ئەڤرۆ نیوز:
ھێرشبەرێ ئەرژەینتینی و یانا مانچێستەر سیتی سێرجیو ئەگویرو د ماوێ ھەشت سالێن بوری دا ل گەل یانا خوە شیا چەندین نمرێن مێژوی توماربکەت کو د ماوێ ھەشت سالێن بوری دا شیا ٢٢٦ گولان د ٣٢٨ یاریێن خوە دا توماربکەت.
نمرێن ئەگویروی ھەر ژ ٢٠١١ ھەتا نوکە
گولکەرێ مێژوی ل مانچێستەر سیتی ب تومارکرنا ٢٢٦ گولان ژ سەرجەمێ ٣٢٨ یاریان
گولکەرێ مێژوی د مێژویا یانێ دا د خۆلا ئنگلتەرا دا ب ١٦١ گولان ژ سەرجەمێ ٢٣٢ یاریان
گولکەرێ مێژوی د قارەمانیێن ئورۆپا دا ب تومارکرنا ٣٨ گولان کو ٣٤ گول د چامپوینیز لیگ دابوون .
ھەژی گوتنێ یە ل گەل مانچێستەر سیتی ل ماوێ ھەشت سالێن بوری رولەکێ مەزن ھەبوو برنا ٨ ناسناڤێن نافخوی ل سەر ئاستێ ئنگلتەرا کو ژ ئەوان سێ جاران ناسناڤێ خۆلا پلا نایاب ئنگلتەرا و سێ جاران ناسناڤێ کاس ئێکەتیا تەپا پێ یا ئنگلتەرا ل گەل دو ناسناڤێن قارەمانیا کاسا ئنگلتەرا.

ئەڤرۆ نیوز:
پشتی ل شەڤا بوری ھەردو یانێن یوڤانتوس و مانچێستەر سیتی ل سەر کیستێ ئەتلەتیکو مەدرید و شالکە دەربازی قوناغا ھەشتێ بووین ژ قارەمانیا چامپیونیز لیگ ئورۆپا چەندین نمرێن نوو ل وێ قارەمانیێ ھاتنە تومارکرن.
١- رونالدو بوو یاریزانێ ئێکێ د مێژویا وێ قارەمانیێ دا بشێت ھاتریک ل سەر ھەڤرکا خوە دو جاران توماربکەت.
٢- بوو جارا ئێکێ د مێژویا خوە دا یوڤانتوس بشێت ب ڤی رەنگی دەربازبیت کو ل یاریا ئێکێ ب جوداھیا دو گولان یا خوسارەت بیت و ل یاریا دوێ ل سەر کیستێ ھەمان یانە ب جوداھیا سێ گولان دەربازبیت پشتی بەری نوکە ٥ جاران نەشیان سەرکەفتنێ توماربکەت.
٣- رونالدوی ھژمارا گولێن خوە گەھاندنە ھەشت گولان و وەکھەڤ لێکرن ل گەل ڤیدال یاریزانێ بەری نوکە یێ یوڤانتوس بوو پتر تومارکرنا گولان ل یاریگەھا یوڤانتوس ئارینا و دبیت رونالدو بشێت ھژمارا گولێن خوە گەلەک زێدەتر لێ بکەت و بیتە نمرەکا مەزنتر توماربکەن ل شەرۆژێ.

٤- رونالدوی ھژمارا ھاتریک خوە ل وێ قارەمانیێ گەھاندنە ٨ ھاتریک گەھاندنە ھژمارا میسی ئەوێ بەری نوکە وی ژی ھەشت ھاتریک تومارکرین.
٥- رونالدوی شیا ھژمارا گولێن خوە ب گەھینتە ٦٣ گولان ل قوناغا دورکەفتنا ئێکسەر ب دو یاریان ئانکو پشتی قوناغا کومان.
٦- رونالدو ژ قارەمانیا وەرزێ ٢٠١٦-٢٠١٧ شیا پشکداریێ د ٤١ گولان دا بکەت ل قارەمانیا چامپیونیز لیگ کو ٣١ گول ھەردیسان بەرھەڤکرنا ١٠ ئەسیست بوو ھەڤالێن خوە کو دبیتە مەزنترین ھژمار د ماوێ سێ قارەمانیێن بوری دا.
٧- رونالدو ب تومارکرنا ھاتریکا شەڤا بوری شیا ھژمارا گولێن خوە ب گەھینتە ١٢٤ گولان د وێ قارەمانیێ دا ئانکو ژ ھژمارا گولێن ئەتلەتیکو مەدرید پتر ئەوا بتنێ ١١٨ گول تومارکرین د مێژویا خوە دا.
٨- رونالدو ٦١ گول د قوناغا کومان دا تومارکرینە و ٦٣ گول د قوناغا دی یا دورکەفتنا دو خوسارەتیا .
٩-رونالدو د ماوێ ٧٧ یاریان دا پشکداری د ٧٧ گولان دا کریە کو ب تومارکرنا ٦٣ گولان و ل گەل دروستکرنا ١٤ ئەسیست بوو ھەڤالێن خوە .
١٠-رونالدو شیا دو گولان د ٢٨ یاریان دا ل چامپیونیز لیگ توماربکەت.

