ئەڤرۆ نیوز:
راھێنەرێ بەرنیاس یێ ئنگلیزی و یانا کریستال پالاس شیا نمرەکا مێژوی د خۆلا ئنگلتەرا یا پلا نایاب دا توماربکەت پشتی سەرپەرشتیا یانا خوە کریستال پالاس ل یاریا شەڤا بوری کری ب چار گولان بەرامبەر گولەکێ ل سەر یانا لیستەر سیتی و ب ڤێ چەندێ ھودسون بوو مەزنترین راھێنەر د مێژویا خۆلا پرێمێرلیگ دا سەرکەفتنێ توماربکەت د ژیێ ٧١ سالی و ١٩٨ رۆژ و پێشکەڤت ل سەر راھێنەر و چیڤانوکا ئنگلتەرا بوبی رویسون یێ ٧١ سالی و ١٩٢رۆژ.

ئەلسیر ئەلیکس ڤێرگسون راھێنەرێ بەرنیاس یێ یانا مانچێستەر یوناید یێ بەری نوکە ل رێزا سیێ دھێت د مێژویا خۆلا ئنگلتەرا دا ٧١ سالی و ١٣٩ رۆژ و پاش نیل وارنوک راھێنەرێ نوکە یێ یانا کاردیف سیتی ٧٠ سالی و ٨٣ رۆژ .

ھەژی گوتنێ یە ھودسون مێژویەکا مەزن د ژیانا راھێنەراتیێ دا ھەیە و ئێکەم کارێ وی وەکو راھێنەر  ل سالا ١٩٧٦ بوو ھەردیسان ژ گرنگترین کارێن وی ١٩٩٢ ھەتا ١٩٩٥ راھێنەرێ ھەلبژارتیێ سویسرا بوو ھەردیسان ١٩٩٥ ھەتا ١٩٩٧ راھێنەرێ ئەنتر میلان بوو دناڤبەرا ٢٠٠١ ھەتا ٢٠٠٤ راھێنەرێ ھەلبژارتیێ ئیمارات بوو  راھێنەریا یانا لیڤەرپول ژی دناڤبەرا ٢٠٠٩ ھەتا ٢٠١١ کریە و راھێنەرێ ھەلبژارتیێ ئنگلتەرا بوو سالا ٢٠١٢ ھەتا ٢٠١٦ و ژ سالا ٢٠١٧ وەرە راھێنەرێ کریستال پالاس یا ئنگلیزی یە

ئەڤرۆ نیوز:
ستێرا ئەژەنتینی و یانا بەرشەلۆنا لیونێل میسی پشتی ل یاریا شەڤا بوری شیا سەرکێشیا یانا خوە بکەت بوو سەرکەفتنەکا گرنگ ل سەر یانا سیڤیلیا ب چار گولان بەرامبەر دو گولان و دوێ یاریێ دا شیا ھاتریک توماربکەت دیارکر راستە ئەو شیا سەرکەفتنێ توماربکەن و بەردەوامی ب دەنە پاراستنا سەرێ لیستا خولێ لێ بوو برنا ناسناڤێ لالیگا ھێشتا رێیا ئەوان یا درێژە و پێدڤی یە ل سەر ئەوان ل یاریێن بھێت بوو سەرکەفتنێ بکەن داکو بشێن ناسناڤێ خولێ ب دەستخوڤە ببن.
زێدەتر ستێرا بەرشەلۆنا بوو رۆژناما مارکا دیارکر ل یاریا شەڤا بوری ئەوان یاریەکا ب زەحمەت دەربازکر و سەرکەفتن ل سەر یانەکا وەکو سیڤیلیا ل ناڤ ئەرد و جەماوەرێ وێ دبینت گەلەک یا گرنگە و ئەوان یاریەکا گەلەک ب ھێز دەربازکر .
سەبارەت یاریا بھێت بەرامبەر ریال مەدرید ناڤبری دیارکر ئەو دێ توشی زەحمەتەکا مەزن بن ھەتا بشێن خوە ژ رێیا ریال مەدرید دەربازبکەن ژبەرکو ئەو دێ یاریێ ل گەل یانا ریال مەدرید ل یاریگەھا سانتیاگو برنابیو کەن نابینت دێ یاریەکا ب سانەھی بیت لێ ئارمانجا بەرشەلۆنا دیار و ئاشکرایە ھەر قارەمانیەکا پشکداریێ تێدا بکەن ئارمانجا وێ برنا ناسناڤی یە لەورا ئەوی باوەریەکا مەزن ب یاریزانان و تیمێ ھەیە دێ شێن خوە ژ رێیا ریال دەربازکەن و سەرکەفتنێ تومارکەن.

