NO IORG
نووترين نووچه
Twitter

ئەڤرۆ نیوز، لەزگین جوقی:

سەرۆکێ جڤاتا قەزا شنگالێ دیارکرکو بۆ ئێکلایکرنا کیشەیا ئیدارا شنگالێ دێ ئەڤرۆ ٢١/١/٢٠١٩ پەنایێ بەینە دادگەھا قەزا شنگالێ و دێ سکالایێ تۆمارکەین.

وەیس نایف، سەرۆکێ جڤاتا قەزا شنگال بۆ ئەڤرۆ دیارکرکو ئەو وەکو جڤاتا شنگالێ دێ سکالا خوە تۆمارکەن بۆ ئێکلایکرنا ئاریشا ئیدارا شنگالێ، چونکو کێشە یا قەزا شنگالێ یە، لەورا ل دادگەە شنگالێ دێ سکالا تۆمارکەن و دێ چاڤەرێ بریارا دادگەھێ کەن بۆ ئێکلایکرنا کێشەیا ئێدارا شنگالێ و گۆت: “نابیت دو ئیدارە ل شنگالێ ھەبن پێدڤیە بریار ل سەر ئێک ئێدارێ بھێتە دان، ئەم وەکو جڤاتا شنگالێ خوە ب ئیدارا شەرعی دزانین، چونکو ئەم ب دەنگی وەلاتیان یێن ھاتینە دانان”.

ناڤھاتی ئەوژی ئاشکەرا کرکو ل بەغدا ژی دوو کەسێن سەر ب عەبادی ڤە دوسەیا شنگالێ ئێخستبوونە بن دەستێ خوە دا وان ھەر دوو کەسان رەوشا شنگال تێکدان ھەر دوو ژی عەرەبن و خەلکێ بەغدا نە پشتی ئەڤە بۆ مە ئاشکرا بووی مە بابەت گەھاندیە حکومەتا عیراقێ ئەو کەس ئێدی مایتێکرنێ د کەیسا شنگالێ دا ل بەغدا نەکەن.

307

ئه‌ڤرۆ نيوز:

رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا دوشەمبی رێکەفتی 20ی کانوونا دويێ 2019ێ ئەسمان دێ ساهى بيت ل گه‌ل ئه‌وره‌كێ كێم و هنده‌ك جاران ئه‌وه‌ ئه‌ور دێ پيچه‌ك زێده‌ بيت.

پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو دهێته‌ پشبينيكرن ئه‌سمان ساهى بيت ل گه‌ل ئه‌وره‌كێ كێم و هنده‌ك جاران ئه‌وه‌ ئه‌ور دێ پيچه‌ك زێده‌ بيت.

پشکا پێشبینیان دایە زایە زانین کو دێ لەزاتیا بایی د ناڤبەرا 5 ھەتا 10کم دا و ماوێ دیتنێ ژی دێ 10کم بیت، پلێن گەرمێ ژی دێ د ناڤبەرا 0 بۆ 11 پلان دا بن.

214

ئەڤرۆ نیوز، بارزان مزووری:

ھونەرمەندا شێوەکار و شانوڤان باسیما یەفار، ل سالا ١٩٥٨ ل باژێرێ ئەلقوش ژ دایکبوویە پتر ژ ٣٨ سالە کارێ ھونەری شێوەکاری دکەت کەل و پەلێن فلکلوری یێن ھەموو ئایینێن قەزا شێخان دژین دناڤ مالا خوە دا وەکو موزەخانەکێ دروست کریە دپارێزیت ، زێدەتری 300 پارچێن کەلوپەلێن فلکلور کۆمکرینە.

