ئەڤرۆ نیوز:
ستێرا پورتوگالی و یانا یوڤانتوس یا ئیتالی رونالدوی پشتی ل ماوێ بوری ھەموو بزاڤکرین بوو رازیکرنا مارسێلو بۆ ئیمزاکرنا ھەڤبەستا یوڤانتوس ل وەرزێ بھێت و وێ یانا ئیتالی ژی بەرھەڤیا خوە دیارکری بوو ئیمزاکرنا ھەڤبەستێ ل گەل مارسێلوی کو وی یاریزانی ژی داخوازی ژ یانا ریال کربوو پشتی ب دووماھیی ھاتنا وەرزێ ئەڤ سالە حەزا چونێ ھەی لێ ل گەل ھاتنا راھێنەرێ نوو یێ یانا ریال مەدرید گەلەک گوھورین پەیدابوون د ئەوان ئاخفتنان دا و مارسێلو د یاریا ئێکێ دا وەکو یاریزانەکێ سەرەکی ڤەگەریا دناڤا پێکھاتیێ یانێ دا و دبیت ب رێژەیا ھەرە مەزن مارسێلوی ژ بریارا خوە لێڤەبیت ژبەر ھاتنا زێدان.
مالپەرێ کاتشیو مێرکاتو دیارکریە بەری ئیمزاکرنا زێدان ل گەل ریال مەدرید مارسێلوی ل چەند حەفتیێن بوری مارسێلوی راگەھاند بوو ئەو دێ پێکھاتیێ ریال مەدرید ب جە ھێلت و پەیوەندی ب رونالدوی کربوو ئەو یێ رازی یە ھەڤبەستا یوڤانتوس ئیمزا بکەت لێ ل گەل ھاتنا زێدان مارسێلوی داخوازی ژ یوڤانتوس کریە دەرفەتێ بدەنە ئەوی ھەتا دووماھیا ڤی وەرزی پاش بریارێ ل سەر پاشەرۆژا خوە دەت ژبەرکو ئەو دخوازیت یێ بەردەوام بیت ل گەل زێدان کو ئەو باش دزانیت ھاتنا زێدان جارەکا دی دێ دەرفەتەکا باش بوو ئەوی ھەبیت بۆ کرنا یاری ل ناڤا پێکھاتیێ ریال مەدرید .
ھەژی گوتنێ یە ھەر ل گەل چونا رونالدوی بوو یوڤانتوس ل ھاڤینا بوری ئەو یاریزان یێ بزاڤێ دکەت چەند ھەڤالێن خوە ئەوێن ل یانا ریال مەدرید رازی بکەت بوو ئیمزاکرنا ھەڤبەستا یوڤانتوس تایبەت مارسێلو کو ئێک ژ نێزیکترین ھەڤالێن رونالدوی یە .

ئەڤرۆ نیوز:
پشتی ل ماوێ چەند رۆژێن بوری یانا ریال مەدرید ب فەرمی ھەڤبەست ل گەل بەرەڤانێ گەنچ یێ ھەلبژارتیێ بەرازیل و یانا پورتو یا پورتوگالی ئەدیر میلیتاو ئیمزاکری ب کوژمێ ٥٠ ملیون یورۆیا دبیت ل دەستپێکا وەرزێ بھێت دەستا ژ دو بەرەڤانێن خوە بەردەت .
رۆژناما میرو یا برێتانی ئاشکراکریە پشتی یانا ریال مەدرید ھەڤبەست ل گەل میلیتاو ئیمزاکری دبیت ب رێژەیا ھەرە مەزن ئەو یانە دەستا ژ دو بەرەڤانێن خوە بەردەت ژبەرکو راھێنەرێ نوکە یێ ریال زێدان دخوازیت ل وەرزێ بھێت پشت بەستنێ ل سەر سێ بەرەڤانا بکەت وەکو یاریزانێن وی یێن سەرەکی بن ل زوربەیا یاریان ئەوژی راموس و ڤاران و میلیتاو .
ئەوێ رۆژنامێ ئاشکراکریە ژی ریال ھزر ل دەست بەردانا ھەر ئێک ژ خیسوس فاییخو وناتشو فرناندیز کریە .
ھەردیسان ئاماژە ب وێ چەندێ ژی کریە چونا فابیخو ھەتا رادەیەکێ مەزن تەکید بوویە ھەردیسان دبیت ناتشو ژی یان بمینت ئەوژی ب مەرجەکی وەکو پێگوھورێ چاری بمینت یان ژی ب شێوەیێ خواستن بدەنە یانەکا دی .

ئەڤرۆ نیوز:
بەرەڤانێ ھەلبژارتیێ فرەنسا و یانا بەرشەلۆنا ساموێل ئومتێتی دیارکر دێ گەلەک یێ کەیفخوشحال بیت ھەکە بینت وەلاتیێ وی و ھێرشبەرێ یانا ئەتلەتیکو مەدرید ئەنتونیو گرێزمان ل وەرزێ بھێت یاری ل یانا بەرشەلۆنا بکەت .
زێدەتر ئومتێتی بوو رۆژناما موندو دیپورتیپو دیارکر ئەو داخوازیت گرێزمان ل وەرزێ بھێت یاری ل یانا بەرشەلۆنا بکەت و جھێ دێ ھەبیت ل ناڤا پێکھاتیێ بەرشەلونا ژبەرکو ھیڤیا ھەر یانەکا مەزنە نوکە ل جیھانێ ئەو یاری ل یانا ئەوان بکەت لێ ئەو نوکە گرێدای ھەڤبەستا خوە یە ل گەل یانا خوە ئەتلەتیکو مەدرید ھەردیسان یێ ھەیفخوشحالە ل گەل ئەتلەتیکو.
ئەوێ رۆژنامێ ئاشکراکریە ژی ساموێل ئومتێتی پەیوەندیێن باش ل گەل ئەوی یاریزانی ھەنە ژ ھەڤالێن وی یێن نێزیکە ل ناڤا پێکھاتیێ ھەلبژارتیێ فرەنسا.