ئەڤرۆ نیوز:
یانا مانچێستەر سیتی یا ئنگلیزی دەست ب لڤینا کر بوو دەستڤە ئینانا ستێرەکا یانا بایرن میونیخ ل ڤەگوھاستنێن ھاڤینا بھێت .
رۆژناما میرو یا برێتانی ئاشکراکریە راھێنەرێ یانا مانچێستەر سیتی پیپ گواردیولا بەرپرسێن یانا خوە ئاگاداکرینە بوو دەستڤە ئینانا وەلاتیێ وی و ستێرا بایرن میونیخ یا ئەلمانی تیاگو ئەلکانتارا بۆ ب ھێز ئێخستنا ھێلا ناڤینا یانا خوە ل وەرزێ بھێت.
ئەوێ رۆژنامێ ئاشکراکریە ژی بوو دەستڤە ئینانا ئەڤی یاریزانی ل سەر یانا مان سیتی پێدڤی یە نێزیکی ٦٠ ملیون جینێ ئیسترلینی ئامادە بکەت داکو بشێن دەست ب دانوستاندنان ل گەل وێ یانا ئەلمانی بکەن ژبەرکو بھایێ ھەلوەشاندنا ئەوی دناڤبەرا ٦٠ ھەتا ٧٠ ملیون جینێ ئیسترلینی یە .

ئەڤرۆ نیوز:
ل ماوێ سێ سالێن بوری دا دەست ب دروستکرنا چەند یاریگەھێن مودرێن و نوو ل عیراقێ ھاتنەکرن و پشتی سێ جوانترین یاریگەھا دناڤبەرا دو سالێن بوری دا ل باشورێ عیراقێ ھاتینە ڤەکرن و ببونە جھێ دلخوشحالیا ھەموو جەماوەرێ وەرزشی ل عیراقێ لێ پشتی چەند راستیەک ئاشکرابووین نوکە تورەبوونەکا مەزن ل دەڤ ھەموویان پەیدابوویە .
مالپەرێ تایبەت ب یاریزانێن پیشەکارێن عیراقێ ڤە گەندەلیەکا ئێک ژ ئەوان یاریگەھان ئاشکراکریە کو کومپانیا بھادیر گول یا تورکی یاریگەھا کەربەلا دورستکری ھەمان کومپانی یاریگەھا سیڤاس سپور یا تورکی ژی دروستکریە و ل دیڤ خزمەت و ئەرد و دەوروبەرێن یاریگەھێ یاریگەھا کەربەلا کێمتر خزمەت گوازی تێدا ھەیە و ١٠٠ ملیون دولار لێ ھاتینە مەزاختن و لێ یاریگەھا سیڤاس ب جوانترین شێوە دەوروبەرێن وی ھەردیسان ناڤا یاریگەھێ دا ژی ب جوانترین شێوە ھاتیە دروستکرن بتنێ ٢١ ملیون دولار و ٣٠٠ ھەزار دولار لێ ھاتینە مەزاخستن.
ھەژی گوتنێ یە بتنێ چیاوازیا دناڤبەرا ھەردو یاریگەھان دا یاریگەھا کەربەلا جھێ ٣٠ ھەزار کەسان ل ناڤا یاریگەھێ ھەیە لێ یاریگەھا سیڤاس سپور جھێ ٢٨ ھەزار کەسان ھەیە لێ یا سەیر ٧٨ ملیون دولار زێدەترن .

یاریگەھا کەربەلا

یاریگەھا سیڤاس سپور

ئەڤرۆ نیوز:
ماوەکێ درێژە راپورتێن رۆژنامەڤانی بەحس ل چوونا ستێرا بەرازیلی و یانا پاریس سانجێرمان نیمار دکەن بوو یانا ریال مەدرید وەکو پێگوھورێ رونالدوی ل وەرزێ بھێت.
د دیدارەکێ دا وی ستێرا بەرازیلی ل سەر یانا ریال مەدرید و ئەوان دەنگوباسان بوو ئێک ژ کەنالەکێ تلەڤزونی ل بەرنامەیێ بەرنیاس یێ وەرزشی سپورت ئسپیکتاکولار دیارکر ریال مەدرید یانەکا مەزنە و خەونا ھەر یاریزانەکی یە یاری ل یانەکا وەکو ریال مەدرید بکەت لێ نوکە ئەو گرێدای ھەڤبەستا یانا پاریس و ئەو ل گەل وێ یانێ یێ ئارامە و کەس نزانیت ل پاشەرۆژێ دێ چو رویدیت.

ئەڤرۆ نیوز:
ھێرشبەرێ ئیسپانی و یانا ئەتلەتیکو مەدرید ئەلڤارو موراتا پشتی شەڤا بوری شیای سەرکێشیا یانا خوە بکەت بوو سەرکەفتنێ ل سەر یانا ریال سوسیداس ب دو گولان بێ بەرامبەر ژ چارچوڤێ یاریێن گەرا ٢٦ ژ خۆلا لایگا دیارکر ئەو گەلەک یێ کەیفخوشحالە ب تومارکرنا دو گولان ل گەل یانا خوە یا نوو سەرکێشیا یانا خوە کری بوو سەرکەفتنێ ب ھەڤکاریا ھەڤالێن خوە .
زێدەتر موراتا بوو رۆژناما سپورت یا کەتەلونی دیارکر راستە ھێشتا چیاوازی دناڤبەرا ئەوان و بەرشەلۆنا دا حەفت خالن لێ د یاریا تەپا پێ دا نابیت خوە بێ ھیڤی بکەین ل سەر ئەوان پێدڤی یە ئەو بەردەوام بن ل سەر کاروانێ ھەڤرکیا ناسناڤێ وەرزێ ئەڤ سالە و ھێشتا دەلیڤەیا ئەوان بوو برنا ناسناڤی گەلەک مایە و ئەو دێ ھەتا دووماھیا خولێ بوو مرنێ بۆ برنا ناسناڤێ خولێ کەن .