ئەڤرۆ نیوز:
راھێنەرێ فرەنسی و یانا ریال مەدرید دخوازیت بوو وەرزێ بھێت تیمەکێ دروست بکەت بوو ماوەکێ درێژ ل گەل ئەوی و یانێ بمینن ل دیڤ راپورتێن رۆژنامەڤانی یێن نێزیکی یانا ریال مەدرید دیارکرینە زێدان پشتی دیڤچوونا راھێنان و یاریێن یانێ کری ئەو ب ئاستێ گولچیێ بەلجیکی یێ نوکە یێ یانێ کوارترا نە یێ داخبارە و ھەر ل یاریا ئێکێ ئەو چەندە یا دیار و بەرچاڤ بوو پشتی ل گەل ھاتنا زێدان ئەوی پشت بەستن ل سەر گولچیێ بەری نوکە یێ یانێ ناڤاس کر ل یاریا ئێکێ دا.
ھەردیسان ئەوان رۆژناما ئاشکراکریە ژی زێدان بەرپرسێن یانێ ئاگاداکرینە گرنگی ب دەنە گولچیێ ھەلبژارتیێ ئێکێ ئیسپانیا دی خیا کو ئەو گولچی چەندین سالە ئارمانجا سەرەکی یا سەرۆکێ یانا ریال مەدرید یێ نوکە پێرێزی یە و ئەوان بەرپرسان ژی سوزدایە راھێنەرێ تیمێ ئەو دەست ب دانوستاندنان بکەن ل گەل وی گولچیی و ھەردیسان کوژمێ ٧٥ ملیون جینێ ئیسترلینی بوو کرینا دی خیای تەرخانکرینە.

ئەڤرۆ نیوز:
پشتی ل شەڤا بوری ستێرا ئەرژەنتینی و یانا بەرشەلۆنا لیونێل میسی سەرکێشیا یانا خوە کری بوو سەرکەفتنێ ل سەر یانا ریال بتیس ب چار گولان بەرامبەر گولەکێ و د وێ یاریێ دا شیای ھاتریکێ توماربکەت .
ل گەل تومارکرنا ھاتریکی ل سەر ریال بتیس جەماوەرێ وی یانێ دەست قوتان و دەستخوشی ل لیونێل میسی کر ژبەر وی ئاستێ وی یێ بلند و وی یاریزانی د داخویانیەکێ دا بۆ دەزگەھێن راگەھاندنا ئیسپانی دیارکر ئەو سوپاسیا جەماوەرێ ریال بتیس دکەت بوو ئەوا ل شەڤا بوری ل یاریگەھا بتیس رویدای دەستخوش بوو ئەوان .
زێدەتر ناڤبری دیارکر ریال بتیس ژ یانێن گەلەک ب ھێزە ل ناڤا یاریگەھا خوە لێ راھێنەرێ ئەوان شیا نەخشەیەکێ باش بوو یاریێ بدان و شارەزایا ئەوان تێرا وێ چەندێ کر ئەو بشێن یاریێ د بەرژوەندیا خوە دا ب دەستخوڤە بینن و یا گرنگ نە ئەو بوو ئەوی شڤێدی ھاتریک تومارکری بەلکو یا گرنگ ئەو بوو ئەو شیان سێ خالان ب دەستخوڤە بینن و جوداھیێ زێدەتر لێ بکەن ل گەل ھەڤرکا خوە ئەتلەتیکو مەدرید.

ئەڤرۆ نیوز:
بەرپرسێن یانا بەرشەلۆنا یا رژدە ل سەر ئینانا چەند ستێرێن نوو بۆ وەرزێ بھێت بو ب ھێز ئێخستنا پێکھاتیێ خوە بۆ وەرزێ بھێت یانا بەرشەلۆنا دخوازیت دەرگەھێ دانوستاندنان جارەکا دی ل گەل ھێرشبەرێ فرەنسی و یانا ئەتلەتیکو مەدرید گرێزمان ڤەکەتە ڤە تایبەت پشتی رۆنالدوی ل قوناغا ١٦ شیای ھاتریکێ ل سەر وێ یانا ئیسپانی توماربکەت ئێکسەر بەرپرسێن یانا بەرشا دەست ب لڤینا کر بوو رازیکرنا گرێزمان ل ھاڤینا بھێت پەیوەندی ب یانا بەرشەلۆنا بکەت.
رۆژناما لیکیپ یا فرەنسی ئاشکراکریە یانا بەرشەلۆنا جارەکا دی ھزر ل ئیمزاکرنا گرێزمان کریە پشتی ل ھاڤینا بوری نەشیان د ڤەگوھاستنا ئەوی دا ب سەرکەڤن و ئەڤ جارە چەند بەرپرسێن نێزیکی وێ یانێ دیارکریە ئەو دێ کوژمەکێ مەزنتر تەرخان کەن بوو دەستڤە ئینانا ئەوی .
ھەردیسان ئەوێ رۆژنامێ ئاشکراکریە ژی گرێزمان پشتی خوسارەتیا بەرامبەر یوڤانتوس ھەست ب نە ئارام بوونی بێ ھیڤی بوونێ دکەت بوو دەستڤە ئینانا قارەمانیا و دەستکەفتیا ل گەل یانا خوە لەورا ھزر ل یانەکا مەزنتر و ھەڤرکیێ ل سەر ناسناڤێن نافخوی و ئورۆپی بکەت .