ئەڤرۆ نیوز:
ستێرا یانا بەرشەلۆنا و یاریزانێ بەرێ یێ یانا ئەیاکس ئەمستردام لویس سوارێز کەیفخوشحالیا خوە دیارکر ب سەرکەفتنا یانا خوە یا بەرێ ئەیاکس ل سەر یانا ریال مەدرید ژ قارەمانیا چامپیونیز لیگ پشتی ل شەڤا بوری ئەو یانە شیای ھەلگرا ھەرسێ وەرزێن بوری یانا ریال مەدرید ژ قارەمانیێ دەربخیت پشتی ب سەرکەفتی ل ناڤ ئەرد و جەماوەرێ وێ ب چار گولان بەرامبەر گولەکێ.
سوارێز ل سەر مالپەرێ خوە یێ تایبەت یێ تویتەری پوستەک بەلاڤەکری یە تێدا دیارکریە پیروزە و ھەردەم ئەو وەکو پشتەڤانەکێ ئەیاکس ئەمستردامە.
ئەڤرۆ نیوز ، عەلی حاجی :
گەنجەکێ زاخۆ بناڤێ بناڤێ شەعبان نەعمەت ، وەکو کارەکێ خوەبەخشی دگەل ھەڤالێن خوە رابویە ب پاقژکرنا بەر دەرگەھەکێ قوتابخانەیەکێ ل زاخۆ و وێنەێن ھێزێن پێشمەرگەیێن کوردستانێ ل سەر دیوارێ ھەمان قوتابخانێ دروست کری یە .
شەعبان نەعمەت بۆ ئەرۆ نیوز دیار کر ئەو قوتابخانە دکەڤیتە روژانە ئەو دیمەنێ کرێت من ل وێرێ دیت کو بەرماییەکێ زور ل بەر دەرگەھێ وێ قوتابخانێ ھەبو ، ڤێ چەندێ ژی وەکر من ب ھەڤکاری دگەل ھەڤالێن پێشنیارەک دا باژێرڤانیا زاخۆ کو ب شێوەیەکێ جوان رابین ب نەخشاندنا وی دیواری دا کو دیمەنەکێ جوانتر بدەتە تاخێ مە ، ب خوەش حالی ڤە باژێرڤانیا زاخۆ ھاریکار بو دگەل مە دا و رابو ب ئامادەکرنا بویاغێ .
ئاڤھاتی ئەو چەندە ژی گوت : دەست پێکێ دا بەر دەرگەھێ ژلایێ مەڤە ھاتە پاقژ کرن و ل دووڤ را ب شێوەیەکێ جوان رابوم ب دروست کرنا وێنێن پێشمەرگەیێ کوردستانێ و دقوناغا بھێت ژی دا دێ نەخشێ کوردستانێ و دگەل دا ناڤێ پێشمەرگەیی ژی نەخشینم داکو جوانیەکا دیتر بدەتە تاخێ مە ، ھەر گەنجەکێ ھزرەک ھەیە باشترە لایەنێن پەیوەندیدار خوە ل ھزرێن گەنجان بکەنە خودان دا کو گەنج خوە ب خودان ببینن ل کوردستانێ دا .
ئەڤرۆ نیوز:
ئیمیلیانو پوتراگینیو رێڤەبەرێ پەیوەندیان و ژ ئەندامێن دەستەکا گشتی ل کارگێریا یانا ریال مەدرید و دھێتە ھژمارتن ئێک ژ بەرپرسێن مەزنە ل وێ یانێ ل سەر خوسارەتیا شەڤا بوری ژ قارەمانیا چامپیونیز لیگ ل گەل ئەیاکس کر دیارکر ئەو خوسارەتیا بەرامبەر ئەیاکس نە یا پێشبینی کری بوو نە بتنێ بوو ئەوان بەلکو بوو ھەموو جەماوەرێ وەرزشی ل ئورۆپا و جیھانێ.
زێدەتر پوتراگینیو دیارکر خوسارەتیا بەرامبەر ئەیاکس ب شەڤەکا گەلەک نەخوش دبینت و ئەوان پێشبینی نەتکر چ جاران دێ ئەنجام ب ڤی رەنگی بیت و دەرخستنا ئەوان ب ڤی رەنگی بیت د قارەمانیا چامپیونیز لیگ لێ ئەڤە تەپا پێ یە پێدڤی یە ئەو د ئارام بن ژبەرکو سەرکەفتن و خوسارەتی ھەردەم ھەیە لێ یا شەڤا بوری رویدای دبینت دربەکێ مەزن بوو ب یانا ئەوان کەڤتی.