باسیما یەفار، بۆ ئەڤرۆ نیوز گوت: ئەڤە ٣٨ سالە کارێ وێنەکێشانێ دکەم جەندین پیشانگەھا دا بەشدار بویمە وێنەیێن چەندین کەسێن ناڤدار یێن کورد یێن ھەر؟سێ ئایینێن دەڤەرێ د وێنەکرینە دناڤ مالا من دا ھاتین نمایشکرن ، ئاڤاھیێ مالا خوە من ھەموو کرە وێنە و پەیکەر دناڤ دا ژی ھەموو کەل و پەلێن فلکلوری و پەیکەرێن کەسێن ناڤدارە یێن کورد،
زێدەتر گوت: وێنەیێن ١٠٠ کەسێن ھونەرمەند و کەسێن ناڤدار وێنەکرینە وەکو پەیکەر ب مادێ فلین دروست کریە، بەلێ جھێ داخێ یە حکومەتا عیراقێ ج جارا رێز ل ھونەرمەندێن شێوەکار نەگرتیە ئەڤە ٣٨ سالە ھونەرمەندا شێوەکار و شانوڤان سەندیکا ھونەرمەندێن بەغدا ئەندام نینم .

received_774898029555866

received_774898029555866

ئه‌ڤرۆ نيوز:

بڕياره‌ ئه‌ڤرۆ شاندێ دانوستاندكارێ پارتى ديموكراتى كوردستان ب مه‌ره‌ما رێكه‌فتن و پێكئينانا حوكمه‌تا نوو يا هه‌رێما كوردستانێ سه‌ره‌دانا پارێزگه‌ها سلێمانيێ بكه‌ن و ل گه‌ل ئێكه‌تى نشتيمانى كوردستان ب روونن.

ب گۆره‌ى ئه‌و پێزانينێن ل به‌ر ده‌ست ئه‌ڤرۆ نيوز، هه‌تا نها سه‌رۆك و جگێرێ سه‌رۆكێ په‌له‌مانى بۆ هه‌ر ئێك ژ ئێكه‌تى و پارتى ئێكلا بووينه‌ و پۆستێ سكرتێرێ په‌رله‌مانى ژى هێشتا د ناڤبه‌را مه‌سيحى و توركمانان دا نه‌هاتيه‌ ئێكلاكرن، هه‌ر چه‌نده‌ پۆستێ سه‌رۆكا په‌رله‌مانى بۆ ئێكه‌تيێ ئێكلا بوويه‌، به‌لێ هێشتا ديار نينه‌ بێگه‌رد ته‌له‌بانى يان ژى رێواز فايه‌ق دێ وى پۆستى وه‌رگريت.

بڕياره‌ سوبه‌هى ژى شانده‌كێ بزاڤا گۆڕان سه‌ره‌دانا پارتى ديموكراتى كوردستان بكه‌ت و ل گه‌ل پارتى ديموكراتى كوردستان كۆم ببيت و پرۆژه‌ك يێ ژ ژماره‌كا خالان پێك دهێت بۆ دانوستاندنێ ل گه‌ل پارتى به‌رهه‌ڤ كريه‌.

ژێده‌ره‌كى ژ ناڤا پارتى ديموكراتى كوردستان بۆ ئه‌ڤرۆ نيوز ئه‌ڤ چه‌نده‌ پشت راست كر و ئاماژه‌ ب وێ چه‌ندێ ژى كر كو گۆڕان ژى هه‌تا راده‌كێ باش گه‌هشتيه‌ وێ باوه‌ريێ كو د ناڤا سه‌رۆكاتيا په‌رله‌مانى دا ئه‌وان چو پۆست نابن و دبيت پۆستێ جێگرێ سه‌رۆكێ هه‌رێمێ وه‌ربگرن.

ئه‌ڤرۆ:
سه‌رۆك مه‌سعود بارزانی ئه‌ڤرۆ ل سه‌لاحه‌دین پێشوازی ل سه‌لاحه‌دین بهائه‌دین ئه‌میندارێ‌ گشتی یێ‌ ئێكگرتوو ئیسلامی كوردستان كر.

