ئەڤرۆ نیوز:
ستێرا تەپا پێ یا پرتوگالی و یانا یوڤانتوس یا ئیتالی دوپاتکر کو یانا پارما شیا مفای ژ چەند خەلەتیێن ھەڤالێن وی وەرگریت پێخەمەت ب دەستڤەبرنا وەکھەڤیێ و تیما ھەڤرک بزاڤ دکرن ڤەخواندنا رێکا تومارکرنا سەرکەفتنێ ل سەر یوڤانتوس بکەن ژبەرکو باشترین تیمن.
یانا یوڤانتوس توشی وەکھەڤیێ بوو ب سێ گولان ل ھەمبەر یانا پارما د چارچوڤێ یاریێن حەفتیا 22 ژ خولا ئیتالیا.
پشتی ب دووماھی ھاتنا یاریێ کریستیانو رونالدو دکونگرەکێ روژنامەڤانی دا راگەھان ھەموو روودانەک د یاریا تەپا پێ دا یا چاڤەرێ یە و ئەو یێ خوشحالە ب ھژمارا گولان، لێ نە ب ئەنجامی و زێدەتر ئاماژەکر د نیڤا ئێکێ دا وان ب شێوەکێ باش یاری دکر و یانا پارما چو ئاستەکێ باش نیشان نەدا، لێ ل دووماھیێ ئەو شیان دەلیڤێ ب دەستخوەڤە بینن و مفای ژ خەلەتیان بین.
ھەوەسا ناڤھاتی خویاکر ڤی ئەنجامی چو گرێدان ب ھێزا لەشی یا یاریزان ڤە نەبوو و پێدڤیە ب ڤی ئەنجامی نێگەران نەبن و ئەو دێ شێن ڤەگەرینە رێکا سەرکەفتن.
ئه‌ڤرۆ نيوز:
خولا ئنگلیزی حەفتیا 25
5:05 لێستەر سێتی * مانچستەر یونایتد
7:30 مانچستەر سێتی * ئەرسینال
خولا ئسپانیا حەفتیا 22
2:00 ڤیاریال * ئسپانیول
6:15 ریال بیتس * ئەتلەتیکو مەدرید
7:30 ئیبار * جیرونا
10:45 ریال مەدرید
خولا ئیتالیا حەفتیا 22
2:30 سپال * تورینو
5:00 ئودونیزی * فیورنتینا
5:00 جنوا * ساسولو
8:00 ئەنتەر میلان * بولونیا
10:30 روما * میلان
خولا ئەلمانیا حەفتیا 20
5:30 ئوجسبورگ * ماینز 05
8:00 شتودگارد * فرایبورگ
خولا فرەنسا حەفتیا 23
5:00 تیم ئولومپیک * مونبلییە
11:00 لیون * پاریس سان جێرمان
ئه‌ڤرۆ نیوز:
ب ئاماده‌بوونا به‌هزاد عه‌لی ئاده‌م جێگرێ پارێزگه‌رێ دهۆكێ ئه‌ڤرۆ سپێدێ 3/2/2019 خۆلا بلند كرن و ئاڤاكرنا شیانا بۆ 22 فه‌رمانبه‌رێن كارگێریا گشتی ل پارێزگه‌ها دهۆكێ هاته ده‌ست پێكرن.
درێوره‌سمێن ڤه‌كرنا خۆلێ دا جێگرێ پارێزگه‌رێ دهۆكێ د په‌یڤه‌كێ دا دیار كو مرۆڤ به‌رده‌وام پێدڤی ب وه‌رگرتنا پێزانینا هه‌یه و هندی ژیان به‌رده‌وام بیت مرۆڤ ژی به‌رده‌وام پێدڤی ب وه‌رگرتنا پێزانینا و نووكرنا وان هه‌یه و گۆت:( ئه‌ف خۆله دێ گه‌له‌ك پێزانینا ل پشكدارا زێده‌كه‌ت و ئاستێ وان یێ كاری و ره‌فتاركرنێ باشتر لێكه‌ت، چونكو جیهان به‌رده‌وام دگوهۆڕین و نووكرنێ دایه).
جێگرێ پارێزگه‌رێ دهۆكێ داخوازا سه‌ركه‌فتنێ بۆ پشكداران خواست و به‌رهه‌ڤیا كارگێریا پارێزگه‌هێ بۆ دابینكرنا هه‌می پێدڤیێن خۆلێ ده‌ربڕی بێخه‌مه‌ت باشتر مفا وه‌رگرتنێ.
