ئەڤرۆ نیوز، بارزان مزووری:

د رێورەسمەکی دا ئەڤرۆ دەمژمێر ١١ سپێدێ رێکەفتی ٢٤ی شوباتێ ٢٠١٩ی ناڤەندا بالا یا شێخان یا ئێکەتیا لاوێن دیموکراتا کوردستانێ بو ئێکەم جار ل سەر ئاستێ قەزا شێخان دیبەتەکێ بناڤێ “دیدارا شێخان”لژێر چاڤدێریا “میسر عوبێد”سکرتێرێ لاوان ب مێڤانداریا “سردار یحیی قائیمقامێ قەزا شێخان،کریم سلێمان شێوەردارێ جڤاتا روحانیا ئێزدیان،ئارام ناجی بالەتەی پەرلەمانتار ل پەرلەمانێ عێراقێ ” دڤێ دیبەتێ دا ھەر کەسێ مێڤان ل سەر کارێ خو دیدارەک پێشکێش کر.

ئارام ناجی،پەرلەمانتار ل پەرلەمانێ عێراقێ دڤێ دیبەتێ دا پەیڤەک پێشکێش کر: پشتی چار سالێن ئابلوقەدانێ و ئەنجام دانا ریفراندومێ ئەو فشارێن نیڤدەولەتی خەلکەکی خو بەرھەڤ کربو کو پشتی ھەلبژارتنێن ١٢/٥/٢٠١٨ فاتحێ ل سەر جەنازێ پارتی دیموکراتی کوردستان بخوینن پارتی لاواز بیت بەلێ ئەو ھەموو کریارێن وان سەرنەگرتن رۆژ ب رۆژێ پارتی بھێزکەفتەڤە ژبەرکو بھێز بوونا پارتی بھێزبوونا چارەسەکرنا کێشەیا کوردی یە ل بەغدا و سەر ئاستێ ھەرێما کوردستانێ و نیڤدەولەتی خەلکێ کوردستانێ ژی نەھێلا پلانێن وان تێکدەرا ب سەربکەڤن وان بخو بو وان دیارکرن کو پارتی ب ھەبوو خەلکێ کوردستانێ ھێزەک مەزن ئینا مەیدانێ سەرەرایی ھەموو گڤاشتنێن سیاسی و ئابوری یێن سەر ب ھەرێما کوردستانێ ھەر دەولەتا بڤێت ژی دانوستاندنێ دگەل کوردا بکەن ئێکسەر دگەل پارتی دکەت ژبەرکو پارتی پارتەکا راستەقینەیە ،
سردار یحیی عبدالعزیز،قائیمقامێ قەزا شێخان دڤێ دیبەتێ دا پەیڤەک پێشکێش کر:شاینە تا رادەیەیەکا باش ب بەلگە د ماوێ سێ سالێن بوری دا زێدەتری ٥٨٠ کەسێن شەھرەزا یێن خودان بروانامە ییێن بێ بروانامەژی شیاینە د کەرتێ تایبەت دا بدەینە کاری کار بو پەیداکریە نھا ژی یێ کاری دکەن ل کومپانیێن پترولێ ل دەڤەرێ ئەڤە ژی ئێک ژوان خزمەتایە بو کەرتێ لاوان ل دەڤەرێ ،مە سیستەمەک یێ ھەی ب رێکا ئیدارا قەزایێ شیاینە خزمەتا پارتا خو بکەین ئەو ژمارا ھاتیە دامەزراندن ل کومپانیا ب تەسکیا پارتی ھاتیە دامەزراندن ب شێوەیەکێ دادپەروەری ژ ھەموو ئاینێن دەڤەرێ دژین ،مە شەش بلوکێن پترولێ یێن ھەین دەڤەرێ ئەو کەسێن کاری لێ دکەن خەلکێ قەزایێ نە ،
کەریم سلێمان،شێوەردارێ جڤاتا روحانیا ئێزدیان دڤێ دیبەتێ دا پەیڤەک پێشکێش کر:ئەو پێشوازی ل میر تەحسین بەگ ھاتیە کرن نامەک بو ژبو ھەموو دونیایێ کو کوردستان جھێ پێکڤە ژیانا ئاینانە ئەڤ ئاینە دگەل ئێک دژین رێزێ ل ئێک دگرن گومان تێدانینە پێتڤیە میرەک بھێت دانان و دانانا میرێ ئێزدیان ژی ب دەستێ مللەتێ یە ئەو تشتێ سەرمە پێتڤیە ناڤ بنەمالا میری دا ئەو کەسێن ماف ھەی بنە میر ئەو دێ خو بەربژێرکەن دێ مینیت کا سەروک عەشیرەتێن ئێزدیان و جڤاتا ئێزدیان رەئیا خو ھەبیت ھەموو مللەتێ ئێزدی دڤێت رەئیا خو ھەبیت بو دانان میرێ ئێزدیان دناڤ بنەمالا میرێ ئێزدیان ھندەک کەسا خو دیار کریە بنە میر ھندەک کار ماینە دھێن کرن لدوڤ دا مللەت دێ بریارێ ل سەر دەت .