ئەڤرۆ نیوز:
ستێرا ھێلا ناڤینا فرەنسی و یانێن پاریس سانجێرمان و مارسیلیا و ریال مەدرید لاسانا دیارا ب فەرمی بریار دا دووماھیی ب کاروانێ خوە یێ تەپا پێ بەردەت د ژیێ ٣٣ سالی دا .
لاسانا دیارا یاریزانێ بەری نوکە یێ ھەلبژارتیێ فرەنسا یاری ل چەندین یانێن بەرنیاس یێن جیھانێ کرینە ژ ئەوانا چێلسی ل سالا ٢٠٠٥ ھەتا ٢٠٠٧ و ئەرسینال ٢٠٠٧-٢٠٠٨ و ریال مەدرید ٢٠٠٩ ھەتا ٢٠١٢ و دو بەرنیاسترین یانێن روسی ئەوژی ئانجی و لوکوموتیف موسکو دناڤبەرا ٢٠١٢ ھەتا ٢٠١٤ و پاش ڤەگەریا وەلاتێ فرەنسا دناڤبەرا ٢٠١٥ ھەتا ٢٠١٩ یاری ل یانێن مارسیلیا و پاریس سانجێرمان کریە .
دەستکەڤتێن ڤی یاریزانی

خۆلا ئنگلتەرا
کاسا ئنگلتەرا
‏کاسا ئێکەتیا ئنگلتەرا
ناسناڤێ کاسا حەیری یا ئنگلتەرا
‏خۆلا ئیسپانیا
کاسا شاھێ ئیسپانیا
کاسا سوپەرا ئیسپانیا
خۆلا فرەنسا
‏کڕسا فرەنسا
کاسا ئێگرتیا فرەنسا
سوپەرا فرەنسا

ئەڤرۆ نیوز:
یانا مانچێستەر سیتی یا ئنگلیزی ب فەرمی ھەڤبەستا بەرەڤانەکێ خوە درێژکر ھەتا ٢٠٢٥.
مالپەرێ فەرمی یێ یانا مانچێستەر سیتی راگەھاند کارگێریا یانێ ھەڤبەستا بەرەڤانێ خوە یێ فرەنسی ئیمیریک لابورتی درێژکر ھەتا ٢٠٢٥ ئەوێ ل ھاڤینا ٢٠١٨ سالا بوری ھاتیە دناڤ رێزێن یانێ ژ یانا ئەتلەتیکو بلباو .
د داخویانیەکێ دا لابورتی بوو مالپەرێ وێ یانێ دیارکریە ئەو گەلەک یێ کەیفحوشالە ھەڤبەستا خوە ل گەل یانا مان سیتی درێژکر و پاشەرۆژا وی ل گەل ڤێ یانێ دبینت گەلەک دێ یا گەشبینت ژبەرکو نوکە یێ یاریێ ل گەل ئێک ژ باشترین یانێن جیھانێ کەت ھەردیسان ل بن سەرپەرشتیا ئێک ژ باشترین راھێنەر یێ یاری کەت.
ھەژی گوتنێ یە ئیمیریک لابورتی یێ ٢٤ سالی وەرزێ ئەڤ سالە دبیتە وەرزێ وی یێ ئێکێ ل گەل یانا مانچێستەر سیتی و ھەتا شیا ٣٦ یاریا ل گەل وێ یانێ کرینە کو ٢٧ ژ ئەوان دخۆلا ئنگلتەرا دابوون و ٧ د قارەمانیا چامپیونیز لیگا ئورۆپا بوو نوکە دھێتە ھژمارتن ئێک ژ بەرەڤانێن سەرەکی ل وێ یانێ .

