ئەڤرۆ نیۆز، ئەمیر ئەترووشی:

ھەتا نوکە ل پارێزگەھا دھۆکێ نێزیکی ٢٠ ملیۆن لیترێن گازا سپی ل سەر وەلاتیان ھاتینە بەلاڤکرن و دھۆک پێدڤی ب زێدەتری ڤێ رێژێ یە ژی ھەتا ھەر خێزانەک بەرمیلەکا گازا سپی وەربگریت.

ماجد سەید سالح، نوونەرێ سۆتەمەنیێ ل پارێزگەھا دھۆکێ بۆ ئەڤرۆ نیۆز دیار کر، ھەتا نوکە نێزیکی ٢٠ ملیۆن لیترێن گازا سپی ل سەر وەلاتیان ل پارێزگەھا دھۆکێ ھاتینە بەلاڤکرن، بەلێ بۆ ھندێ ھەر خێزانەکا پارێزگەھێ بەرمیلەکێ گازا سپی وەربگریت، ئەو وەکو پارێزگەە پێدڤی ب زێدەتر ژ ٢٠ ملیۆن لیترێن گازا سپی ھەیە و ھندی گازا سپی بگەھیتە بەردەستێ وان دێ ئێکسەر دەست ب بەلاڤکرنێ کەن.

ئاشکرا ژی کر کو بھایێ پانزینێ ژی بەر ب کێمبوونێ یە و ئەڤە ژی گرێدای بوھایێ نەفتێ یە ل بۆرسا جیھانی و پارێزگەھا دھۆکێ ژی دووڤچوونا کوالێتی و بوھایێ وێ دکەت و ئەڤە ژی یێ گونجای نینە، بەلێ ب بەراورد ل گەل بەری نھا، یێ خراب نینە و گۆت: بەری نھا ھەیڤانە پێنچ یان شەش ترۆمبێلێن غازێ دھاتنە پارێزگەھا دھۆکێ، بەلێ نھا بەھرا دھۆکێ بۆ ٧ ترۆمبێلان زێدەبوویە.

ئەڤرۆ نیوز، ئەمیر ئەترووشی:

ژ ئەگەرێ باران بارینێ، ل چیایێ گۆندێ پیرۆمەرا ل گەلیێ دھۆکێ کەڤرەک دھێتە خوار و ب ترۆمبێلا پۆلیسەکی ب ناڤێ (بەھزاد سەعید سیاری) دکەڤیت و وی پۆلیسی دکۆژیت.

رائید بێوار عەبدولعەزیز، پەیڤدارێ رێڤەبەریا بەرەڤانیا باژێری ل پارێزگەھا دھۆکێ، بۆ ئەڤرۆ نیۆز دیار کر، پەیوەندی ب یەکا کونترولی ھاتەکرن ب ھەبوونا روودانەکێ ل تاخێ گەلێ ل گەلیێ دھۆکێ کو بەرەک ژ چیایێ ھاتیە خار و ب ئوتومبێلەکێ کەفتیە ژ ئەگەرێ ڤێ روودانێ ھاولاتیەکێ د ناڤ ئوتومبێلێ دا گیانێ خو ژدەست دایە، دەملدەست بنگەھێ دھۆکێ ل جھێ روودانێ ئامادەبوون و ئەو ھاولاتیە ژ ناڤ ئوتومبێلێ ئینادەر و رەوانەی پزشکیاداد کریە ل دھۆکێ.

ناڤبری ئاشکرا ژی کر کو ئەڤە ژ دەستپێکا زڤستانا ڤی وەرزی و ھەتا نھا زێدەتر ژ پێنچ جاران کەڤر و بەر ژ چیایێ گەلیێ دھۆکێ ھاتنە خوار، بەلێ ئەڤە جارا ئێکێ یە دبیتە ئەگەرێ پەیدابوونا روودانێن دلتەزین.

پۆلیسێن پارێزگەھا دھۆکێ د پەیجێ خوە یێ فەرمی یێ تۆرا کۆمەلایەتی یا فێسبووکدا خەمباریا خوە بۆ روودانا دلتەزین راگەھاندیە و ئاشکرا کریە کو ئەڤ پۆلیسە کارمەندێ رێڤەبەریا وان بوویە ل بنگەھێ پۆلیسێن داسنیا دەوام دکر.

ئەڤرۆ نیوز:
لیژنا دووفچوونا بازاری ل قایمقامیا قەزا دھۆکێ ب ھەڤکاریا رێڤەبەریا گشتی یا چاندنێ د دە مێ دو رۆژێن بۆری دا ل سەنتەرێ باژێرێ دھۆکێ نڤیسینگەھێن فرۆتنا کەرستە و پێدڤیێن چاندێ داخستن.
یوسف محەمەد حەسەن، بەرپرسێ لیژنا دووفچوونێ بۆ پەیجێ قایمقامی قەزا دهۆکێ راگەھاند کو ھەموو نڤیسینگەھێن فرۆتنا کەرەستە و پێدڤیێن چاندنێ ل دھۆکێ ژ ئەگەرێ هەبوونا کەرەستێن ئکسپایر و ئینانا وان کەرەستان ب رێ یێن نەقانوونی بۆ هەرێما کوردستانێ هاتنە داخستن.
ناڤهاتی خویا کر کو گەلەک ژڤان کەرەستان د زیان بەخش بوون بۆ بەرھەمێ چاندنێ.

ئەڤرۆ نیوز ، رەمەزان ھەرنی:

ل سنوورێ ئاکرێ ب تنێ ھژمارەکا کێما کەیسا ھاتینە بلند کرن بۆ دادگەھی َو نئچیرڤان ژی کێمتر نێچیرا قەدەغەکری دکەنە ئارمانج .

رائید کارزان زھێر، بەرپرسێ راگەھاندنا رێڤەبەریا پۆلیسێن دارستان و ژینگەھا ئاکرێ بۆ ئەڤرۆ نیوز دیار کر کو رۆژ بۆ رۆژێ خەلک زێدەتر رێنمایێن پۆلیسێن دارستانا بجە دئینن زێدە گاڤیا ناکەن ل سەر نێچیرێ و گۆت: “ب تنێ نێچیرڤانەک ل سەر کوشتنا پورەکێ ھاتیە دەستە سەرکرن، خەلک خوە ژ نێچیرا قەدەغەکری دپارێزن، ئەوێ زێدەگاڤیێ بکەت دێ ھێتە سزادان”.

ناڤهاتی خویا کر کو ل سالا ٢٠١٨ ێ کێمتر ژ سالا بۆری سەرپێچی ھاتینە تومارکرن و گوت : ” ژبەر بڕینا داران ب رێکێن نەقانوونی ل سنوورێ ئاکرێ سێ کەیس ھاتینە رەوانەکرن بۆ دادگەھێ، ھەر کەسێ نوکە ژی داران ببڕیت دێ ب رێ یێن قانوونی ھێتە سزادان”.