ئەڤرۆ نیوز:
بێی هه‌ستكرن ب برسیبوون و داكه‌تنێ و بێی ب كارئینانا ده‌رمانان، ئه‌م دێ بیست رێكان بۆ وه ده‌ینه خویاكرن كو هاریكارن بۆ سه‌نگ كێمكرنێ كو هاتینه دارێتن ژلایێ شاره‌زایێن خوارنێ و بڤی ره‌نگی:
-ده‌مێ تو هه‌ست ب برسیبوونێ دكه‌ی، كه‌ره‌فسێ بجی ژبه‌ركو كه‌ره‌فس گه‌له‌ك كالوریان دسوژیت، یان پیچه‌ك فێقی بخو.
-بلا رۆژانه سێ دانێن خوارنێ ل وه‌ختێ وان بخو، تێشتا سپێده‌هیان ژبیر نه‌كه ژبه‌ركو ئه‌و زێده‌تر كالوریان دسوژیت.
-هندی دشیان دا بیت ب ئه‌سانسیرێ سه‌رنه‌كه‌ڤه و ب ده‌ره‌جان ژێهه‌ل هه‌ره.
-هه‌كه تو جگاركێش بی وێ هزرێ ژبیرا خو ببه كو جگاره سه‌نگی كێم دكه‌تن و ب له‌ز ده‌ست ژ جگاره‌كێشانێ به‌رده و وه‌رزشه‌كا سڤك ئه‌نجام بده و دێ جوداهیه‌كا باش د شێوازێ ژیانا خۆ دا بینی.
-هندی دشیاندن دا بیت شه‌كرێ ب كارنه‌ئینه و ب تایبه‌ت شه‌كرا ده‌ستكرد.
-باشتره شیر و به‌رهه‌مێن وی یێن نه‌تووركری بهێنه بكارئینان.
-هه‌كه تو حه‌ز ژ شكولاتا و كێكه‌وێ دكه‌ی باشتره وان بكاربینی ئه‌وێن گه‌له‌ك شه‌كر دناڤدا نه‌بیت.
-گه‌له‌ك خوارنێن قودیك كری ب كارنه‌ئینه ژبه‌ركو كه‌رستێ سودیوم دناڤدا هه‌یه و ئه‌و دبیته ئه‌گه‌رێ نه‌ئاسانكرنا كریارا هه‌رسكرنێ و قه‌له‌وی ژێ په‌یدادبیت.
-بتنێ دو حه‌فتیان جاره‌كێ مه‌عكه‌رون و برنجێ بخو.
-باشتره نانێ جه‌هی بخوی ژبه‌ركو هاریكاره بۆ هه‌رسكرنا خوارنێ.
-ده‌مێ تو چه‌ره‌زێن وه‌كو فسته‌ق و بنده‌قا دخوی باشتره د خوێ كری نه‌بن.
-ب كێماتی دناڤبه‌را هه‌ر دانه‌كێ خوارنێ دا سێ ده‌مژمێران بهێله.
-گه‌له‌ك خوێ ب كارنه‌ئینه ژبه‌ركو خوێ شله‌مونیان دله‌شیدا ئومباردكه‌تن.
-رۆژانه ب كێماتی ژ 6-10 گلاسێن ئاڤێ ڤه‌خو، ژبه‌ركو ئاڤ له‌شی ژ ژه‌هراویبوونێ پاقژ دكه‌تن.
-هندی دشیان دابیت به‌نیشتی نه‌جوی هه‌تا هه‌كه یێ بێ شه‌كربیت ژی.
-پیستێ مریشكێ نه‌خو ژبه‌ركو پیستێ مریشكێ گه‌له‌ك روین و ڤیتامینێن ب زیان ئومباردكه‌تن.
-دره‌نگی شه‌ڤ چ خوارنا نه‌خو داكو ده‌لیڤه بۆ مه‌عیده‌ی بمینیت كو ب كارێ هه‌رسكرنا خوارنێ راببیت.
-تشتێ قه‌لاندی گه‌له‌ك ب كارنه‌ئینه و ل شوونا وێ تشتێ بژارتی و كه‌لاندی ب كاربینه بۆ خوارنێ.
-هه‌رده‌م خوارنا خو ب خوارنا زه‌رزه‌واتی ده‌ستپێ بكه.
-گه‌له‌ك خوارنێن نشا و كریم دناڤدا ب كارنه‌ئینه.
ژێدەر/ نۆش نیوز
نيشاندان
