ئەڤرۆ نیوز:
بەری دەمەکێ نێچیرڤان بارزانی سەرۆک وەزیرێن هەرێما کوردستانێ ل گەل قوباد تالەبانی جێگرێ سەرۆک وەزیران و رێباز حەملان وەزیرێ ئابووری د پرێس کۆنفرانسەکێ دا راگەهاند کو پاشکەفتا مووچەی هاتە هلوەشاند و ژ ڤێ هەیڤێ دێ مووچە وەکو بەرێ ب تەمامی هێتە دان.
سەرۆک وەزیرێن هەرێما کوردستانێ سوپاسیا فەرمانبەر، هێزێن پۆلیسان و پێشمەرگێن کوردستانێ و هەموو وان کەسان کر کو د سالێن قەیرانێ دا هاریکاریا حوکمەتا هەرێما کوردستانێ کرن.
ئەڤرۆ نیوز:
سەرۆکێ لیژنا ئێمناهیێ یا پەرلەمانێ ئیرانێ راگەهاند کو بەشار ئەسەد بەرهەڤە ل گەل کوردێن سووریێ دەست ب هەڤدیتنان بکەت و گۆت: (بەشار ئەسەد دڤێت بزانیت کا کوردان چ دڤێت و ژ بەر هندێ ژی د دەمەکێ نێزیک دا دێ دانوستاندن د ناڤبەرا کوردان و شامێ دا دەستپێ کەن).
حشمەتوللا فەلاحەتپیشێ ئەو یەک ژی دیار کر کو کوردان نەڤێت ژ سووریێ جودا بن ژ بەر هندێ ژی ئەم پشتەڤانیێ ل دانوستاندنێن کوردان و شامێ دکەین و گۆت: (نابیت تورکیا هێرشی رۆژهەلاتێ فراتێ بکەت، چونکو ئەو یەک دێ رێ بەر کارەساتێن مەزن ڤەکەت و ئەم ل دژی هێرشێن تورکیا نە).
ئەڤرۆ نیوز:
ب هەلکەفتا رۆژا جیهانی یا ژنان سەرۆک مەسعود بارزانی د پەیامەکێ دا پیرۆزباهیێ ل ژنێن جیهانێ و کوردستانێ دکەت و دیار دکەت کو ژنێن کوردستانێ د خەباتا ئازادیخوازا گەلێ کوردستانێ دا رۆلەک مەزن گێراینە و قوربانیێن مەزن دانینە، ئەز ب شانازی ڤە ڤێ رۆژێ ل هەموو ژنێن جیهانێ پیرۆز دکەم.
سەرۆک بارزانی هەروەسا دیار دکەت کو ژنێن کورد ژ بۆ بدەستڤەئینانا مافێن رەوا یێن گەلێ کوردستانێ خوەدان رۆلەک بەرچاڤ بووینە.
ئه‌ڤرۆ نیوز:
فه‌رهاد ئه‌مین ئه‌ترووشی پارێزگه‌رێ دهۆكێ په‌یامه‌ك ب هه‌لكه‌فتا 8 ئادارێ رۆژا جیهانی یا ئافره‌تان به‌لاڤ كر و ئه‌ڤ هه‌لكه‌فته ل ئافره‌تێن كوردستانێ ب گشتی و یێن پارێزگه‌ها دهۆكێ ب تایبه‌تی پیرۆز كر.
فه‌رهاد ئه‌مین ئه‌ترووشی د په‌یاما خوه دا راگه‌هاندیه كو ئافره‌تێن كوردستانێ هه‌رده‌م نموونا قۆربانیدان و خۆراگری و بهایێن مرۆڤایه‌تیێ نه و هه‌رده‌م ئافره‌تێن بهێز و ئازا د ناڤ گه‌لێ كورد دا هه‌بووینه و گۆت:(ئه‌م حكومه‌ت وه‌ك پره‌نسیپ دێ به‌رده‌وام پارێزگارا مافێن مرۆڤی و دیمۆكراسیێ بین، ب تایبه‌ت د كه‌یسێن وه‌كه‌هه‌ڤیا مافێن ئافره‌تان دا).
پارێزگه‌رێ دهۆكێ به‌خته‌وه‌ریێ بۆ هه‌موو ئافره‌تان دخوازیت و دوباره ڤێ هه‌لكه‌فتێ ل وان پیرۆز دكه‌ت.
