ئەڤرۆ نیوز:
چاڤەرێ دھێتەکرن راھێنەرێ یانا ریال مەدرید سولاری چەند گوھورینا ل پێکھاتیێ تیما خوە دا بکەت پشتی خوسارەتیا رۆژا چارشەمبیا بوری ل کلاسیکویا ئیسپانیا ژ چارچوڤێ کاسا شاھێ ئیسپانیا.
راھێنەرێ ریال مەدرید ھزر ل چەند گوھورینا کریە ل یاریا بھێت یا قارەمانیا چامپیونیز لیگ و ناخوازیت دو قارەمانیا د ئێک حەفتی دا ژ دەست بدەت کو ئێک ژ گوھورینێن سەرەکی دێ ل یاریا بھێت پشت بەستنێ ل سەر گولچیێ بەلجیکی کورتوا کەت و ل دیڤ رۆژنامەیێن نێزیکی یانا ریال مەدرید ئەو ناڤاس ژی پشت گوە ناھاڤێت کو ھەتا دووماھیا ڤی وەرزی لێ دبیت ل چەند یاریێن بھێت ژ قارەمانیا چامپیونیز لیگ و خۆلا ئیسپانیا پشت بەستنێ ل سەر بکەت لێ نوکە د ھزرا وی راھێنەری دا ل یاریا ئەجاکس و کلاسیکویا بھێت ئەوا بریارە ل حەفتیا بھێت بھێتە ئەنجامدان پشت بەستنێ ل سەر کورتوا وەکو گولچیێ سەرەکی بکەت.
ھێلا بەرەڤانیێ
ل ھێلا بەرەڤانیێ ژی دھێتە چاڤەرێکرن دو گوھورینا بکەت ئەوژی پشت بەستنێ ل سەر ھەر ئێک ژ ئەلڤارو ئودوریوزولا و مارسَلو بکەت ل جھێ ھەر ئێک ژ دانی کارڤاخال و رگیلون و ھەردیسان ژبەر کارتێن زەر یێن ھەر ئێک ژ راموس و ناچو راھێنەرێ ریال مەدرید بریارە ل یاریا بھێت پشت بەستنێ ل سەر ھەر ئێک ژ ڤاران ل جھێ راموس و خیسوس فایبخو یان یاریزانێ تیما دوێ خاڤی سانشێز بکەت .
ل ھێلا ھێرشبەریێ
ل ھێلا ھێرشبەریێ ھەتا نوکە پشت راست نەکریە لێ دبیت ب رێژەکا مەزن دەلیڤەیێ بدەتە ھەر ئێک ژ یاریزانان گارس بێل و مارکو ئەسینسیو بۆ بھێز ئێخستنا ھێلا پێشیا یانێ.

ئەڤرۆ نیوز:
ھەر ئێک ژ یانێن ئەنتر میلان و ئەی سی میلان یا ھەڤرکیەکا دژوار ل گەل ئێک دکەن بوو دەستڤە ئینانا ستێرا ھێلا ناڤینا ھەلبژارتیێ سربیا و یانا لازیو یا ئیتالی میلنیکوڤیتچ ساڤیتچ بوو ڤەگوھاستنێن ھاڤینا بھێت.
رۆژنامەیێن ئیتالی ئاشکراکریە ھەردو یانێن ئەنتر میلان و ئەی سی میلان کوژمەکێ پارەی یێ مەزن بەرھەڤکریە بوو دەستڤە ئینانا ستێرا سربی و یانا لازیو .
ھەردیسان ئەوان رۆژناما ئاشکراکریە ژی یانا لازیو بەری نوکە چەندین ھەڤبەستا چەندین یانێن ئورۆپی رەتکربوون و ژ ئەوانا ھەڤبەستا یانا مانچێستەر یوناید یا ئنگلیزی کو کوژمێ وێ ھەڤبەستا مان یوناید ژ ١٠٠ ملیون یورۆیا دەربازبوو لێ بەرپرسێن یانا لازیو ئەو داخوازیا وێ یانا ئینگلیزی رەتکربوو لەورا دێ ئەرکێ ھەر ئێک ژ یانێن ئەنتر و ئەی سی میلان ژی یێ ب زەحمەت بیت بوو دەستڤە ئینانا ئەوی یاریزانی یان ژی پێدڤی یە ب کەڤنە ب ھەڤرکیەکا دژوار دا و کوژمەکێ گەلەک مەزن تەرخان بکەن ھەتا بشێن ھەڤبەستا ئەوی یاریزانی ئیمزا بکەن ژبەرکو یانا مانچێستەر یوناید یا بزاڤێن گەلەک مەزن کەت بوو ھاڤینا بھێت ئەوی یاریزانی ببتە دناڤا پێکھاتیێ خوە .