١١- سەرکەفتنا مانچێستەر سیتی ل سەرجەمێ دو یاریان دا ب ١٠-٢ گولان دبیتە مەزنترین سەرکەفتن د مێژویا یانێن ئنگلیزی دا ل قوناغا دورکەفتنا دو خوسارەتیا .
١٢- سانی دبیتە یاریزانێ ئێکێ ھەر ژ سالا ٢٠١٢ وەرە بشێت ل قوناغا ١٦ سێ گولان بوو ھەڤالێن خوە بەرھەڤبکەت کو دووماھیی جار ل قوناغا ١٦ یاریزانێ فرەنسی و بایرن میونیخ رێبری بوو دژی بازل سێ گول بوو ھەڤالێن خوە بەرھەڤکربوون.

١٣-بوو جارا ئێکێ یە پشتی بورینا ھەشت سالان سێ یانێن ئنگلیزی بشێن دەربازی قوناغا ٨ ژ قارەمانیێ بن کو دووماھیی جار ل قارەمانیا ٢٠١٠-٢٠١١ بوو.
١٤- خوسارەتیا شالکە یا شەڤا بوری ب ٧ گولان بێ بەرامبەر دبیتە مەزنترین خوسارەتی د مێژویا یانێن ئەلمانی دا ل وێ قارەمانیێ .

ئەڤرۆ نیوز:
راھێنەرێ ئیسپانی گواردیولا و یانا مانچێستەر سیتی یا ئنگلیزی پشتی شیای ل یاریا خوە یا شەڤا بوری سەرکەفتنەکا مەزن ل سەر یانا شالکە یا ئەلمانی توماربکەت ب حەفت گولان بێ بەرامبەر و دەربازی قوناغا چارێک دووماھیا قارەمانیا چامپیونیز لیگا ئورۆپا بەن د داخویانیەکا رۆژنامەڤانی دا دیارکر ئەو گەلەک یێ کەیفخوشحالە ب دەربازبوونێ بوو قوناغا ھەشتێ ھەر چەندە دڤێ یاریێ دا ھژمارەکا یاریزانێن ئەوی ژبەر ھنگافتنێ نەشیان پشکداریێ بکەن لێ ئەو شیان سەرکەفتنێ ب ئاست و ئەنجامەکێ مەزن توماربکەن .
سەبارەت برنا چامپیونیز لیگ ل وەرزێ ئەڤ سالە ناڤبری دیارکر بەری نوکە ئەوی ل گەل بەرشەلۆنا دو جاران شیا ب دەستخوڤە بینت و حەفت جاران ژ دەستدایە و ئەو نە ئەو نە ریال مەدرید بوو بەردەوام برنا وێ قارەمانیێ لێ ئەو دێ ھەموو بزاڤا کەن بوو برنا قارەمانیێ ل وەرزێ ئەڤ سالە.
وی راھێنەرێ ئیسپانی سەبارەت یاریا لیڤەرپول و بایرن میونیخ دیارکر ئەو یاری دێ بوو ھەردو یانان یا ب زەحمەت بیت لێ ئەو دخوازیت یانا بایرن میونیخ دەربازبیت ژبەرکو ئەو حەژ میونیخ کەت و گەلەک ھەڤال و دوست ل وی باژێری و تایبەت وێ یانێ ھەنە .

ئەڤرۆ نیوز:
پشتی ل شەڤا بوری یانا یوڤانتوس شیای سەرکەفتنەکا مەزن ل سەر یانا ئەتلەتیکو مەدرید توماربکەت ب سێ گولان بێ بەرامبەر و یوڤی ل سەر کیستێ وێ یانا ئیسپانی دەربازی قوناغا ھەشتێ بووی راھێنەرێ یانا ئەتلەتیکو مەدرید دیگو سیمیونی دان پێدان ب وێ چەندێ کر کو تیما ئەوان ھەژی خوسارەتیێ بوون و یوڤانتوس یا ژ ھەژی دەربازبوونێ بوو.
زێدەتر ناڤبری بۆ رۆژناما مارکا دیارکر ئەو خوسارەت بوون ل یاریا بەرامبەر یوڤانتوس ژبەرکو یاریزان و ئەوان ئاستەکێ لاواز د یاریێ دا پێشکێشکر بەرامبەر یوڤانتوس باشتر بوو ژ ئەوان شیان ئاستەکێ بلند پێشکیش بکەن و دبینت ژ ھەژی سەرکەفتنێ بوون و پیروزباھیێ ل یوڤانتوس و جەماوەرێ ئەوێ دکەت.
سەبارەت رۆنالدوی ناڤبری دیارکر ئەو ئێک ژ باشترین یاریزانێن جیھانێ یە و نابیت تشتەکێ خەریبە ل دەڤ یاریزانەکێ وەکو رونالدوی بوو تومارکرنا رێمونتادەکێ و قورتالکرنا یانا خوە.