ئامادەکرن، ھەژار مەعروف:
کارگێریا یانا ریال مەدرید گەھشتی نە وێ باوەریێ بوو گوھورینا راھێنەرێ نوکە یێ یانێ سولاری پشتی بوراندنا چار ھەیڤێن ب زەحمەت و نەشیای ھەڤرکیێ ل سەر ناسناڤێن خول و کاسا ئیسپانیا بکەت ھەردیسان قارەمانیا چامپیونیز لیگ و دو راھێنەرێن بەری نوکە یێن ریال مەدرید بەربژارێن ھەرە مەزن بوو جارەکا دی پوستێ راھێنەریا وێ یانێ وەربگرن ئەوژی زێدان یێ فرەنسی و جوزێ مورینھو یێ پورتوگالی کو ھەردو راھێنەران چەندین دەستکەفتی بەری نوکە ل گەل وێ یانێ ب دەستخوڤە برینە.
ئەگەرێن چوونا زێدانی
پشتی برنا ناسناڤێ سیێ یێ چامپیونیز لیگ ب پێنچ رۆژان راھێنەرێ فرەنسی زێدان د گونگرەکێ رۆژنامەڤانی دا داخویانیەک راگەھاندی و دیارکری ریال مەدرید بوو وەرزێ ٢٠١٨-٢٠١٩ پێدڤی گوھورینێن مەزنە سەرەرای برنا چامپیونیز لیگ ئەو چەندە ببو جھێ نە ئارامیا سەرۆکێ وێ یانێ پێریز کو زێدان داخوازی ژ سەرۆکێ یانێ کر چەند گوھورینا بکەت لێ ئەوی رەتکربوو.
ناڤاس و رونالدو بێل ژ ئەگەرێن سەرەکی بوون
سەرۆکێ یانا ریال مەدرید یێ رژد بوو سەر ئینانا گولچیەکێ نوو ل جھێ ناڤاس و فروتنا ستێرا ئێکێ یا وێ یانێ رونالدوی ھەردیسان ھێلانا یاریزانێ وێلزی گارس بێل لێ بەرامبەر ئەڤان بریارا زێدان نە رازیبوونا خوە دیارکربوو ئەوی بوو سەرۆکێ یانێ دیارکربوو ناخوازیت دەستا ستێرا خوە یا ئێکێ ل یانێ رونالدوی بەردەت و پێدڤی ب شیانێن ئەوی ھەیە ھەردیسان پێدڤی ب چ گولچیێن نوو نینە ژبەرکو ئەو دێ پشت بەستنێ ل سەر ناڤاس کەت ھەردیسان داخوازی ژ سەرۆکێ یانێ کر بوو گارس بێل ب فروشن ل جھێ وی ھەڤبەستێ ل گەل ھازارد ئیمزا بکەن و ل گەل چەند گوھورینن دی یێن بچوک ل ناڤا پێکھاتیێ یانێ دا لێ سەرۆکێ یانا ریال مەدرید ئەو داخوازیێن زێدان ھەموو رەتکربوون و یێ رژد بوو ل سەر فروتنا رونالدوی و ئینانا گولچیەکێ دی و ھەڤبەستێ ل گەل چ یاریزانێن ستێر ئیمزا ناکەت ل جھێ رونالدوی .
مەرجەیێن ھاتنا زێدان
پشتی ل ماوێ چەند رۆژێن بوری یانا ریال مەدرید ب رێیا ئێک ژ بەرپرسێن ھەرە مەزن ل ناڤا یانێ دا پەیوەندی ب زێدانی کری و داخوازی ژێ کری جارەکا دی ڤەگەریت ئەوی راھێنەرێ فرەنسی ژی چەند مەرج داناینە بەر یانا ریال مەدرید ئەوژی گوھورینەکا مەزن ل ناڤا پێکھاتیێ یانێ دا بکەت کو دەستپێکێ ھەڤبەستێ ل گەل ھازارد ئیمزا بکەن ھەردیسان دەستا ژ چەند یاریزانێن نوکە بەردەت ل سەر کێشیا ئەوان گارس بێل و دبیت ئەو داخوازیێن زێدان ل سەر یانا ریال ب گەھنە ٤٠٠ ملیون یورۆیا ژبەرکو ئەوی چەند یاریزانێن نوو دەست نیشانکری نە کو مەزاختیێن ئەوان دێ گەھنە نێزیکی ٤٠٠ ملیون یورۆیا .
