ئەڤرۆ نیوز:
بهایێ ئەمپێرێ کارەبا موەلیدان بۆ هەیڤە شوباتێ هاتە دیارکرن
نووترين نووچه
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
- سەرۆكێ هەرێما كوردستانێ و قونسلێ ئەلمانیا پێكئینانا حوكمەتا هەرێمێ گەنگەشەكر
- نێچیرڤان بارزانی پێشوازی ل قونسلێ مسرێ كر
- مەسرور بارزانی بۆ سۆدانی: پێدڤییە مووچە ژ ناكۆكییا سیاسی بهێتە دوورئێخستن
- گۆتن و کریارێن دەستهەلاتێ ل دۆر پرسا کوردی گەلەک ژێک دوورن
- سەرۆك بارزانی: دانیێل میتێران رۆلەكێ گەلەك مەزن د بەرگریكرنێ ژ دۆزا گەلێ كورد دا هەبوو
- نێچیرڤان بارزانی: پێکڤە دێ شێین روو ب روویێ گوهۆڕینا سەقای بین
- پێدڤییە سەرژمێری بۆ مەبەستێن سیاسی نەهێتە بكارئینان
سه‌ره‌كى Twitter
فوئاد حسێن بریارا خه‌رجكرنا مووچێ فه‌رمانبه‌رێن هه‌رێما كوردستانێ ده‌ركر
ئه‌ڤرۆنیوز:
وه‌زیرێ دارایى یێ عیراقێ فوئاد حسێن بریارا خه‌رجكرنا مووچێ فه‌رمانبه‌رێن هه‌رێما كوردستانێ ده‌ركر.
ژێده‌ره‌كێ نێزیك ژ وه‌زیرێ دارایی یێ عیراقێ فوئاد حسێن بۆ سایتێ (سۆمه‌ریه نیوز) دیاركر كو وه‌زاره‌تا دارایى یا عیراقێ بریارا خه‌رجكرنا مووچێ فه‌رمانبه‌رین هه‌رێما كوردستانێ ده‌ركر.
به‌لاڤكر ژى”وه‌زیرێ دارایى یێ عیراقێ بریارا خه‌رجكرنا شایستێن داریى ومووچێ فه‌رمانبه‌رین هه‌رێما كوردستانێ بۆ ئه‌ڤ ساله ل دووڤ پشكا دیاركرى دقانوونا بودجا گشتى یا عیراقێ دا بۆ سالا 2019″.
وى ژێده‌رى ژڤانێ به‌لاڤكرنا وى مووچه‌ى ومیكانیزما به‌لاڤكرنێ دیارنه‌كر.
گۆت ژى كو شایستین دارایى یێن سێ هه‌یڤێن دووماهیا سالا 2017 یێن فه‌رمانبه‌رێن رێڤه‌به‌ریێن پاسه‌پۆرت وفه‌رمانبه‌رێن سكرێن ئاڤێ ل هه‌رێما كوردستانێ ژى هاتن خه‌رجكرن”.
ئێك ژڤان سێ كه‌سان دێ بیته راهێنه‌رێ ریال مه‌درید
ئه‌ڤرۆنیوز:
رۆژنامه‌كا ئیسپانى به‌لاڤكر كو یانا ریال مه‌درید سێ راهێنه‌ر به‌رچاڤ كرینه تاكو پشتى ب دووماهى هاتنا ڤى وه‌رزى، گرێبه‌ستا ل گه‌ل گرێده‌ت ل شوونا راهێنه‌رێ ئه‌رجه‌نتینی سانتاگۆ سولارى كو چاڤه‌رێ دهێته كرن ل دووماهیا ڤى وه‌رزى بهێته لادان.
رۆژناما (ئاس) یا ئیسپانى به‌لاڤكر كو سه‌رۆكێ یانا ریال مه‌درید سێ ناڤ دیاركرینه بۆ ئیمزاكرنا گرێبه‌ستێ دگه‌لدا بۆ وه‌رگرتنا ئه‌ركێ راهێنه‌رایا ریال ئه‌وژى هه‌ر ئێك ژ یواكیم لۆف راهێنه‌رێ هه‌لبژارتیێ ئه‌لمانیا وماسیمیلیانۆ ئه‌لیگرى راهێنه‌رێ یانا یوڤه‌نتۆس یا ئیتالى وماوریسیۆ بوتشیتینۆ راهێنه‌ری یان توتنهام یا ئینگلیزى.
