤیستەڤالا رەوشەنبیری و ھەلبەست خواندنا سالانە یا گەرا سیێ یە دێ رێککەفتی 28 ،29 ،30/3/2019 دھێتە کرن، ئەم وەک نوونەرێن پارێزگەھا دھوکێ ھاتیە دخوازکرن، و ھەلبەستڤانەک ل پارێزگەھا سلێمانیێ و ئێک ژ خانەقین، ئانکو بتنێ سێ ھەلبەستڤانێن کورد ل سەرانسەری ھەرێما کوردستانێ دێ پشکداریێ دۆی ڤیستەڤالێ دا کەن.
ئه‌ڤرۆ نیوز:
ل دووڤ ژێده‌ره‌كێ ژ وه‌زاره‌تا دارایى یا حوكمه‌تا هه‌رێما كوردستانێ ل نێزیك دێ ده‌ست ب پله‌بلندكرنا فه‌رمانبه‌ران هێته كرن ب تنێ فه‌رمانا سه‌رۆكێ حوكمه‌تێ مایه.
ل دووڤ ژێده‌رى، پشتى كو رێڤه‌به‌ریا میلاكاتا ل وه‌زاره‌تا دارایى و ئابوورى دووماهى راپۆرتا خوه سه‌باره‌ت پله‌بلندكرنێ ئاراسته‌ى وه‌زیرێ دارایى كرى، وه‌زیرى ژى ب نڤێسار ئاراسته‌ى ئه‌نجومه‌نێ وه‌زیران كریه و بڕیاره ل ده‌مه‌كێ نێزیك ده‌ست ب پله‌بلندكرنا فه‌رمانبه‌ران بهێته كرن و ل دووڤ پێزانینان ب تنێ دێ پله‌بلندكرن ژ وان فه‌رمانبه‌ران گریت یێن پله‌یێن وان د ناڤبه‌را 6 بۆ 10 ێ دا.
وه‌زاره‌تا دارایى و ئابوورى ل دووڤ رێنمایێن ژماره 25 یا سالا 2016 ێ، هه‌موو پله‌بلندكرنه‌كا ( ته‌رفیع) فه‌رمانبه‌رێن راژا شارستانى و سه‌ربازى راگرتبوو.
ئه‌ڤرۆ نیوز، زنار تۆڤى:
دیار ته‌یب ئه‌ندامێ په‌رله‌مانێ عیراقێ ل سه‌ر فراكسیۆنا پارتى دیموكراتى كوردستان، ئه‌و ده‌نگۆیه ره‌تكرن یێن كو دبێژن حوكمه‌تا عیراقێ مووچێ فه‌رمانبه‌رێن هه‌رێمێ ناهنێریت و د دیداره‌كێ دا بۆ ئه‌ڤرۆ نیوز گۆت: ب تنێ ئه‌ڤ گۆتنه د راگه‌هاندنێ دا دهێنه به‌حسكرن و وه‌كو دى ڤان گۆتنان چو بنه‌مایێن راست و دروست نینن، هه‌روه‌سا هه‌تا نوكه حوكمه‌تا هه‌رێما كوردستانێ یا پێگیره ب وێ رێككه‌فتنا د ناڤبه‌را به‌غدا و هه‌ولێرێ دا هاتیه كرن، لێ ئاریشا سه‌ره‌كى ئه‌وه، كو هه‌تا نوكه هێشتا حوكمه‌تا نوو یا هه‌رێما كوردستانێ نه هاتیه پێكئینان، ژ پێخه‌مه‌ت بشێت رێككه‌فتنێن دروست ل گه‌ل حوكمه‌تا به‌غدا بكه‌ت و پێگیریێ ژى پێ بكه‌ت، چونكى حوكمه‌تا نوكه نه‌شێت گه‌له‌ك بریاران بده‌ت، له‌وما د نوكه دا پارتى دیموكراتى كوردستان یا له‌زێ دكه‌ت، داكو كابینا نوو یا حوكمه‌تێ بهێته پێكئینان.
زێده‌تر گۆت: هه‌كه هه‌رێم په‌ترۆلێ ژى راده‌ستى سومۆ نه‌كه‌ت، دێ هه‌ر حوكمه‌تا عیراقێ وێ پشكا هه‌رێمێ ژ مووچه‌یان ڤرێكه‌ت، یاكو د پرۆژه قانونا بوودجێ عیراقێ دا هاتیه په‌سه‌ند كرن، له‌وما ئه‌و گۆتنێن په‌رله‌مانتارا ئێكه‌تیێ گۆتین، چو بنه‌ما ژ بۆ نینه، هه‌روه‌سا پشتى هنده‌ك به‌رپرسێن پارتى گۆتین، كو هه‌كه ئێكه‌تى پشكداریێ د راستڤه‌كرنا پرۆژه قانوونا سه‌رۆكێ هه‌رێمێ دا نه‌كه‌ت، ئه‌م دێ شێین بێى ئێكه‌تیێ ژى وێ قانوونێ راستڤه‌كه‌ین، له‌وما وان ژى بزاڤكریه كو ب رێیا راگه‌هاندنێ ڤان جۆره داخویانیان بده‌ن، ژ پێخه‌مه‌ت ب رێیا جادێ فشاره‌كێ بێخیته سه‌ر پارتى، چونكى دناڤا په‌رله‌مانێ عیراقێ دا چو بابه‌تێن ب ڤى ره‌نگى نه‌هاتینه به‌حسكرن، كو دێ مووچێ فه‌رمانبه‌رێن هه‌رێمێ ژ لايێ حوكمه‌تا به‌غدا ڤه هێنه برین، هه‌روه‌سا هنارتنا مووچه‌ى ژ لايێ حوكمه‌تا عیراقێ ڤه ناهێته راگرتن.