ئەڤرۆ نیوز:
یانا بەرشەلۆنا یا ئیسپانی دخوازیت ل ھاڤینا بھێت ب ھێز بھێتە دناڤ بازارێ ڤەگوھاستنێن یاریزانان دا و کوژمێ ١١٠ ملیون یورۆ بوو دەستڤە ئینانا ستێرەکا خۆلا لالیگا بەرھەڤکرینە.
رۆژناما ئاس یا ئیسپانی ئاشکراکریە یانا بەرشەلۆنا دەست ب لڤینا کریە بوو دەستڤە ئینانا ستێرا ئیسپانی و یانا ئەتلەتیکو مەدرید ساول نیگوێزی بوو مێرکاتویا ھاڤینا بھێت .
ئەوێ رۆژنامێ دیارکریە ژی یانا بەرشەلۆنا ١١٠ ملیون یورۆ ئامادەکرینە بوو ڤەگوھاستنا ئەوی یاریزانی و ئەو کوژمێ یانا کەتەلونی دەست نیشانکری ھەر چەندە یێ دورە ژ وی کوژمێ ئەتلەتیکو مەدرید دخوازیت کو بەرپرسێن ئەتلەتیکو بەری نوکە دیارکربوون ھەر یانەکا حەزا ساول ھەبیت پێدڤی یە ١٥٠ ملیون یورۆیا پێشکێشی وێ یانێ بکەن بەرامبەر دەست بەردانا ئەوی لێ ل دیڤ گوتنا وێ رۆژنامێ بەرشەلۆنا بەرھەڤیا خوە دیارکریە بوو دانوستاندنان ل گەل بەرپرسێن وێ یانێ و چاڤەرێ دھێتەکرن ل چەند رۆژێن بھێت ب فەرمی ھەڤبەستێ پێشکێشی وێ یانا مەدریدی بکەن.

ئەڤرۆ نیوز:
رۆژنامەیێن نێزیکی یانا ریال مەدرید ئاشکراکرینە ستێرا ھێلا بەرەڤانیا ھەلبژارتیێ بەرازیل و یانا ریال مەدرید مارسَلوی بریار دایە ل دووماھیا ڤی وەرزی پێکھاتیێ یانا ریال مەدرید ب جە بھێلت.
رۆژناما ئاس یا ئیسپانی دیارکریە ل ماوێ حەفتیا بوری دا مارسَلوی دو جاران ل گەل بەرپرسێن یانا ریال مەدرید کومبوویە داکو دەرفەتێ بدەنە ئەوی پێکھاتیێ یانا مەلەکی ب جە بھێلت و بەر ب یانەکا دی ڤە بچیت.
ھەردیسان وێ رۆژنامێ ئاشکراکریە ژی مارسَلو دخوازیت ل وەرزێ بھێت یاری ل یانا یوڤانتوس یا ئیتالی بکەت تایبەت پشتی وێ یانێ چەند لڤینێن نەھینی ل گەل وی یاریزانی کرین ب رێیا ستێرا خوە یا پورتوگالی رونالدوی .
ھەژی گوتنێ یە بەری نوکە ژی راپورتێن رۆژنامەڤانی ل ئیتالیا ئاشکراکربوون رونالدوی چەندین جاران داخوازی ژ کارگێریا یانا یوڤانتوس کریە بوو وەرزێ بھێت ھەڤبەستێ ل گەل مارسَلوی ئیمزا بکەن .