ئه‌ڤرۆ:
مه‌سرور بارزانی شیره‌تكارێ جڤاتا ئاسایشا هه‌رێما كوردستانێ ئه‌ڤرۆ پێشوازی ل ئه‌لێسته‌ر بێرت وه‌زیرێ ده‌وله‌تا حوكمه‌تا بریتانیا بۆ كاروبارێن رۆژهه‌لاتا ناڤین و باكورێ ئه‌فریقیا و شاندێ ل گه‌ل دا كر.
د دیداره‌كێ دا، پێشڤه‌چوون و پێشهاتێن ده‌ڤه‌رێ و په‌یوه‌ندیێن دو قولی د ناڤبه‌را هه‌رێما كوردستانێ و بریتانیا دا گه‌نگه‌شه كرن.
مه سرور بارزانی په‌سه‌ندكرنا بودجا گشتی یا عیراقێ ب گاڤه‌كا ئه‌رێنی وه‌سفكر و گۆت:( دێ بیته هانده‌ر بۆ چاره‌كرنا پرسێن هه‌لاویستی).
ژ ئالیێ خوه ڤه، ئه‌لێسته‌ر بێرت راگه‌هاند، كو بریتانیا د پێشڤه‌برن و موكمكرنا په‌یوه‌ندیێن دو قولی با به‌رده‌وام بیت.
ئەڤرۆ نیوز، عەلی حاجی:
پشتی زێدەتری ٣ ھەیڤان ئامیرێ رەنینێ ل نەخوشخانا زاخۆ یا گشتی ژکارکەڤتی ل نڤیسارەکا فەرمی دا ژ وەزارەتا دارایی بۆ نەخوشخانا زاخۆ ھاتیە رەوانە کرن بریار ل سەر دروستکرنا وی ئامیرەی ھاتە دان.
ل دۆر ڤی بابەتی دکتور ھەیھات خێرەلا ، رێڤەبەرێ نەخوشخانا زاخۆ یا گشتی بۆ ئەڤرۆ نیوز گوت : زێدەتری ٣ ھەیڤایە ئامیرێ رەنینێ ل نەخوشخانا مە ژ کارکەڤتی و پشتی مە چەندین نڤیسار ب رێکا جھێن پەیوەندیدار فرێکرین بخوشحالی ڤە وەزارەتا دارایی کوژمێ ١١٣ ملیون دینارێن عێراقی مەزاختن و برێکا نڤێسارەکا فەرمی ئەم ھاتینە ئاگەھدار کرن ل سەر ڤی بابەتی.
ناڤھاتی زێدەتر گوت : ل چارشەمبا بوری ب رێکا نڤێسارەکێ مە بۆ کومپانیا فلیپس ل ھەولێرێ فرێکر بۆ چارەکرنا وی ئامیرەی و کومپانیێ ژی داخازا ژ تیمەکێ کریە ژ وەلاتێ ئیماراتێ تا کو بگەھنە زاخۆ بۆ چارەسەر کرنا وی ئامیرەی.
ئەڤرۆ ، عەلی حاجی :
بەرپرسێ پشکا ھونەری ل باژێرڤانیا زاخۆ دیارکر ئەوان ب کوژمێ زێدەتر ٤ ملیاران پرۆژە ل قەزا زاخۆ ئەنجامداینە و چەندین جادە سەخبێری کرن و بۆ سالا بھێت ژی دێ پرۆژێن نوو ھەبن و کەڤنە خزمەتێ دا.
زێدەتر ئەندازیار جەودەت سالح بۆ ئەڤرۆ نیوز گۆت : ل سالا ٢٠١٨ دا ٢١ پروژە ل سنورێ قەزا زاخۆ ژ لایێ باژێرڤانیا وێ ب کوژمێ ٤ ملیار و ٥٦٨ ملیۆن و ٨٧١ ھزار دیناران ھاتینە دروست کرن و ئەو پروژە ب شێوەیەکێ راستەوخو ژلایێ مەڤە ھاتینە بجە ئینان، دیسان٢١ کێلومەتر جاددە ل سنورێ باژێرڤانیا زاخۆ ھاتینە قیر کرن و ٣٢ کێلومەترھاتینە تێکەل کرن و ١٠ کێلومەتر ژی ھاتینە سەخبێریکرن .
ناڤھاتی زێدەتر گۆت: ژ وان پروژێن سالا بوری دا ھاتینە دروست کرن پارکەک بناڤێ پارکا گەنجان ھاتیە دروست کرن کو ئەو پارکە تایبەتە ب گەنجان ڤە ، زێدەباری وێ چەندێ ژی سولینێن ئاڤ رێژێن چەندین تاخان ژی ژلایێ تیمێن مەڤە راستەوخو ھاتینە دروست کرن و بو سالا ٢٠١٩ دێ ھەمی شیانێن خوە تەرخان کەین پێخەمەتی زێدەتر خزمەتکرن و جوانکرنا باژێرێ زاخۆ و نوکە کار ل سەر چەندین پروژان دا بەردەوامە و بریارە بۆ سالا ٢٠١٩ ئەو پروژە ب دووماھی بھێن بکەڤنە خزمەتا وەلاتیێن زاخۆ دا و ئەوا ل شیانێن باژێرڤانیا زاخۆ دا بیت دێ ئەنجام دەت بۆ ھاولاتیێن مە.