ل دووماھیێ ناڤبری دیارکر ژی پێدڤی یە ئەو ھەست ب وێ چەندێ بکەن کا ڤان یاریزانان بوو یانێ ل ماوێ چەند سالێن بوری چ
پێدڤی یە ئەو ژبیر نەکەن و ھەست ب وێ چەندێ بکەن یا ئەڤان یاریزانان ل ماوێ چەند سالێن بوری بۆ یانا خوە کری و شیابوون ھەموو دەستکەفتیان بوو یانێ ب دەستخوڤە بینن و بەری حەفتیەکێ ئەو ھەڤرک بوون بوو برنا سێ ناسناڤان لێ نوکە ئەوان ژ دەستدان نابیت خوە بێ ئومێد بکەین و پێدڤی یە ئەو ھزر ل وێ چەندێ بکەن بوو نەخەشەکێ باشتر بوو پاشەرۆژێ.
ئه‌ڤرۆ نيوز:
سۆپاسالارێ هێزێن پێشمه‌رگه‌ى راگه‌هاند كو داعش چو گه‌ف ل سه‌ر هه‌رێما كوردستانێ نينه، به‌لێ ل ده‌ڤه‌رێن كوردستانى يێن ده‌رڤه‌ى ئيدارا هه‌رێما كوردستانێ و ده‌وروبه‌رێن مووسل و سنورێ عيراق و سوريا ژى بزاڤێن داعش د زێده‌بوونێ دانه و كريارێن تيرۆرستى ژى ئه‌نجام دده‌ن.
فه‌ريق جه‌مال ئێمينكى، سۆپاسالارێ هێزێن پێشمه‌رگه‌ى، ده‌رباره‌ى گه‌ف و لڤينێن داعش گۆت: “هندى هێزێن پێشمه‌رگه‌ى ل ده‌ڤه‌رێن كوردستانى يێن دره‌ڤه‌ى ئيدارا هه‌رێما كوردستانێ دبنه‌جهـ بوون، داعش چو ده‌رفه‌ته‌ك نه‌بوو خوه رێك بێخيت و لڤينێن تيرۆرستى ئه‌نجام بده‌ت، به‌لێ پشتى روودانێن 16ى ئوكتۆبه‌رێ ژ ئه‌گه‌رێ بۆشاييا ئه‌منى، له‌شكرى و سياسى ل ده‌ڤه‌رێ، داعش سه‌رهلدايه و لڤينێن وان ل چه‌ند ده‌ڤه‌ران بووينه گه‌ف ل سه‌ر ژيان و گۆزه‌رانيا خه‌لكى”.
سۆپاسالارێ هێزێن پێشمه‌رگه‌ى ئاماژه ب وان ده‌ڤه‌ران ژى دا يێن كو داعش تێدا سه‌رهلداى و گۆت: “ل سنورێ قه‌زا شنگال و ده‌ڤه‌رێن سنورى يێن ناڤبه‌را عيراق و سوريا، هه‌روه‌سا ل رۆژهه‌لات و رۆژئاڤايێ مووسل و سنورێ قه‌زا مه‌خمۆر ب تايبه‌ت ل چيايێ قه‌ره‌چوغ، هه‌روه‌سا ل سنورێ پارێزگه‌ها كه‌ركووك رۆژ بۆ رۆژێ لڤينێن تيرۆرستى و چالاكيێن وان د زێده بوونێ دانه”.
فه‌ريق جه‌مال ئێمينكى ئاشكه‌را ژى كر كو داعش گه‌ف نابيت ل سه‌ر هه‌رێما كوردستانێ، “سه‌نگه‌رێن پێشمه‌رگه‌ى ب ره‌نگه‌كێ گه‌له‌ك باش مۆكم كرينه و ئاماده‌ى هه‌موو ره‌نگه به‌ره‌ڤانيه‌كێ نه، به‌لێ ده‌ڤه‌رێن كوردستانى يێن كێشه ل سه‌ر ژ ئه‌گه‌رێ نه‌بوونا پێشمه‌رگه‌ى ل ده‌ڤه‌رێن گه‌ف ل سه‌ر”.
ئه‌ڤرۆ نيوز:
پشتى دو هه‌يڤان ژ بڕيارا ده‌سته‌سه‌ركرنێ دوهى رۆژا سێشه‌مبى هۆنه‌رمه‌ندێ مللى ئاوات بۆكانى خوه راده‌ستى پۆليسان كر.
