ئەڤرۆ نیوز:
کارگێریا یانا دھۆک ب فەرمی ھەڤبەست دگەل گۆلپارێز عیماد غانم ئیمزاکر ژبۆ پشکداریێ دگەل تیما تەپاپێ بۆ یاریێن مایی ژ خولا کوردستانێ یا تەپا پیچ بۆ یانێن پلانایا.
ھەڤبەستاگولپارێز عیماد غانم ھات ژبۆ بھێزکرنا رێزێن ھێلا گۆلپارێزیی پشتی گۆلپارێزێ دویێ یێ یانا دھۆک موسا شوکر ھاتیە ھنگافتن و د شیان دا نینە ھەتا دوماھیا ڤی وەرزی یاریی بکەت.
ھەژی گۆتنیچ یە گولپارێزی ناڤھاتی بەری نوکە یاری بۆ یانێن بەلەد و گارە و عومال نەینەوا کرییە
ئەڤرۆ نیوز، نەوزاد هلۆری:
زێدەباری کو بەری نوکە هژمارەکا پروژە و خزمەتگۆزاریان ل ناحیا دینارتە یا سەر ب قەزا ئاکرێ هاتینە چێکرن، بەلێ پێدڤی ب هژمارەکا پروژە و خزمەتگوزاریێن دی یە، ب تایبەتی د وارێ ئاڤ و رێک و پر و گەشتوگۆزار و پەروەرووەیی دا، رێڤەبەرێ ناحیێ ژی هەموو ئەو پروژێن کو پێدڤی یە بو سنوورێ ناحیێ بهێنە چێکرن بەحس دکەت.
ئەڤرۆ نیوز:
چاڤەرێ دھێتەکرن سوباھی کلاسیکویا ئیسپانیا دناڤبەرا ھەردو یانێن ریال مەدرید و بەرشەلۆنا ل یاریگەھا سانتیاگو برنابیو بھێتەکرن ژ چارچوڤێ یاریێن پێش دووماھیا کاسا ئیسپانیا و بوو ڤێ یاریێ ژ ئەگەرێ ھنگافتنێ دبیت ب رێژەکا ھەرە مەزن یاریزانەکێ سەرەکی یێ ھێلا ناڤینا بەرشەلۆنا نەشێت پشکداری بکەت.
رۆژناما سپورت یا کەتەلونی دیارکریە ستێرا ھێلا ناڤینا بەرازیلی و یاریزانێ یانا بەرشەلۆنا ئەرسر میلو بۆ یاریا سوباھی نەشێت پشکداریێ بکەت ژبەرکو ل بن چاڤدێریا نوژدارێن یانێ یە و یێ بزاڤێ دکەن بوو یاریا کلاسیکویا بھێت یا خۆلا ئیسپانیا ئەوا بریارە ٢-٣-٢٠١٩ بھێتەکرن یێ بەرھەڤبیت.
ھەژی گوتنێ یە ل وەرزێ ئەڤ سالە راھێنەرێ یانا بەرشەلۆنا ل زوربەیا یاریێن یانا بەرشەلۆنا پشت بەستن ل سەر ئارسر میلو کریە وەکو یاریزانەکێ سەرەکی ل ناڤا پێکھاتیێ وێ یانێ دا
ئه‌ڤرۆنیوز:
جێگرێ سه‌رۆكێ په‌رله‌مانێ عیراقێ به‌شیر حه‌داد راگه‌هاند، ل ده‌ستپێكا هه‌یڤا ئادارێ ول دووڤ قانوونا بودجه‌ی، دێ حوكمه‌تا به‌غدا بودجا هه‌رێما كوردستانێ هنێریت.
به‌شیر حه‌داد، جێگرێ دویێ یێ سه‌رۆكێ په‌رله‌مانێ عیراقێ، ئه‌ڤرۆ سێشه‌مبی 26/2/2019 دكۆنگره‌كێ رۆژنامه‌ڤانی دا گۆت” ل ده‌ستێكا هه‌یڤا داهاتی، پشكا بودجێ هه‌رێما كوردستانێ ژ بوردجا گشتی یا عیراقێ بۆ سالا 2019 دێ گه‌هیته هه‌رێمێ”.
گۆت ژی” پشتی ب دووماهی ئینانا هه‌موو پێرابوونان بودجه بوویه قانوون وتنێ هنده‌ك هوورده‌كاریێن تایبه‌ت یێن ماین كو گرێدای وه‌زاره‌تا دارایی نه وپشتیب دووماهی هاتنا وان پێرابوونان، قانوونا بودجێ دێ چیته دبوارێ بجهئینانێ دا وبودجا هه‌رێما كوردستانێ دێ هێته هنارتن”.
