ئەڤرۆ نیوز:
ئەحمەد تورک بەربژارێ هەڤسەرۆکاتیا باژێرێ مەزن یێ مێردینێ بەرسڤا سەرۆک کۆمارێ تورکیا ل دۆر کوردستانێ دا و دیار کر کو ئەم خوەدانێن ڤێ ئاخێ نە، ب سالانە ئەم ل ڤێرێ دژین. دەمێ ئەم ل ڤێرێ بووین هوون ل جهەکێ دی بوون، ژ بەر هندێ ژی کەس نەشێت گەفان ل مە بکەت.
ناڤهاتی ئەو یەک ژی دیار کر کو داخۆیانیێن ئەردۆگانی نەتەوەپەرستی نە و گەلێ مە دێ د هەلبژارتنێن ٣١ ئادارێ دا بەرسڤا ئەردۆگانی دەت.
ئەڤرۆ نیۆز، قائید میرۆ:
شەڤا بۆری ل نێزیک سەنتەرێ قەزا مەخموور ھژمارەک چەکدارێن حەشدا شەعبی ھاتنە کوشتن و ژێدەرەکی ل مەخموور ژی ئاشکرا کر، فڕۆکێن ھەڤپەیمانان ب دژوار بنکەه و بارەگایێن داعش ل مەخموور بوردۆمانکرینە.
ژێدەرەکی ل قەزا مەخموور بۆ ئەڤرۆ نیۆز دیارکر” شەڤا بۆری دەمێ کاروانەکێ تڕۆمبێلێن حەشدا شەعبی ل نزێکی قەزا مەخموور ھژمارەک چەکدارێن حەشدێ ڤەدگوھاستن کەڤنە ناڤا کەمینەکا چەکدارێن داعش و د ئەنجامدا شەڕ و پێکدادانێن توند پەیدا بوون و بۆ دەمێ چەند دەمژمێران شەڕ یێ بەردەوامبوو.
ژێدەری کو نەڤیا ناڤێ وی بھێتە بەلاڤکرن ئاماژەکر” ژ بەر شپرزەیا چەکدارێن حەشدا شەعبی داعش شیا گورزەکا کوژەک ل حەشدا شەعبی بدەت و بدەھان چەکدارێن حەشدێ ھاتنە کوشتن و بریندارکرن.
ئەڤی ژێدەری گوتژی” پشتی ھێرشا داعشێ بۆ سەر حەشدێ فڕۆکەیێن ھەڤپەیمانان بنکە و بارەگایێ حەشدا شەعبی ل چیایێ قەرەچۆغ یێ ھنداڤی قەزا مەخموور ب گرانی بوردۆمانکر، بەلێ زیانێن چەکدارێن داعشێ ھێشتا دیار نینن.
ئەڤرۆ نیوز،ھەژار مەعروف:
پشتی ل ماوێ بوری ئێکەتیا تەپا پێ یا نیڤدەولی فیفا ھزر ل وێ چەندێ کری ھژمارا ھەلبژارتیێن پشکدار د موندیالێن بھێت زێدەبکەت ژ ٣٢ ھەلبژارتیا بکەنە ٤٨ ھەلبژارتی مالپەرێ ئوسوشیتد پرێس یێ ئەمریکی بەلاڤەکریە ھەکە فیفا ل سەر وێ بریارێ یا رژد بیت بوو زێدەکرنا ھەلبژارتیا ل موندیالا قەتەر یا ٢٠٢٢ دبیت دو وەلاتێن دی ب ھەڤکاری ل گەل قەتەر مێڤاندریا وێ موندیالێ بکەن .
ئەوی مالپەری ئەو چەندە ژی دیارکریە ھەر ئێک ژ وەلاتێن کوێت و عمان ب ھێزترین دو بەربژارن ب ھەڤکاری ل گەل قەتەر مێڤانداریا وێ قارەمانیێ بکەن ژبەرکو ھەردو وەلات ئێک سنورن ل گەل قەتەر ھەردیسان کەشو ھەوایێ ئەوان ھەردو وەلاتان ژی نێزیکی یێ قەتەرە.
ھەژی گوتنێ یە بەری نوکە سەرۆکێ ئێکەتیا فیفا جانی ئنڤانتینو ل کونگرێ سالانە یێ فیفا ل رۆسیا دیارکر بوو ئەوان ھزر ل وێ چەندێ کریە ل پاشەرۆژێ ھەلبژارتیێن پشکدار د موندیالێن بھێت دا زێدە بکەن ژ ٣٢ ھەلبژارتیا بکەنە ٤٨ ھەلبژارتی بوو پتر دەلیڤە بوو چەند ھەلبژارتیێن دی ژی ھەبیت ھەر چەندە ھەتا نوکە بریار ب فەرمی نە ھاتیە دانێ کا دێ ل موندیالا ٢٠٢٢ ئەڤ چەندە ھێتەدانێ یان موندیالا ٢٠٢٦ .