عه‌لى عه‌بدولا رێڤه‌به‌رێ پۆليسێ كويه راگه‌هاند كو ئێڤاريا دوهى رۆژا سێشه‌مبى 5ى ئادارا 2019ێ ل ده‌مژمێر 4:30 ده‌قيقه سترانبێژێ مللى ئاوات بۆكانى كو بڕيارا ده‌سته‌سه‌ركرنێ بۆ ده‌ركه‌فت بوو ل دووڤ ماددێ 405 يێ كوشتنێ كو ته‌قه ل دو وه‌لاتيان كربوو.
ئەڤرۆ نیوز:
پشتی وێ خوسارەتیا نە چاڤەرێکری یا ریال مەدرید یا شەڤا بوری ل گەل یانا ئەیاکس ئەمستردام ب چار گولان بەرامبەر گولەکێ ژ قارەمانیا چامپیونیز لیگ و ھاتینە دورخستن ژ وێ قارەمانیێ و راھێنەرێ ریال د گونگرێ رۆژنامەڤانی یێ شەڤا بوری بەحس ل وێ یاریێ کر.
دەستپێکی سولاری دیارکر ئەو خوسارەتی نە یا چاڤەرێکری بوو و مەندەھوش بوویه ژبەرکو زوربەیا ئەوان یاریزانان ھەمان یاریزان بوون ئەوێن شیان ٤ ناسناڤان ل دووماھیی ٥ قارەمانی دا ب دەستخوڤە برین و ب شەڤەکا نەخوش دلگران دبینت ژبەرکو ڤێ قارەمانیێ تایبەت مەندیا خوە ل دەڤ حەژێکەر و یانا ریال مەدرید ھەیە لێ ئەڤە تەپا پێ یە سەرکەفتن و خوسارەتی تێدا ھەیە .
زێدەتر ناڤبری دیارکر ریال ل سەر ئەوان پێدڤی یه د بەردەوام بن ھەتا دووماھیا ڤی وەرزی و ئەڤرۆ دێ ڤەگەرینە راھێنانێن خوە بوو خوبه‌رهه‌ڤکرن بوو یاریێن بھێت ژ خۆلا لالیگا و دێ بزاڤێ کەن باشتر و ب ھێزتر ڤەگەرن و دەستدانا قارەمانیا نە وێ چەندێ دگەھینت ئەو بێ ھیڤی بوون ژ ھەر تشتەکی ژبه‌رکو ریال مه‌درید دێ دیسان ب هێز ڤه‌گه‌ریته ڤه .
سەبارەت دێ دەست ژ کارێ خوە بەردەت پشتی دەرکەفتنا ئەوان ژ قارەمانیا ئورۆپا ناڤبری دیارکر ریال مەدرید ژ یاریزان و زاهێنه‌ری و ھەر کەسەکی مەزنترە و دڤی دەمی دا ئەو یانێ ب جە ناھێلت ھەتا دووماھیا ڤی وەرزی کا دێ چو رویده‌ت و کارگێریا یانێ دێ بریارێ ل سەر مان و نەمانە وی دەت .
ل دووماھیێ ناڤبری دیارکر ژی خوسارەتیا شەڤا بوری گەلەک ئەگەرێن خوە ھەبوون ھنگافتنا یاریزانان ھەردیسان دەستدانا یاریزانەکێ وەکو راموس کارتێکرنا خوە گەلەک ھەبوو ھەردیسان ڤار ژی یا گولا سێ کارتێکرنەکا مەزن ل سەر ئەوان ژبەرکو بەری ئەیاکس گولا سێ توماربکەت د شیان دا ھەبوو ئەو ب ڤەگەرن ب ھێز ژبەرکو ئەوان بتمامی وی دەمی کونترولا یاریێ کربوو لێ ب وێ گولا نە دروست ھەموو پێشبینیێن یاریێ گوھورین.
ئەڤرۆ نیوز، نەوزاد ھلوری:
دھێتە پێشبینیکرن کو ئەڤ شەڤە دوو ھەسارە ل عەردی نێزیک بن، بگورەی ئاژانسا فەلەکناسی (ناسا) یا ئەمریکی لەزاتیا وان دگەھیتە 20 ھزار میلان د دەمژمێرەکێ دا.
ھەسارا ئێکێ ھاتیە بناڤکرن ب 2019 DC و دێ ب دوراتیا 4.18 ملیون کم ل عەردی نێزیک بیت، کو دبیتە 10 جاران ھندی دناڤبەرا عەردی و ھەیڤێ دا، ب گورەی پیڤەرێن گەردونی ئەڤ یەک دوراتیەکا کێمە.
لەزاتیا وێ دگەھیتە 9.22کم د چرکەیەکێ دا و 33 ھزار و 152 کم ددەمژمێرەکێ دا و تیرا وێ 30.5م کو دشیاندایە تیرا وێ ب قەبارێ ئاڤاھیەکێ 11 نھومی بھێتە ھەمبەرکرن.