ئه‌ڤرۆ نيوز:
وه‌زاره‌تا دارايى وئابوورى ل هه‌رێما كوردستانێ نڤيساره‌كێ ئاراسته‌ى وه‌زاره‌تان وفه‌رمانگه‌هان دكه‌ت وتێدا هوشداريێ دده‌ته وان فه‌رمانبه‌ر ومامۆستايان ئه‌وێن بووينه كه‌فيلێن وه‌لاتيان بۆ وه‌رگرتنا سولفا هه‌ڤژينيێ وداخوازێ ژێ دكه‌ت ب زووترين ده‌م كه‌فيل وان وه‌لاتيان بووينه كه‌فيلێن وان ئاگه‌هدار بكه‌ن تاكو سه‌ره‌دانا گه‌نجينان بكه‌ن ژبۆ دانا قستێ سولفێ.
ل دووڤ وێ نڤيسارا وه‌زاره‌تا دارايى وئابوورى” هه‌كه قست نهێنه دان، دێ مووچێ كه‌فيلان بۆ ده‌مێ سێ هه‌يڤان هێنه راگرتن، يان تاكو تمامبوونا پشكا قه‌رێ، هه‌يڤانه 180 هزار دينار ژ مووچێ كه‌فيلێ دێ هێته برين”.
ئەڤرۆ نیوز:
ل گۆر قانوونەکا نوو ل ئەلمانیا دێ مەها ٤ یا ئەڤسالە مووچێ سەرۆک کۆمار، سەرۆک وەزیران، وەزیر و ئەندامێن پەرلەمانێ ب رێژا ٠٩/٣% هێتە زێدەکرن و ل گۆر ڤێ قانوونێ دێ مووچێ ئەنجێلا مێرکەل شیرەتکارا ئەلمانیا ٦٠٠ یورۆ هێتە زێدەکرن.
مووچێ مێرکەلێ نها ل ئەلمانیا مەهێ ٢٤ هزار و ٤٠٠ یورۆیە و ل گۆر قانوونا نوو دێ ٢٥ هزار و ٦٠ یورۆیان وەربگریت و ئەندامێن پەرلەمانی ژی دێ پتر ژ دەه هزار یورۆیان وەکو مووچە وەربگرن.
ئەڤرۆ نیوز، عەلی حاجی :
ب بھانەیا ھەبوونا پەکەکێ سوپایێ تورکیا ل روژا شەمبیێ رێککەفتی ٢٣/٣/٢٠١٩ ل دەمژمێر ٥ی سپێدێ گوندێ شەرانشێ توپباران دکەت و خانیەک و دو ترومبێلێن وەلاتیەکێ ل وی گوندی ژ ئەگەرێ توپبارانێ ژناڤ دچن و زەرەر و زیانێن ماددی ژی بەر دکەڤن و شاندەکێ پەرلەمانتارێن کوردستانێ ل زاخۆ سەرەدانا جھێ روودانێ کرن.
ئدریس ئیسماعیل ئەندامێ پەرلەمانێ کوردستانێ بۆ ئەڤرۆ نیوز دیار کر مەرەم ژ سەرەدانا مە بۆ وی جھی ژبەر وێ چەندێ بوو ئەم ئیدانا وێ توپبارانێ بکەین و چارەسەرەیەکا گونجای بینن بۆ راوەستاندنا توپبارانا سوپایێ تورکیا ژبەر کو ھێزێن پەکەکێ و نە سوپایێ تورکیا توشی زەرەر و زیانان نابن تنێ وەلاتی زەرەرمەندێن ئێکانەیێ توپباران کرنێ نە ، لەورا ژی دێ ڤی بابەتی گەھینە پەرلەمانێ کوردستانیً دا کو بشێن رێکەکا گونجایی بینن و توپباران کرنا ب ڤی رەنگی بھێتە راوەستاندن.
ناڤھاتی ئەو چەندە ژی گۆت: ژبەر کو توپبارانا بەردەواما سوپایێ تورکیا دێ روودانێن وەکو شێلادزێ دوبارە کەنەڤە و دڤێت ب رژدی کار ل سەر راوەستاندنا توپبارانان بھێتە کرن ، ئەم چاڤەرێ نڤیسارەکا فەرمی نە ژ رێڤەبەرێ ناحیا دەرکارێ کو زەرەر و زیانێن ڤی وەلاتی بزانین و داکو ئەم وەکو ئەندام پەرلەمانێن کوردستانێ ب رێکا لایەنێن پەیوەندیدار کار ل سەر قەرەبوکرنا وی وەلاتی بکەین ژبەر کو توشی زیانێن ماددی بوینە و دڤێت بھێتە قەرەبو کرن.
نيشاندان