ئەڤرۆ نیوز:
ئەنجوومەنێ نیشتمانی یێ کوردی ل سووریێ دیار دکەت کو هەتا نها ژی چو گوهۆرین د هەلویستێ رژێما سووریێ ل دۆر مافێن کوردان دروست نەبوویە و ژ بەر هندێ ژی دانوستاندنێن ل گەل رژێما سووریێ ناگەهنە چو ئەنجامەکێ.
ئەنجوومەنێ نیشتمانی یێ کوردی ل سووریێ ئاماژە ب هندێ ژی دکەت کو بەری دانوستاندنێن ل گەل شامێ دڤێت ئاریشێن ناڤخوەیی ل رۆژئاڤایێ کوردستانێ بهێنە چارەکرن، چونکو رژێما سووریێ بەرهەڤ نینە مافێن کوردان بدەتێ و دانوستاندن نها دێ بێ ئەنجام بن هەتا رژێما سووریێ نێرینا خوە ل دۆر کوردان بگوهۆریت.
ئەڤرۆ نیوز:
ئەندامەکێ شاندێ دانوستانکارێ پارتی دیارکر بریارە د ڤێ حەفتیێ دا کومبوونەکا سێقۆلی سەبارەت پێکئینانا کابینەیا نوو یا حوکمەتا ھەرێما کوردستانێ ناڤبەرا پارتی و ئێکەتی و تەڤگەرا گۆران دێ ھێتە ئەنجامدان.
زێدەتر د.فەرسەت سوفی راگەھاند ئەو لژنەیێن بۆ پێکئینانا کابینەیا نوو یا حوکمەتا ھەرێما کوردستانێ ھاتینە دروستکرن دەست بکارێن خوە کرینە و ھێشتا د بەردەوامن پێخەمەت بگەھنە ئەنجامەکی، دیسان کومبوون بەری نوکە ژی ئەنجامداینە دگەل لایەنێن دی یێن حەزا پشکداریێ د کابینەیا نوو یا حوکمەتێ دا ھەی و ئەڤ چەندە ژی بۆ بلەزکرنا پێنگاڤێن پێدڤی بۆ پێئینانا کابینا نوو یا حوکمەتا ھەرێما کوردستانێ.
ئەڤرۆ نیوز، ئێقبال عومەر:
ب سەدان وەلاتیێن ناحیا شێلادزێ و دێرەلوکێ و کەسوکارێن وان کەسێن بەری نها ب دەستێ فرۆکێن تورکیا هاتینە شەهید کربوون بەری دەمەکێ
هێرشی بارەگایێ تورکیا ل کومەلگەها سیریێ یا سەر ب ناحیا شێلادزێ کرن و د ئەنجام دا چەندین ترۆمبێلێن لەشکری و دو تانک هاتنە سوتن و وەلاتیەک ب سڤک بریندار بوویە، چو زیانێن جانێ هەتا نها دیار نینن.
خوەنیشادان هەتا نها د بەردەوامن و خوەنیشادەر داخوازا چۆلکرنا بارەگایێ تورکیا دکەن.
ئەڤرۆ نیوز:
وەلی محەمەدی چاڤدێرێ سیاسی ل رۆژهەلاتێ کوردستانێ بۆ ئەڤرۆ نیوز دیار کر کو ئەڤرۆکە سپێدێ ل پارێزگەها خوزستان یا ئیرانێ کو پرانیا ئاکنجیێن وێ عەرەبن چەند چەکداران هێرشی بنگەهەکێ سەربازی یێ ئیرانێ کرن کو د ئەنجام دا هەتا نها ٥ سەربازێن ئیرانێ هاتینە کوشتن و هژمارەکا دی ژی بریندار بووینە.
ناڤهاتی راگەهاند کو هێزێن ئیمناهیێ یێن ئیرانێ بەردەوام خەلکێن عەرەب ل پارێزگەها خوزستانێ دەستەسەر دکەن و ب سالانە زۆرداریێ ل خەلکی دکەن، ژ بەر هندێ ژی نها چەندین گرۆپێن چەکداری ل وێ پارێزگەهێ شەرێ هێزێن ئیرانێ دکەن.
ئەڤرۆ نیوز:
رێکخراوا چاڤدێریا مافێ مرۆڤان یا سووریێ راگەهاند کو سەرەرای هندێ کو ئەمریکا بریار دایە هێزێن خوە ژ سووریێ ڤەکێشیت لێ د ماوەیێ دو رۆژێن بۆری دا ئەمریکا ٢٥٠ بارهەلگر چەک برنە رۆژئاڤایێ کوردستانێ و ل گرێ سپی، حەسەکێ و کۆبانێ بجه کرینە.
رێکخراوا چاڤدێریا مافێ مرۆڤی یا سووریێ ئاماژە ب هندێ ژی دکەت کو پشتی بریارا ترامپی هەتا نها گەلەک جاران ئەمریکا چەک برینە رۆژئاڤایێ کوردستانێ و ژ بەر هندێ ژی گومانێن ل دۆر ڤەکێشانا هێزێن ئەمریکا ژ سووریێ زێدەتر لێ هاتینە.
نيشاندان