ئەڤرۆ نیوز، بارزان مزووری:

حەیات مەجید پەرلەمانتارا خۆلا بوری یا پەرلەمانێ کوردستانێ بۆ ئەڤرۆ نیوز دیار کر کو ھەر پوستەکێ بالا ل ھەرێما کوردستانێ ئافرەت بیت بۆ ھەموو ئافرەتێن کوردستانێ سەربلندیە تایبەت بۆ وان ئافرەتێن کار لسەر پرسا ئافرەتێ کری کار بۆ وێ چەندێ کریە بووینە زەختەک ل سەر حوکمەتێ و پەرلەمانی و ھەم رێکخراوا کارێ جدی یێ کری کو ئافرەتا کورد ھەردەم یا سەرکەفتی بیت و پێش بکەڤیت بوونا ھەر ئافرەتەکێ بۆ پوستەکی بالا دناڤ حکومەتێ دا وەکو سەرۆکا پەرلەمانێ کوردستانێ ئەم پشتراستین دێ پشتگیری و پشتەڤانێ پرسا ئافرەتێ بیت وەکو خانما دکتورا ڤالا ھەرچەندە سەرۆکاتیا پەرلەمانی کارەکێ گەلەک گرانە بەلێ ئافرەتێ ژی چ  لێ یا کێم نینە وەکو زەلامەکی کو بشێن پوستەکی رێڤە ببەن.

ناڤھاتیێ ئەو ژی ئاشکرا کر کو دناڤ فەرمانگەھێن میری دا رێژەکا گەلەک یا کێم یا ئافرەتێ خودان پوستێن ئیداری نە وان ھەموو وەزارەتێن حوکمەتا ھەرێما کوردستانێ بتنێ ئێک وەزیرا ئافرەت ھەیە ئەڤە چەندین سالە ل دووڤ وێ ژمارا وەزارەتا بتنێ ئێک وەزیر ئافرەت بیت ئەڤە جھێ داخێ یە پێدڤیە دگەل دانانا کابینا نووو یا حوکمەتێ ئافرەت ژی کار بکەت بۆ وەرگرتنا پوستێن میری پێگەھێ خوە بھێز بێخن د کابینا نوو یا.

حەیات مەجید زێدەتر گوت ژی ب خوشحالی ڤە ل کابینا بەریا نھا مە ئێک ئافرەت ھەبوو پوستێ وەزیر ھەبوو ئەو ژی سەر ب پارتی دیموکراتی کوردستان بوو ھیڤیدارین ژ ھەموو وان لایەنێن سیاسی دکەین چاوا بانگەشەیێ دکەن دبێژن ئافرەت پێشەنگە باوەری ب پرسا ئافرەتێ ھەیە ب جدی چاوا باوەریێ ب وێ بانگەشەیێ ھەیە بلا وێ باوەریێ بدەنێ پوستێن بالا بدەنە ئافرەتێ ژ بەر کو پارتی ئێکەم پارت بوویە ل کوردستانێ پوستێ بالا دایە ئافرەتێ پێدڤیە ھەموو لایەن کار بکەن وەکو پارتی باوەریێ بدەنە ئافرەتا خوە پوستێ بالا بۆ دابین بکەن.

ئەڤرۆ نیوز، نەوزاد ھلۆری:

 د چارچوڤێ رێڤەچوونا دیدارا سیاسی و ئەکادیمی یا ئامێدیێ، ئەندامێ لیژنا دارایی و ئابووری یا عیراقێ دکتور ئەحمەد سەفار دیار کر نوکە ئەو کار لسەر جوداکرنا بابەتێ پێشمەرگەی ژ سیاسەتێ دکەن ب تایبەتی د بودجا عیراقێ دا.

دکتور ئەحمەد سەفار، ئەندامێ لیژنا دارایی یا پەرلەمانێ عیراقێ دچارچوڤێ دیدارێ دا گۆت: (بودجا عیراقێ ب تنێ بابەتەکێ دارایێ عیراقێ نینە بەلکو ب ئالی و پێکڤەگرێدانا رەوشەنبیری و جڤاکی و سیاسیا عیراقێ ژی ھەیە، بودجا عیراقێ ب شێوازێ نوکە ب راستی ژی بودجە نینە، چونکی خزمەتگوزاری نینە و ژێرخانا ئابووری نینە و بێکاری زورە و ھەژاری زورە و کەرتێن چاندن و ئابووری و وەبەرھێنان و یێن دن نینە، ھێشتا کێشەیێن دناڤبەرا سوپایێ عیراق و داعشێ دا داوی نەھاتینە).

 زێدەتر گۆت: (بودجا عیراقێ یا نوکە دویەم مەزنترین بودجەیە د دیروکا عیراقێ دا، بزاڤ دھێنەکرن کو بابەتێ پێشمەگەی بھێتە جوداکرن ژ رەوشا سیاسی و ژیانا وان ل بەرچاڤ بھێتە وەرگرتن، چارەسەرکرنا وان ژی پێدڤی ب پتر ژ سالەکێ یە، ھەتا بودجە دھێت، دڤێت ھژمارا دروست یا فەرمانبەر و ھێزێن پێشمەرگەی بھێنە رەوانەکرن).

 ناڤبری دیارکر ژی کو دڤێت ھەموو کێشەیێن دناڤبەرا ھەرێم و بەغدا بھێنە چارەسەرکرن دا کو ھەموو سالان کێشەیێن بودجێ دروست نەبن.