هه‌ژی گۆتنێ یه خۆلا نافبری دێ 10 رۆژان یا به‌رده‌وام بیت و تێدا 12 جورێن شاره‌زیێ بۆ پشكداران هێنه شلوڤه كرن و خول دێ نیڤه‌ك پراكتیكی بیت و نیڤه‌ك گوتن بیت ئه‌و شاره‌زیێن دێ هێنه گۆتن وه‌كو شاره‌زایا رێڤه‌برنا ده‌می و رێڤه‌برنا هه‌ستا و شیانێن لێزانینێن دلێنی شاره‌زایا تێگه‌هه‌شتنێ و هزرا ره‌خنه ل خۆگرتنێ یا ئاڤاكه‌ر شاره‌زایا بریاردانێ و شاره‌زایێن جڤاكی و شاره‌زایێن هه‌فسه‌زیێ و چاوانیا دانوستاندنێ و په‌یوه‌ندیێن ئه‌كتیڤ.
خرلا نافبری دێ رۆژانه وانه ژ لایێ مامۆستایێن تایبه‌تمه‌ند ڤه هێنه گۆتن و دووماهیێ باوه‌رنامێن پشكداریكرنێ بۆ پشكداران هێنه دان.
ئەڤرۆ نیوز، لەزگین جوقی:
ئەندامەکێ جڤاتا نوونەرێن عیراقێ دیار کر کو ئەڤرۆ رۆژا ٣/٢/٢٠١٩ لیژنا ڤەکۆلینێ ل سەر رەوشا شنگالێ دەست ب کارێ خوە کر و ل دەستپێکێ دێ دگەل ئیدارا شەرعی یا شنگالێ و پارێزگارێ نەینەوا و جڤاتا مووسل روونیت و دێ ھەموو تشتەکی ل سەر رەوشا شنگالێ ئاشکراکەت.
شێروان دووبەردانی، ئەندامێ جڤاتا نوونەرێن عیراقی بۆ ئەڤرۆ نیوز دیارکر کو ئەڤە بۆ جارا ئێکێ یە لیژنەک دھێتە دروستکرن بۆ وێ چەندێ ھەموو راستیان دیار کەت و گۆت: ” دێ ڤەکۆلین ل دۆر ئیدارا شنگالێ ھێتەکرن کا ب چ شێوە ھاتینە دانان و دێ ھەموو فەرمانێن دەستبکاربوونێ ژێ ھێنە وەرگرتن داکو راپورتەکا بەرفرەە ل سەر شنگالێ بھێتە بەرھەڤکرن و دێ راپۆرت بۆ پەرلەمانێ عیراقێ ھێتە بلندکرن داکو روونشتنەکا پەرلەمانێ عیراقێ ل سەر شنگالێ بھێتە ئەنجامدان”.
ژ ئالیێ خوە ڤە وەیس نایف، سەرۆکێ جڤاتا قەزا شنگالێ بۆ ئەڤرۆ نیوز دیار کر کو پەرلەمانێ عیراقێ ئەو ل سەر پێکئینانا لیژنەکا ڤەکۆلینێ ل سەر رەوشا شنگالێ ئاگەھدارکرینە کو ئەڤ لیژنە دێ قەستا ناڤ کەمپێن ئاواران و شنگالێ کەت کا بۆچی ئاوارە نازڤرن و بۆچی شنگال ناھێتە ئاڤەدانکرن و گەلەک بابەتێن دی یێن گریدایی رەوشا شنگالێ دێ ل گەل خەلکی ئازرینن و دێ ھەموو تێبینی و پێشنیار و داخوازیێن خەلکی و ھەموو ئێش و ئازارێن ئاواران بینن و دێ ب راپۆرتەکێ کۆم کەن و دێ بۆ پەرلەمانی بەن و دێ گەلەک دووپاتیێ ل سەر دوسەیا ئەمنی یا شنگالێ کەن، چونکو نابیت دوسەیا ئەمنی یا شنگالێ بمینیتە د دەستێن لایەنێن نەقانوونی دا.
ناڤھاتی ئاماژە دا وێ چەندێ کو پەرلەمانێ عیراقێ سوزدایە پشتی لیژنە کارێ خوە ب دووماھی دئینیت پەرلەمان دێ روونشتنەکا تایبەت ل سەر رەوشا شنگالێ ئەنجام دەت و گۆت: “ئەم چاڤەرێ نە بڕیارێن باش بۆ ئاسایکرنا رەوشا شنگالێ و ئاڤەدانیا وێ بھێنە دان”.
ئه‌ڤرۆ نيوز:
ئاخفتنكه‌رێ ب ناڤێ مه‌كته‌با سياسى يا ئێكه‌تى نشتيمانى كوردستان راگه‌هاند كو شاندێ بلندێ ئێكه‌تى و پارتى رۆژا سێشه‌مبى دێ كۆم بن.