پیشانگه‌ها هه‌ولێر یا نێڤده‌وله‌تى يا 14 بۆ په‌رتۆكێ دێ هێته ڤه‌كرن
ئه‌ڤرۆنیوز:
ژێده‌ره‌كى ژ ده‌زگه‌هێ (مه دا) یێ ره‌وشه‌نبیرى وراگه‌هاندنێ بۆ ئه‌ڤرۆنیوز دیاركر كو ل ده‌ستپێكا هه‌یڤا نیسانا داهاتێ دێ گه‌را 14 یا پیشانگه‌ها هه‌ولێر یا نێڤده‌وله‌تى یا په‌رتۆكێ هێته ڤه‌كرن.
وى ژێده‌رى زێده‌تر گۆت” ل رۆژا چارشه‌مبى 3/4/2019 دێ پیشانگه هێته ڤه‌كرن وهه‌تا رۆژا شه‌مبیێ 13/4/2019 دێ به‌رده‌وام بیت”.
پارتى په‌یامه‌ك به‌لاڤكر
ئه‌ڤرۆنیوز:
مه‌كته‌با سیاسى یا پارتى دیموكراتى كوردستان ب هه‌لكه‌فتا 28 سالیا سه‌رهلدانا گه‌لێ كوردستانێ په‌یامه‌ك به‌لاڤكر.
مه‌كته‌با سیاسى یا پارتى دپشكه‌كا په‌یاما خوه دا دبێژیت”به‌رى 28 سالان ودرۆژه‌كا وه‌كو ئه‌ڤرۆ دا گه‌لێ مه ب هه‌موو چین وته‌خێن خوه‌ڤه، چریسكا ئێكێ یا سه‌رهلدانێ ل باژیرێ رانیه دژى زۆلم وسته‌م وبن ده‌ستیێ هه‌لكر وبه‌رپه‌ره‌كێ نوو یێ سه‌روه‌ریان ددیرۆكا خه‌باتا رزگاریخوازا گه‌لێ مه دا تۆماركر”.
هه‌ر د وێ پیامی دا هاتیه” سه‌رهلدان درێژه‌پێده‌را زنجیره‌كا شوره‌ش وبه‌رخودانا گه‌لێ مه بۆ ره‌تكرنا هه‌موو جۆره چه‌وسانه‌وه‌كێ وگه‌هشتن ب ئازادیێ وبده‌ستڤه‌ئینانا مافێن ره‌وا، له‌وما گه‌لێ كوردستانێ شیا وێ قۆناغێ ژى ده‌ربازبكه‌ت وبنه‌مایێن ده‌زگه‌هكرنێ دامه‌زرینیت وچه‌ندێن ده‌ستكه‌فتێن گرنگ یێن دى ژى بده‌ستڤه‌بینیت دئاڤه‌دانكرن وڤه‌ژاندنێ دا ژبۆ گه‌هشتن ب پاشه‌رۆژه‌كا گه‌ش بۆ كوردستانیان”.
د پشكه‌كا دى یا وێ په‌یامێ دا هاتیه” پارتیا مه دوێ باوه‌ریێ دایه بۆ چاره‌كرنا كێشان وبده‌ستڤه‌ئینانا ئارمانجێن مه پێدڤى ب ئێك ده‌نگیا نیشتمانیه وپێدڤیه ئه‌م هه‌موو ل ده‌وروبه‌رێن ئێك ئارمانج كۆمبین وكارێ سه‌ره‌كیێ مه ژبۆ گه‌هشتن ب ئارماجێن خوه ئه‌و ناڤمالا كوردى بهێته رێكخستن وگاڤێن جدى بهێنه هاڤێتن بۆ پاراستنا كوردستانێ ژ حه‌ز وسیاسه‌تا پیلانگێرانه وچاره‌كرنا كێشان”.
په‌یاما پارتى ئاماژه كر” جاره‌كادى دووپات دكه‌ین كو ئه‌ڤرۆ ل به‌رده‌م ئه‌ركه‌كێ نه‌ته‌وى ونیشتمانى یێ گرنگداین ئه‌وژى پاراستنا ده‌ستكه‌فتێن مه وده‌ربازربوونا ڤێ قۆناغێ یه، ئه‌و ئه‌ركه ژى ب هه‌ماهه‌نگى ورێككه‌فتن وپێكڤه‌یا هێزێن دلسۆز ونیشتمان په‌روه‌ر دهێته دێ ب پێكئینانا حوكمه‌ته‌كا ب هێز وسه‌ركردایه‌تیه‌كا سیاسى یا ئێكده‌ست وپه‌رله‌مانه‌ك دخزمه‌تا وه‌لاتیان وده‌سته‌به‌ركرنا مافێن وان بیت، هه‌روه‌سا دێ رژد بین ل سه‌ر زێده‌تر خزمه‌تكرنا گه‌لێ خوه وباشتركرنا ره‌وشا ژیانا وان وبه‌ر ب پێشڤه‌برنا گوزه‌رانیا وان وچاره‌كرنا كێشه وگرفتێن وان وزێده‌تر ئاڤه‌دانكرن وڤه‌ژاندنا هه‌رێما كوردستانێ ژ هه‌موو روویه‌كى ڤه”.