ب، ئەڤرۆ:
کارگێریا یانا چێلسی یا ئنگلیزی یا رژدە ل سەر سزادانا گولپارێزێ خوە یێ ئسپانی کیبا ئاریزابالاحا پشتی نەرازیبونا خوە ل سەر بریارا راھێنەرێ یانێ یێ ئیتالی ماوریتسو ساری دەربری ئەوێ خواستی ل خولەکێن دووماھیێ ژ نیڤا دویێ یا زێدەکری ل یاریا ھەمبەر مانچستەر سێتی ل دووماھیا کاسا ھەڤگرتیا یانێن ئنگلیزی ب گوھوریت و ڤی گولپارێزی رەتکری.
سەرەرای وێ چەندێ کو لێکتێنەگەھشتنەک دناڤبەرا ڤی گولپارێزی و راھێنەرێ وی ھەبوو و گولپارێزی لێبورین ژ راھێنەر و جەماوەری خواستی ل سەر ڤێ ھەلویستی، لێ کارگێریا یانێ بریا ردا کوک وژمێ ٢٥٦ ھزار دولاران حەفتیانە ژ موچێ وی بھێنە برین و ئەڤ کوژمە بو دەزگایێ خێرخوازیا ب سەر یانێ ڤە بھێتە دان.
راھێنەرێ یانێ دڤێ یاریێ دا وەسا ھزر دکر کو کیبا یێ ھنگافتی یە و نەشێت بەردەوامیێ ب دەتە یاریێ و پێدڤیە ب وھوریت بەری لێدانێن پەنەلتیان ددەمەکی دا کو ئەنجام وەکھەڤی بوو و گولپارێز ویلی کاباییرو بەرھەڤکر بو پشکداریێ، لێ دویڤدا کیبای رەتکر کو یاریگەھێ ب جە بھێلیت و خواست بەردەوامبیت و دیارکر ئەو یێ دورستە و چو ھنگافتن نینن.
ئەڤرۆ نیوز:
چاڤەرێ دھێتەکرن سوباھی ل دەمژمێر ١١ شەڤ ب دەمێ کوردستانێ یاریا کلاسیکویا ئیسپانیا دناڤبەرا ھەردو ریال مەدرید و بەرشەلۆنا ل یاریگەھا سانتیاگو برنابیو بھێتەکرن ژ چارچوڤێ یاریێن دوێ ژ کاسا شاھێ ئیسپانیا و بوو ڤێ یاریێ راھێنەرێ یانا ریال مەدرید سولاری پشکداری د گونگرێ رۆژنامەڤانی دا کر و بەحس ل یاریا سوباھی کر.
دەستپێکێ راھێنەرێ یانا ریال مەدرید دیارکر کلاسیکو یاریەکا جوانە و چاڤەکێ مەزن ل دونیایێ ھەموو ل سەر وێ یاریێ یە و ئەو دبینت ئیسپانیا باشترین پایتەختێ تەپا پێ ل جیھانێ ھەردیسان ئەو دێ تەرکیز ئێخنە سەر یاریێ و دەستڤە ئینانا پلێتا دەربازبوونێ بوو یاریا دووماھیێ ھەر چەندە راستە یاری بوو ھەردو یانا دێ یا ب زەحمەت بیت لێ دەلیڤەیا ئەوان پتر ھەیە ژبەرکو ئەو دێ یاریێ ل ناڤ ئەرد و جەماوەرێ خوە کەن.
سولاری ئاماژە ب وێ چەندێ ژی کر ئەو بەری یاریێ ل گەل بێل ئاخفتی یە و بوو دیارکریە ئەو دخوازیت بوو ڤێ یاریێ بیتە یاریزانەکێ جیاواز ژ ھەموو یاریێن دی ژبەرکو وی باوەری ب وی یاریزانی ھەیە شیانێن مەزنتر ھەنە و ستێرێن وەکو وی ل یاریێن مەزنتر پێدڤی یە پتر خوە دیاربکەن.
سەبارەت یاریا ئێکێ ل دەستپێکێ میسی پشکداری نەکربوو دڤێ یاریێ دا دێ ل دەستپێکێ یاریێ کەت سولاری دیارکر د یاریا تەپا پێ دا ھەڤرکی یە و کیژان یاریزان یاری بکەت یا گرنگ نینە ل دەڤ ئەوان ژبەرکو ئەو یانەکا مەزن ئەوان ژی ١١ ستێر ل جیھانێ ھەنە.
ھەژی گوتنێ یە ل یاریا ئێکێ ژ قوناغا پێش دووماھیا کاسا شاھێ ئیسپانیا ھەردو یانێن بەرشەلۆنا و ریال مەدرید ب گولەکێ وەکھەڤبوون ل یاریگەھا کامپ نوو
ئەڤرۆ نیوز ، عەلی حاجی :
ئەنجومەنێ زاخۆ یێ ئێکەتیا ئافرەتێن کوردستانێ جلو بەرگ ل سەر زارویێن بێ سەمیان دا بەلاڤ کرن.