سه‌عدى ئه‌حمه‌د پيره، ئاخفتنكه‌رێ ب ناڤێ مه‌كته‌با سياسى يا ئێكه‌تى نشتيمانى كوردستان راگه‌هاند كو رۆژا سێشه‌مبى 5ى شوباتا 2019ێ شاندێ ئێكه‌تى و پارتى دێ كۆم بن.
شیرەتکارێ پەرلەمانێ کوردستانێ بۆ ئەڤرۆ نیوز دیار کر کو د کۆمبوونا بھێت یا د ناڤبەرا پارتی و ئێکەتیێ دا دێ گەلەک تشت رۆھن بن و پارتی دێ ب زەلالی دووماھی ھەلویستێ خوە ل دۆر پێکئینانا کابینا نوو یا حوکمەتا ھەرێما کوردستانێ دەتە شاندێ بلندێ ئێکەتیێ.
دکتۆر مەدحەت سلێمان خویا کر کو کابینا داھاتی یا حوکمەتا ھەرێما کوردستانێ ب سەرۆکاتیا مەسرور بارزانی دێ کابینەکا بھێز بێت و گۆت:(کابینا مەسرور بارزانی دێ بەرھنگاری گەندەلیێ بیت و پێشبینی دھێتەکرن ل بەرژەوەندیێن ھندەک کەسان بھێتەدان یێن دخوازن ل سەر زێدەگاڤیێن خوە بەردەوامبن).
بڕيار بوو حه‌فتيا بۆرى، پارتى ديموكراتى كوردستان و ئێكه‌تى نشتيمانى كوردستان كۆمببان، به‌لێ ل سه‌ر داخوازيا ئێكه‌تيێ ئه‌و كۆمبوون هاته پاشخستن.
ئەڤرۆ نیوز:
ل دووڤ ئامارەکا وەزارەتا داد یا حوکمەتا ھەرێما کوردستانێ د دەمێ بجە ئینانا قانوونا لێبوورینا گشتی و ھەتا نوکە دو ھزار و ٣٢٤ کەس ژ قانوونا لێبوورینا گشتی مفاداربووینە.
نەریمان تالب، پەیڤدارێ وەزارەتا داد یا حوکمەتا ھەرێما کوردستانێ د گۆنگرەکێ رۆژنامەڤانی دا دیار کر کو پشتی دەرکەفتنا قانوونا لێبوورینا گشتی ل سالا ٢٠١٧ ژ لایێ پەرلەمانێ کوردستانێ ڤە و ھەتا نوکە دو ھزار و ٣٢٤ زیندانیان مفا ژ ڤێ قانوونێ وەرگرتیە کو پشکەک ژ وان ھاتینە ئازداکرن و پشکەکا دی ژی سزایێ وان ھاتیە کێمکرن و گۆت: “ھزار و ١٨١ زیندانی ھاتینە ئازادکرن و سزایێ ھزار و ٤٢ زیندانیێن دی ژی ب رێژا ٢٠% ھاتیە کێمکرن.
پەیڤدارێ وەزارەتا داد یا حوکمەتا ھەرێما کوردستانێ خویا کر کو د سالا بۆری دا ٦٦ ھزار و ٢٩١ مامەلێن کرینا خانی و پارچێن ئەردی ھاتینە ب رێڤەبرن، ئەڤە ژی بەراورد دگەل سالێن بۆری ب رێژا ٣٥% زێدەبوویە.
ئه‌ڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا دوشه‌مبى رێکەفتی 4ی شوباتا 2019ێ ئەسمان دێ ساهى بيت ل گه‌ل هنده‌ك ئه‌ورێن كێم ل ده‌ڤه‌رێن جودا.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو دهێته پشبينيكرن ئه‌سمان ساهى بيت ل گه‌ل هنده‌ك ئه‌ورێن كێم ل ده‌ڤه‌رێن جودا.
پشکا پێشبینیان دایە زایە زانین کو دێ لەزاتیا بایی د ناڤبەرا 5 ھەتا 10کم دا و ماوێ دیتنێ ژی دێ 10کم بیت، پلێن گەرمێ ژی دێ د ناڤبەرا 2 بۆ 15 پلان دا بن.
ئه‌ڤرۆ نيوز:
رێڤەبەرێ گشتیێ کاروبارێن ئێزدیان ل وەزارەتا ئەوقاف و کاروبارێن ئاینی ل حوکمەتا ھەرێما کوردستانێ دیارکر کو بەرھەڤی هاتينه کرن سوبه‌هى ته‌رمێ میرێ ئێزدیان میر تەحسین سەعید بەگ بگەھيتە ھەرێما کوردستانێ.