وه‌زاره‌تا په‌روه‌ردێ ژڤانێ رۆژا جلكێن نیشتمانى راگه‌هاند
ئه‌ڤرۆنیوز:
وه‌زاره‌تا په‌روه‌ردێ ل هه‌رێما كوردستانێ راگه‌هاند، رۆژا ئێكشه‌مبیا داهاتى قوتابى دشێن ب جلكێن خوه یێن نیشتمانى بچنه قوتابخانان.
وه‌زاره‌تا په‌روه‌ردێ درۆهنكرنه‌كێ دیاركر كو ل ده‌ستپێكا حه‌فتیا داهاتى رۆژا جلكێن نیشتمانى یه ل هه‌رێما كوردستانێ.
به‌لاڤكر ژى”بۆ رێزگرتن ل جلكێن هه‌موو نه‌ته‌وێن جودا یێن هه‌رێما كوردستانێ ونیشاندانا جوانیا ره‌نگێن جلكێن ئاكنجیێن هه‌رێما كوردستانێ، رۆژا ئێكشه‌مبی 10/3/2019 رۆژا جلكێن نیشتمانى یه وقوتابى ومامۆستا دشێن دڤێ رۆژێ دا ب جلكێ نه‌ته‌وى یێن خوه بچنه قوتابخانان”.
ل سالێن بۆرى ئه‌و رۆژه ب رۆژا جلكێن كوردى هاتبوو ناڤكرن، به‌لێ ئه‌ڤ ساله ب رۆژا جلكێن نیشتماتى هاتیه ناڤكرن، ب ڤێ چه‌ندێ ژى كورد، توركمان، عه‌ره‌ب، ئه‌رمه‌ن وكلدوسریان ئاشوورى دشێن جلكێن خوه ب ڤێ هه‌لكه‌فتێ بكه‌نێ.
رێككه‌فتنا پارتى و ئێكه‌تى بازارێ كرین و فروتنا پارچێن ئه‌ردى گه‌رم كر
ئه‌ڤرۆ نیوز، نه‌وزاد هلۆرى:
پشتى كو ئێڤاریا ئه‌ڤرۆ پارتى و ئێكه‌تى رێككه‌فتنا دناڤبه‌را خوه دا ئیمزاكرى ژبۆ پێكئینانا كابینا نوو یا حوكمه‌تا هه‌رێما كوردستانێ، بازارێ كرین و فروتنا ئه‌رد و خانیان ل شێلادزێ ژ نیشكه‌كێ ڤه گه‌رم بوو و خه‌لكه‌كێ زۆر قه‌ستا بازارێن وان كرینه.
زه‌كى زێبارى، خودانێ ئێك ژ نڤیسینگه‌هێن كرین و فروتنا ۆه‌رد و خانیان بۆ ئه‌ڤرۆ نیوز گۆت: (پشتى كو ئه‌ڤرۆ ئێڤارى پارتى و ئێكه‌تى رێكه‌فتنا پێكئینانا حوكمه‌تا هه‌رێما كوردستانێ كرى، بازارێ كرین و فروتنا ئه‌رد و خانیان ل شێلادزێ گه‌رم بوو).
زێده‌تر گۆت: (نوكه ئه‌وێن كو ل هیڤیا كرینا ئه‌رد و خانیان دكه‌ن، پترن ژ وان یێن كو ئه‌رد و خانیێن خوه دفروشن، هنده‌كا ئه‌رد و خانى كریبوون، نوكه جاره‌كا دى راگرتن و نا فروشن، هه‌كه رێككه‌فتنا پارتى و ئێكه‌تى ب دروستى سه‌ر بگریت و بچیته دوارێ بجهكرنێ دا، دێ كرین و فروتن ل سه‌ر ئه‌رد و خانیان هه‌بیت و دێ گران بن).
ناڤبرى دیاركر ژى كو ره‌وشا كرین و فروتنا ئه‌رد و خانیان ب هه‌مان شێوه ل دهۆك و هه‌ولێرێ و ده‌ڤه‌رێن دى ژى یێ گه‌رم بووى و جوداهیه‌كا زۆر یا بوهایان دناڤبه‌را ئه‌ڤرۆ و دوهى دا یا هه‌ى.