دێ بیتە قارەمانێ ئێکێ
ب ڤێ چەندێ ھەکە زێدان جارەکا دی ڤەگەریا یانا ریال مەدرید و ھەموو بریاریێن وی ب جە ئینان وێ یانێ ئەو دێ بیتە خودانێ بریارا ئێکێ ل یانێ بوو ئینانا یاریزانان دێ ل دیڤ داخوازیێن وی بن ژبەرکو ئەو چەندە ئەوی بەری نوکە بوو سەرۆکێ یانێ دیارکری ھەموو دروست بوون کو وی دیارکر بوو یانە پێدڤی ب ئینانا ستێرەکی یە ھەردیسان دەست بەردان ژ بێل یا پێدڤی یە دەمێ چوونا وی ھاتیە ئەڤ چەندە یا دروست بوو ژبەرکو ھەتا نوکە وی یاریزانێ وێلزی نەشیا خوە وەکو ستێرا ئێکێ ل یانێ دیاربکەت .
ریال مەدرید بوو زێدان جارەکا دی دخوازیت
پشتەڤانێن یانا ریال مەدرید ب رێژەیا ھەرە مەزن حەزا ڤەگەراندنا زێدان ھەیە تایبەت پشتی ئەوان ئەنجامێن باش د ماوەکێ کورت دا ل گەل یانا ریال مەدرید تومارکرین و قارەمانیا تایبەتمەند ل دەڤ کارگێری و حەژێکەرێن وێ یانێ چامپیونیز لیگ سێ جاران ل دیڤ ئێک ھەردیسان ئەوا زێدانی پشتی یاریا دووماھیا وەرزێ بوری یا چامپیونیز لیگ بوو سەرۆکێ یانێ دیارکری کو ھەکە ریال ستێرا خوە رونالدوی ب فروشیت و ھەڤبەستێ ل گەل چەند یاریزانێن دی یێن ستێر ئیمزا نەکەت ئەو نەشێت بەردەوامی بدەتێ و دێ ریال کەڤتی تە د مەترسیەکا مەزن دا بوو ژ دەستدانا ھەڤرکیێ ل سەر ناسناڤێن نافخوی و چامپیونیز لیگ ھەموو دروست دەرکەڤتن لەورا جەماوەرێ وێ یانێ و چەند بەرپرسێن یانێ وەسا دبینن زێدانی بتنێ بوو بەرژوەندیا یانێ کاردکەت و ھەردیسان یا ژ وێ مەزنتر ب کورێ وێ یانێ دبینن.
ئەڤرۆ نیوز:
کارگێریا یانا روما ب فەرمی راھێنەرێ خوە یێ ئیتالی ئیزیبیز دی فرانشیسکو دورخست ژ پوستێ وی ژبەر ئەو ئەنجامێن لاواز یێن وەرزێ ئەڤ سالە تایبەت پشتی خوسارەتیا ئەوان ل گەل یانا پورتو یا قورتوگالی ل قوناغا ١٦ ژ قارەمانیا چامپیونیز لیگا ئورۆپا .
رۆژناما کوریری دیلو سپورت یا ئیتالی ئاشکراکریە راھێنەرێ بەرنیاس یێ ئیتالی کلاودیو رانێیری و یانا فولھام یا ئنگلیزی ئەوێ بەری چەند رۆژان ژ پوستێ وێ یانێ ھاتیە دورخستن دێ بیتە راھێنەرێ نوو یێ یانا روما ھەتا دووماھیا ڤی وەرزی و دبیت ھەڤبەستا ئەوی ل دووماھیا ڤی وەرزی بھێتە درێژکرن بوو دو وەرزێن دی.
ھەردیسان وێ رۆژنامێ ئاشکراکریە ژی بریارە ئەڤرۆ رانێیری ب گەھیتە پایتەختێ ئیتالیا روما بوو ئیمزاکرنا ھەڤبەستا وێ یانێ بوو ماوێ سێ ھەیڤان .