د ڤێ دەربارەی دا فاتیما فکری بەرپرسا ئەنجومەنێ زاخۆ یا ئێکەتیا ئافرەتان بۆ ئەڤرۆ نیوز گۆت: وەکو ئەرکەکێ مروڤایەتی ئەم رابووینە ب بەلاڤ کرنا ٧٠ دەستێن جل وبەرگێن زاروویان ل سەر وان زارویێن بێ باب و ھەژار ، ئەڤ جل و بەرگە ژی ژلایێ خێرخوازەکێ ڤە ل زاخۆ ھاتبوونە دابین کرن و دێ بەردەوام بین ل سەر ھاریکاریێن ب ڤی رەنگی.
ناڤھاتی زێدەتر گۆت: ھەر دیسان سمینارەک بۆ دایکێن وان زارویێن بێ باب ڤە ل دور رەوشەنبیریا خێزانی ھاتە پێشکێش کرن دا کو ئافرەتا مە بزانیت وەکو ئێکەتیا ئافرەتێن کوردستانێ داکوکیکەرین ل سەر ب دەست ڤە ئینان مافێن وان.
ئەڤرۆ نیوز:
بەرپرسەکێ جڤاتا سووریا دیموکرات کو وەکو لقێ سیاسی یێ هێزێن سووریا دیموکرات دهێتە نیاسین دیار کر کو پشتی ئەمریکا بریار دایی ٤٠٠ سەربازێن خوە ل سووریێ بهێلیت ئەو یەک پێنگاڤەکا دیرۆکیە و د بەرژوەندیا مە دایە و ئێدی تورکیا نەشێت گەفان ل رۆژئاڤایێ کوردستانێ بکەت.
گەدۆ عیسا ئەو یەک ژی دیار کر کو ژ بلی ئەمریکا دێ هندەک وەلاتێن دی ژی هێزێن خوە ل باکورێ سووریێ بجه کەن، ژ بەر هندێ ژی دێ رێگری ل هێرشا تورکیا هێتە کرن و ئەم ژ ڤێ یەکێ دلخوەشین.
ئەڤرۆ نیوز:
ئەڤرۆ رۆژا سێشەمبی ٢٦-٢-٢٠١٩ سەرۆکێ حوکمەتا ھەرێما کوردستانێ نێچیرڤان بارزانی پێشوازی ل فرانسوا ئۆلاند سەرۆکێ بەرێ یێ فرەنسا کر.
د ڤێ سەرەدانێ دا سەروکێ بەرێ یێ فرەنسا خوشحالیا خوە ب ڤێ سەرەدانێ دەربری و ئەگەرێن سەرەدانا خوە ژی بۆ ھەرێما کوردستانێ دیارکر کو دێ سەرەدانا چەند دەڤەرێن مووسل کەت دیسان پشکداریا وی د رێورەسمێن پێشکێشکرنا خەلاتێ شەھیدا رۆژنامەڤان شیفا گەردی.
فرانسوا ئۆلاند دیسان بەحسا سەرەدانێن خوە یێن بەری نوکە ژی بۆ ھەرێمێ ل دەمێ شەرێ دژی داعش دیسان چوونا وی بۆ سەنگەرێن پێشمەرگەی دگەل سەرۆک مەسعود بارزانی.
ل دووماھیێ سەروکێ بەرێ یێ فرەنسا دەستخوشیا حوکمەتا ھەرێما کوردستانێ بۆ حەواندنا ڤێ رێژا زور یا ئاوارە و پەنابەران کر.
ژلایێ خوە ڤە نێچیرڤان بارزانی سوپاسیا ڤێ سەرەدانا ئۆلاندی و ھاریکاریێن بەردەوام یێن وەلاتێ فرەنسا بۆ ھەرێما کوردستانێ کر تایبەت د دەمێن سەخت دا دیسان رولێ فرەنسا د لادانا دورپێچا سیاسی و دبلوماسی ل سەر ھەرێمێ ب بلند نرخاند.
تەوەرەکێ دی یێ ڤێ کومبونێ دا بەحس ل پەیوەندیێن ناڤبەرا ھەولێر و بەغدا ھاتە کرن و پشتەڤانیا ھەرێما کوردستانێ بۆ عادل عەبدولمەھدی پێخەمەت چارەسەرکرنا کێشەیان دیارکر
ئەڤرۆ نیوز:
بەری دەمەکێ سەرۆکێ ئەمریکا دۆنالد ترامپ گەهشتە وەلاتێ ڤێتنامێ و بریارە ئەڤرۆکە ل گەل سەرۆکێ کۆریا باکور کیم جۆنگ کۆمبیت و سەبارەت ب چارەکرنا بەرنامێ ئەتۆمی یێ کۆریا باکور و پرسێن دی هەڤدیتنان بکەن.
چاڤدێرێن سیاسی ژی دیار دکەن کو هەکە ڤێجارێ د کۆمبوونێ دا هەر دو وەلات پرسا ئەتۆمی یا کۆریا و راکرنا سزایێن ئابووری یێن ل سەر وی وەلاتی چارە نەکەن رەنگە ئاریشا ئەمریکا و کۆریا بەرفرەهتر لێ بهێت.
نيشاندان