ھەسارا دویێ ھاتیە بناڤکرن ب 2019 DL1 و ئێکسەر دوڤ وێدا دھێت، ھەمان قەبارێ ھەسارا ئێکێ یە، ب دوراتیا 3.7 ملیون کم ل عەردی نێزیکە.
لەزاتیا وێ دگەھیتە 4.42کم د چرکەکێ دا، ئانکو پیچەک کێمتر ژ 16 ھزار کم د دەمژمێرەکێ دا یان ژی زێدەتر ژ 10 جاران ھندی لەزاتیا گولەیی یە.
وەکو ئاژانسا ناڤبری بەلاڤکری، ئەڤ بەرێ ئەسمانی چ ھەرەشە بو سەر ژیانا عەردی نینە، ناھێتە پێشبینیکرن کو ب سەدان سالێن دی چ ھەسارەک بەر عەردی بکەڤن، ئەگەر روو بدەن ژی قەبارێ وان وەسا مەزن نینە کو ژیانێ لسەر عەردی نەھێلن.
ناسا لدور دوماھی ھاتنا دنیایێ ب کارەساتەکا بڤی رەنگی پشتراستیێ ددەت رونشتڤانێن دنیایێ و دوپات ژی کر ژ ئەگەرێ ھەر پێشبینیەکێ ب کەفتنا ھەر ھەسارە و تەنەکێ دگەردونی دا ئەو دێ ھەموو دنیایێ ئاگەھدار کەن.
ئەڤرۆ نیوز:
ستێرا ھێلا بەرەڤانیا یانا بەرشەلۆنا و کابتنێ وێ یێ بەری پیروزباھی ل یانا ئەیاکس ئەمستردام کر بوو وێ سەرکەفتنا مەزن یا شەڤا بوری ل سەر یانا ریال مەدرید ل یاریگەھا وێ .
کارلوس پویل کابتنێ بەرێ یێ بەرشەلۆنا ل سەر مالپەرێ خوە یێ تایبەت یێ تویتەری پوستەک بەلاڤەکری یە تێدا دیارکریە پیروزباھیێ ل یانا ئەیاکس ئەمستردام دکەم بوو وێ سەرکەفتنا ئەوان یا مەزن ل سەر ریال مەدرید نە بتنێ سەرکەفتن بەلکو وی ئاستێ ھونەری یێ مەزن ئەوێ پێشکێشکری د یاریێ دا.
ھەژی گوتنێ یە ئەیاکس ئەمستردام ل سەر کیستێ یانا ریال مەدرید دەربازی قوناغا ھەشتێ بوو پشتی د سەرجەمێ دو یاریان دا ب ئەنجامێ ٥-٣ دەربازبووی پشتی ل یاریا ئێکێ خوسارەت بووی ب دو گولان بەرامبەر گولەکێ و ل یاریا دوێ ب چار گولان بەرامبەر گولەکێ سەرکەفتی.
/cdn.vox-cdn.com/uploads/chorus_image/image/32796643/476169715.0.jpg)
ئه‌ڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا پێنجشه‌مبى رێکەفتی 7ى ئادارا 2019ێ ئەسمان دێ ئه‌وره‌كێ گه‌له‌ك كێم بيت و هنده‌ك جاران ئه‌و ئه‌ور دێ پيچه‌ك زێده‌تر لێ هێن و پشتى نيڤرۆ دێ به‌ر ب ئه‌ورێن ته‌مام چيت و ب شه‌ڤ دێ باران باريت و ل ده‌ڤه‌رێن چيايى ئه‌و باران بارين زێده‌تر لێ هێت.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو دهێته پشبينيكرن ئه‌سمان ئه‌وره‌كێ گه‌له‌ك كێم بيت و هنده‌ك جاران ئه‌و ئه‌ور دێ پيچه‌ك زێده‌تر لێ هێن و پشتى نيڤرۆ دێ به‌ر ب ئه‌ورێن ته‌مام چيت و ب شه‌ڤ دێ باران باريت و ل ده‌ڤه‌رێن چيايى ئه‌و باران بارين زێده‌تر لێ هێت.
پشکا پێشبینیان دایە زایە زانین کو دێ لەزاتیا بایی د ناڤبەرا 5 ھەتا 15کم دا و ماوێ دیتنێ ژی دێ د ناڤبه‌را 8 بۆ 9کم دا بیت، پلێن گەرمێ ژی دێ د ناڤبەرا 5 بۆ 15 پلان دا بن.
نيشاندان