ھەژی گوتنێ یە میلنیکوڤیتچ  ل سالا ٢٠١٥ ژ یانا چێنک یا بەلجیکی ھاتبوو ڤەگوھاستن بوو یانا لازیو ھەتا نوکە ل گەل وێ یانا ئیتالی ١٥١ یاری ئەنجامداینە و شیا ٢٨ گولان توماربکەت و ٢١ ژی بەرھەڤکرینە بوو ھەڤالێن خوە

ئەڤرۆ نیوز:
ئێکەتیا تەپا پێ یا تورکیا ب فەرمی راگەھاند راھێنەرێ بەرێ یێ ھەلبژارتیێ تورکیا و راھێنەرێ نوکە یێ یانا بەشکتاش یا تورکی شەنول گونێش وەکو راھێنەرێ نوو یێ ھەلبژارتیێ تورکیا دەست نیشانکر ھەتا ٢٠٢٢ ل جھێ یێ رومانی میرسیا لوسیسکو ئەوێ بەری دو خەفتیا ژ پوستێ وی ھاتیە دورخستن .
ھەژی گوتنێ یە شەنول گونیێش دھێتە ھژمارتن ئێک ژ بەرنیاسترین راھێنەران ل سەر ئاستێ وەلاتێ تورکیا و دناڤبەرا سالێن ٢٠٠٠ ھەتا ٢٠٠٤ سەرپەرشتیا راھێنەریا ھەلبژارتیێ تورکیا کربوو ل موندیالا ٢٠٠٢ باشترین ئەنجام د مێژویا وەلاتێ تورکیا دا تومارکربوو دەمێ شیان رێزا سیێ ل موندیالا ژاپون و کوریا ب دەستخوڤە بینت و ھەردیسان گونێش سەرپەرشتیا چەندین یانێن بەرنیاس ل سەر ئاستێ وەلاتێ تورکیا کریە ژ ئەوانان یەشکتاش و بورسا سپور و ترابزون

ئەڤرۆ نیوز:
ئێکەتیا تەپا پێ یا ئورۆپی ب فەرمی راگەھاند ئەوان کابتن و یاریزانێ ھێلا بەرەڤانیا یانا ریال مەدرید سێرجیو راموس بوو دو یاریێن بھێت ژ قارەمانیا چامپیونیز لیگ سزادا پشتی وی یاریزانی ل یاریا بوری بەرامبەر ئەجاکس ژ قەستا ل یاریزانەکێ ئەجاکس دا داکو کارەتەکا زەر وەربگریت و یاریا دویڤدا نەکەت لێ ل دیڤ رێنمایێن ئێکەتیا تەپا پێ یاریزان نابیت ب مەرەم و قەستا کارتێ وەربگریت بوو مەرەمەکا تایبەت لەورا دێ ئەو کارتا وی ھێتە ھژمارتن و سزایەک ژی ھێتە بوو ھێتەدانێ.

ب ڤێ چەندێ راموس ل یاریا بھێت یا ریال مەدرید ل قوناغا ١٦ بەرامبەر ئەجاکس ناکەت ھەردیسان ھەکو یانا ئەوی ب سەرکەڤت بوو قوناغا ھەشتێ ل یاریا ئێکێ ژی نەشێت پشکداریێ بکەت.

ئەڤرۆ نیوز:
یانا ریال مەدرید بریارا دورخستنا راھێنەرێ خوە یێ ئیسپانی ئەلڤارو بینتو یێ تیما لاوان دا پشتی وی راھێنەری پشتی یاریا کلاسیکو چەند داخویانی دژی چەند یاریزانێن ریال مەدرید دای .
رۆژناما مارکا ئیسپانی ئاشکراکر کارگێریا یانا ریال مەدرید راھێنەرێ خوە یێ تیما لاوان دورخست ژبەر ئەوان داخویانیێن پشتی یاریا بەرامبەر بەرشەلۆنا ل یاریا چارشەمبیا بوری داین و ل جھێ وی ستێرا بەرێ یا ریال مەدرید رەئول گونزالو دەست نیشانکر.کو وی راھێنەری پشتی یاریا ریال ل گەل بەرشەلۆنا ئاشکراکر بوو ڤینیسیوس ئێک ژ باشترین یاریزانێن یانا ریال مەدرید بوو شیا ئاستەکێ مەزن پێشکێش بکەت لێ چەند یاریزانێن دی دناڤا پێکھاتیێ یانێ دا بوون لێ چ ئاست پێشکێش نەکر و ئێک دەقیقە ژی نەشیان تشتەکی بکەن وەکو کاسیمێرو و تونی کروس ھەر چەندە ئەو یاریزان وەکو یاریزانێن سەرەکی ژی بوون  و ئەڤ چەندە ببو جھێ نە ئارامیا کارگێریا یانا ریال مەدرید و ھەر پشتی ئەوان داخویانیا کارگێریا یانا ریال مەدرید ئەو ژ پوستێ وی دورخست.

ئەڤرۆ نیوز:
یانا بەرشەلۆنا ب فەرمی راگەھاند ئەوان ھەڤبەستا یاریزانێ خوە یێ ھێلا بەرەڤانیێ یێ لایێ چەپی جوردی ئەلبا درێژکر ھەتا سالا ٢٠٢٤ و بھایێ ھەلوەشاندنا ھەڤبەستا ئەوی کریە ٥٠٠ ملیون یورۆ کو ھەر یانەکا بخوازیت د ماوێ پێنچ سالێن بھێت دا ھەڤبەستێ ل گەل ئەڤی یاریزانی ئیمزا بکەت پێدڤی یە وی کوژمێ پارەی بدەتە یانا بەرشەلۆنا.
ھەژی گوتنێ یە ئەلبا ل سالا ٢٠١٢ ژ یانا ڤالنسیا ھاتبوو ڤەگوھاستن بوو ناڤ رێزێن یانا بەرشەلۆنا و ھەتا نوکە ل گەل ڤێ یانێ یێ بەردەوامە و ٢٨٢ یاری ل گەل وێ یانێ ھەتا نوکە ئەنجامداینە و ١٤ گول تومارکرینە و ٥٤ گول ژی بوو ھەڤالێن خوە بەرھەڤکرینە کو زوربەیا ئەوان گولان بوو میسی بەرھەڤکرینە .