د دیداره‌كێ‌ دا، ره‌وشا سیاسی یا هه‌رێما كوردستانێ‌ و عیراق و ده‌ڤه‌رێ‌ و دووماهی پێشهات و گوهۆڕین و هه‌ڤكێشه‌ ل سه‌ر ئاستێ‌ عیراق و ده‌ڤه‌رێ‌ گه‌نگه‌شه‌ كرن.

هه‌ر د ڤی دیدارێ‌ دا، به‌حسێ‌ په‌یوه‌ندیێن هه‌رێم و به‌غدا و بزاڤ بۆ چاره‌كرنا كێشان كر، هه‌روه‌سا دوپاتی ل سه‌ر په‌یوه‌ندیێن د ناڤبه‌را هه‌ردو ئالیان و بزاڤ بۆ مسوگه‌ركرنا ئێكگۆتاری و ته‌بایێ‌ ل كوردستانێ‌ و موكمكرنا ده‌زگه‌هێن هه‌رێما كوردستانێ‌ كر.

ئه‌ڤرۆ نیوز، نه‌وزاد هلۆرى:

ب بهانه‌یا هه‌بوونا باره‌گایێن پارتا كرێكارێن كوردستانێ، ده‌مه‌كێ كێم به‌رى نوكه‌ فرۆكێن شه‌رى یێن توركى ده‌ڤه‌را برادوست یا سه‌ر ب ناحیا سیده‌كان بوردومان كر، هه‌تا نوكه‌ زیانێن ئه‌وێ بوردومانێ نه‌هاتینه‌ زانین.

بروا برادوستى، وه‌لاتیه‌كێ ده‌ڤه‌رێ یه‌ بۆ ئه‌ڤرۆ نیوز گۆت: (ده‌مه‌كێ كێم به‌رى نوكه‌ فروكێن شه‌رى یێن توركى ئاسمانێ كوردستانێ به‌زاند و ب توندى گونده‌وارێن ده‌ڤه‌را برادوست یا سه‌ر ب ناحیا سیده‌كان بوردومان بتنێ چه‌ند میتره‌كا دویرى سه‌نته‌رێ ناحیێ بوون).

زێده‌تر گۆت: (ژبه‌ركو ده‌م بویه‌ شه‌ڤ و زڤرینا فروكان به‌رده‌وامه‌ و مه‌ترسى هه‌یه‌، هه‌تا نوكه‌ زیانێ، گیانى و ماددیێن بوردومانێ نه‌هاتینه‌ زانین، به‌لێ ترسه‌كا مه‌زن ده‌ف خه‌لكى په‌یدابوویه‌ ژبه‌ركو بوردومان زور نێزیك بویه‌ و به‌رى نوكه‌ ژى قوربانى ل ده‌ڤه‌رێ په‌یدا بوونه‌).

93

ئەڤرۆ نیوز، مەحمود نھێلی:

بەرپرسێ بنگەھێ بەرەڤانیا باژێری ل دێرەلۆکێ بۆ ئەڤرۆ نیوز دیارکر، کو د ھەیاما چەند رۆژێن بوری دا سێ روودانێن ئاگر بەربوونێ ل سنورێ بنگەھێ وان دروست بووینە ئەگەرێ زیانێن مادی.

جیدارێ ئێکێ ئیحسان سەنعان بەرپرسێ بنگەھێ بەرەڤانیا باژێری ل دێرەلۆکێ دیارکر کو ئەڤ روودانێن ل دەڤ وان ھاتینە تومارکرن د ماوێ ڤان چەند رۆژێن دەرباز بوویی پتر ژ ٣ ملیون دیناران زیان گەھاندینە ھاولاتیان و گۆت: دو روودانێن ئاگر بەربوونا خانیان بوون، کو ھەر دو ژی ژ ئەنجامێ شورتی کارەبێ دروست بوونە و ئێک ژ وانا ب کوژمێ ٢ ملیون و ٨٤٥ ھزار دیناران زیان گەھاندینە خودانێ خانی و یا دوویێ ژی سوتنا خانیەکی دی بوو و دورێن ٨٢٠ ھزار دیناران زیان گەھشت بوونێ.