ئەڤرۆ نیوز:
راپورتێن رۆژنامەڤانی ل ئیسپانیا ئاشکراکرینە بریارە ئەڤرۆ یانا ریال مەدرید بەیانامەیەکێ راگەھینت و چەند بریارە ل سەر رەوشا نوکە یا یانە مەدرید تێدا بوریت راگەھینت.
کەنالێ “Tele madrid”، دیارکریە ئەڤرۆ دێ کارگێریا یانا ریال مەدرید گەھشتی یە رێککەفتنێ ل گەل راھێنەرێ پورتوگالی جوزێ مورینھو ل جھێ راھێنەرێ نوو سولاری و ئەو راھێنەرێ پورتوگالی دێ ل یاریا بھێت بەرامبەر سەرکێشیا یانا ریال کەت.
ژلایەکێ دیڤە رۆژناما مارکا ئیسپانی کو ئێک ژ رۆژنامەیێن نێزیکی یانا ریال ئاشکراکریە دورخستنا سولاری بوو یاریا بھێت ھاتیە پاشئێخستن و دێ سولاری ل ماوێ بھێت یێ بەردەوام بیت ل گەل یانا ریال مەدرید ھەتا کارگێریا یانێ ب گەھیتە رێککەفتنێ ل گەل راھێنەرەکێ نوو کو بەرپرسێن وێ یانێ گەھشتی نە وێ باوەریێ بوو ئینانا راھێنەرەکێ نوو بۆ یانێ کو ھەلبژارتنا ئەوان یا ئێکێ دێ زێدان بیت و ھەکە نەگەھشتنە رێککەفتنێ ل گەل زێدان ئەو دێ ھەڤبەستێ ل گەل مورینھوی ئیمزا کەن.
ئه‌ڤرۆنیوز:
رێڤه‌به‌ریا گشتى یا كه‌شناسیێ ل هه‌رێما كوردستانێ ل دۆر ره‌وشا سه‌قاى سوباهى ئه‌ینیێ 8/3/2019 ل پارێزگه‌ها دهۆكێ به‌لاڤكر، ل سپێده‌یا زوو یا ئه‌ینیێ دێ ئه‌سمان ئه‌ور بیت وپاشى باران بارین دێ ده‌ستپێكه‌ت پاشى باران دێ راوه‌ستیت وئه‌سمان نیمچه ئه‌ور بیت.
دیاركر ژى كو پلا گه‌رمێ سوباهى ئه‌ینیێ ل پارێزگه‌ها دهۆكێ دێ 14 پله بیت.
ئه‌ڤرۆنیوز:
ل ده‌مێ نمایشه‌كا ئه‌سمانى ل ئوسترالیا، بالنده‌ك دچیته دناڤ بزوینه‌رێ فرۆكه‌كا له‌شكرى یا ئه‌مریكى ودئه‌نجامدا وێ فرۆكێ ژكاردئێخیت.
د پارچه‌كا ڤیدیۆیى دا دیاردبیت كا چاوان ده‌مێ ئه‌و فرۆكه دا خوه به‌رهه‌ڤ كه‌ت بۆ فرینێ، بالنده‌ك دچیته دناڤ بزوێنه‌رێ وێ دا وئاگر به‌ردبیته دووماهیا وى بزوێنه‌رى.
ئه‌ڤرۆنیوز:
بریاره سوباهى ئه‌ینیێ 8/3/2019 جڤاتا وه‌زیرێن هه‌رێما كوردستانێ كۆم ببیت وبریاره‌كێ ل دۆر نه‌هێلانا سیسته‌مێ پاشكه‌فتا مووچه‌ى بده‌ت.
نوره عوسمان، به‌رپرسێ فه‌رمانگه‌ها هه‌ماهه‌نگیێ ودووڤچوونێ ل جڤاتا وه‌زیرێن هه‌رێما كوردستانێ دداخۆیانیه‌كا رۆژنامه‌ڤانى دا گۆت” سوباهى پشتى نیڤرۆ جڤاتا وه‌زیرێن هه‌رێما كوردستانێ ل دۆر پرسا مووچێ فه‌رمانبه‌ران وپاشكه‌فتا مووچه‌ى دێ كۆمبیت”.
گۆت ژى” دبیت سوباهى بریار ل سه‌ر نه‌هێلانا سیسته‌مێ پاشكه‌فتا مووچێ فه‌رمانبه‌رێن هه‌رێما كوردستانێ بهێته دان.
نيشاندان