ئەڤرۆ نیوز:
رۆژناما مارکا ئیسپانی دیارکریە ب فەرمی ھەردو یانێن بەرشەلۆنا و ئەتلەتیکو مەدرید دەست ب لڤیناکریە بوو دەستڤە ئینانا کابتنێ نیڤدەولی یێ ھولەندی و یانا ئەیاکس دی لینگ بوو ئیمزاکرنا ھەڤبەستا ئەوی ل ڤەگوھاستنێن ھاڤینا بھێت ژبەر وی ئاستێ بلند یێ ل وەرزێ ئەڤ سالە پێشکێشکری و تایبەت ل یاریا دوێ ژ قارەمانیا ئورۆپا بەرامبەر ریال .
/cdn.vox-cdn.com/uploads/chorus_image/image/63191764/1133991310.jpg.0.jpg)
ئه‌ڤرۆ نیوز:
فه‌رهاد ئه‌مین ئه‌ترووشی پارێزگه‌رێ دهۆكێ ئه‌ڤرۆ ل گه‌ل ئه‌یمه‌ن غرابیه به‌رپرسێ نوو یێ رێكخراوا (UNHCR) ل عیراقێ كۆمبوو.
د كۆمبوونێ دا ب ئاماده‌بوونا هاریكارێ پارێزگه‌رێ دهۆكێ بو كاروبارێن مرۆڤایه‌تی به‌حسێ ره‌وشا ئاواره و په‌نابه‌ران ل سنورێ پارێزگه‌ها دهۆكێ و پێدڤیێن وان یێن رۆژانه هاته كرن.
د ته‌وه‌ره‌كێ دن دا به‌حسێ ئه‌ركێ به‌رپرسێ نوو یێ رێكخراوا (UNHCR) و هه‌ڤكاری وهاریكاری د گه‌ل سازیێن فه‌رمی یێن پارێزگه‌ها دهۆكێ ژپێخه‌مه‌ت باشتر خزمه‌تكرنا په‌نابه‌ر و ئاواره‌یان هاته كرن.
به‌رپرسێ نوو یێ رێكخراوا (UNHCR) ل عیراقێ سوپاسیا پارێزگه‌رێ دهۆكێ و بوردێ كاروبارێن مرۆڤایه‌تی و هه‌موو سازیێن په‌یوه‌ندیدار كر بۆ وێ خزمه‌تا مه‌زن و ژ هه‌ژی كو د ڤان سالێن بوری دا پێشكێشی ئاواره و په‌نابه‌ران كریه .
ژ لایێ خوه ڤه پارێزگه‌رێ دهۆكێ پیرۆزباهیا به‌رپرسێ نوو یێ رێكخراوا (UNHCR) ل عیراقێ كر و سه‌ركه‌فتن بۆ خواست و پشته‌ڤانیا كارگێریا پارێزگه‌هێ نیشان دا بۆ هه‌ر هاریكاریه‌كێ بۆ یه‌كێ باشتر خزمه‌تا په‌نابه‌ر و ئاواره‌یان ل سنورێ پارێزگه‌ها دهۆكێ بهێته كرن.
ئەڤرۆ نیوز:
پشتی یانا پورتو یا پورتوگالی شڤێدی شیای سەرکەفتنێ ل سەر یانا روما یا ئیتالی توماربکەت ب سێ گولان بەرامبەر گولەکێ و دەربازی قوناغا ھەشتێ بووی ژ قارەمانیا چامپیونیز لیگ و ب وێ سەرکەفتنێ گولچیێ بەرنیاس یێ ئیسپانی و یانا پورتو یا پورتوگالی کاسیاس شیا نمرەکا نوو د قارەمانیا چامپیونیز لیگ دا توماربکەت.
مالپەرێ پوپتا یێ تایبەت ب ئامارەیێن یاریزانان ڤە ئاشکراکریە ب وێ سەرکەفتنێ کاسیاس بوو یاریزانێ ئێکێ بوو پتریا سەرکەفتنا د قارەمانیا چامپیونیز لیگ دا ھژمارا سەرکەفتنێن خوە گەھاندنە ١٠١ سەرکەفتنا و پێشکەڤت ل سەر ھەڤالێ خوە یێ بەری نوکە ل یانا ریال مەدرید و یاریزانێ نوکە یێ یوڤانتوس کریستیانو رونالدو ئەوێ ١٠٠ سەرکەفتن ھەی د وێ قارەمانیێ دا .
ھەژی گوتنێ یە پورتو شیا ل سەر کیستێ روما دەربازی قوناغا ھەشتێ بیت پشتی ل یاریا ئێکێ خوسارەت بووی ل یاریگەھا روما ب دو گولان بەرامبەر گولەکێ و ل یاریا دوێ ل یاریگەھا خوە ب سەرکەفتی ب سێ گولان بەرامبەر گولەکێ و د سەرجەمێ ھەردو یاریان دا ب چار گولان بەرامبەر سێ گولان گەھشتی یە قوناغا ھەشتێ
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 7ى ئادارا 2019ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 100 دولارێ ئه‌مريكى | 120.100 دينار |
| 100 يۆرۆيێ ئه‌ورۆپى | 136.500 دينار |
| 100 ليرێ توركى | 23.000 دينار |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
نيشاندان