ناڤھاتی دیار ژی کر، کو روودانەکا دن ژ ئەنجامێ سوتنا تەکەرەکی ترۆمبێلەکا تانکەر  دروست ببوو و گۆت: د دامێ چونێ دا تەکەرەکی تانکەری پەقیا و نەشیانە کونترولێ ل سەر بکەت و ئاگر ب تەکەرێن دن کەفتیە و ئاگری گەشە کریە و بوویە ئەگەرێ سوتنا سێ تەکەرێن دیتر و کوژمێ ٦٧٥ دولاران زیان گەھشتنە ترۆمبێلێ و شیان تانکەری و سوتەمەنیێ دناڤ دا قورتال بکەن ژ سوتنێ.

 

ناڤھاتی ئاشکرا ژی کر، کو دڤان ھەر سێ روودانان دا چ زیان گیانێ نەبووینە.

57

ئەڤرۆ نیوز:

یاریا شڤێدی ناڤبەرا ھەردو یانێن چێلسی و ئارسنال دا ئەوا ب سەرکەفتنا یانا گانارز ب دو گۆلان بێ بەرامبەر ب دووماھی ھاتی، ھێرشبەرێ ئسپانی یێ یانا بلوز ئەلڤارو موراتا پشکداری نەکر.

رۆژناما زە سەن ئاشکرا کر موراتا نزیکە یانا لەندەنی بجە بھێلیت و بەر ب یانا ئەتلەتیکو مەدرید بچیت پشتی نەشیایی بیتە جھێ رازەمەندیا راھێنەرێ یانێ ماوریسیو ساری.

چوونا موراتای بۆ یانا ئسپانی دێ ب شێوەکێ بەروەخت بیت ھەتا دووماھیا ڤی وەرزی دگەل مافێ کرینا وی ب بھایێ ٥٥ ملیۆن یورویا، ژبلی ڤێ چەندێ ماوریسو ساری ژی حەزا ئینانا گۆنزالو ھیگوێن ھێرشبەرێ یانا میلان یا ئیتالی ھەیە ل جھێ موراتای.

58

ئەڤرۆ نیوز:

یاریزانێ ئسپانی یێ یانا ئارسنال ھیکتور بێلێرین د یاریا دوھی یا یانا خوە دا ھەمبەر یانا چێلسی تووشی ھنگافتنەکا دژوار بوو و دێ بۆ ماوێ ٩ ھەیڤا ژ یاریگەھان دوورکەڤیت.

رۆژناما دەیلی ئکسپرێس یا برێتانی ئاشکرا کر نوشدارێن یانا ئارسنال پشتی پشکنین بۆ بێلێرین ئەنجامداین دەربارەی وێ ھنگافتنا یاریزانێ یانێ ھەمبەر یانا چێلسی تووشبوی دیاربوویە دێ بۆ ماوێ ٩ ھەیڤا ژ یاریگەھان دوورکەڤیت ژ بەرکو پێدڤی ب نشتەگەریەکێ یە د ماسولکەیێن پێ وی دا.

653

 ئەڤرۆ نیوز، نەوزاد ھلۆری:

پتری ١٥ سالانە ل ناحیا شێلادزێ جھەکێ تایبەت بۆ شەرێ کەوا ھاتیە چێکرن، ژ بلی زەوق و خوشی د ھەمان دەم دا بھایێ کەوی دیار دبیت، ب گورەی ئاخڤتنێن کەوگیرڤانان ل مەیدانا شەرێ کەوا ل شێلادزێ کەو ھەتا ٣٠ وەرەقێن دولاری ھاتیە فروتن.

 

website security
WP Facebook Auto Publish Powered By : XYZScripts.com