ئیبراهیم عومه‌ر، وه‌لاتیه‌كێ شێلادزێ یه و ل به‌رده‌رگه‌هێ نڤیسینگه‌هێن كرین و فروتنا ئه‌رد وخانیان راوستابوو و بازار ل گه‌ل خه‌لكى دكر، بۆ ئه‌ڤرۆ نیوز گۆت: (پشتى رێككه‌فتنا پارتى وئیكه‌تى بازارێ وان ژى ژ نیشكه‌كێ ڤه تژى بوو ژ مرۆڤان، هه‌موو پرسیارا بازارى دكر بزانن ره‌وش یا چه‌وایه، نوكه خه‌لك یێ پارچێن ئه‌ردى دكرن چونكى هه‌رده‌ما حوكمه‌ت هاته پێكئینان، دێ گرانتر بن).
رێککەفتنا پارتی و ئێکەتیێ ب فەرمی هاتە ئیمزاکرن
ئەڤرۆ نیوز:
بەری دەمەکێ رێککەفتنا پارتی دیموکراتی کوردستان و ئێکەتی نیشتمانی کوردستانی ژ ئالیێ هەر ئێک ژ بەرێزان نێچیرڤان بارزانی و کوسرەت رەسول ب فەرمی هاتە ئیمزا کرن.
د ڤێ دەربارێ دا کوسرەت رەسول راگەهاند کو رێککەفتنا مە و پارتی یا گرنگە و ب ڤێ رێککەفتنێ پارتی و ئێکەتی دێ پێکڤە هەموو دەستکەفتێن کوردستانێ پارێزن.
ل گۆر زانیاریان پارتی و ئێکەتی ل دۆر کابینا نوو یا حوکمەتا هەرێما کوردستانێ و دیارکرنا کەسەکێ بۆ پارێزگارێ کەرکووکێ رێککەفتینە.
هەژی ئاماژەپێدانێ یە کو دوهی شاندەکێ ئێکەتیێ ب سەرۆکاتیا کوسرەت رەسول سەرەدانا سەرۆک بارزانی کربوون و پشتی سەرەدانێ ژی ئەندامەکێ سەرکردایەتیا ئێکەتیێ دیار کربوو کو ئەو گەشبینن پشتی ڤێ هەڤدیتنێ دێ پارتی و ئێکەتی گەهنە رێککەفتنێ و ئەڤرۆکە ژی ب فەری رێککەفتنا پارتی و ئێکەتیێ هاتە ئیمزاکرن.
رێککەفتنا پارتی و ئێکەتیێ دێ ئەڤرۆکە هێتە ئیمزاکرن
ئەڤرۆ نیوز:
پارتی و ئێکەتی ئەڤرۆکە ل دۆر پێکئینانا کابینا نوو یا حوکمەتا هەرێما کوردستانێ، پۆستێ وەزارەتا داد یا عیراقێ و پارێزگارێ کەرکووکێ رێککەفتینە و دهێتە چاڤەرێکرن ئەڤرۆکە ب فەرمی رێککەفتنا پارتی و ئێکەتیێ بهێتە ئیمزاکرن.
ئەو یەک د دەمەکێ دایە کو دوهی شاندەکێ ئێکەتیێ ب سەرۆکاتیا کوسرەت رەسول سەرەدانا سەرۆک بارزانی کرن و زەمینە بۆ رێککەفتنێ هاتە ئامادەکرن.
پارتی و ئێکەتی رێککەفتن
ئەڤرۆ نیوز:
ئەڤرۆ د کومبوونەکا تایبەت یا ناڤبەرا سەرکردێن ھەردو حزبێن پارتی و ئێکەتی ل ھەولێرێ دا ل دۆر پێکئینانا کابینەیا نوو یا حوکمەتا ھەرێما کوردستانێ رێککەفتن.
د ڤێ کومبوونێ دا رێککەفتنا پارتی و ئێکەتی ل سەر پێکئینانا کابینەیا نوو یا حوکمەتێ و دانانا وەزیرێ داد بۆ عیراقێ دگەل دیارکرنا پارێزگارەکێ نوو بۆ کەرکووکێ ژی گەھشتینە رێککەفتنێ دیسان پشتی دەمەکێ دی دێ کونگرەکێ رۆژنامەڤانی ل دۆر رێککەفتنا ئەڤرۆ ناڤبەرا ھەردو حزبان دا ناڤبەروکا ڤێ کومبوونێ ھێتە راگەھاندن.
نيشاندان
WP Facebook Auto Publish Powered By : XYZScripts.com