خەیری بۆزانی، رێڤەبەرێ گشتیێ کاروبارێن ئێزدیان ل وەزارەتا ئەوقاف و کاروبارێن ئاینی ل حوکمەتا ھەرێما کوردستانێ بۆ ئەڤرۆ نيوز دیارکر کو هه‌موو رێكارێن قانوونى ب دووماهى هاتينه و بڕياره سوبه‌هى ته‌رمێ مير ته‌حسين به‌گ ب ریێا فرۆکەيه‌کا تایبەت ل سه‌ر ئه‌ركێ نێچيرڤان بارزانى سه‌رۆكێ حوكمه‌تا هه‌رێما كوردستانێ ژ ئەلمانیا بھێتە ڤەگوھاستن بۆ ھەرێما کوردستانێ.
کەریم سلێمان شیرەتکارێ جڤاتا روحانیا ئێزدیان بۆ دەزگەھێن راگەھاندنێ دیار کر کو پشتی وەکیلێ میرێ ئێزدیان میرحازم تەحسین بەگ گەھشتیە ھەرێما کوردستانێ ئەڤرۆ دەمژمێر١٠ سپێدێ رێککەفتی ٢/٢/٢٠١٩ کۆمبوونەک ھات ئەنجام دان ژلایێ وەکیلێ میری ڤە دگەل جڤاتا روحانیا ئێزدیان ل دور دانانا بەرنامێ پێشوازی کرنا تەرمێ میر تەحسین بەگ ھەر ژ فروکەخانا ھەولێرێ هەتا دگەھیتە دناڤ سەنتەرێ باژێرێ شێخان.
ناڤهاتی ئەو یەک ژی دیار کو تەرمێ میری دھێتە ڤەگوھاستن بۆ قەزا شێخان دەسپێکا گەھشتنا بۆ قەزا شێخان دێ ل کومەلگەھا مەھەت را بوریت ژ بەر کو ھندەک رێورەسمێن تایبەت ل وێ کومەلگەھێ ھاتینە بەرھەڤ کرن دیسان ل چار ریانا شێخان پێشوازی ب رێورەسم لێ ھێتە کرن ژلایێ جەماوەرێ قەزایێ ڤە دیسان دناڤ سەنتەرێ شێخان ل نێزیک ھولا لالش دێ تەرمێ وی ھێتە ڤەگوھاستن بۆ قەسرا میری بریار ژی ھاتە دان کو دناڤ قەسرا میری بھێتە ڤەشارتن دناڤ سەنتەرێ شێخان دا. تازی دێ ل رۆژا سێ شەمبی بیت بۆ ماوێ حەفت رۆژان یا بەردەوام بیت دێ ڤان ھەر حەفت رۆژا رێورەسمێن ئایینی دێ بەردەوام بن.
پشتی تێکچوونا رەوشا ساخلەمیا میر تەحسین سەعید بەگ، میرێ ئێزدیان ل کوردستانێ و جیھانێ ل سپێدەھیا رۆژا دوشەمبوویا 28ى كانوونا دويێ 2019 ل ئێک ژنەخۆشخانێن ئەلمانیا وەغەرا داویێ کر.
ئەڤرۆ نیوز:
1-چایا كه‌سك: ئه‌و ژ گرنگترین جورێن خوارنێ یه كو پاراستنا پیستی بكه‌ت، ژبه‌ركه یا پێكهاتیه ژ كه‌رسته‌یێ، دژی ژه‌نگارێ، هه‌روه‌سان چایا كه‌سك هێزه‌كا مه‌زن هه‌یه بۆ به‌رهنگاریا قورمچینا پیستی و هێلانا ته‌یسینا وی ب شێوه‌یه‌كێ سروشتی.
2-باجانسۆرك: یا هاتیه دیاركرن كو باجانسۆرك دگه‌ل زه‌یتا زه‌یتوونا، شیان هه‌نه پیستێ مه ژ تیرێژا رۆژێ ب پارێزن، ئه‌وژی ب رێكا خۆ دێ نیشانێن پیراتیێ گیروكه‌ت.
3-هنار: ئێك ژ كه‌رسته‌یێن سروشتی یه بۆ هێلانا ته‌یسینا پیستی، هه‌كه تو هناران بخوی دێ گه‌نجاتیا پیستێ ته هێته پاراستن، ڤه‌كولینان دیاركریه كو ل هنده‌ك تاقیگه‌هان هنار ددانه ل سه‌ر پیستی و دیاردبوو كو هنار هاریكاربوون بۆ ده‌ركرنا كه‌رستێ كولاجین ئه‌وێ هاریكاریێ د پاراستن و نه‌رماتیا پیستی دا دكه‌ت.
ژێدەر/ نۆش نیوز
نيشاندان