ئەڤرۆ نیوز:
چاڤەرێ دھێتەکرن ئەڤرۆ ل دەمژمێر ٦:١٥ پشتی ئێڤاری یانا بەرشەلۆنا بیتە مێڤانا یانا سیڤیلیا ژ چارچوڤێ یاریێن گەرا ٢٥ ژ خۆلا ئیسپانیا.
راھێنەرێ یانا بەرشەلۆنا ڤالڤێردی بوو یاریا ئەڤرۆ دیارکر ئەو باش د زانن ئەو دێ یاری ھەمبەری یانەکا ب ھێز کەن دخۆلا ئیسپانیا دا ھەردیسان ئەڤێ یانێ نوکە ھەیبەتەکا باش ھەیە ل سەر ئاستێ خولێن ئورۆپی ژی لەورا ل سەر ئەوان پێدڤی یە ب گرنگیەکا مەزن ئەڤێ یاریێ وەربگرن و یانا سیڤیلیا ھێزا وێ پتر یا ل ناڤ یاریگەھا وێ دا و پێدڤی یە نەخشەکێ باش بدانین بوو وێ چەندێ ب ئەنجامەکێ باش و بەردەوامی ب دەنە ئەنجامێن خوە یێن باش ل وەرزێ ئەڤ سالە .
ناڤبری ئاماژە ب وێ چەندێ ژی کر د ماوێ ١٠ رۆژان دا ئەو دێ سێ یاریێن ب زەحمەت کەن و راستە دێ ماندیبوونەکا مەزن ل دەڤ ئەوان پەیدابیت لێ دێ ھەموو بزاڤا کەین بوو پاراستنا سەرێ لیستا خولێ و پاش یا ژ ئەوێ گرنگتر دەربازبوون بۆ یاریا دووماھیا کاسا ئیسپانیا ل سەر کیستێ ھەڤرکا خوە یانا ریال مەدرید.
ناڤبری ئاماژە ب وێ چەندێ ژی کر بوو ڤێ یاریێ یاریزانەکێ وێ نەشێت پشکداریێ ل گەل تیمێ بکەت ئەوژی ڤێرمالین و دبیت ئەو پشت بەستنێ ل سەر لیگینت بکەن ھەر چەندە ئەوی ژی ٤ کارتێن زەر ھەنە لێ ژبەرکو ئەوان کێماسی بوو ڤێ یاریێ ھەیە دێ پشت بەستنێ ل سەر ئەوی یاریزانی کەن و ھەردیسان ئومتێتی ژی یا بەرھەڤە و دبیت ب رێژەکا مەزن پشت بەستنێ ل سەر ئەوی ژی بکەین بوو ڤێ یاریێ و ئەو چوینە سیڤیلیا بوو سێ خالێن یاریێ.

ئەڤرۆ نیوز:
یاریزانێ پولەندی و یانا میلان یا ئیتالی پیاتیک پشتی ل ڤەگوھاستنێن زڤستانا ئەڤ سالە ژ یانا جەنەوا ھاتیە ڤەگوھاستن بوو یانا میلان ئەڤی یاریزانی شیا ئاستەکێ بلند پێشکێش بکەت و ل ماوێ پێنچ یاریێن خوە یێن دووماھیێ ل دیڤ ئێک شیا ٧ گولان توماربکەت کو ٥ ژ ئەوان دخۆلا ئیتالیا دا بوون و ٢ ژی د کاسا ئیتالیا دا بوون .
ب ڤێ پیاتیک شیا نمرا ھێرشبەرێ ئەلمانی ئولیڤر بیرھوف دووبارە بکەت یا بەری ٢١ سالان کو ل چار یاریێن دەستپێکێ دا وەکو یاریزانەکێ سەرەکی گولێ توماربکەت کو دووماھیی یاریزان ئەڤ چەندە تومارکربوو ھێرشبەرێ ئەلمانی بیرھوف بوو ل سالا ١٩٩٨ ل گەل یانا میلان.
ھەژی گوتنێ یە کریستوف پیاتیک نوکە ل رێزا دوێ دھێت د لیستەیا گولکەرێن خۆلا ئیتالیا دا ب تومارکرنا ١٨ گولان د ٢٤ یاریان دا و کێمتر گولەکێ ژ رونالدوی گولکەرێ خولێ و یاریزانێ یانا یوڤانتوس .